رواية يا #غاليتي
بسم الله الرحمن الرحيم للعلم بس الرواية #منقولة واذا عندكم اي ملاحظة تقدرو تخشو علي صفحتنا علي الفيسبوك وتقولوها لنا ولا على مراسلة الموقع ونبدو بالقرابة سمو بسم الله
مقّــدمــة 
🌹
روايــــة #غاليتي 
❤
(( في سنة 2000 ))
امينة مصبيه ع الدولاب وتفتح في الخبزه : يالمٌنجي .... منججججججي
المنجي يجري يسكر في الزي ابتاع المدرسه : نعم ياامي
امينه : رد بالك من خوتك والطريق ؛ شد هنيوه في يدك وخليها تقعد في بنك قدام ماتخليش اختك لاوره نظرها ضعيف
المنجي ياكل في خبزه : حاضر ياامي توا نقولها للأبلة
امينة مدتله سندوتش : هاك حط هذا في شنطة احمد
المنجي يتأفأف : ياامي احمد كبير يعرف يحط بروحه
امينه تضحك وقرصت خدوده : معلش سلم وليدي انت الكبير واول فرحتي انت الي نعبى عليه
المنجي يضحك ويحول في ايدين امه : ياأمي بطلي عاد
هنيوه جت مسكت في قفطان امها : ياماما شن شكلها المدرسه ؟؟
امينه باستها : توا تمشي وتشوفي بروحك واديري صاحبات وتقعدي بنيتي الشاطره
احمد لابسه الزي ابتاعه و راقد في الصاله
المنجي ضربه بكراعه : نوض هيا نمشو
طلعو العيال من الباب
وامهم مصبيه اتسقد فيهم : هنيوه امسكي يد خوك .. ربي يحفظكم ياعويلتي
رجب في الصاله : اميييينه وين الشاهي
امينه سكرت الباب وخشت : هياا اني جايا صباح الخير نهارك مبروك
انا طالب في ثانيه ثانوي اسمي الٌمنجي
اليوم اول يوم في المدرسة ماشيين انا وخوتي على كرعينا
بحكم ان ماعندناش سياره وباتي موضف على قد حاله وامي ربة بيت بحكم ان باتي واعر مايخليش فيها تشتغل ولا يخلي فيها تطلع واجد مالحوش ...
هنيوه : كرعيا تعبن معش نقدر نمشي
المنجي وقف وطبس ع الارض : اركبي على ظهري
هنيوه جت صبت وراه ومسكت في ظهره رفعها المنجي واحمد شال شنطتها و كملو مشي
....................
قاعده في السياره متحمسه للمدرسه شن شكلها
من فيها زعما بندير صاحبات ؟؟
يارب انحصل الدرج الاول يارب يارب
خاطري نقعد قدام انا قصيره اكيد مش هايخلوني لاوره
بس انا خايفه نقعد بروحي بلا بابا مرات انريح
مختار يسوق : حطتلك ماما كيكه في جيب الشنطه بيش تفطري بيها ..
غاليه زعلانه : نعرف قالتلي ماما
مختار وقف السياره : هيا انزلو
فتحو خوتها #خالد و #أنس الباب ونزلو يجرو ويعيطو مع اصحابهم في المدرسه الي جنب مدرسة غاليه وهي مدرسة اولاد فقط
غاليه قلبها يدق وفتحت الباب وجا باتها خداها وماسكها من يدها وخش بيها للمدرسه
اتبحت حواليها عرم عيال يلعبو ويجرو وبنات مصبيات يلعبن وبنات يجرن و بنت تبكي احدا الشجره
غاليه عيونها دمعن بس مسحت دموعها بعد قربت من الاستاذ
مختار سلم ع الاستاذ : السلام عليكم استاذ
الاستاذ : باش مهندس كيف حالك ان شاء الله بخير
مختار يضحك : الحمدلله في نعمه والله
وشايرله على غاليه : هذي الطالبه الجديده غاليه
الاستاذ طبس سلم عليها : ماشاءالله سنه كم انتي
غاليه مسكت في سروال باتها ودست وجها من الاستاذ
الاستاذ يضحك هذا فصلها كمل طول اخر الساحه ع اليسار
مختار : صحيت بارك الله فيك
__________
المنجي مصبي مع الابله في فصل هنيوه : ياابله هي عندها ضعف نظر خليها تقعد في الاول
الابله بحتت في هنيوه : باهي قعمزي قدام هيا توا اندورو وحده عندها ضعف نظر ولا قصيره انحطوها احداك
الباب يدق
الابله : تفضل
مختار فتح الباب : السلام عليكم
الابله : وعليكم السلام تفضل
مختار مدلها غاليه : هذي بنتي طالبه معاكم جديده
غاليه تبكي : نبي ماااامااااا 
😭
المٌنجي كشخ عليها : دلوعه 
😡
غاليه خافت منه وقعدت تبكي : 😭😭 نبي ماااماااا
الابله خدتها من يدها : خلاص استاذ خليها وعدي توا اتعود
مختار طلع وغاليه قعدت اتصرررخ وادف في الابله
و العيال كلهم سكتو وقعدو ايبحتو
هناء استغربت : منجي نبي ماما حتى انا
المنجي قرصلها خدها : انتي شجاعه زيي مش زيها بارده بحتي كيف تبكي وجها زي الصينيين 
😝
هنيوه تضحك بصوت واطي
الابله : هيا منجي على مدرستك بسرعه توا غاليه تقعد مع هناء في البنك
المنجي : اععع 
😪
هناء بحتت في غاليه وابتسمت
وغاليه تبكي بالدموع
وصوت هرجة العيال قالب الفصل
الابله خبطت بصوت عالي : امنعوووو الصووووت
غاليه خافت سكتت وماسكتها العبره
هناء بصوت واطي مدتلها يدها : انا اسمي هناء وانتي ؟
غاليه تمسح في دموعها : اسمي غاليه
هناء : معش تبكي المدرسه سمحه قالتلي ماما
غاليه : بس انا انخاف انريح
هناء : حوشكم بعيد ؟
غاليه هزت راسها : لا قريب من هنا
هناء فرحت : حتى انا نسكن قريب مالمدرسه ؛ خلاص مش هاتريحي توا انخليك معايا
غاليه ابتسمت : شوفي شنطتي عليها ميمي ماوس
الباب يدق
رجب يرتب في ملفات : يالمنجي
المنجي طالع يجري مالدار هياا جاي
فتح الباب ..
غاليه مبتسمه : وين هناء
المنجي 
😑 : ماتت
امينه طلعت من المطبخ : المنجي 😡
المنجي ضحك : سامطه ياامي شن بندير
امينه فنصت فيه ومشت شور الباب : خشي ياغاليه تعالي
هنيوه تكتب في واجبها في الدار عدي توا انجيبلكن كيكه ساخنه تاكلنها
غاليه بحتت في المنجي و كشخت عليه
المنجي : حي على امهااا وحي اتكشخ 
😳
وبحت في امه : هانصبي نرفسها را قوليلها معش اتحبت فيا هكي 
😒
امينه اتهزب فيه : اكتب واجبك مالك ومال البنت
المنجي : لا وقت ع المحل توا الراجل الي نخدم عنده يلزني
وفتح الباب وطلع
امينه بحتت فيه وسكتت وقالت بينها وبين روحها ولدي تحمل المسؤولية قبل وقته
خش رجب : في شن اتفكري
امينه : لا غير المنجي مشى للشغل الوليد مزال صغير عالخدمه والشقاء
رجب مسك الريموت : خليه بيش يلقى روحه ويطلع راجل انا لما في عمره كنت نمشي انوزع في بضاعه لعند المرج والبيضاء كني شن صارلي
امينه تنهدت : ان شاء الله ربي يحفظه ويفرحني بيه
____________________________
(( في سنة 2015 ❤ ))
ياباش مهندس وين عمال الحقل
المنجي يضحك : مش شووووري يابو صاحب مروح بنغازي نرجا باللحظه والدقيقه ليا سنين متغرب وجيت ليبيا من طرابلس للصحراء طول ماشفتش هلي بكل بس هانت
وسام يلم في شنطته : كله من اجل الزيزه يامان
المنجي يضحك : عقلك خضر يابرنس قولها لروحك كلا انا مش شوري بكل المواضيع هذين عارفني
علي طالع مالحمام ينشف في شعره : من يومك حاصل في روحك توا انشوفو نهايتك طيحتك سوده
المنجي يحك في شعره : الايام بينا ياعليوه توا انشوفو من طيحته سوده
صلاح فتح عليهم الباب : الطياره على وصول ياباش مهندسين
وسام مسك شنطته : اخر واحد خشمه طويل
علي يجري وراه : ارجااااا يالوس
المنجي يضحك عليهم ويسكر في الباب
ماشي بنغازي ونقلت شغلي غادي بعد ثلاث سنين عمل في الحقول .. زعما شن يراجي فيا غير هلي ؟
وحياتي الجديده كيف تبي تكون شكلها !؟
كيف نبي نبدا من الصفر وانا غادي
ولما كان المنجي غارق في تفكيره
صوت الطياره وغبارها وسط الصحراء عبّآ المكان
ــــــــــــــــــــــــــــــــــــــــــــــــــــــــــــــــــــــــــــــــــــــــ
موقع قصص وروايات برقاوية ليبية
#Salh
#مع_العلم 
‼️ قصة حقيقية
ـــــــــــــــــــــــــــــــــــــــــــــــــــــــــــــــ
ماشي بنغازي ونقلت شغلي غادي بعد ثلاث سنين عمل في الحقول .. زعما شن يراجي فيا غير هلي ؟
وحياتي الجديده كيف تبي تكون شكلها !؟
كيف نبي نبدا من الصفر وانا غادي
ولما كان المنجي غارق في تفكيره
صوت الطياره وغبارها وسط الصحراء عبّآ المكان
__________________________
رجب قاعد في الصالون ماسك تليفونه : وين طبيتو يااحمد
احمد يسوق وحاط السماعات : في سيدي خليفه ياحاج واهو معايا المنجي شويا ونوصلو فيكم
رجب : باهي توصلو طيبين ياباتي
امينه في المطبخ اتحرك في الرز : حطيتي ورق غار في المرقه ياامباركه
امباركه اتقطع في الخيار : حطيت ياامينه
امينه تضحك : ياناعلي ربي يكمل عليا فاتحة وليدي وغداء رجاله و المنجي مروحلي مبرك علي نهار ياعويشه
عائشه تضحك : ربي يكمل عليكم وعقباله انويجي تفرحي بيه
هناء اتستف في صناديق الميه عند الباب : عارفه ياخالتي عيشه احمد قاله باتي ماتمشيش عريس توا تصهدك الشمس قال لا والله مايجيب المنجي الا انا
امينه : سلم خيّه ان شاء الله مايفقدو بعضهم
________________________
المنجي راقد ع الكرسي لاوره وسمع صوت بيابات فتح عيونه لقى روحه في الشارع
شارعهم زمان !!
الشارع الي كبر فيه وعاش فيه و لعب فيه ذكريات طفولته كلهن وشبابه
وليد ولد سيده راكب قدامه : حمدلله ع السلامه ياطيري وصلنا
المنجي دوب فاتح عيونه : الله يسلمك ياطيري
احمد درس السياره ونزل وطلعو رجاله من باب الحوش و رجب مصبي عند الباب نزل المنجي يسلم عليهم وكلهم رحبو بيه
والصبايا مصبيات فم باب الحوش جوا يغنن
هذا اليوم الي نبيه فرحانه وانراجي فيه 
👏🏼👏🏼
دز عليه العقل يريده مهندس مسطرته فيده 👏🏼
بنت خالتهم ساره : يانجيه ونجه لأمه الي داير قفل على فمه 
😍👏🏼👏🏼
عائشه امها فنصت فيها : تحشمي يابنت را نفصع رقبتك 😡
ساره تضحك : تي باهي ياماما بحتي كيف شكله 😍
🙈
هناء تضحك : خلاص توا ناخدوك له
خش المنجي امينه طلعت تجري للجنان اضبطاته : ياناااعلي وليدي طيب فيااا طيب فياااا مبرك علي يوم
المنجي يبوس في راسها : ربي يطول في عمرك ياامي ويعطيك الصحه
امينه تبكي : معاش في حقول والله مانخليك اتباعد
المنجي يضحك : خلاص قاعدلك حتى انا ماعندي وين متحرك غير جيبولي طاسة ميه بس
طلعن عماته وخالاته وعيلته كلهن سلمن عليه
ساره خشت تجري للمطبخ : يابنات صبن شوفنه بسرعه 😭
البنات ملتمات يديرن في المصير : انتحشمو منه مش واخدين عليه
هناء خشت تجري تاخد في كباية اميه : صبن سلمن مبرد دمكن من امتى اتحشمن يعني
غاليه تضحك : انا فكيني منه من يومه ايتكحل بالسم ولا ايتكحل بيا
ساره طلعت تجري : لا صح خليكن المهم انا انشوفه وانسلم عليه وصبت ترقص فم المطبخ :
عيونك والحاجب والخد .. خذن عقلي سافر مارد 👏🏼
💃🏻
وطلعت تجري
المنجي سلم وطلع للحلاق وروح يغير عشان يمشي مع هله لغداء الرجاله في الصاله
بعدها نزل مالدروج مغير دبشه ولابس سروال كحلي وسوريه كاروهات ابيض في كحلي وكندره كحليه
طلع للرجاله لقاهم ماشيين شور باب المطبخ مالجنب : وين ياوليد
وليد داهش : انطلعو في الطناجر يانويجي تعال
رجب مسكه من يده : وين ماشي انت جاي من طريق خلي العويل يشيلو
المنجي : لا جو تمام ياحاج .. ولحق وليد
امينه : خلو الي اتحط الرز اتسخنه كويس كان عليا نمشي نا معاكم وانتهنى على غدايا وبحتت لقت المنجي جاي : ماشاءالله على غزالي الي بان علياا نعيماً ياحبيبي
المنجي يضحك ويمسك في لحيته : الله ينعم عليك هاتي ياامي معش ترفعي ثقيل
ورفع الطنجره : ارفع من عندك ياوليد
وقعدو يطلعو في الصناديق والصبايا يغنن
العقبه للمنجي ياعين يشيلك شور عرب زينين 👏🏼
سلم خوه وسلم سيده .. داروله كل الي يريده
هناء ترقص : يامبروك عليه شقيقي هذا وين زمطته ريقي 💃🏻👏🏼
عائشه : العقبه لعرسك يالعسل .. انقيمو فيه شهر كامل
هناء فرحانه ترقص : سلمك ياخالتي سلمك 😍👏🏼👏🏼💃🏻
جا احمد لابس عربي : يعطيكم الصحه والله
هناء طلعت تجري ماسكه تليفونها : تعال يامنجي صبي احدا احمد انصوركم ع الفيس
المنجي يضحك : لا فكينا مالتنزيل مانحبش
غالية مصبيه عند الروشن واتفرج عليهم من ورى الستاره
واتفكر ( شكله تغير بكل وكبر سبحان الله .. بس قعد سمح صدقت ساره اتعيط امبدري اتقول يهبل .. زعمك مزال يكرهني زي زمان )
ساره قرصتها : فيش اديري هنا
غاليه انقزت : فجعتتتتيني
ساره : عجبك المنجي
غاليه تضحك : لا عادي جدا انت مكبره الموضوع
ساره قلبت وجها : اسكتي انتي شن فهمك في الرجاله انا عندي خبره
__________________________________
11:00 م
جآ الليل و غاليه في دارها مع خواتها
صفاء راقده في سريرها فوق ومروه تحتها
صفاء : غالية قولي لماما توافق نلبسو عدسات 
😢
غالية تضحك : وانا كبركن عمري مافكرت نلبسهن وحتى توا مستحيل انديرها ولا نحبهن
مروه تضحك : لانك بارده وتقلد في صوت غاليه : مافش اجمل مالبساطه 
🙄
غالية فنصت فيها : تحسابيني كيفكن مازلتن في الثانوي ودايرات العار
صفاء تضحك وتلعب بشعرها : والله ياماما الجيل يختلف
مروه طلعت راسها مالسرير واتبحت فوق في صفاء : صفو بكرا توا انديرو كونتور من ورا ماما
صفاء : صاح هي هزيبه واتعدي 
😂👏🏼
غاليه تضحك : متخلفات اصلاً ارقدن باهي الصباح رباح توا ندويلها في الصبح
انفتح عليهن باب الدار بالقوه
انس : وين الماي فاي
صفاء : دق قبل ماتخش 😒
انس : را انجي انكفخك
غالية شايرتله ع الروشن : قاعد هنا
مروه : خليه لنااا
انس فنص فيها وطلع
غاليه تغطت ورقدت : ارقدن ورانا فرح بكرا
صفاء : تصبحن على خير 
😘
مروه تثاوب : وانتي بخير
_________________________
9:00 ص
وليد في جنان صاحبه مع المنجي : ريتها السياره والله لما كلمتني وانت غادي وقتلي جاي قتله ماتبيعهش ولد سيدي جاي توا ياخذها هو مزالت جديده
المنجي : لا هي نظيفه ماشاءالله
وبحت في الراجل : على بركة الله يابوصاحب ومدله الفلوس
الراجل : ربي يعوض عليك ان شاء الله ومبروك
المنجي الله يبارك فيك
وليد مدله فلاش : وهذا هديه مني كله علي العريبي ع الفرح شوف ولد سيدك قايمها بيك
المنجي يضحك : عارفك اصلي
وليد : هيا نمشو شور محل البدالي ناخدك بدله وانا انعاني فيك ازف تقول جايبك وناسيك
المنجي يضحك : بكره بعد بكره تلقاني على حالك يالاجرب
اصلا البدله مش عارف عليش غير امي الله يهديها
وليد يضحك : لنقاااانك تغلضت يبوك اتخششه 😂😂
المنجي يسوق ويضحك : لا توا انحل منهم بعدين
_____________________________
4:30 م
غالية وهناء في الكوافير
هناء ادير في شعرها وتحكي في التليفون : ياخالتي شوفيلنا حد ياخدنا من هنا للصاله طول نحنا وتينا خلاص
غالية ادير في الروج : هناء مكياجي تمام
هناء : لالا روجك باهت
غالية : مانحبش اندكن مايخيلش فيا
هناء فنصت فيها : تعالي انديرلك من ابتاعي يمشي معاك وانتي حتى قفطانك اسود زي معيشتك السوده
غاليه تضحك : انحس في روحي مايطلعنش عليا الالوان مش عارفه
هناء اديرلها في الروج دمي : خليك ديما هك لعند اتعنسي هذا الي جايبك لاوره
________________________
امينة في الصالة : سواكك حاار يامباركه ؟
مباركه حاطه السواك في فمها : ايراني يعجبك ويصبغ بسرعه غير ديري منه خلك من سواك عزيزه ماينفع بكل
ساره اتستف في البمبنيرات : خالتي كويس ولا انزيد ؟
امينه : خلي الصندوق تحت الطاوله وغطيه بالمفرش كان نقص زيدي الخير واجد
خشت هناء حامقه : خزززي التافه يقولي غطي وجك مكياجي ساح
امينه : كنك شن في
هناء : عماد ولد سيدي دارلي باب الحاره غطي وجك يشوفو فيك الناس و غاليه ساكته غطت وجها معايا قتله شن دخلك بالبنت قالي الي تركب اتغطي
ساره ضحكت : مبروك عليك عماد ياغاليه
غالية فنصت فيها : بطلي يابارده
سعاد طلعت من دار هل العريس : وريني كيف طلعتي ياغاليه
امينه : لا ماشاءالله على بنيتي ياسوعيده تقول قمر
غالية تحشمت : تسلمي ياعميمه امينه
هناء اتعيط : حي علي اممممي الايلاينر ساح اكيد رخيص الي داراته ليا الكوافيره الحقيره حسبي الله
ساره تضحك : تعالي كملي عليا ياغاليه مع رشا لعند نمشي انديره لها
صفاء ماسكه مروه في الحمام اديرلها في كونتور
مروه : خشمي صغر ؟
صفاء اتبحت فيها : لا مزال شويا اصبري انزيد اندكن
مروه : بسرعه عشان انديرلك بعدها ونطلعو
_____________
بدو يجو المعازيم والزحمه وبدت الفرقه 
🎤
ومر الوقت
7:00 م
بيب بيب بيب بيب 
🚘
🚖
🏍
احمد راكب لاوره : هيا ياراجل امتى نوصلو
وليد طالع مالفتحه ويصور في الزفه
المنجي يسوق : هذي القاعه ولا لا ؟
احمد : نزلني هنا عند البوابه توا نمشي كعابي
المنجي يضحك : اقنط روحك يالمرخي كنك طايح بوجك
احمد يضحك : هرمنااااا
ودرسو السياره قدام الباب وعلو الاغاني ونزلو وجو اصحابه يصورو معاه ويعيطو ويغنوله قدام الباب
المنجي مسك تليفونه ومشى يتصل ....
......؛
هناء اتصور في روحها على مراية الاستقبال
((( طبعاً اكيد كلكن مصورات عليها يابنات 
😉 ؛ لنقانها تمسح الكبد 😂 ))))
المهم انردو للروايه :-
غالية جت ماسكه قفطانها وماحوتك تمشي : كرعيا خلاص مالكعب
هناء تضحك : هذي القصيره ديما واكلتها
غالية قعمزت وسلحاته : معلااااه اقطع وخذتي له كله منك قتلك يومها عالي قتيلي لا
هناء تليفونها رن : حي حي المنجي يرن شكلهم جو
وفتحت الخط
المنجي : هناء قولي لأمك وصلنا
هناء : قاعدين برا ؟
طوط طوط طوط طوط
هناء : طح سعده سكر في وجي 😳 عليك ذوق فيه خويا هذ
ومشت تجري : خالتي عيشه جوووو جوووو 😍😍
عيشه صبت : صبي ياامينه وصلو
انفتح الباب بشويا
غاليه صبت تجري للحمام
المنجي تباوع بشويا ولقاهن جايات يجرن كلهن امه وخالاته وعماته وهناء اتصور في فيديو
خش احمد وكلهن يسلمن عليه
امينه اتكر في المنجي من يده : سلم وليدي خشش خوك الله يربحك عشان خاطري
المنجي يكشر في وجه : ياامي ننقانك فكيني
احمد بحت فيه : خلاص يارااا خلصني نبي انخش امك تجدا فيك
المنجي متخزرط وخش : هذينا رايات الصبايا اصلا
هناء مصبيه اتصور : صبو احدا امي انتم الاثنين و بحتو فياا
اهو جي الي مهبلني ... اهو جي ايغار عليا انغار عليه الي مهبلني 👏🏼👏🏼
والبنات يعيطن مع الفرقه 👏🏼👏🏼👏🏼
غالية ماشافتش من خش معاه تحساب احمد خش بروحه
طلعت مالحمام واتسقم في قفطانها
وفجأة ............ !!!
____________
وصلو للمسرح ... العروس صبت و احمد سلم عليها
العروس ابتسمت للمنجي
احمد في وذنها : هذا المنجي
اميره مدتله يدها : اهلا وسهلا
المنجي سلم عليها ويبحت في الارض : مبروك عليكم ان شاء الله
اميره : عقبالك
امينه بحتت في المنجي : صبي احدا خوك صور معاه
احمد صبا جنبه و صورو مع بعضهم
ساره تحكي للفرقه : غني على خوه ياحنونه اسمه المنجي
حنان العريبي 🎤 : سمح الطله نجّي المنجي سمح الطله ... ياسمح الطله نا خايف مالعين اسمله
ساره رفعت ايديها : ايااااااااااي 💃🏻💃🏻👏🏼👏🏼
حنان العريبي : احميده ياربي نجيه ... الله اكبر والحوت عليه 👏🏼👏🏼👏🏼
يانجيلي زول احميده ....... هو خايل والعين اتريده 👏🏼👏🏼👏🏼
المنجي منزل راسه وطالع بسرعه في المامر ومش فاطن من في قدامه
خبط في بنت فم القاعه طاحت من قوت الخبطه
غالية اتبحت ومصدومه تبي اتصبي معش عرفت
المنجي تلخبط : بسم الله اسف يااختي سامحيني
غالية عيونها دمعن و اتحاول اتصبي مش قادره كراعها انفصعت
المنجي متحشم يبي يصبيها يحكي معاها وبارم في الجيهة الاخرى : امسكي في الكرسي الي جنبك وصبي
غاليه اتغطي في قفطانها من فوق وماحوتك تدوي : توا انصبي خلاص اربح
المنجي طلع يجري مالباب ويسب ويلعن ..
وساره لحقاته بسرعه شافاته طالع مالباب
لقت غاليه طايحه : كننننك 
😱😱
غالية مدتلها يدها : صبيني كراعي إلتويت وطحت مالكعب
ساره ترفع فيها : ان شاء الله شافك المنجي هكي ؟؟
غالية ارتبكت : لالا انا شفته طلع وجيت مالحمام طحت توا هالوقت
.......؛
المنجي طلع متلخبط
وسام يضحك : كنك متخزرط زرنك جوا ؟ 😂
المنجي يمسح في عرقه : ياراجل وانا طالع خبطت في بنت كسرتها تهيالي ولا مش عارف
صلاح : ياريتك شلتها وجبتها لنا معاك
المنجي يضحك : عدي يا ......
قعدو يضحكو اصحابه وهو سارح زعمك البنت شن صار فيها ..؟ كله من امي عليك تزليط ازف توا اتخش تقولها للبنات واسمع يلي ماتسمع
_____________________________
ثاني يوم ..
11:30 ص
غالية مقعمزه ع الكرسي في الجنان
وهناء اتسيق في الدروج : صبي ساعديني بدال مانك ماده وجهك
غالية : كيف انساعدك بكراعي المربوطه ؟
هناء تضحك : وووووه فاااتتني الطيحه ياريتني شفتها 😂
غالية تضحك : بطلي ياكلبه
هناء : وراس لولي كيف طحتي احكيلي نبي نضحك 😂
غالية : انا طالعه مالحمام تعثرت في القفطان
المنجي طالع مالحمام صبا عالروشن قعد يبحت
مش هذي البنت الي امس ؟؟
ودقق زين في وجها ننقانها هي !
حي علماا شكلها وحده مالعيله عليك فضيحه
وانا نحسابها برانيه !! والبنت رابطه كراعها !
اصلا ماعندي ماندير .. 😒
هي ماده وجها ! كانهي ماسكه روحها راهو ماطاحتش ؛ وبعدين حتى حجمها طشه مش مساعدها 😒
بس من هي !!؟؟
فتح الروشن يسمع في هناء تضحك صوتها عالي
المنجي رقاله وطلعلها مالروشن : يسمعو فيك الناس ياحيوانه ياقليلة الادب
غالية صبت بسرعه خايفته يشوفها وزلقت في الميه طاحت عيطت وقعدت تبكي : حي علياااا كراااعي 😭
هناء سكتت بسرعه ومشتلها : طح سعدك شن صارلك
امينه والصبايا الي جوا طلعن : كنهااااا
هناء : طاحت اخرى
سعاد : طيح سعدك خلاص انتي تكسرتي تكسرتي ؛ وانتي ديما فاتحه فمك وماده وجهك
غالية تبكي 😭
امينه فنصت في سعاد : خلاص وانتي اترعشي فيها مش ناقصها البنت توا انشيلوها للمستشفى
سعاد : من بيشيلها ياحسره بوها المقعد ولا خوها الي ينعبى عليه
امينه فنصت فيها : خلاص قدام الصبايا استرينا توا يشيلها المنجي كيف خيها ومش براني عليها ..
سعاد فنصت فيها : صبي ياقهرة عمري غيري دبشك المبلول
غالية تبكي : مش قادره انصبي 😭
امينه : جيبي عباية ياهناء توا انلبسوها و يرفعها المنجي
غالية انفجعت : لالا توا انصبي
امينه : انتي قادره اتحركي اصلا عشان اتصبي
هناء ادق عالباب وخايفه : منجي منجي
المنجي فتح ويفنص فيها : عاجبك توا ياقرده البنت تكسرت بسببك
امينه اتنادي مالدروج : منجي انزل ارفع غاليه
المنجي سكت وقال في عقله
هي هذي غاليه جارتنا كبرت هكي !!
هناء نزلت تجري بالعبايه
المنجي : باهي الي برا خليهن يخشن عشان نقدر نطلع
امينه طلعت : خشن يابنات خلاص توا ينزل يشيلها
غاليه متحشمه بكل وخشت في بعضها
ساره مصبيه احداها : ياناااعليااا انعني انا ياغااليه ياريتني مكانك انعنها كسرتي 😭
امينه : سااااره خشي 😡
ساره : هيااا اني جايا ياخالتي 😢🙄
امينه اتلبس في غاليه وسعاد وهناء احداها
المنجي نزل : عمتي سعاد شنحالك
سعاد ابتسمت : الله يسلمك كيف حالك يانويجي
المنجي متزلط منها لان هو السبب : لاباس ان شاء الله ساهله ماهناك الا كل خير
سعاد : وين الخير الي يجي من وراها هالمريوحه ديما طايحه وديما مذهوبه شيرتها
امينه : خلاص ياسعاد را ناخدها منك والله ماعاد اتذوقيها هالبنت الي كلكم جايين عليها ومانكم عارفين قيمتها
غاليه متزلطه منه وتبكي وتبي اتحاول اتصبي مش قادره
المنجي قرب منها و .....
___________________________
نبي عدد كبير يقراها ارجوكم ❤
ـــــــــــــــــــــــــــــــــــــــــــــــــ
المنجي قرب منها وبحت فيها : لا ماتحركيش توا اتزيد كراعك
غالية نزلت راسها وزادت تبكي اخرى
سعاد : سامحني يامنجي انتعبوك ياوليدي
المنجي مشى يفتح باب السياره : عيب ياعمتي انتو هلي
سعاد : الله يجبر بخاطرك .. توا نمشي نلبس جلبابي
امينه فنصت فيها : والله مانك قاصتيها اترعشي البنت غادي 😡 توا تمشي معاها هناء
وبحتت في هناء : امشي البسي عبايتي عبايتك لبستها غاليه
هناء تضحك : غالية عبايتي هاتيجي عليها فيلو
المنجي قرب منها و متحشم وجه يصب عرق
غاليه وجها انحمرر و طبست راسها
قرب ورفعها : بسم الله
امينه : افطن يمي راك تعثر بيها في العتبه
غاليه منزله راسها وساكته
قرب بيها للسياره
وحطها في الكرسي الي احداه : مدي كراعك قدام ماتخليهش مثنيه
غالية تبكي : مش قادره
المنجي بحت لقاها حفيانه : هناء جيبيلها كندره من عندك
امينه ضحكت : لا كندرة هناء كبيره عليها هذي كرعيها صغار
بحت في كرعيها وضحك 
😬
غاليه مدت يدها و قعدت اتغطي فيهن بالعبايه 😒
______________
أميرة تلبس في وشاحها ع المرايه : كان خليتنا كم يوم اخرى في الفندق مش عارفه عليش من ثاني يوم ماشيين فوق هلك
احمد يكد في شعره في الحمام : انا مانتريحش الواحد مش كيف حوشه امس كان نلقى را مالصاله مشيت للحوش طول بس امي قالتلي انتو فوقنا ونحنا حوش عرس مايصير شي
اميره اتلم في الشنطه : هيا باهي وتيت انا
احمد طلع مالحمام يلمس في جيوبه : مانسيتي شي ؟ وين حطيت مفتاح السياره ؟
اميره : مش عارفه شوفه ع المدخل فم الباب
احمد يضحك : كان يريح مفتاحها سياره ايجار وين انجيب حقها بعدين انبيع اثاث الحوش الي درته لكي
اميره تضحك : واتخليني نرقد ع الوطا ؟
احمد يضحك : بدال ماتقوليلي فداك ياحبيبي
اميره : تي توا حسستني ان المفتاح راح جديات وقاعدين اندورو في السياره الي انسرقت
احمد نغزها في جنبها : ولا تعطيني ذهبك انبيعه ؟
اميره ضحكت ضحكه شريره : هاهاهاها كانشي اتبيع سيارتك كله الا ذهبي
احمد مسك المفتاح ورفع الشنطه : وانتي مايهون عليك القرش اطلعي قدامي هيا
________________________
غالية تبكي بصوت واطي
هناء مقعمزه لاوره في النص : خلاص وانتي دموعك مايكملن كملتي عمرك اتبكي على كل كبيره وصغيره
المنجي بحت فيها في المرايا : خلاص سيبيها في حالها
هناء ضحكت : والله جديات ديما تبكي انت مش عارفها المنجي : اصلا انتي حيوانه كان سكرتي فمك و وطيتي صوتك راهو مافصلتيش امي ع الصبح خليتيني نطلعلك مالروشن
هناء : مش مني هي من امس لابسه قفطان اطول منها تعثرت فيه في الصاله
المنجي بحت في غاليه وابتسم : كيف طحتي امس ؟ 
😏
غالية بحتت فيه وسكتت 😑
هناء : طالعه مالحمام تعثرت في القفطان وطاحت في الاستقبال
المنجي قعد يضحك 😂😂
غاليه اتبحت فيه وساكته وفي عقلها ( قعد يضحك !! اكيد يقول كنها ماقالتها ! توا يحسابني فرحت بالخبطه فيه ؛ اوووووف عليك موقف حقير حطيت روحي فيه )
المنجي سرح في الطريق ( وانا الي نحسابها فضحتني امس تاريتها زمطتها وسكتت .. بس ليش سكتت وغطت ع الموضوع وماحكتش حتى لهناء الي قريبه منها !! )
هناء : كنكم سكتو ؟
المنجي : شي غير انسوق .. سنه كم تقرن انتن ؟
هناء : مفروض تانيه جامعه بس وقفنا عشان الحرب
بحت في غاليه : وانتي ؟
غاليه : مش قالتلك هناء تانيه جامعه 😒
المنجي : نسأل على تخصصك مش سنه كم 
😤
غالية : زي هناء 😒
المنجي : وهناء شن تخصصها
غاليه : اسألها 😒
هناء تضحك : ووووواااااوووو وانتو من يومكم هكي زمان غالية اتجي المنجي يقعد يسب برا يقول الدلوعه البارده
غالية : اكيده حتى توا يسب قاعد
المنجي ضحك : بدال ماتشكريني ؟؟
غاليه سكتت
هناء : منجي ! عادي انقوللها انك زمان اتقولي وجها زي الصينيين ؟؟
المنجي تنهد : خلاص انتي قلتيها اصلا 
😐
غاليه تعصبت : درس ع اليمين ونزلني معلش ! 😤
هناء قربت منها تبي اتبوسها : تي بطلي ياكلبه انحبك انا
غاليه ادف فيها : حولي ماتبوسينش
هناء تضحك واتبوس فيها بالغصب : والله اتبطلي انبصروو معاكي 😂😘
المنجي : خلااااااص هناء ارجعي لاوره
هناء : حي تدوي غرباوي 😍 نعليا نتعب
المنجي ضحك : قعدت معاهم سنين في الحقول كني ماناخد كلامهم .... ومد يده وعلا الاغاني
_______________________
أحمد يحكي مع امه : وشن صارلها توا غاليه
امينه : ياناري يااحميده ع الزلقه الي زلقتها
سعاد تضحك : خيتك وعارفها ديما شيرتها مذهوبه
احمد : لا عارفها تذكري طيحتها مالسياره وانا شايلهن للجامعه فتحت الباب تبي تنزل طاحت 😂
اميره كشخت : باهي انا وين من هذا كله 😑
احمد بحت فيها وسكت
اميره تبي اترقع الموضوع : قصدي تحكو وانا مش فاهمه شي ! 
😊
سعاد تحشمت : سامحينا احبيبه غير خدانا الكلام بس
اميره : لا عادي 😊
سعاد : نحنا جيرانهم من زمان وبناتي متربيات عند امينه يعني كيف خواتهم واكثر
اميره : اهاااا .... وكشخت على احمد
امينه مسكت التليفون : خليني نطمن عليهم انظر شن صار ....
وبدت تتصل : اهو الخط يضرب .. : ألو
المنجي : نعم
امينه : وين انتو شن صار
المنجي يبحت في غاليه : جو تمام ياامي مش كسر الدكتور قال إلتواء بس
امينه : الله يبشرك بالخير ويطمن بالك الحمدلله هي ماهناك شي كان انكسرت را شن صار فيها
المنجي : شويا وانجي ماتبي شي انتي
امينه : سلامتك ياباتي
___
المنجي سكر وحط التليفون في جيبه
بحت في غاليه مدلها يده : صبي هياا
غاليه مسكت في الكرسي وصبت : تمام نعرف نمشي بروحي
المنجي كشخ عليها : بجوك العتب مش عليك اصلا ومشى وسيبهن
غاليه انصدمت وبحتت في هناء
هناء سكتت ومسكتها : عاطك قطعه في لسانك هذ
غاليه تعصبت : حقير هذ 😒 ماتزعلش مني هو خوك بس تافه ياريته ماجابني كله من امك كلماته
هناء قرصتها : خلاص سكري فمك را يبرم يقتلني نا وياك
غاليه : حولي سيبي يدي حتى انتي معش نبيك صاحبتي
هناء ضحكت علت صوتها : وووويووووو خوفتيني
المنجي برم فنص فيها : سكري فمك ياحيوانه الناس يبحتو فينا 😡
هناء تضحك : عاجبك توا يانص انصيص اهو تهزبت 😏😬
غالية سكتت وتنهدت
هناء : لولي تذكري الموعد الي درته مع مهند هنا 😢
غاليه ضحكت : توا عليش اتقلبي في المواجع على روحك
هناء : والله جديات حتى هي كنا جايبينك طايحه مالسلوم
غاليه ضحكت : عليك يوم يوم السلوم عمري ماننساه سعفني احمد وامي امينه
هناء زعلت : الله الله 
💔
غاليه بحتت فيها : مازلتي ياهنيوه ؟
هناء هزت راسها : لنقاني مازلت بحتي ليا سنه معش نندري عليه ومازلت ماقدرتش انحب غيره
غاليه ضحكت وتبي اتغيرلها جوها : الحمدلله قلبي ميت باهي الي عمري ماحبيت كان هذا را متعذبه زيك و دايره كتاب حياتي ياعين
هناء ضحكت وقعدت اتغني بصوت واطي : ماشفت زيوو كتاااب
غالية : الفرح فيه سطرين
هناء : والباقي كلو عذااااب 💃🏻💃🏻😂😂
وقعدن يضحكن 😂😂
____________________
10:30 م
امينه ادير في الشاهي في دار المقعد : حطلنا شي حاجه انتفرجو
رجب : خلي الاخبار ياوليه الواحد يعرف راسه من كرعيه ويشوف البلاد وين ماشيا
امينه : والله تعبنا الواحد اخبار في الحوش وصوت الدلف برا معش تريحنا
رجب مدلها طاسة الشاهي : حطي ككاويه
امينه خدتها منه : مرات احمد هذي موعرها يارجوبه
رجب : مالك ومالها انتي كل حد في حاله مالبدايه قتلك نا لا تجي شورها لا تقربيها
امينه عطاته الطاسه : مش نا ياحاج هي دايره راسها براس غاليه راقدة الريح
رجب استغرب : ايش دخل غاليه
المنجي خش عليهم : السلام عليكم
رجب : وعليكم السلام
امينه : نعطيك شاهي يمي ؟
المنجي : به ماتحطيش ككاويه في الطاسه توا ناخدها في يدي
رجب بحت في امينه : باهي ايش دخل غاليه ؟
امينه : خش احمد انشغل علي خيته قال كنها غاليه
وقعدت نحكيله نا فلي صار
رجب : باهي وين المشكله
امينه : قلبت وجها وكشخت على سعاد مسكينه رعشتها وقالتله هات مفتاح الشقه و صبت اتخبط
المنجي : وكنها ؟
امينه : هي من ايام الخطوبه مشاكل على غاليه
رجب كشخ : لا كله الا غاليه هذي بنتي الي ماضنيتها الله يربحها
امينه بحتت في المنجي : انت يمي مشيت وسيبت غاليه وهناء في الابتدائي البنت تربت هن و كبرت هن وربيناها وتكفلنا حتى بمصاريف قرايتها بوك قال كيفها كيف هناء
المنجي : مش عمي مختار مهندس وحالته متريحه .. خطرها ماشفتهش انا في الفرح لا هو لا عياله ؟
امينه تنهدت : اييييييه اسمله علي مختار
رجب : مختار طاح في ضنوه ياوليدي نزلو راسه للوطا وجلطوه وقاعد مطوح مقعد في الحوش
المنجي انصدم وقمعز : سألتك بالله ؟؟؟؟؟
رجب : والله زي مانقولك
المنجي حط يده على راسه : ياعليك دنياا شينا
رجب بحت فيه : عندك خالد هذا سكار نكار وابتاع حبوس ونصاب ومافي عله ماهي فيه
المنجي : باهي وينه توا هو ؟
رجب : باته متبري منه كملها مشاكل مع المنطقه وكل يوم واحد جاي يدق ويشكي منه
امينه : ويغيب يغيب شهر شهرين ويجي سكران يخش يضرب البنات يدقدقهن ويطلع
المنجي مصدوم يسمع وساكت
رجب : والثاني الصغير خاش على نفس الخط غير على مستوى راقي شويا يشرب في الدكنوني ومصاحب جماعة الشاليهات و سيارات و مايندري عليها وين تفتح
امينه اتهز في راسها : اسمله عليك ياسعاد
رجب : خلاص وهو مختار راتبه كويس كان بعدين مع التقليص و يدفع في قسط القرض الي خذاه عشان يسلك ديون ولده ماقعدله شي
المنجي تنكد : لا حول ولا قوة الا بالله وكيف قاعدين توا
امينه : سعاد مرات ادير في طلبيات موالح واتبيع و باتك يساعد في البنات يكسيهن ع العيد ويشريلها حاجات المدارس مره مره يذكرهن بكم تفتوفه هكي
المنجي : ان شاء الله في ميزان حسناتك ياحاج والله ماخساره فيهم جيران عمر
رجب : الحمدلله هذين بناتي بذات البنت غاليه مانتحملها هي وهناء وين نلقاهن مع بعضهن قلبي ينشرح
امينه تشرب في الشاهي : بينك وبين السو ياحويج
المنجي : توا بلكي شي يوم انخطم انسلم عليه عمي مختار
رجب حط الطاسه : واجب عديله
امينه : حتى انت من قبل فرح احمد معش خشيت عليه يارجب
رجب : توا كان سخر ربي وعطانا عمر بكرا نشرب معاه طاسة شاهي
غالية راقده في سريرها وتسمع في اغاني
( اليسا - جوايا ليك )
(( جوايا ليك احساس بيكبر كل يوووم ❤
العين تنام والقلب عمرو ماجالو نوووم ❤
من كتر شوقي ولهفتي شايل هموووم ❤
إرتحتلك ❤
احساس غريب بحسّو لما ببصلك ❤
وبحنلك لو حتى جنبي في حضن قلبي بحنلك ❤
سلمتلك اغلى ماعندي حتى قلبي فتحتلك ❤ )))
مبتسمه وتذكر في المنجي كيف رفعها وكيف عاملها كويس واهتم بيها وشالها وتذكر في موقف الخبطه كيف خبطت فيه وطاحت و لما تعاركو في السياره
مبتسمه واتفكر فيه وتذكر في كل شي صار بينها وبينه من لما روح ..
واتقول بينها وبين روحها
(( شن صارلك ياغاليه ؟
هذا المنجي !!؟ المنجي الي كنتي تكرهيه وماتحبيش بكل واتشوفيه تقول شفتي جن قدامك !!
وهو نفس الشعور اتجاهي يكرهني !
ومتأكده ان اليوم شالني عشان امه قالتله ومتحشم عشان خبطني ..
بس في المستشفى فنص فيا ورد يهزب زي زمان ..
معش لازم انفكر فيه الي قاعد يصير هذا غلط في غلط
لازم انطلع الافكار السوده من راسي ))
(( كن على يقين: أن هناك شيء ينتظرك بعد الصبر ليُبهرك ويُنسيك مرارة الألم ، ذاك وعد ربي "وبشر الصابرين " ❤ ))
___________________
هناء في دارها تبكي وفاتحه على صور مهند
الباب يدق
وصوت المنجي : هناااء
هناء مسحت دموعها بسرعه و حطت التليفون تحت المخده : خش
المنجي مكشخ : راضيه على روحك سألتك بالله ؟؟
هناء انفجعت ؛ كنك 😳
المنجي : حركاتك هذين راضيه عليهن ؟ تعلاي صوتك وضحكة المصريات
هناء طبست راسها : يامنجي كملت يومك وانت اتهزب فيا
المنجي قمعز ع السرير الي جنبها : شنو انهزب فيك مالكساد مثلاً الي يقل ادبه يستاهل مايجيه
هناء تغطت ودارت وجها ع الجيهة الاخرى وقعدت تبكي
المنجي انصدم : تبكي ؟؟؟
وكر من عليها المخده : اختي عندها احساس زي البنات وتعرف تبكي من امتى .... وضربها على يدها بوني
هناء تبكي : تي ااااه معش تقربني
المنجي يكر فيها من شعرها : صبي ياهاني اطلعلي برا راجل لراجل
هناء حمقت : معش اتقولي هاني 😡😭
المنجي يضرب فيها ابواني : هاني ونص
هناء تبكي : را انضبح لباتي
المنجي : اضحكي انسيبك
هناء : هاهاهاها 😊
المنجي ضحك : ياحيوانه بلا استفزاز اضحكي كويس
هناء : هاهاهاها كويس
المنجي ضحك بصوت عالي : تم توا نعرف كيف انضحكك
هناء قمعزت وقعدت تضحك : والله خلاص اهو نضحك
المنجي رقد ع السرير الي احداها : ايوه هك
هناء : حي عليييييك سرير غاليه تو تقتلك كان اتحقك
المنجي بحت في السرير : ماشاءالله درتولها حتى سرير
هناء : اها باتي شرا الدار سريرين عشان ديما بايته عندي ايام القرايا بذات
المنجي تردد قبل مايسأل : شن جوها هي البنت هذي ؟
هناء استغربت : شن جوها من اي ناحيه يعني ؟
المنجي : باتي حكالي ظروفهم والله صعبو عليا خوها خالد كان يعز عليا
هناء : انا باتي مايخليش فيا نعدي غادي بكل مره عديت روح سكران قعد يضرب في البنات كرست في الدولاب ورعشت
المنجي : لا الافضل انك معش تمشي وهما اكيد فاهمين الجو
هناء هزت راسها : حتى عمتي سعاد حكت لأمي قالتلها مش هانزعل كان ماجتش هناء بس خايفه يصيرلها حاجه وناخد حشمتها وغاليه خودوها حتى تعيش عندكم عادي
المنجي : ماقالت هكي الا وهي عارفتنا نحنا كيف
هناء : حتى عمي مختار مره عزم بيها على باتي قاله هي شبه عايشه عندكم خودوها
المنجي قمعز : كيف ؟؟؟؟
هناء ضحكت : قصده لأحمد
المنجي : اهاااا ! باهي
هناء : احمد كان يبي اميره وقتها ؛ باتي قاله والله كان عليا مانخليها تطلع برا غير اهم حاجه القبول بينهم واحمد داوي لأمه على بنيه
المنجي : وباهي ؟؟
هناء : هضا الباهي
المنجي : باهي مايجوهاش ناس هي مش مخطوبه
هناء قعمزت في سريرها : يجوها لكن لما يسألو على خوتها يطفشو واحد يشرب والاخر ابتاع بنات و وجيج اخر
المنجي صبا : ان شاء الله ربي يهديهم .. انطفيلك الضي ؟
هناء رقدت وتغطت : ياريت وخود الباب في طريقك
_____________
10:30 ص
احمد فتح روشن الدار
اميره حطت يدها على عيونها : تؤ تؤ تؤ معقوله هكي
احمد زقب ع السرير احداها : صباح الخير يالحب
اميره غمت روحها بالورغان : انت شن جابك هنا ؟؟
احمد : مش ساد امس مرقدتيني في الصاله ؟
اميره بحتت فيه : ترقد حتى في الحمام الحقيره الي اسمها غاليه هذي ياانا ياهي
احمد تأفأف : ياحبي انا اخر همي في الحياة غاليه والله ماني مدورها
اميره قمعزت اتلم في شعرها : لالا انا مانفهمش معش اتخليها اتخش للحوش الي انا فيه
احمد بحت فيها : تبي باتي يلزني انتي؟ تي مربيها
ورقد على ظهره : واااااو بطلت وانا نعاود في نفس الاسطوانه
اميره : اصلا انتو دايرين للذبان كراسي اتخششو في الشلتت لحوشكم
احمد اضايق : بدينا في الغلط
اميره تعصبت : لا كلام حق عيله سكاره نكاره شن تبو فيهم
احمد قمعز : انقولك البنت مربيينها نحنا يعني الي يمسها يمسنا اتقولي عليها شلتت معناها نحنا شلتت
اميره صبت وعزقت المخده ع الارض : لاهي دمكم لاهي لحمكم ....
ومشت الحمام وخبطت الباب بالقوه : شلتوته وحقيره 😡
احمد تنهد و برم رقد على بطنه
وسمع الباب يدق
صبا يجري فتح
امينه ماسكه سفره : صباح الخير يااحميده
احمد خداها منها : صباح النور يمي معقوله جايبتيها بروحك
امينه : وشن فيها كان ماتعبت لوليدي لمن نتعب
احمد حط السفره على طاولة الاكل في الصاله : تي مفروض نحنا الي نتعبولك ياست الكل
طلعت اميره مالحمام
لابسه روب ابيض قصير وشفاف : صباح الخير ياعميمه
امينه انصدمت : ص ص ص صباح النور ياعميمه 😳
اميره قربت مالسفره وحولت المفرش : يسهف بكل المنظر دقيقه انجيب تليفوني انصوره ع الفيس .. وخشت
امينه اتبحت فيها وهي تمشي 😳😳
احمد وجه طاااح وانحرج بكل : باهي خشي ياامي
امينه 😳 : لا ياوليدي تريحو مازلتو عرسان
اميره جت مالدار : خليك ياعميمه افطري معانا
امينه : لا صحه افطرو انتو 😳 .. ونزلت تجري
احمد سكر الباب ورى امه : معقوله يااميره طالعه قدام امي هكي ؟؟؟
اميره تاكل : وشن فيها انا عروس جديده وبعدين قاعده في حوشي
احمد : مهما كان مفروض ماتحرجينش قدام امي والله وجي انسلخ
اميره قلبت وجها: والله لما نطلع برا الباب هكي عندك حق تدوي لكن الي يجي في حوشي ويشوفني حتى بلا دبش عادي لان حوشي
احمد : بس هذي امي
اميره عزقت الشوكه : شفتني رديت عليها ولا هزبتها ؟؟ انت كنك ادور في عركه هذا كله عشان غاليه
احمد حط ايديه على راسه : شن دخل لبستك في غاليه
اميره صبت وسيبت الاكل : والله ماني واكله اقعد فيها بروحك
____
امينه نزلت تجري فتحت الدار على هناء : هناء هنااااء 
😫
هناء يادوب فتحت عيونها : نعم يمي 
😧
امينه : ياناااعلي نووووضي بسرعه
هناء انفجعت و بحتت فيها : كنك شن في
امينه قعمزت على طرف السرير : ركبت انشيل في فطور لعيت خوك يانااااعلي عليك منظر شفته
هناء تضحك : كنك خشيتي عليهم في وضع مش تمام 😍
امينه ضربتها : امشي ياكلبة الكلاب را نسحنك 😡
هناء تضحك : ماهو هااا ادوي هيااا 😂
امينه : ياحنه طلعت مالحمام
واتقلد في صوت اميره : صباح الخير ياعميمه .. ولابسه روب ابيض شفاف كله
هناء : باهي عروس شن فيها
امينه هزت راسها : لاوشفااف شفاف يعني وقصير بالحيل
هناء ضحكت : تي هذي عوبه فانص غير ولدك منعمي
امينه : والحنه ياحنه مشبره لعند فوق وقالت ايش انخش انجيب تليفوني هي تمشي وانا بقيت مستوهة
هناء تضحك : الله يقرفها 😂😂
امينه : يامينتي احمد وجه تما يصفر ويتخضر
هناء قمعزت : كانهو شاكمها را ماهضا حالها بس خلاص حطاته تحت الكرعين وقدرت عليه
امينه تنهدت وصبت : المهم هو متريح نا مادخلني
وبحتت في هناء : افتحي الروشن وهوي الدار وصبي اغسلي الحمامات
هناء تأفأفت : اسمله عليا بنقله 😫 ؛ حتى البنقله يقولو انا في اتنين يوم عطله بابا 
🌚😂😂
امينه تضحك : صبي وانتي ساكته
وطلعت لقت المنجي نازل مالدروج ولابس دبش طلوع
المنجي : نهارك مبروك
امينه : نهارك ابرك .. وين ماشي
المنجي : عندي كم ورقه في العمل ماشي انتم فيهن شور النقل
امينه : باهي خش انديرلك تفطر
المنجي هز راسه : سلامتك ياامي متعود مانفطرش
امينه : لااااا هضا غادي في الصحراء والغربه هنا انت عند امينه لازم تفطر
المنجي ضحك : و ولد امينه لازم يطلع توا وعنده موعد .. وفتح الباب
امينه : بااااهي باااه اهرب
المنجي ضحك وطلع ..: ماتبي شي من برا ؟
امينه : سلامتك يمي جيب معاك خبزه
المنجي : حاضر .... وجا يبي يسكر الباب
امينه : وشكاره لعيت عمك مختار
المنجي : حاضر ....
___________________
2:00
المنجي في دكان يشري في خبزه ومصبية احداه بنت وحاطه شكارة خبزة ع الكاصه احدا شكارة المنجي
الي يبيع يبحت فيها وحطلها ورقه فيها رقم تليفون والمنجي خذا الشكاره بالغلط وطلع ....
_____
سعاد اتحط في الغداء : عدي ياصفاء شيلي صونية الفاصولياء هذي لعمتك امينه وقوليلها عطيني فردتين خبزه غير انس ماروحش البارح
صفاء اتأفأف : ياماما زهرة القصر مانقدرش نصبي توا يفوتني قولي لمروه
مروه ضربتها بالمخده : يعني انتي اتفرجي وانا لا 😡
صفاء ضحكت : انا جبت صونيه امس من عمتي امينه اليوم دورك
مروه هزت راسها : لالا شوفي غاليه
سعاد : غاليه تلبسي عباتك و اتشيليها وتجيبي خبزه
غاليه بحتت في كراعها : بكراعي هذي ؟
سعاد : دبّي وحيده وحيده عيب ديما ادز وماصدقت درت غداء كويس بيش اندزلها
غاليه صبت عشان تلبس : باهي توا انشيلها
لبست عبايتها وجت : وين الصونيه ياماما
سعاد شايرتلها : فوق الغاز مقزره
غاليه خدتها وطلعت وسكرت الباب
وبرمت لقت قطوسه : حي على امك ياغاليه 😱😱😱
وقعدت ادق عالباب : ياهوووو دونكم ليا 😫
القطوسه قريب منها 
🐱 وتمعوي
غاليه اتخبطلها بكراعها ع الارض : امشي ياكلبه امشي 😡😭
_______
المنجي خش لشارعهم فات حوشهم ولف ع اليمين شور حوش جيرانهم
وشاف حاجه سوده كلها وقصيره واتخبط ع الباب ومصبيه احذاها قطوسه
قعد يبحت وقرب بالسياره
غاليه اتلز في القطوسه : الله يربحك عدددي ياحيوانه الفاصولياء صقعت
المنجي درس قدام الحوش وفتح الروشن : السلام عليكم
غالية وجها تلون مية لون قالت هذا شن جابه توا : وعليكم السلام
المنجي : كنك ادقي واتعيطي صوت التزواي ابتاعك واصل لنهاية الشارع 😒
غالية شايرتله ع القطوسه : هذي ماتبش تعدي
المنجي بحت في القطوسه : ع القطوسه !!
وقعد يضحك
غاليه قلبت وجها : ربي يشفي .. ومشت
المنجي فتح الباب و نزل صبا قدامها : ويييين ؟؟؟
غاليه اتبحت فيه فوق : مش شورك 😒
المنجي فنص فيها : أضني سألتك ومانبصرش معاك ؟!
غالية قلبت وجها : ماشيا لعمتي امينه نعطيها فاصولياء
المنجي مشى للسياره : اصبري به
مسك شكارة خبزه ومدها لها : امسكي هذي وهاتي الفاصولياء الي قريب تقعد لبن وانتي تعرجي بيها
غالية فنصت فيه : ماهو انت السبب في طيحتي عيطت لهناء من فوق
المنجي ضحك : قصدك لما خبطتك في القاعه 😏
غاليه تلخبطت : الي هو المهم انت السبب
المنجي ركب في السياره : باهي خشي وسكري الباب
غاليه كشخت عليه وخشت وجت تبي اتسكر الباب
المنجي : اسمعي
غاليه قلبها يدق : نعم
المنجي فتح الروشن : كثرت الطلوع والمشي في المنطقه فكينا منه لما تبي حاجه من امي ولا امك تبي تعطيها حاجه رني عليا ولما تبي اتجي لهناء رني عليا انصبيلك ع الشوكه 😒
غاليه حمقت : وانت شن ...
المنجي قاطعها وفنص فيها : خشي وسكري الباب 😡 وحرق عجل السياره
غاليه خشت اتهزب : اتفووو الحقييير والله انوريه 😤 انا يحرق في وجهي العجل من يحساب روحه ويحكم فيا اخرى هضا الي ناقص عليا
وخشت اتسب
سعاد : كنك ؟ ... وبحتت فيه الشكاره في يدها : واااجده الخبزه قتلك جيبي فردتين
غاليه مدتلها الشكاره ومتضايقه : مش من امي امينه هذي من ولدها البليد
سعاد استغربت : من احمد ؟؟؟
غاليه قلبت وجها : هضا الي اسمه المنجي
سعاد : سلمه جياب بدال ماتشكريه خاشه اتسبي صدق الي قال مايثمر فيك الخير ؛ حطي الخبزه في السفره
غاليه تعصبت : يحكم فيا يقولي معش تطلعي ولما تبي اتجي رني عليا انصبيلك
سعاد فنصت فيها : احمدي ربك يخاف عليك دايرك كيف اخته وشن فيها مش خوتك الي يجو في السنه مره ويدقو فيك طرايح
غاليه : لا مادخلش بيا انا هكي ومش عاجبه يخبط راسه في الساس .....
ولقت ورقه في شكارة الخبزه 😳
انصدمت ودستها قبل ماا امها اتشوفها
وطلعت تجري لدارها : داير روحه واعر و شخصيه وطايح فيا 😍
حاطلي الرقم في الخبره وعلى اساس جو خويا وخايف عليا عليك طروح !! 😏
تي والله انرن نمسح بيه الارض ونمسح كبدي 
😌
💪🏼
وطلعت تليفونها و ...............
ـــــــــــــــــــــــــــــــــــــــــــــــــــ
الله غالب انا نحاول كيف نلصقهن في بعضهن لكن التشويق ضروري منه
ـــــــــــــــــــــــــــــــــــــــــــــــــــ
غاليه : لا مادخلش بيا انا هكي ومش عاجبه يخبط راسه في الساس .....
ولقت ورقه في شكارة الخبزه 😳
انصدمت ودستها قبل ماا امها اتشوفها
وطلعت تجري لدارها : داير روحه واعر و شخصيه وطايح فيا حاطلي الرقم في الخبره وعلى اساس جو خويا وخايف عليا عليك طروح !! 😏
تي والله انرن نمسح بيه الارض ونمسح كبدي
وطلعت تليفونها و تطلب في الرقم
الخط يضرب ..... و رد
غاليه متعصبه : ألووو
الراجل : ايوه
غالية : انت شن تحساب روحك اتحطلي الرقم في شكارة الخبزه ؟؟ 😡
الراجل ضحك : انتي عجبتيني من اول ماخشيتي و انتي الي كنتي تضحكيلي وتوقعتك اترني ورنيتي
غاليه استغربت : شنوووو شن تحكي انت 
😨
الراجل ضحك : حطيتلك حتى ورقه في شكارة التن والهريسه مش مصدق انك رنيتي 😍
غاليه قلبها يدق و انصدمت
سكرت الخط بسرعه ونزلت التليفون : حي على امي شن درت طلع مش هو ! شن اندير توا 😫
وتليفونها رن لقاته نفس الرقم : حي على امك ياغاليه
انحطه في الحظر احسن حاجه
سعاد : غاااااليه
غالية حطت التليفون ع الطاوله فم الدار : هيااا جايا
وطلعت تجري
___________________
المنجي يتغدى مع هله : شن جو عمتي سعاد نظيفه في الوكال ؟
امينه اتغمس في الفاصولياء : والله نظيفه كان هضا ماناكلو منها
هناء تاكل : ديما وكالها فايح
المنجي ضحك : نفسياً مانتريحش ناكل من حد غير امي
هناء تاكل : ماهو تاكل في وكال المطاعم
المنجي بحت فيها : ازمطي لي في فمك بعدها ادوي مش لازم اتورينا شن فيه جوا 😒
رجب ياكل : خليها عنك ياراجل مالك ومالها
هناء ضحكت : شفته ياباتي شن يدير امس خش ضربني في الليل
المنجي : الحق علياا الي نبي انضحكك
الباب دق 
✊🏼 ✊🏼
امينه استغربت : من الي جاينا ع القوايل وجت تبي اتصبي
المنجي صبا : قعمزي توا نفتح
ومشى يفتح في الباب وهو ياكل ..
لقاه وسام : اووووو الْوِس
( الوس هذا دلع اسم وسام عند الشباب )
وسام : ان شاء الله غير ماتغدو يامنجا ؟
المنجي ضحك : طالعلك باللحم والدهان
وسام : عليك تزليطه ياراجل مع هلك
المنجي : تي فكنااا من طروح الصبايا من امتى انت اتحشم
وسام : لا والله غير امخطم قلت خليني انشوفك بلكي انترافقو
المنجي مافهمش : باهي خش خش تغدا معايا وتوا نفهم منك جوا
وسام : لا ياراجل هلك ايتغدو عيب
المنجي خش وسيبه : خش وسكر الباب وراك فكني من حركات الدرايق
وسام ضحك وخش
المنجي فتح الصالون : خش تعال
وسام يسلح في كاويشه : السلام عليكم
المنجي : تي ماحد يسمع فيك ياراجل خش .. متغدي ؟
وسام : اها متغدي
المنجي ضحك : علي اليمين كذاب 😂
وطلع لدار المقعد : امي في غداء زايد ولا كمل
امينه صبت مالسفره : في ياوليدي الخير واجد
المنجي : باهي انتعبك ياحويجه اتحطيلنا مقعد هذا وسام جاني
امينه : مزال ساخن كولوه خير مايطوح توا نغرفلك
هناء : عليك قلة ذوق جاي ع القايله
المنجي تعصب
ويحكي وهو مسكر سنونه : وطي صوتك ياحيوانه
هناء كشخت عليه : تي باهي وانت عندك عقده مع الصوت
رجب فنص فيها : معش اتردي على خوك يابت 😡
هناء صبت وخذت سلة الخبزه : باهي ياباتي
المنجي رفع السفره وشالها للمطبخ ومشى لِـ وسام
خش للصالون : منور يالوس
وسام : بوجودك يامانجا
المنجي قمعز : باهي شنو موضوع انترافقو هذا
وسام : حصلت فيلتين في طلميثه لاصقات في بعضهن ع البحر دغري ومانلقى خير منك ومن هلك رفقه معانا
المنجي حك شعره : والله ماني عارف
امينه قدام الباب ماسكه السفره : المنجي
المنجي صبا خدا منها السفره : خشي ياامي
امينه خشت : السلام عليكم
وسام صبا : عمتي شنو حالك
امينه : الحمدلله بخير كيف حال امك
وسام ضحك : طيبه اتسلم عليك جتكم في الفرح هي
امينه : عارفه جتني عرفت بروحها سلمها جيايا
المنجي : وسام قالي محصل فيلتين في طلميثه وماشي هو وهله ويبينا نمشو معاهم
امينه ابتسمت : والله مافي مشكله
وسام ضحك : الحق مالقيت حد خير مالمنجي انوده بيها
امينه : سلمك ان شاء الله مايفقدك
بحتت في المنجي : انت شن رايك
رجب خش : السلام عليكم
وسام صبا سلم عليه : عمي كيف حال صحتك شن داير
رجب : بخير الحمدلله شن حال هلك
وسام : الحمدلله بخير والله
المنجي : والله الراي الاول والاخير لباتي
امينه : تمشي طلميثه ياحاج ؟ وسام هدا فيلا ايجار على المنجي
رجب ضحك : نمشو للبحر ليش لا الواحد يغير جو ويشم هواء نظيف
المنجي ضحك : خلاص وانت طيب نمشو معناها
__________________________
5:00 م
غالية تقرا في الرسائل الي يدز فيهن لها الراجل ابتاع الرقم
( ردي ياسمحه )
( مادام تبي تحظريني من قالك رني عليا )
( تستشرفي عليا توا؟ وانتي رنيتي اول ماعطيتك الرقم ردي خلينا انتفاهموا )
حي علي امي عليك عمله درتها
كيف انطفشه 
😔
عمري مادرتها ورنيت على راجل
ولما انديرها وانرن انطيح في هضا !!
الباب يدق ✊🏼
مختار في الدار : ياصفااااء الباب .... يامروه .....
غاليه طلعت تجري مالمطبخ
وتلبس في طرحة الصلاة : هياا جايا
صبت عند الباب : من
المنجي مصبي قدام الباب : عمي مختار قاعد
غاليه بينها وبين روحها قالت الصوت هذا نعرفه : باهي من انقوله ؟
المنجي : قوليله المٌنجي
غالية في عقلها ياناعليا باهي الي ضميت الحوش ..
وفتحت الباب : خش تفضل
المنجي خش : السلام عليكم
غاليه : وعليكم السلام ... وسكرت الباب
المنجي يسلح في كندرته : وين المربوعه
غاليه ابتسمت : خشله جوا في الدار
المنجي : باهي عطيه علم اني جيت
غاليه : باهي شويا بس ..
وتمشي ورافعه طرحة الصلاة تقول فيلو
المنجي يبحت فيها و زراته الضحكه 😬
غاليه فتحت الدار : باتي هذا المنجي
مختار مقعمز في السرير ومتغطي فرح : خليه يتفضل فيش ترجي ياغاليه
غاليه : هو قالي قوليله قبل ..
وطلعت للباب : خش تفضل
المنجي كح بصوت عالي
وخش للدار : السلام عليكم
مختار فرح : مرحبتين باش مهندس ماشاءالله
المنجي سلم عليه وحب على راسه : كيف حال صحتك عمي مختار شن داير
مختار ابتسم : الله يرضى عليك ؛ الحمدلله بخير .. شن اخبار الحقول
المنجي ضحك : سيباهن خلاص حصلنا واسطه ونقلت في شركة الخليج
مختار : عطاك الله خير مالبعد ..
وقعدو يهدرزو ..
____
غاليه ادير في قهوه
سمعت الباب يدق بالقوه : ياساتر
وطلعت تجري وصبت عند الباب : من ؟
خالد سكران : افتححححي
غاليه 😱 : شن جابه توا عليك فضايح .. وفتحت
دف الباب ودفها ع الساس : سااااعه عشان تفتحيييي الباب
__
مختار سمع صوت ولده قالب الحوش : شكله جا شن جابه هذا ولد الكلب
المنجي : لا حول ولا قوة الا بالله .. وسع بالك بالك عمي مختار
__
غالية خشت للمطبخ اتصب في القهوه
لحقها وفتح التلاجه : شن في غداااء
غاليه : درنا فاصولياء وكملت
خالد كشخ : وجوه فقررر ..
ولقى تليفون غاليه ع الدولاب : افتحيه ليا ناخد رصيد
غاليه قلبها يدق اذكرت المسجات
خبطها على كتفها : افتحيه قتلك
غاليه : ماعندش رصيد .... وطلعت شايله السفره
خالد يعيط وكرها بالقوه : تعاااالي
طاحت منها السفره وعيطت : باتك عنده ضيف سيبني
طيحها وخبطها ع الارض : اففففتحيه توا التليفون
غاليه تبكي : قتلك ماعندش
خالد خنقها ويفنص فيها : افتحيه ولا تموتي توا
غاليه تبكي و وفتحاته
صفاء ومروه خافن قعدن يبكن
وسكرن على روحهن الباب بالمفتاح
صفاء ترعش : امسحي كان عندك حاجه
مروه اتخبط في وجها : حي على امك ياغاليه انظر شن لقى عندها
خالد خذا الرصيد و قعد يفتش
خش ع السجل وع الرسائل شاف رسائل الراجل مسكها من شعرها وقطع طرحة الصلاة وقعد يضرب فيها : ياساااقطه ياصايعه تبي اتجيبيلنا العااار
غاليه اتعيط : والله مانعرفه والله مانحكي معاه
مختار يعيط : ياخااااالد سيب اختك .. وقعد يكح
المنجي يسمع في عياطها وقلبه يتقطع
صبا يجري وطلع مالدار
خالد يخبطلها في راسها ع الدولاب : ياحقيره يا ...... جبتيلنا العار
غاليه تبكي واتعيط : ووووه عليااا سييييبني والله مانعرفه
المنجي خش يجري ومسكه من ماليته : كنك انت فيش اتحس
خالد انصدم وبرم بحت فيه : من انت يا ......
المنجي يكر فيه : اطلعلي برااا اطلع
غاليه طاحت ع الارض وتبكي
خالد تعصب ويفك فيه : يا....... ويعيط بصوت عالي
: ويييين يامختاااار تجيب في رجاله لبناتك في الحوش
المنجي معش تحمل وخش فيه بدماغ : يامسخ يا......
وقعدو يضاربو وغاليه اتعيط
المنجي فتح الباب ويكر فيه برااا : اطلع معايا يا.....
خالد يضرب فيه : والله انوريك منتهك حرمة الحوش وخاش على خواتي يا........ والله نحبسك
جو جيران الشارع ويفكو فيهم من بعضهم
ركبو خالد في سيارته : ولع واربح وانت ماجايب لهلك غير الهم
المنجي ايتحزز عليه وماسكينه الجيران
خالد ماشي يحرق في العجل ويتحلف في المنجي : والله نعرف كيف انجيبك يا.......
صفاء ومروه طلعن يجرن لباتهن قعدن يهدن فيه
مختار يكح : وين اختكن
مروه : في المطبخ عديلها ياصفاء
صفاء طلعت نجري
و غاليه طايحه في المطبخ وتبكي
المنجي خش وسيب الباب مفتوح
مشى للمطبخ لقاها تبكي ع الارض
ويحكي وهو داهش : انتي كويسه ؟
غاليه ماتبش اترد وتبكي
المنجي : شن الي لقاه في تليفونك ؟؟؟؟
غالية رفعت راسها بحتت فيه وردت تبكي
المنجي تعصب
ولقى تليفونها طايح وشاشته مشقوقه : أفتحيه
غاليه تبكي : مش من حقك اتفتش تليفوني
المنجي : افتحييييه 😤
غاليه تبكي وفتحاته له
المنجي داهش ويقرا في الرسائل
حط التليفون ع الدولاب
و مسكها من يدها من فوق : صبي
غاليه متزلطه بكل : حول خليني
المنجي يرفع فيها : صبي هيا
غاليه صبت ويادوب قادره نمشي
خشت صفاء للمطبخ لقاته يرفع فيها
المنجي بحت فيها : جيبيلي كرسي كذا
صفاء مشت تجري جابت كرسي وحطاته له احدا غاليه
المنجي بحت في غاليه : قعمزي
غاليه قعمزت ومنزله راسها منحرجه منه بكل وتبكي
المنجي بحت في صفاء : ارفعيلها شعرها وامسحيلها فمها
ينزف
صفاء هزت راسها بمعنى به
المنجي : كان في حاجه تبوها مالصيدليه قوليلي
ومشى خش لمختار في الدار
مختار : حسبي الله ونعم الوكيل حسبي الله ونعم الوكيل
المنجي قمعز ع الكرسي : صار خير ان شاء الله
مختار بحت فيه : شن صارلك ياباش مهندس
المنجي ابتسم : لا جو تمام ..
وبحت في مروه : انتعبك جيبيلي طاسة اميه
مروه طلعت : هيا لحظه بس
المنجي مسك التليفون ويتصل بأمه
امينه ادير في كيكه : الو
المنجي : امي تعالي لحوش عمي مختار
امينه انشغلت : شن في ؟؟
المنجي يمسح في عرقه : لا غاليه تعبانه شويا وعمتي سعاد مش قاعده تعالي
امينه : هياا نلبس جلبابي وانجي
وطلعت تجري : يارجب نوض معايا نمشو لعيت مختار
رجب يقرا في قرآن : شن في
امينه تلبس في محرمتها : غاليه تعبانه والمنجي صوته مش مريحني نوض نمشولهم
رجب حط المصحف ع الطاوله وصبا : ان شاء الله خير
________________
سعاد روحت مالعزاء لقت باب الحوش مردود
خشت مستغربه لقت مروه اتنشف في الارض واتلم في القزاز : شن في ؟
مروه اتنشف : خالد جا ضرب غاليه وتعارك مع منجي
سعاد شهقت : المرزي شن دار للراجل ؟
مروه : المنجي قاعد جوا مع بابا وغاليه في المطبخ تبكي
سعاد خشت تجري للدار : السلام عليكم شن في
مختار : شفتي ولدك شن دار فينا وعيونه دمعن
المنجي حط يده على كتفه : ماهناك الا الخير عمي مختار وسع بالك
سعاد اتبحت في المنجي : امسحها في وجي يامنجي يانااااعلي سوريتك تقطعت
المنجي ابتسم : انا مافيا شي غير شوفي غاليه شن صار فيها
رجب يدق ع الباب
امينه : قلبي مش مطمن
مروه فتحت الباب : اهلين عمو رجب
رجب خش : مرحبتين وين بوك يابنت
مروه : جوا في دار المقعد في سريره تفضلو
امينه : وين امك
مروه اتسكر في الباب : جوا معاهم في الدار
وخشو لدار المقعد
امينه شافت المنجي سوريته مقطعه شهقت : حي عليااا كنك شن في
المنجي فنص فيها : مافي شي كنك
مختار يحكي لرجب : ياراجل خالد جا رد دار نفس الجو لولا المنجي راهو قتل البنت وجاب عمرها
امينه اتحبت في المنجي وتمسك في وجه : شن دارلك ياناعلي
المنجي يدف في ايديها : شوفي غاليه بس
امينه : وين غاليه
المنجي : في المطبخ خليتها
___________________
أحمد قاعد ع التلفزيون : وعليش لا خلينا نمشو معاهم
اميره متكيه ع الكنبه : عشان تقعد اتهزب فيا قدامهن شريني راني واعر وحاكم فيها
احمد ضحك : يعني كارهتيها المشيه للبحر والعومه ع الفجر
اميره ضحكت بصوت عالي : حتى العوامه في البانيو يشكرو فيها
احمد ضحك : بااااهي به
اميره : ومنها يفضالنا الحوش شويا وننزل براحتي لوطه بلا مانلبس و اتغمني بالكم و الجاكات
احمد : انا حتى المحرمه مانخليش فيك تلبسيها ع المنجي
اميره : لكن نص كم لا واستيرتش لا وكل حاجه لا
احمد : باهي نطلعوا انلفو شويا
اميره قمعزت : بشرط انتعشو برا
احمد : صبي البسي باه انخش اندير حمام ونطلعو
________________
7:00 م
امينه : خلاص الرجاله قالو كلمتهم تمشو معانا يعني تمشو معانا
سعاد متضايقه : مصاريف و الله مانا في قبالهن توا
المنجي بحت فيها : عيب عمتي سعاد مش تقوليلي انت ولدي ! طلع كله كلام توا ؟
سعاد : لاااا والله وليدي ونص غير مانبو انكيدو عليك
المنجي : كان ع الايجار جتني هديه وكان ع الاكل الشرب الي بينا بيكم والجود في الموجود
مختار : والله كان خليتنا يارجب خير
رجب : ياراجل كم لك ماطلعت مالحوش شهور وانت راقد في هالسرير خلينا نمشو ع البحر انردو ايام زمان
مختار ضحك : خلاص نمشو
سعاد : باهي معناها شن انديرو ياامينه شن ناخدو معانا
امينه : الدنيا مزال ضي برا نمشو اندبو وحيده وحيده انجيبو الي ناقصنا
سعاد : هياا انشوف البنات شن صار فيهن ونعدو
المنجي صبا طلع : تبو شي ؟
مختار : سلامتك بدري يالمنجي
المنجي : من عمرك عمي مختار والله عندي شغل
امينه صبت اتوصل فيه
المنجي ماسك سوريته بيده وقرب من امه : اللحم توا انجيبه انا الصبح غير قوليلي عشان نتفق مع الجزار من توا
امينه : كم كيلو اتجيب
المنجي : سقيطه كويس ؟
امينه : لااااا وااااجد 😱
المنجي : غادي لا رز لا مكرونه نبو شوايات سقيطه و 10 دجاجات كويس ؟
امينه : اتحط الي عندك كله معناته 😒
المنجي تعصب : قوليلي كويس ؟؟ 😤
امينه : بزياده اخرى
المنجي: خلاص جيبن جو البهارات والخضره والحبارك هذينا و اللحم والمشروب خليه عليا وتوا انجيب فحم
امينه اتسكر وراه في الباب : وانت طيب
______________________
10:00 م
احمد فتح الباب
لقى المنجي في الجنان ايدخن : اووووي
المنجي هزله حواجبه
اميره : شن الجو
المنجي طفا الدخان : تمام الحمدلله
اميره : ماشيين بكرا ؟
المنجي بحت في احمد : كيف انتو مش ماشيين
احمد : لالا مايصير شي
اميره : انا قتله فكنا خلينا في الحوش
المنجي يبحت في احمد : مازلت عريس مش هتاخد راحتك اصلا غادي
احمد ضحك : مع ان والله جو بحر
المنجي : ماشيين معانا عيت عمي مختار
اميره : كيييف يعني غاليه ماشيا ؟
المنجي بحت في احمد : عرفت يااحمد 😑
احمد : باهي والله فكرتو الي خديتوهم هما لا طلعه لا خشه
اميره قلبت وجها وخشت جوا
لقت هناء في المطبخ : هااي
هناء : اهلين 😊 ..
امينه خشت من باب المطبخ الي يفتح ع الجنان جايبه قصع و سفره : خيرات يااميره
اميره : اهلين ياعميمه .. شنو بديتو اتوّتُو لبكرا
امينه ابتسمت : اها بدينا طالعين صبح بدري
اميره بحتت في هناء : فرحانه ياهناء معاك حبيبتك
هناء ضحكت ضحكه صفراء : طااايره مالفرحه الله لا يغيبها
اميره شقلبت عيونها : باهي تمام
_______________
8:30 ص
المنجي ركب مختار قدام في سيارة رجب
مختار : الله يربحك يامنجي
رجب بحت في المنجي : طبق الكروسه حطها في ذيل الشنطه
سعاد اتسكر في الحوش : مش ناسيات شي يابنات
مروه : لالا
صفاء ماسكه تليفونها : بسرعه انصور سناب قبل مانمشو
مروه جت للمنجي لقاته يحط في الكروسه
مروه : اسمع نبو نركبو معاك مش معاهم
المنجي ضحك : توا تركبن معايا اصلا سيارة باتي يادوب اتسد امي وعمتي سعاد والطنجره الكبيره في الوسط
مروه مشت تجري : صفاء هيااا نركبو معاه توا يديرلنا جوو 😍
صفاء : بعدك سيارته خيااال 😍❤ هذي هاتطلع تجنن في فيديوات السناب 😍
غاليه يادوب تمشي بحتت في المنجي : خير
المنجي كشخ عليها وماباش يرد
غاليه اضايقت وجت لأمها ركبيني في النص
سعاد سكرت باب السياره : انتن مع المنجي نحنا شايلين الحاجات معانا
غاليه اضايقت وجت ركبت احدا خواتها
هناء راكبه قدام برمت عليها : امس انرن عليك في الليل كنك ماتردش
غاليه : رقدت بعد الطريحه الي خديتها
هناء : حقير خززي عاطه ضربه
صفاء مسكت تليفونها : بحتن فيا هنا
غالية غطت وجها : انا لالا عيوني متورمات
هناء مدتلها نظارتها : البسي نظارتي هاكي
غاليه لبتسها : اوووف بصراحه
هناء : تي هياا لنا سنين معش مشينا زرده
صفاء صورت 😍
📱 : تهببببل طلعت
المنجي ركب و يحكي مع البنات : شن جوكن
صفاء ومروه مع بعضهن : تمام 😍 وقعدن يضحكن 😂
مروه : حطلنا اغاني ديرلنا جووو
المنجي ضحك : مانسمعش الا مرسكاوي تبن بونقطه حاضر
صفاء ضحكت : ووووه لالا نبوش
مروه في النص مقعمزه بحتت في المسجل : حي عندك خيط بتاع تليفون مده لياا انحط انا 😍
المنجي مده لها : حطي حاجه كويسه
غاليه قربت منها بصوت واطي : هاتي انقولك شن اتحطي
مروه : شنو ؟
غاليه : حطي ابتاع ..........
ــــــــــــــــــــــــــــــــــــــــــــــــــتتت
مروه في النص مقعمزه بحتت في المسجل : حي عندك خيط بتاع تليفون مده لياا انحط انا
المنجي مده لها : حطي حاجه كويسه
غاليه قربت منها بصوت واطي : هاتي انقولك شن اتحطي
مروه : شنو ؟
غاليه حطي ابتاع اليسا عيشه والسلام
المنجي سمعها : مروه عطيني الخيط شويا انحط حاجه بعدها حطي انتي
غاليه كشخت وحطت راسها ع القزاز
مروه مداته له : حط حاجه سمحه را تقعد شينا
المنجي ولع اغنية اجنبيه وعلاّ الصوت
البنات قعدن يصفقن ويصورن
وغاليه قلبت وجها : عليك صداع 
😓
________________________
امال اتكنس قدام الباب : شفت شاليه صاحبك نظيف ولا لا ؟
وسام مقعمز قدام الباب : والله ماني عارف مافتحتهش
امال : صبي ابرم عليها
وسام يضبح لخوه الصغير : عدي يامنذر شوف الفيلا الي احدانا
المنذر لابس شورت وطالع : تي نبي انعوم انا
طلعت حنان : عطيني توا نمشي نا ياوسام
وسام : افتحي الرواشن بس هويها هكي عشان اتغير بنتها
حنان بحتت مالباب : سجى اتجي معايا
سجى اتستف في المواعين : لالا عدي بروحك ولا خودي لينا
وسام : توا من بعد المسافه يعني اتعازمن
حنان طلعت : توا نمشي بروحي وناخد وليدي بلا جميلة حد ....
ومسكت ولدها من يده واتمشي فيه : هي دووودش دووودش 😍
_____________
11:00 ص
هناء سقمت قمعيزتها : واخيراً
غاليه تحاول تفتح الباب مش قادره
المنجي بحت فيها : داير تأمينه مايفتحش من برا
صفاء : باهي هياا افتحلي بسرعه نبي انصور سناب ونحنا انزلو في الحاجات
المنجي ضحك ونزل : توا نفتحلك وانزلي افتحي الباب لأختك
غاليه اضايقت : هناء انزلي افتحيلي
رجب درس السياره وفتح الروشن : تعال يامنجي نزل عمك مختار
المنجي : امي خودي عمتي سعاد وكملن طول توا تلقي وسام طالع خودي منه المفتاح
امينه رفعت السله في يدها: هيا سوعيده
المنجي طلع تليفونه وبدا يتصل
وسام فتح الخط : وين يامانجا
المنجي : اطلعلي برا يالوس وجيب المفتاح
وسام صبا وبحت في امه : امي وصلو العرب
امال : خلاص خليهم ايتريحو توا وبعدين في العشيه نشربو معاهم قهوه وانسلمو عليهم
___________
غالية تمشي بشويا واتكر في كراعها
هناء تمشي وراها : احسن حاجه السياره مش بعيد من المكان
مروه شايله الصاكو : ودايرين طرق للمشي
صفاء : الزرع والورد يبي تصوير وسيلفيات 😍
غاليه شايرتلهن ع الفيلا : اهياا هي شفت ماما في الروشن
مروه : كبيره بكل عليك جووو
صفاء : توا انقول هذي ابتاعنا شريناها 😍
غاليه بحتت فيها : فعلا انك تافهة وتفكيرك سطحي 😒
امينه تفتح في الرواشن شافت المنجي و وسام شايلين مختار مشت فتحتلهم الباب
المنجي يحكيله : عمي مختار تقعد هنا في الرواح ؟
مختار : لا خلوني جوا قدام التلفزيون توا بعدين كان صحلي نطلع بالكروسه
رجب شايل الكروسه وخاش وراهم
البنات ركبن فوق يجرن
غاليه راكبه ع الدروج بشويا
هناء مسكت دار كبيره : هذي دارنا انا وغاليه
صفاء حمقت : لالا الكبيره لنا
غاليه تضحك : عليك غباااء هن الي فوق ثلاث ديار وحمام
هناء بحتت فيها : يعني كيف
غاليه : وحده فيها نحنا لأربعه و وحده ماما وامي امينه و وحده لخوك
صفاء : ييييه صاح انسيت الصبايا يبن دار
هناء : خلاص عادي نحنا الاربعه انديرو جو
مروه : الدار فيها سرير نفرين كيف يصير
غاليه : انا سرير مش شوري مانرقدش ع الارض بعد الضربه الي كليتها امس
صفاء قمعزت ع السرير : خلاص ارقدي انتي وهناء فيه وانا ومروه توا انفرشو لوطه
هناء ضحكت : ناعليااا ملي تفهم في الجو 😍
صفاء ضحكت : اسمعن تسمعني انكلم ولا حاجه فكونا مالبصاصه
غاليه فنصت فيها : اتكلمي في عينك
هناء ضربتها على كتفها : خليهن يعيشن حياتهن حتى انا كبركن كنت انكلم غير المريضه اختكن نفسيه
غاليه هزت راسها : لالا الي اتكلم انبص فيها
مروه بحتت في هناء : شفتي جو الفرخات الي ادير فيه غاليه 😒
هناء ضحكت : تي والله ماتقدر بعدها حي عليها مني
_____________________
أميره عند هلها
ومقعمزه في المطبخ احدا امها وخواتها
تسنيم : انا خش خاطري من لما خشش خوه ناااعلي عليك شخصيه احلى من احمد
اميره ضحكت : حاصل في روحه بارد مافيه جو بس حالته كويسه هذا تاخديه وتدعسي على جيوبه يلبسك الذهب
تسنيم ضحكت : باهي امتى ايروحو عربك
اميره : انظر عاد كم بيقعدو يوم غادي
نوريه : شن دايره معاك عمتك ؟
اميره : كل حد في حاله
نوريه : وراجلك ؟
اميره ضحكت : ماشي حاله بس كويس مايحبش يزعلني
نوريه : وانتي ردي بالك منه تو مفش في رجاله
اميره ضحكت : لا ماعليك فيا
تسنيم : انجي انبات عندك اليومين الجايات نبي انطيحه مش شوري
اميره : توا انخططلك في طلعه معاه اصبري عليا بس
نوريه : فكنا من قلة الادب وانتي راك تطلقي من ورى جرر اختك
اميره ضحكت : غير خليها بلكي تسقديها ورايا واتريحي
______________________
5:00 م
المنجي لابس شورت اسود وماليه كت سوده ونظارات شمسيه
قاعد يركب في الشمسية عالشط واحداه وسام مقمعز
صفاء ومروه شايلات كراسي وجن
وسام شافهن جايات صبّا : هلك جو انا نمشي انقول لأمي ترجا فيهم من امبدري ....
المنجي يحكي وفي فمه الدخان : خلاص انتلاقو بعدين
وصلن وبدن يفتحن في الكراسي و ينضمن في الطاوله
مروه بحتت فيه : قصدك ادخن انت
المنجي ضحك ونفخ الدخان : وعليش السؤال هذا يعني
مروه : شي فضول بس
صفاء برمت بحتت وراها : اهما جو
امينه حطت سفرة القهوه ع الطاوله : ماشااءلله الميه تقول قزاز
هناء كانت اتمشي في غاليه وجت حطتها قمعزت
غاليه داهشه : المشي واعر ع الرمله
امينه : كويس المشي ع الرمله توا تبرا كراعك
هناء اتبحت في البحر : نبي انعوم
صفاء صبت : انا خاشه توا 😍
مروه : ارجي ناكلو كيكه من ابتاع غاليه
صفاء كشخت : لالا انخشو توا بعد نطلعو ناكلو
مروه صبت : هياا باهي
هناء : صبي انخشو يالولي
غاليه هزت راسها : مستحيل انخش بكراعي هذي
امينه بحتت مقابل : جايات الصبايا اقعدي مع البنات توا
هناء قمعزت : ماعندش نيه انجامل
المنجي تباعد منهم وعدا بعيد بكل ..
امال ابتسمت : السلام عليكم
امينه سلمت عليها : خيرات كيف حالك شن دايره
امال : الله يسلمك والله الحمدلله
امينه : هذي جارتي سعاد وهذي بنتها غاليه
امال ابتسمت : شفتها في الفرح معاك
و سلمت علي سعاد : كيف حالك شن دايره
سعاد : سلم حالك احبيبه
امال : هذينا بناتي ياامينه هذي حنان و وهذا ولدها مراد
وهذينا سجى ولينا
_________
6:30 م
صفاء ومروه يعومن
مروه راقده على ظهرها : كم لياا معش خشيت بحر
صفاء ضحكت : تي سنين
مروه : بإذن الله مش هانروح الا وانا سوده فحمه
صفاء : ايييه مش غير هانخلل في المية والملح
المنجي جا قرب منهن ويبحت فيهن : خشن جوااا شن تعومن ع الشط
مروه ضحكت : مانعرفوش
صفاء : تعال علمنا
المنجي قمعز ع الشط : شويا وتوا انخش
الصبايا مقعمزات بروحهن هن وحنان
والبنات دايرات دائره بروحهن
لينا مش متحجبه مقعمزه اتبحت في المنجي
غاليه اتبحت فيها ومتضايقه منها
نغزت هناء في جنبها
هناء بصوت واطي : كنك
غاليه وشوشتها : بحتي كيف اتبحت في المنجي
هناء ضحكت : بعدك عليك سماحه اتحسيها خايله عليه
غاليه قلبت وجها : مش كل حاجه الشكل
هناء : تي كنك ديما قالبه وجك انا نحكي عادي
سجى ابتسمتلهن : وسام من يومه يعيط نبيكم اتعرفو على هل المنجي و يقوللنا عنده اخت تعرفن عليها
هناء : والله حتى لما جت امكن في الفرح امي ياما دارت قالتلها ليش ماجبتي معاك البنات
سجى : ايامها كان عنده اسبوع مرات عمي ماقدرنش انجو ...
وبحتت في غاليه : انتي مواليد كم
غاليه ابتسمت : 95
سجى ضحكت : ماشاءالله عطيتك اصغر
لينا ابتسمت : اندورو لخويا لنا فتره ماعندكنش عروس
هناء ضحكت : عندي غاليه 😍
غاليه خبطتها على يدها وضحكت : لا انا مرتبطه
لينا بحتت فيها : باهي تمام
هناء بحتت في لينا : لينا ناخدوك للمنجي
لينا ضحكت : وشن معنى انا يعني
غاليه ابتسمت : من تبحيتك فيه من امبدري 😏
لينا انصدمت وجها انحمر : شنوو ههههههه لا مابحتت
هناء ضحكت وقرصت غاليه : مسمطك يالولي ماتزعلش منها ديما بصارتها ثقيله ؛ انا هكي عجبتيني من امبدري
لينا ابتسمت : سلمك
سجى : بعدك لينا تحب الفصيله هذي جو الطول والشعر الاسود الكثيف واللحيه
هناء ضحكت : ياحنه سمح طالعلي
لينا ابتسمت وبحتت فيه : لا هو ماشاءالله عليه
غاليه قلبت وجها و قعدت اتهز في كراعها
(( المُشكِله أن تَكوني أُنثَى مَعجونَه بالغِيرَه !
وَ تأتي أُخرَى لتُخبِرَكِ أنّ حَبيبكِ وَسيم !* ))
__*
امينه بحتت في المنجي : نويجي نصبلك قهوه
المنجي هزبها راسه بمعنى به
امال بحتت فيه : تعال سلم يامنجاا
المنجي ضحك وصبا
امال ضحكت : وسام طول النهار يحكي عليه مانجا جابلي مانجا دارلي ماشي مع مانجا
المنجي : كيف حالك ياعميمه
امال : نجيه حبيب عميمه انا طيبه كيف حالك انت
المنجي : الحمدلله تمام
امال بحتت في مراد : شفت مانجا ياميرو ؛ في الحوش يمسك التليفون ويقول انلكم في مانجا صاحبي
المنجي ضحك وخذاه رفعه : اووووباااا صار اتكلم فياا في الحوش
مراد يضحك
سعاد مسكت الموس : نويجي نعطيك كيكه
المنجي : من دايرها
سعاد : غاليه دارتها
المنجي : لا خليها توا مانبش
غاليه بحتت فيه وانصدمت
المنجي نزل مراد عند امال و خذا القهوه
ومشى شربها بسرعه و سلح ماليته وقعد بشورت
لينا اتبحت فيه ومبتسمه
غاليه رقالها بكل وبحتت في هناء وشوشتها : خوك ماصدق يعرض في جسمه
هناء ضحكت : يعني تبيه ايتمرن في صاله ع الفاضي خليه يعرض حقاته ياماما 😌
المنجي خش زقب في البحر و يعوم
لينا : سهفتني الميه اتخشن تعومن ؟
غاليه سكتت و كشخت : انا كراعي مانقدرش
سجى : انا عادي
هناء ضحكت : حتى انا عادي انخش
لينا صبت : هياا باهي
امال : وين ماشيات فكونا مالتمشاي ع الشط توا خوك يشطح فينا
سجى : لا نبو انعومو
امينه اتبحت في لينا : نجيها ماشاءالله .. كم مواليدها ياامال
امال فرحت : سلمك مواليد 93
امينه : اممممم ربي يحفظهن لكي
غاليه خدت كرسيها وقمعزن قدام ع الشط و قعدت اتفرج عليهن واتراقب في لينا ..
المنجي يعوم جوا بكل بروحه وبعيد منهن ماجاش شورهن
________________________
10:00 م
وسام ابتسم : شن شكلها هذي اي وحده فيهن
سجى : نزيكه بكل دمها خفيف و هدرازه وعجبتني فيها على طبيعتها مش متصنعه
امال بحتت في وسام : الطويله عيوناتها كبار نفس عيون خوها تحسها
وسام : مش عارف انا ماشفتهنش اصلا
حنان بحتت في امال : حسيتها حتى امه عجبتها لينا اتبحت فيها على طول
لينا تحشمت وصبت دارت روحها ماشيا للمطبخ
وصبت برا تصنت
وسام : قصدك تاخذها للمنجي ؟
امال : على طول تسأل عليها واتبحت فيها
وسام : والله كان عليا مانلقى احسن منه نسيب
سجى : لكن البدل شين تخايل وسام ياخذ هناء و خوها ياخد لينا سامطه
امال : غير نحنا انشوفو البنت قبل وموضوع لينا مرات مايصيرش بلكي الراجل عنده وحده يبيها
وسام هز راسه : لا هو ماعنداش لكن على علمي مش مفكر توا ومايحبش الصبايا هو حاصل في روحه شويا
لينا فرحت وقالت بينها وبين روحها احسن مش ابتاع وجيج ..
______
رجب ومختار وكلهم قاعدين برا قدام الشاليه يشربو في شاهي و كعك وحاطين فاكهة
المنجي صبا ويلبس في سباطه
امينه : وين يمي ؟
المنجي غمزها : شويا توا انجي
امينه ضحكت وبحتت في سعاد : ماشي يدخن مايبيش يقول قدام بوه
المنجي طلع وخبط مروه على راسها
مروه بحتت فيه وضحكت
صفاء ومروه قاعدات ع الرمله وحاطات السماعات ويصورن
هناء نغزت غاليه : كنك اليوم كله قالبه وجهك عليا
غاليه : شي بس تعبانه نايضه بدري وهكي وخاطري نرقد
صفاء بحتت لقت لينا وسجى جايات
برمت على هناء : جن البنت المش متحجبه واختها
امينه : رجب افطن للبنت المش متحجبه توا انقولك بعدين عليش
هناء بحتت فيهن وابتسمت : كنكن غادي يابنات تعالن
سجى شايرتلها بيدها بمعنى تعالي
هناء صبت : صبي ياغاليه نمشو معاهن
غاليه : لالا فكيني
سعاد فنصت فيها : صبي مع البنيات
هناء : شن جوكن
لينا : تعالن نمشو ع الشط
هناء ضحكت : كان بعيد الشط مالشاليه را ماخلونش بس ميزته قريب
سجى : هي هذي وسام قلناله نمشو مع البنات قال به بس بروحكن لا
غاليه اول ماوصلت ع الشط قمعزت ودارت وجها للبحر وقعدت اتفرج ع الشط
البنات احداها يهدرزن
لينا بحتت قدام شافت واحد يمشي : في حد جاي من غادي حي علينا من
سجى لبست محرمتها : مش باين من بعيد
هناء برمت بحتت وضحكت : تي هذا منجي
لينا ابتسمت : فجعني قلت من هذا
المنجي خطم من قدامهن ومنزل راسه
هناء : منجي تعال سلم
المنجي تخزرط : السلام عليكم
هناء : هذينا خوات وسام
لينا ضحكتله : اهلين
سجى : خيرات كيف حالك
المنجي يحكي ومنزل راسه : اهلا وسهلا
غاليه انقهرت ( الحقيرات والله نقهرها توا اتشوف )
وعدا المنجي وبدا يمشي
غاليه بحتت فيه وقلبها يدق : منجي
المنجي انصدم وبرم بحت فيها : نعم
غاليه مدتله يدها وابتسمت : تعال صبيني نبيك شويا
هناء اتبحت فيها ومستغربه
لينا وسجى يبحتن في بعضهن ساكتات
المنجي مستغرب بس قرب منها ومسك يدها وصباها
غاليه مبتسمه واتبحت فيهن 😏
ودارت روحها تعثرت : ااااه كراااعي
المنجي مسكها : بسم الله
جا يبي يفك يده غاليه مابتش تطلقها
استغرب وقال في عقله كنها دارت هكي
لينا بحتت في هناء : في بينهم حاجه
هناء ضحكت : غاليه والمنجي ؟ 😂😂
سجى : كنك تضحكي
هناء : هذوما توم وجيري عرايك 24 ساعه
لينا هزت راسها : من مسكتها فيه باين يبو بعضهم وانتي ماتبش تقولي
هناء ضحكت : والله مافي حاجه بس غاليه متربيه عندنا من وهي صغيره
لينا برمت واتبحت فيهم
سجى ابتسمت : انتي مرتبطه ياهناء ؟؟
___
المنجي مشى بيها قدام شويا
وغاليه كل شويا تبرم اتبحت وراها
المنجي برم بحت : كنك
غاليه بحتت فيه : معش اتبحت لاوره 😒
المنجي : وعليش ؟ وانتي كنك كل شويا بارمه
غاليه : هك نبي انشوفهن يبحتن فينا ولا لا
المنجي فك منها يده : نبي انقمعز انا تعبت مالمشي
غاليه قمعزت احداه واتبحت في البنات
المنجي برم بحت فيهن : شن في غادي كنك انتي
غاليه : شي خليني انبحت فيهن 😒
المنجي حط دخان في فمه ويولع فيه
غاليه كشخت عليه : طفيه عشان صدري مانتحملش
المنجي ينفخ في الدخان : مش عاجبك صبي
غاليه زعلت واضايقت : كنك اتعامل فيا هكي
المنجي يبحت في البحر وساكت
غاليه عيونها دمعن : ماتبش حتى اتبحت فيا
المنجي بحت فيها ورد حط الدخان في فمه : انا الي معش فهمتك
غاليه كرت من فمه الدخان وطوحاته في البحر : احكي معايا كويس كنك تغيرت هكي فجأة
المنجي ساكت ويحك في ايديه على بعضهن
غاليه دمعتها نزلت : نحكي معاك انا
المنجي ساكت
غاليه : باهي تمام ...... وجت تبي اتصبي
المنجي مسكها من يدها
غاليه قلبها دق وبحتت في يده
المنجي حول يده بسرعه : قمعزي فكينا مالنكد توا تمشي تبكي يحسابوني درتلك حاجه
غاليه قمعزت وقعدت ساكته وقلبها يدق ( مسك يدي ياناعليااا مسك يدي )
المنجي يحكيلها ويبحت في البحر : كيف مخليك حبيب القلب قاعده معايا هنا ؟
غاليه استغربت : كيف ؟ مافهمتش
المنجي تنهد : ابتاع الرسائل
غاليه اضايقت : كنت عارفه انك هاتحكي هكي بس والله مانعرفه
المنجي فنص فيها : وليش كاتبلك انك اترني عليه يعني يكذب هو
غاليه : مش كذب بس ...
المنجي بحت فيها : بس شنو
غاليه بصوت واطي : كنت نحسابه رقمك
المنجي استغرب : كيييف
غالية تلخبطت : لما عطيتني الخبزه لقيت الرقم فيها ورنيت نبي انتعارك معاك بس لقيته مش انت
المنجي سكت شويا واذكر ان يوم الي كان يشري في الخبزه الراجل الي يبيع كان يضحك للبنت الي كانت مصبيه والبنت تضحكله : يعني هكي تبيني انصدقك توا
غاليه عيونها دمعن : والله مانكذب عليك وراس بابا وفي تسجيل مكالمه الي حكيتها معاه قاعد في تليفوني كان تبي انسمعها لك
المنجي بحت فيها : وين تليفونك ؟
غاليه دموعها نزلن : في الحوش
المنجي خبط ايديه في بعضهن : اييييوه بدينا توا في الجوووو
غاليه تعصبت : لما انروحو خش خوده بروحك مالمطبخ
المنجي : وليش ماجبتيه معاك
غاليه حطت وجها على ركبيها : شاشته تكسرت و السبيكر معش ينفع قلت انجيبه ماعندي ماندير بيه وهو سامسونج قديم مافيش فايده
المنجي سكت وقعد يبحت في البحر
غاليه حاطه راسها على ركبيها و بدت تبكي
______________
لينا كل شويا تبرم و اتبحت فيهم
هناء : عرفتي ياسجى يوم المقابله ماتريحتش
سجى : سبحان الله هي ع القبول حتى انا صارلي هكي مع اول مقابله بس خطيبي هذا قلبي انشرحله دغري
لينا بحتت في هناء : طولت بنت جيرانكم
هناء : غريبه مش من عوايدها تقعد مع منجي هذا كله
لينا ابتسمت : بلكي عشان مايحصلوش في فرصه يقعدو برواحهم 😊
هناء ضحكت : لا والله ماتحطي في بالك بكل را غاليه والمنجي جوهم مش شور بعضهم بكل
سجى : هي حليوه ناعمه
لينا : لا مش سمحه
هناء ضحكت : لا سموحه غاليه وروحها محليتها زياده
لينا ابتسمت : قصدي انها ملامحها صغار كلهن يعني وقصيره
هناء : احلى حاجه فيها انها طشه
____________________
غاليه مزالت خاشه في بعضها وتبكي
المنجي بحت فيها : وقفي بكاء عشان نعرف نسألك على حاجه نبي نعرفها
غاليه رفعت راسها وبحتت فيه : عندك منديل ؟
المنجي ضحك : هاكي امسحي خشمك في ماليتي
غاليه ضحكت : لا دموعي
المنجي غمزها : هو خشمك لكن توا انتخايل انهن دموع
غاليه : باهي شن كنت نبي تسألني
المنجي بحت في عيونها : عليش بررتيلي ؟
غاليه استغربت : كيف ؟
المنجي : عليش بررتيلي وقلتيلي ان واحد ماتعرفش وقالتلي انسمعك التسجيل ؟
غاليه وجها انحمر وسكتت ونزلت عيونها
المنجي يبحت فيها : ليش ؟؟
غاليه بحتت في البنات
هناء شايرتلها بيدها بمعنى تعالي
غاليه : البنات ينادن فيا .... وجت تبي اتصبي
المنجي مسكها من يدها : قوليلي عليش عشان نطلقك
غاليه برمت جها وقلبها يدق : لأنك انت خويا الوحيد وانا زيي زي هناء
المنجي ابتسم : اممممم خوكي صار
غاليه : اها خويا
المنجي ضحك ضحكة شريره : باهي شن جوها البنت الي طالقه شعرها
غاليه فنصت فيه : لينا 😳😒
المنجي : سمحه و اسمها لينا اخرى 😍
غاليه اضايقت : سمحه لروحها انا شن دخلني
وبرمت اتبحت في البحر
المنجي ضحك : كنه رقالك ؟
غاليه : اصلا امك عاجبتها وتبي تاخذها لك مبروك من توا
المنجي : هضا المطلوب ميه ميه
وسام خطم عليهم وكح
المنجي برم بحت فيه : تعال يالوس
وسام يبحت ومستغرب من الي مع المنجي : لا خود راحتك
المنجي : تي تعال ياراجل ......
وسام : السلام عليكم
غاليه : وعليكم السلام
المنجي بحت في غاليه : خششي شعرك وصبي 😒
غاليه صبت واتسقم في وشاحها ومشت
__________
غالية مبتسمه تقهر في لينا
هناء بحتت فيها : وين التطويله هذي كلها
غالية ابتسمت : كنت نبيه في موضوع
لينا وسجى ساكتات
هناء ضحكت : مش من عوايدك يعني 😂
غاليه كشخت عليها : تصبحن على خير انا تعبانه ونبي نرقد
لينا بحتت فيها : شكلك طالعه من حادث من امبدري نبي نسألك ونسيت على فمك
غاليه ابتسمت : اها درت حادث من يومين
سجى : حمدلله على سلامتك
غاليه : الله يسلمك ؛ تصبحن على خير .... ومشت
سجى صبت : حتى انا واصله حدي هياا لينا نرقدو
هناء : ان شاء الله انتلاقو بكرا
_______
غالية مشت لقتهم كلهم راقدين والحوش ظلام
ركبت للدار لقت صفاء ومروه راقدات
خشت غيرت دبشها وتغطت ورقدت اتفكر في المنجي
وكيف مسك يدها سكرت عيونها وابتسمت
(( أحدهم عبث بقلبي ❤ فـ جعله ينبض بإسمه كل دقيقه ))
سمعت صوت باب الدار انفتح
سكرت عيونها ودارت روحها راقده ..
_______________
غالية مشت لقتهم كلهم راقدين والحوش ظلام
ركبت للدار لقت صفاء ومروه راقدات
خشت غيرت دبشها وتغطت ورقدت اتفكر في المنجي
وكيف مسك يدها سكرت عيونها وابتسمت
(( أحدهم عبث بقلبي ❤ فـ جعله ينبض بإسمه كل دقيقه ))
سمعت صوت باب الدار انفتح
سكرت عيونها ودارت روحها راقده ..
هناء قربت منها وبصوت واطي : غاليه غاليه
وبحتت فيها لقتها راقده
صبت غيرت دبشها ولقت مروه متعريه غطتها
ورقدت احدا غاليه في السرير وتغطت ..
___________
وسام ضحك : يعني تبي تقنعني قعدة العشاق الي طبيت عليك فيها ومافي شي بينك وبينها
المنجي يبحت في البحر : انقولك الصراحه هكي انا خاشه خاطري البنيه
وسام سكت وفكر في امه وكلامها لما قالت ان ام المنجي عاجبتها لينا
المنجي بحت فيه : كنك سكتت
وسام ابتسم : مستغرب لاني عارفك كويس يامانجا
المنجي ضحك وخبط على قلبه : جت من اتحركه يالوس
وسام ضحك وصبّا : انخليك في التكبيد ابتاعك انا ظلمت قدامي
المنجي صبا وخذا دخانه : لا حتى انا خلاص
وسام مصبي وايتكسل : ذكرني بكرا في موضوع نبيك فيه
المنجي يثاوب : خير ؟
وسام مشى : بكرا انقولك ؛ وجك توا 
✋🏼
المنجي مشى للشاليه وخش وسكر الباب
ركب مالدروج بحت في دار البنات وضحك ..
خش لداره سلح ماليته و رقد في فراشه
وقعد يفكر
غارت من اخت وسام !!
معناها حتى هي نفس الشعور اتجاهي
مش شرط اتحبني بس معجبه بيا اقل حاجه
شفتها في عيونها لما بحتت فيهن انا متأكد
لكن توا نعرف كيف نكشفها بطريقتي
_____________________
10:30 ص
الصبايا يفطرن برا قدام الشاليه والرجاله جوا
امينه اتبحت في هناء : راك اتغصي 😒
هناء فمها مليان : ياامي جعانه خليني ناكل
سعاد : كنك مع البنت خليها صحتين وعافيه
غاليه اتبحت في باب الفيلا
كنه معش ناض .. اوووف هذا كله راقد
هناء بحتت فيها : خاطري نعرف كنك
غاليه : كني ؟
هناء : من امس مش طايقتيني
غاليه تشرب في شاهي وحليب : لا عادي مافي شي
هناء ردت تاكل : باهي بجوك زيدي اكذبي
امينه بحتت فيهن : تعاركتن على اخر العمر ؟
هناء : هي الي جايتها الحاله
سعاد بحتت في غاليه : ربي يشفي كنك ؟
غاليه تشرب في الشاهي والحليب وساكته
امينه : خلاص توا افطرن
المنجي طلع وسكر عيونه مالشمس : صباح الخير
سعاد : صباح الورد
امينه وخرتله الكرسي الي احداها : صباح الهناء قمعز افطر
هناء : سمعت امي قالت صباح الهناء يعني صباحك انا بجلالة قدري 🌚✋🏼
المنجي بحت فيها وضحك : لنقانك فاضيه
وبحت في الطاوله : وين التوأم المختلف ؟
سعاد ضحكت : لا ينوضن ظهر تو مزال فجر عندهن
بحت في غاليه لقاها تشرب ومش معدله
المنجي بحت في امينه : كذا ياامي صبيلنا طاسة قهوه ولا تصغري
امينه مسكت البكرج : هياا حاضرين
سعاد قربت منه الدحي : افطر مالك ومال القهوه ياوليدي
المنجي شايرلها بصبعه بمعنى لالا : وين فطور ع الصبح مش متعود عليه
امينه : توا تاخد مراه تخليك تاكل بالغصب
المنجي ابتسم : باهي امتى ناويه تجيبيها ليا المراه هذي ؟
غاليه وقفت شرب شاهي وبحتت فيهم
امينه فرحت : تدوي من جدك نويت اديرها ؟
المنجي ضحك : والله جديات ونبي نبدا نبني فوق احمد مالاسبوع الجاي
سعاد ضحكت : ماشاءالله ان شاء الله بسلامتك
المنجي : سلمك
هناء ضحكت : عندك وحده في بالك ولا لا ؟
المنجي بحت في غاليه لقاها اتبحت فيه : في وحده عاجبتني بس انشوف امي قبل بلكي عندها وحده 😏
غاليه برمت وجها ع الجيهة الاخرى وقعدت تشرب 😑
امينه ابتسمت : في وحده خدت عقلي
المنجي : من ؟؟
هناء ضحكت : مش متحجبه ماضنيش يوافق ولدك حصله ماتعجباش نوعيتها
المنجي : لا عادي مش موضوع توا انتفاهم معاها وانحجبها بعدين غير من هي ؟
.... وكسر عينه شور غاليه لقاها تشرب و قالبه وجها
امينه بحتت في سعاد وغمزتها : لينا اخت وسام
المنجي ضحك : اهااا لا هي ماشاءالله عليها في الشكل سمحه ...... وبحت في غاليه وضحك 😏
هناء : جميله بكل عليك وجه وشعر فيها
غالية صبت : انشيلهن هذينا
سعاد : خلي بلكي نويجي ياكل
غاليه اتلم في السفره : قالك مايحبش يفطر
المنجي زراته الضحكه وبرم وجه مايبيهاش اتشوفه
هناء بحتت فيه وبحتت في غالية
________________
12:30 م
امال اطيب في الغداء : دويت لصاحبك امس
وسام : مشيت نبي ندويله لقيته في موعد غرامي
لينا خشت اتلم في شعرها : صباح الخير
وسام : صباح النور
امال : تي قولي كيف موعد غرامي
وسام ضحك : انا مشيتله لقيت بنت احداه استغربت شافني قالي تعال
لينا صبت ع الدولاب تضرب في النسكافيه وقعدت تسمع
امال : باهي مشيتله
وسام مشيت قلت السلام عليكم ردت السلام بعدها قاللها صبي ودوالها حاجه بصوت واطي
امال : هذي القصيره الهاديه مش التوأم صاح ؟
لينا كشرت وجها : اسمها غاليه
وسام : قتله كيف صار قعد يضحك قالي مافي بيني وبينها شي بس انا خاشه خاطري البنيه
امال تحرك في الطنجره : اهااا يعني هو بس يبيها
وسام : وانا نعرف صاحبي كويس مكبد فيها
لينا كشخت وطلعت
حنان خشت ماسكه مراد : صباح الخيررر ياخالوووو
وسام فتح ايديه : حبييييب خالوووو .. هاتيه هنااا هاتي
ومسك مراد : وين مانجا ؟ نعدو لمنجا
مراد : أداا مانجا
وسام يضحك : عدا مانجا ؟ توا نمشوله بعدين
__________________
4:30
صفاء : مروه شرفي الطرف الي غادي يبحت فينا
مروه اتبحت ومعمشه عيونها : وين مانشوفش
صفاء ضربتها : مش هكي يابهيمة اكيد فطنلك 😐😫
العيل برم وعدا
صفاء : عاجبك اهو طفش
غاليه : من الي طفش 😑 ؟؟
مروه ضحكت : من امتى انتي هنا ؟
صفاء : اسمعي ياغاليه بالجو فكينا من جو الاخت الكبيره
غالية ضحكت : تي بااهي سألتكن من انا
صفاء : واحد طرف كان هنا وعدا توا من اختك الكلبه طفشاته
غاليه ابتسمت : كان فيه نصيب توا يجي
صفاء : بدت الشيخه فتنه عاد 😑
غاليه تضحك : لا ماني شيخه بس هذا الحق
وخطم واحد نابشهن : كان تعطوني الي في النص بس
المنجي مصبي ع السور شافه دوالهن
ورقاله : تفضل ياشاب ؟!!!!
العيل رفعله يده وضحك وعدا : اسمحلنا يااخينا معلش
المنجي فنص فيه وعدالهن
: قعمزن ع الشط ولا جوا لكن هنا نص الطريق لا
غاليه مدت يدها لصفاء : صبيني ياصفصف
صفاء صبتها وتحكي مع المنجي : نطلب منك طلب اتردني ؟
المنجي : شنو الطلب
صفاء : عادي تعطينا الماي فاي في الليل 
🙊
غاليه فنصت فيها : صفاء 😐
المنجي ضحك : خوديه ماعندي ماندير بيه
صفاء فرحت : شكراً بكل انت احسن اخ وحق ربي 😍
المنجي يضحك : لما تركبي فوق تلقيه في روشن داري تم ؟
صفاء : تم تم 😍 هيا مروه نفتحو نت .... ومشت تجري
مروه مشت تجري وراها : شكراً يامانجا 😍😂
المنجي ضحك وبحت في غاليه
غاليه كشخت عليه وخشت
المنجي : بدري
غاليه كشخت عليه : من عمرك ماشيا نلبس دبش العوامه 😏
المنجي خبط على بطنه وسكت
___________________
احمد يقلب في للمحطات : غار خلينا نمشو للبحر اليوم وانروحو بكرا
اميره تبرد في اظافرها : لالا مانبش
احمد : باهي نمشو الصبح بكرا وانروحو مغرب
اميره اضايقت : وااااو ياميدو يعني لازم نلصقو في هلك عروس مازلت تصهدني الشمس
احمد ضحك وقرصها : وراس ميدو باهي
اميره تضحك : تي حووول يدك
احمد صبا وقرب منها : نمشو 😉
اميره تضحك : حوووول قتلك
احمد : باهي نمشو 😉😘
______________________
الصبايا قاعدات ع البحر ويشربن في قهوه
والبنات مقعمزات ع الشط وحاطات كرعيهن في الميه
خطم المنجي يمشى مع وسام
لينا بحتت في غاليه لقتها ااتبحت فيه
سجى بحتت في هناء : تعالي شويا على جنب
هناء بحتت فيها : شن في
سجى بصوت واطي : اليوم وسام حكا لماما في الصبح خوك دواله علي جارتكم قاله نبيها و خاشه خاطري
هناء انصدمت : تي مستحيل تدوي جد انتي
سجى ابتسمت : وليش مستحيل البنيه نزيكه وسموحه وتنحب روحها حلوه
هناء : اكيده تنحب هذي خيتي بس ان هي والمنجي مستحيل
سجى بحتت في غاليه : بحتي كيف اتبحت فيه وهو مصبي
هناء بحتت لقت غاليه اتبحت في المنجي وعيونها قلوب
وسام تليفونه رن : دقيقه بس يامانجا ... وعدا
امينه لقت المنجي بروحه
جابت طرف كيكه وجاته : منجي هاك كيكه
المنجي سلح النظاره : لالا مانبش
امينه بصوت عالي : دارتها لينا سممممحه
المنجي بحت في غاليه : هاتي به ...
وكلا منها : سمحه فيها جو
غاليه كشرت وجها ( سمسام .. خليك ان شاء الله دايرتلك فيها سحر وتقعد اتعاني عمرك كله وانت اتلمد تاكل من اي حد )
المنجي بحت فيها وحركلها حواجبه
غاليه كشخت عليه وبرمت اتبحت في البحر
المنجي ينادي فيها : غالية
غاليه انصدمت وقلبها يدق بحتت فيها
شايرلها بيده : تعالي
غالية بحتت في البنات لقتهن يبحتن فيها ضحكت ضحكة صفراء لـ لينا وصبت 😏
غالية : نعم
المنجي سلح النظاره : مش قلتي تبي تعومي ؟
غالية كشخت : عدي عوم مع لينا
المنجي ضحك : كليتي كيكه ؟
غالية برمت وجها: مانبش
المنجي ياكل في الكيكه : قويه بكل
غاليه كرتها منه وعزقتها في البحر
المنجي ضحك بصوت عالي وطاح ورقد ع الرمله
امينه برمت اتبحت فيهم
سعاد مبتسمه
امال اتبحت وساكته
غالية تبي تمشي : خطاني ترا
المنجي قمعز : تي والله ترجي الله ؛ هيا انعومو
غاليه : مانبش انعوم
المنجي يضبح للبنات يعومن : صفاااء
صفاء من جوا : كنكم
المنجي : غاليه تبي تخش اطلعي خوديها
غالية كشخت عليها : اتخشش فيا عشان يفضالك الجو مع لينا مانش خاشه 😡
المنجي يضحك : والله كان ماتخشي انقوللها هيا انعومو وانخش معاها
غاليه ضحكت : هاهاهاها قوللها وانا شن دخلني
المنجي : باااه تمام ..... وبصوت عالي : يااااا
غاليه تعصبت : خلااااص اسكت توا انخش 😤
المنجي يضحك
صفاء مدتلها يدها : هياا تعالي
المنجي : افطني راك اطيحي
غالية اول ماخشت الميه طقت لعند رقبتها
المنجي يضحك : خشي باهي
غالية اتنط : لالا مانعرفش انعوم
المنجي : تي راك عالشط قاعده
غالية : بطل براده هذا طولي شن اندير
المنجي بصوت واطي : انجيك
غالية : شنو مافهمتش
المنجي غطا على فمه : إ ن ج ي ك
غالية فهماته وضحكت : لا اتجيني لا انجيك
قعد يضحك وقمعز ع الرمله
وسام جاه : يامانجا
المنجي برم بحت فيه : تي وين عديت
وسام : راجل اختي دار حادث وهو مروح من درنه
المنجي صبا : لا حول ولا قوة الا بالله شن صارله
وسام : قالو كسور و تثريد ...
وبحت في هله : لازم انروحو
المنجي : باهي غار جيبها لهم بشويا فكنا مالشورخ عارفك انا
وسام بحت في امه : امي
امال : خير كنك
وسام شايرلها بيده بمعنى تعالي
امال جت مفجوعه : كنك شن في
المنجي : مافي الا كل خير كنك مفجوعه
وسام : مافي شي اسمعي ديري سبله على اساس انروحو بيها قدام حنان
امال : شن في كنها حنان شن في وووك عليااا 😱
وسام فنص فيها : ريتك انتي ياامي ماينقالك شي
المنجي بحت فيه : غير اصبر ياراجل ؛
وبحت في امال : عمتي امال عبدالله وهو مروح دار حادث وماصارله شي
امال شهقت : عليك كااااينه
وسام : قلنالك ماصارله شي السياره ادمرت بس لكن هو كويس
المنجي : جيبيها لها بشويا انتي ماتفجعيهاش
وسام يبحت في البنات يبي يشوف هناء
لكن هناء عاطيه بظهرها ماقدرش يشوفها
امينه : شن دوتها مروحين كنكم
امال : راجل اختي قالو داير حادث لكن هو كويس مافيه شي
حنان : باهي رني عليها بالتليفون
امال هزت راسها : لالا صبي لمي روحك وشوفي دبش ولدك ع الحبل راك تنسبه ونادي خواتك
حنان صبت مشت اتكلم في خواتها
امال بحتت في امينه وسعاد : راجلها دار حادث في طريق درنه
امينه انفجعت : ياناعلياا شن صارله
امال : لا قالو كويس جت في السياره
سعاد : الحديد ايتعوض المهم هو حمدلله على سلامته
امينه : حمدلله على سلامته
امال : الله يسلمكن ...
وجت اتسلم عليهن : بالسلامه انتلاقو ع الخير ان شاء الله ومشت
هناء جت لأمها : كنهم مروحين
امينه : راجل حنان دار حادث
هناء : مسكيييينه وشن صارله
سعاد اتلم في الطاوله : كويس قالو مافيه شي
هناء : باهي تمام .... ومشت شور البحر
مروه : ارقدي على ظهرك وارخي روحك
غالية : وكان سيبتيني شن انديرلك
مروه تضحك : والله ماني مسيبتك بس هياا
غالية رقدت وخايفه : لالا مانقدرش
صفاء تضحك بدموعها : معش نقدرررر 😂😂
المنجي مقمعز ع الشط يدخن ويضحك عليهن
هناء خشتلهن : قصدكن ولا وحده فيهن تعرف اتعوم قاعدات ع الشط .... واتكشخ على غالية
غالية بحتت فيها وبرمت وجها : هياا مروه انجربو اخرى مروه مدتلها ايديها : هياا تعالي
المنجي صبه سلح ماليته وخش غطس
غاليه قعدت ماسكه في مروه واتفرج عليه كيف يعوم
وهناء اتبحت فيها : غاليه
غالية بحتت فيها : نعم
هناء : لما تبي ادسي حاجه دسيها ع الجميع لكن عليا لا
غالية استغربت : كيف يعني
هناء بحتت في صفاء ومروه : سيبونه شويا بروحنا يابنات
مشن البنات يعومن
هناء بحتت في غالية وكملت كلامها : انا صاحبتك وعشنا كيف الخوات واكثر مش هانحسدك
غالية ضحكت : شن تحكي انتي ؟
هناء : المنجي ياغاليه !
غالية استغربت : كنه منجي
هناء : شن في بينك وبينه
غالية وجها انحمر وعيونها دمعن : من جدك انتي
هناء : توا عليش تبي تبكي انا نسأل عادي لازم دموع يعني
غالية مسحت عيونها : لا اصلا ماتوقعتهش منك
هناء : انا وجعتني ان نسمعها من سجى ولينا وانا مانعرفش
غالية تعصبت : على اخر العمر هذينا يخربن بينا
وجت تبي تطلع
هناء وقفتها : مش يخربن بينا المنجي حكا لوسام
غالية انصدمت : كيف
هناء : هو قال لوسام ان يبيكي
غاليه سكتت ..
هناء : وانا نعرفك وحافظتك انشوف فيك كيف لما اتشوفيه اتلخبطي و عيونك قلوب قلوب و لما فطنت بعد حكولي البنات شفتك كيف اتبحتي فيه وكيف خديتي الكيكه ابتاع لينا وعزقتيها
غاليه تسمع وساكته ....
هناء حطت يدها على كتفها : انا اختك ياكلبه لما الدنيا كلها ضدك انا معاكي يعني متحشمه تقوليلي انك تحبيه
غالية بحتت فيها تحكي ومتردده : انا مانعرفش شعوري اتجاهه شنو
هناء ضحكت : واضح من انك كرهتيني لاني قلت لـ لينا ناخدوكي له
غالية ضحكت ومسحت دموعها : لانك حقيره
هناء ضربتها : وهذا كله تقوليلي انك ماتحبش
غالية ضحكت : بطلي يابارده
هناء : توا انديرلكم جوو مع بعضكم 😉 ياريتني نعرف را خليتك ترقدي معاه في الدار 😂
ورفعت يدها : المنجي 
🙋🏻
غالية اتسكت فيها : ياحيوانه لاااا راك اتقوليله
المنجي جا وداهش مالعوامه
هناء : انا نبي انعوم جوا خود غاليه خششها ليا
غاليه وجها انحمر : لالا خليني هنا خشي واطلعي
المنجي برم : امسكي في كتوفي توا انخششك
هناء خشت تعوم وتضحك
غالية مسكت في كتوفه و متحشمه
المنجي ينابش فيها : ننزل بيك تحت الميه ؟
غالية خافت ومسكت في رقبته : حي عليك والله انعيط
المنجي هيا : 1 2 3 ...
ونزل بيها تحت الميه وطلع
غالية اتكح وقعدت تبكي
المنجي برم ومسكها ويضحك : تي كنك
غالية تبكي : والله تشوف سيبني
المنجي ضحك : قدها انتي سيبني هذي
غاليه تبكي
المنجي : حي ع الخناين وقرصلها خشمها
غالية انحرجت : بطل براده معش تقربني
المنجي كلم هناء : تعالي خوديها
هناء تعوم على ظهرها : انا يادوب شايله روحي كان نمسكها هانغرقو انا وياها
المنجي يحكي لغالية : وانتي مقابلتيني هكي امسكي في يدي وارخي روحك
غالية تمسح في دموعها : لالا مانش
المنجي : والله ماني طالقك عيب
غالية رخت روحها وخايفه : حي علياا لالا انخاف
المنجي : ماتخافش ماسكك
___________________
8:30 م
احمد يدق ع الباب
اميره ماسكه شنطتها : مافش حد يفتح شكلك غالط
احمد : لا المنشف الي معلق هضا منشف باتي
رجب فتح : مرحباااا مرحبااا كيف صارت الجيه هذي
احمد ضحك : مفاجأة ياحاج ؛ وين الباقي
رجب : امك وعمتك جوا يوتن في العشاء
امينه بحتت : احميده 😍
احمد : احويجه شنحالك
امينه اتسلم عليه : الحمدلله كيف صارت الجيه
احمد ضحك : رايفنا عليكم صبينا وجيناكم
اميره ابتسمت 😊
امينه اضحك : زين مادرتو
احمد سلم على سعاد : وين عمي مختار
سعاد : جوا في االدار خشله
اميره بحتت في امينه : وين هناء ؟
هناء : فوق هي وغاليه يغيرن والصغار برا طلعن
_________________
غاليه تضحك : بس انا خايفه تخايلي هلك يضايقو بعدين مني ولا معش يحبوني
هناء اتنشف في شعرها : مش هو يبيك وانتي تبيه خلاص معناته حاربي الدنيا
غاليه رقدت ع السرير : ياناعلياا هنيوه مش مصدقه مزال حاسه روحي نحلم
الباب دق ✊🏼
اميره فتحت الباب : هاااي 😊
غالية قمعزت : اهلين
هناء ابتسمتلها : اهلا شن المفاجأة هذي
اميره قمعزت ع السرير : ماهو انتو مروحين بكرا قال عمي لوطه قلنا ناخدوها نحنا وانمددو الحجز كم يوم
هناء : اهاا باهي كويس اتغيرو جو ...
اميره بحتت في غاليه : شن جوك ؟
غالية ابتسمتلها : تمام
اميره : قبل نبي انجيب معايا اختي بعدها ماقدرتش اتجي معايا قلتلها توا انجيبها اتبات عندي اليومين الجايات وهناء تركبي اتباتي معانا انغيرو جو
هناء : ان شاء الله وانتي طيبه
امينه من لوطه : انزلن حطن العشاء
غالية صبت : هياا هي جايين
____________________
12:30 ص
المنجي قاعد في السياره يسمع في اغاني ويدخن وفاتح الفيس
جاه اشعار فايبر لديك رسالة جديده
فتح لقاها من هناء
- : وينك انت
المنجي : كنك
_ : كنش نسأل عليك
المنجي : من امتى اتخافي عليا يعني ؟
_ : تعال باهي للشاليه
المنجي : بايت في السياره اليوم خليكم مع احمد ايتحمل المسؤولية شويا
_ : كان قتلك اني غالية هاتجي ؟
المنجي ضحك : وشن يأكدلي انك غالية ؟
_: مش عارفه كيف تبيني انأكدلك ؟
المنجي : رسالة صوتيه توا بسرعه
غالية تضحك و حطت يدها ع المايك وحكتله
المنجي فتح الرساله (( يعني ضروري منه الزر اهو سمعت صوتي توا من طلعت ؟ ))
المنجي ضحك : طلعتي غاليتي
غالية تحشمت وقلبها يدق : باهي تعال كسدت بروحي
المنجي : هيا اني جاي ..
أحمد جاي لابس شورت ومبلول
اميره صبت مدرتله منشف : مش عارفه وين عقلك بس اتعوم توا
احمد ضحك : ماقدرتش نصبر
هناء تشوي في سبول : غالية هاكي ابتاعك
غالية خدتها واتبحت يمين ويسار
هناء : شن قالك
غالية ضحكت : قالي توا انجي
احمد بحت فيهن : اكثر اثنين شفتهن يوشوشن
اميره فنصت فيه وبصوت واطي : اييييوه ابدا في البصاره توا هياا نركبو عشان اتغير
احمد خش للحمام يدير دوش
ركبت اميره ماسكه الشنطه دقت على دار الصبايا
امينه راقده ع السرير : خش
اميره فتحت : معلش ياعميمه وين نرقدو انا واحمد ؟
سعاد : نعطوكم هنا
امينه بحتت فيها : الدار الي فيها المنجي فيها فراشات توا انجي انلم دبشه وفرشي انتي وراجلك 😒
اميره قلبت وجها : كيف نرقدو على فراشات ؟؟ خلي البنات يجن فيها وتوا ناخدو دارهن
امينه كشخت عليها وصبت فتحت الدار : تحملي اليوم والصباح رباح اقعدي فيه بالطول والعرض ياحنه
اميره كشخت : عليك حاله بصراحه
امينه اتلم في دبش المنجي واتأفأف : كناين اخر زمان كلمه بكلمه مع العمه
__________
المنجي جا لقاهن ياكلن في سبول : شن الجو
هناء بحتت في غاليه وضحكت : تمام
وبحتت في المنجي : نعطيك سبول ؟
المنجي هز راسه : لالا
وبحت في غالية : من وين جبتن النت ؟
هناء : ماي فاي احمد
المنجي : امممم
غالية بحتت فيه وضحكت : قمعز باهي كنك مصبي هكي فوق روسنا
المنجي كر كرسي وقعمز احداها : عطيني سبول باهي
غالية تاكل في السبول : صبي اشوي بروحك
المنجي غمزها : عطيني الي كليتي منها
هناء كحت وصبت : شويا انجيب اميه وانجي
المنجي ضحك : والله طلعت تفهم في الجو
غالية مدتله السبوله : هاك
المنجي قرب منها : وكليني انتي
غاليه دفت وجه بيدها : عدي يابااارد
المنجي طلع تليفونه ومده لها : اكتبيلي رقمك خطرها
غاليه ضحكت : وعليش ؟
المنجي : عشان لما حد يحطلك ورقه في الخبزه اترني على رقمي انا وتهزبيني ومعش تغلطي 😏
غاليه برمت وجها وضحكت : سامط
امينه طلعت وبحتت فيهم
غاليه تلخبطت
امينه : فيش اديري هنا
غالية ارتبكت : نرجا في هناء مشت تجيب اميه
المنجي ساكت ويدخن : باهي كنك ياامي
امينه : اركبي ياغاليه ارقدي ورانا نوضه بدري وخودي معاك هناء
غاليه صبت وحطت السبوله ع الطاوله : تصبحو على خير
امينه : وانتي بخير
المنجي كشخ : كنك ياامي
امينه : كني
المنجي اضايق : معش اتحسسيها اني غريب عليها جو في شن اديري هنا مش على اساس انا خوها ودايريلي جو خوت ؟
امينه : صحيح انت خيها
المنجي : خلاص معناها خليكم قدها تلقيني معاها معش تحرجيها مانحبش الجو هضا
امينه قمعزت : باهي به نا حكيت عادي انت كبرت الموضوع
المجي : لا نحكيلك عشان معش اديريها لها
امينه : ياحبيبي نحنا نفهمو انك خيها لكن الناس يخطمو يلقوك معاها قريب الساعه 1 في الليل شن يقولو
المنجي ينفخ في الدخان : اخر همي الناس عارفتيني
امينه : باهي به صار خير
المنجي سكت
و طلع سبسي اخرى حطه في فمه ويولع فيه : نبي نبدا نبني
امينه : وانت طيب
وسكتو شويا ..
امينه : امتى نخطبلك اخت وسام ؟
المنجي هز راسه : لالا في وحده في راسي
امينه استغربت : كيف صار مش قلت مافش
المنجي : لا غير قدام عمتي سعاد و البنات ماقدرتش ندويلك
امينه : منو هي به ؟
المنجي ينفخ في الدخان : وحده ماتعرفيهش خليني انكمل الحوش بعدها توا نشيلك لهم ان شاء الله
امينه : عيت من باه ؟ اهم حاجه عندي هلها شن سمعتهم و شن جوهم النسب شي مهم
المنجي اضايق : خلاص ياامي ناس كويسين توا تعرفيهم بعدين
امينه جت تبي اتخش : دبشك نزلته لك ارقد في الصاله تحملها اليوم عيت خوك خذو الدار
المنجي هز راسه بمعنى به
امينه : انزلك فراش ؟
المنجي : توا نرقد ع الكنبه
_________________________
4:00 ص
غالية راقده احدا هناء وتحلم
خالد ماسكها من شعرها ويدف فيها من فوق سطاح
غاليه تبكي : مانبش انموووت مانبش انمووووت
خالد دفها وغاليه طاحت من فوق
ناضت وبحتت في الدار
الحمدلله انا حيه
صبت لبست سباطها ونزلت تبي تشرب اميه
نازله مالدروج بشويااا
الحوش كله ظلام
خشت للمطبخ وضي القمر عاكس مالروشن
فتحت التلاجه دارت ضي عكست عليها
المنجي كح
غالية انفجعت وبحتت وراها ........ـ
ــــــــــــــــــــــــــــــــــــــــــــــ
خشت للمطبخ وضي القمر عاكس مالروشن
فتحت التلاجه دارت ضي عكست عليها
المنجي كح
غالية انفجعت وبحتت وراها في الصاله مظلمه
سمعت صوت حد يتنفس
قربت منه بشويا واتبحت فيه
المنجي تقلب وفتح عيونه
لقا وجها قريب منه واتبحت زين 
😮
انفجع : بسم الله
غالية انفجعت وخرت : كنك راقد هنا
وفطنت انها بلا وشاح قعدت اتوخر
المنجي قمعز وبصوت واطي : تعالي هنااا
غاليه تحشمت : مش لابسه وشاحي
المنجي يحك في عيونه : تي تعالي ظلام مانشوفش فيك كويس
غالية صبت فم الباب وتحكي بصوت واطي : را يطلع عمو رجب يلقاني
المنجي : نسألك على حاجه وعدي ؛ غير تعالي
غالية قريب صبت احداه
المنجي بصوت واطي : نجيبلك من الاخر هكي
غاليه قلبها يدق : شنو
المنجي بصوت واطي : كان خطبتك توافقي عليا ؟؟
غاليه خايفه واتبحت وراها : تصبح على خير
ومشت تجري
منجي صبا يجري لحقها وبصوت واطي : توافقي ؟
غالية خايفه قلبها يدق : الله يربحك فكنا خلاص هايسمعونا
المنجي قرب منها : جاوبيني والله نسكت
غالية تلخبطت : منجي مش وقته توا
المنجي : ريحيني وردي عليا
غالية نزلت راسها وسكتت
المنجي : هيا قوليلي توافقي ؟
غاليه ارتبكت : باهي نوافق بس خليني توا
وركبت تجري
المنجي ضحك وحط يده في شعره
_____________________
10:00 ص
امينه اتلم في الطناجر فم الباب : هذين حدهن الي جبناهن الباقي ابتاع العرب
سعاد ماسكه سله : هذينا الفازوات لميتهن
مختار يبحت في كرعيه : وين شبشبي يامراه
سعاد طلعت فم الباب جاباته : اهواا ... ولبساته له
امينه : وين رجب
مختار : طلع يسخن في السياره
المنجي خش مالباب : هذينا بس الي انشيلهن للسياره
امينه : خلاص شلت واجد ومشيت كم طريق خلي توا انشيلوهن ونحنا ماشيين
المنجي رفع الحاجات : البنات راقدات ؟
سعاد : مزال راقدات قلت توا انوضهن بعد انكملو لم ..
المنجي رفع الشمسية والطاوله طبقها ومشى للسياره
حطهن ع الارض وركب في السياره وطلع تليفونه ...
_______________
البنات راقدات والدار ظلام والمكيف والع
تليفون هناء يرن
هناء يادوب فتحت عيونها : من الي يرن ع الصبح
وبحتت لقاته المنجي 😑 : قيسه صبح هو
وفتحت الخط : ايوه
المنجي : نوضن مروحين
هناء اتأفأف : مزال بدري مبرد دمكم بصراحه
المنجي : وين غاليه
هناء : قول هكي من الاول 😒
المنجي ضحك : كذا هاتيها
هناء اتهز فيها من كتفها : انسه غاليه .. غاليه ... غااااليه
غالية يادوب فتحت عيونها : همممم
هناء مدتلها التليفون وردت رقدت : هاكي منجي
غاليه ابتسمت وتحكي وهي مسكره عيونها : ألو
المنجي ضحك : صباح الورد ياغاليتي
غاليه : صباح النور
المنجي : بلكي سادنا نوم خلاص وانوضو
غالية تحك في عيونها : تؤتؤ مزال نبي نرقد
المنجي : نوضي نشبع من شوفتك شويا قبل مانروحو
غاليه بصوت نعسان : خليني نرقد شويا
المنجي بصوت واطي : بعدين توا تمشي للحوش وترقدي كان النوم يكبر را كبر حجمك من زمان 😂 قصدي راهو كبرن القطاطيس
غاليه معش ردت ويسمع في صوت نفسها
المنجي : غاليه ... غاليتي
ضحك بصوت واطي : رقدتي ياشينه ؟ ؛ خلاص نني توا انشوفك بعدين ....... وسكر الخط
_________________________
3:00 م
مختار مسح ايديه : الحمدلله
سعاد اتبحت في المكان : والله سمحه استراحة الحيطه اول مره انجيها
المنجي يبحت في غاليه : كنك ماكليتي ؟
غالية فنصت فيه ماتبش يحكي معاها قدامهم
صفاء بحتت في المنجي : بحت هنا في الكاميره
المنجي ضحك وصور معاها
صفاء مسكت التليفون وكتبت ع الصوره احلى أخ
امينه : منجي معش رنيت على وسام
المنجي هز راسه : رنيت عليه جوهم تمام قالي مافيه شي نسيبه غير محصل كم خبطه
امينه : اااه كان اطيع امك وادير الي في بالي
المنجي : مش حكينا فيه الموضوع هذا ؟
رجب ضحك : اسمع كلام امك تربح
سعاد : ع البنيه اخت وسام ؟
امينه ابتسمت : عليك بنيه جمال واخلاق
هناء : مش ستايل المنجي ماتمشيش معاه
المنجي منزل راسه وساكت
غاليه صبت : انا راسي يبي ينفجر
امينه : حتى وجهك اصفر
هناء مدتلها يدها : ترا قربي مني ....
وحطت يدها على راسها : نار 😨
🔥
غاليه تلمس في راسها : تغدو انتو وانا نبي نمشي للسياره نرقد
المنجي صبا : توا انوصلك تعالي
غاليه تمشي وساكته
اول ماوصلو للسياره المنجي حط يده على جبهتها : ساخنه بكل
وفتحلها الباب الي قدام : اركبي هنا
غاليه هزت راسها : فكني منهم توا يحطو علينا العين خليني لاوره
المنجي مصبي ع الباب : اركبي هنا مش هانتريح كانك مش احدايا وانتي مريضه
ركبت غاليه ومد يده فتح الدرج الي في الطبلون طلع بنادول
غاليه هزت راسها : مانعرفش نزمطهن الحبوب
المنجي ضحك : ياعليك حاله ... توا ناخدلك دواء شروبو مالطريق
غاليه غمضت عيونها وساكته ..
المنجي ماسك الباب : حانسكر عليك من برا انخش انخلص بس وانجيك ..... وسكر عليها الباب
امينه تمسح في ايديها طالعه مالحمام
المنجي خطم من قدامها
امينه : شن صار
المنجي : عطيتها بنادول قالتلي مانعرفش نزمط
سعاد : هابا على قهايري حتى دواء ماتعرف تاخده كيف الناس
________
غالية في السياره رقدت فتحت عيونها تسمع في صوت البنات
صفاء بحتت فيها : شن صار فيك
غاليه ساكته مش قادره تدوي
هناء حطت يدها على راسها : مازلتي ساخنه
المنجي ركب وسكر الباب : خلاص خلنها توا شويا وتنزل حرارتها
وبحت في غاليه : شنو دايخه ؟
غاليه بحتت فيه وسكرت عيونها
المنجي رقديلها الكرسي ياهناء من احداك
هناء حطت يدها مالجنب وكرت اليد : هكي كويس
المنجي يبحت في الكرسي : رقديه شويا اخرى لكن افطني لكرعيك
______________
4:30 م
وسام يلبس في كاويشه : اترني عليها اليوم
امال هزت راسها وتلبس في محرمتها : انت ادوي لصاحبك قبل يسألهم بينهم بين بعضهم انا مانبش امها اتردني
وسام : باهي امتى ندويله المنجي
امال : شوف اليوم كان تلاقيت معاه ولا عديله في الحوش كان روح وريه انك مهتم
سجى تلبس في كندرتها : ماما قالتلك حنان جيبيلي معاك السفر الفضه ابتاعك
امال : باهي الي قلتيلي قبل ماطلعنا
وسام يبحت في روحه ع المرايه ويسقم في شعره
ويغني : سامي سمه سامسيم سامي سم ؛؛ سامي سمه الله يحفظه لولديه ؛ لـ بوه ولـ أمه ؛ سماسيم سامي سمه ؛؛ حي حي 👏🏼👏🏼
سجى اتبحت فيه وتضحك
__________
المنجي حط مختار في سريره
مختار ضحك : الله يربحك غيرتلنا جونا
المنجي ابتسم : الحمدلله ع الاقل الواحد غير جوه .. تبي شي مني عمي
مختار : نبي سلامتك
المنجي : هيا السلام عليكم
وهو طالع في المامر لقى صفاء شايرلها بيده بمعنى تعالي
وطلع صبا فم الباب
صفاء ابتسمت : نعم
المنجي منحرج منها وطلع تليفونه : كذا عطيني رقمك ياصفاء بالله عليك
صفاء ضحكت : مش مرتبطه راهو 😍
المنجي ضحك : عارفك مش مرتبطه بس اكتبيلي الرقم
صفاء خدت منه تليفونه وتكتب في الرقم
و ضحكت ضحكة لئيمه : عشان اتكلم مني غاليه
المنجي انحرج وطلع مالباب : اممم المهم لما انرن عليك ردي عليا طمنيني تم ؟
صفاء اتسكر في الباب وراه : تم
غالية خشت بلا مآدير شي ولا اتضم
تغطت ورقدت اتحس في راسها ثقيل ..
____________________
8:00 م
المنجي قاعد قدام الحوش تليفونه رن
طلعه بحت فيه لقاه وسام
رد : هاا يامعلم
وسام يسوق : وين يامانجا
المنجي : قدام الحوش كنك ؟
سام : انخطم ناخدك ولا اتجيني انت ؟
المنجي : لا تعالي في الحوش اليوم تعبان وماعندش جهد نطلع
وسام : مش هانخش هانجيك فم الباب نبيك ضروري وعالسريع
المنجي : تم نرجا فيك ؛ وين انت ؟
وسام : قريب منك عطيني دقيقتين
المنجي : تم ....... وسكر الخط
_________
غالية فتحت عيونها الدار ظلام والحوش هدوء
بحتت في الساعه 8:30
صبت يادوب قادره تمشي خشت للحمام وطلعت
لقت صفاء ومروه ايتفرجن ع التلفزيون والحوش امبخر ومضموم
غالية بصوت نعسان : وين ماما وبابا
مروه : بابا راقد قال روح تعبان وماما فوق السطاح ركبت اتنشر
غالية : مافش حد جانا ؟
صفاء ضحكت : لا بس المنجي خذا رقمي 😏
غاليه : باهي يعني ! 😒
صفاء ضحكت ضحكة شر : نعرف ان خذاه عشانك
مروه : قاللها طمنيني علي غالية مراتي حبيبتي 🌚😂
غاليه فنصت فيها : بطلي كذب ياحيوانه
صفاء ضحكت : لا والله قالي طمنيني عليها لما اتنوض
غاليه : عطيني تليفونك باهي
صفاء : كم تدفعي ؟ 🌚
غالية رقالها: صفاء فكيني مالذل ابتاعك عطيني
صفاء : عندي رنه بس راك اتريحيها 😒
غالية : عليك فضايح يعني نبي اندير للراجل رنه !؟
مروه : الله غالب ع الاقل ليبيانا خير من مدار ابتاع من فضلك اتصل بي 😂😂
غالية خدت من صفاء التليفون وخشت للدار
اتفتش في الاسماء وتقرا : منجي منجي منجي منجي
وصلت حرف الميم لقت مكتوب #مانجا
غاليه : مانجا !! 🙄😳 مبرد دمك ياصفاء عليك دلاله 😒
كيف انرن بالرنه لنقانها تزليط !
احسن حل انرن عليه وانخليه يفتح وانقول الو الو داروحني مانسمعش وفصل 😏
بعدها توا يعاود وانقوله قعدت انرن عليك يفصل الخط .. 
😈
👼🏻
____
وسام : انا شاري وجاي مالباب ومادام امي عجبتها وحكتلي قلت ندويلك اتشوف امك انت خير ما اتجي من امي تحرجها
المنجي تليفونه رن لقاها صفاء : دقيقه يالوس نقطعك
وصبا مشى بعيد سكر عليها وعاودلها
غاليه ابتسمت و فتحت الخط
المنجي : أيوه
غالية بصوت نعسان : اهلين
المنجي ابتسم : خير ومرحبا ؛ وين النوم هذا كله
غاليه : مش عارفه رقدت واجد حاسه روحي شن يبي يرقدني في الليل
المنجي بصوت واطي : انا توا انرقدك في الليل
غاليه سكتت
المنجي : شن حاسه روحك توا ؟ الحراره نزلت
غالية : الحمدلله تمام
المنجي : امبدري راسك ساخن بكل نين خفت عليك تمرضي
غاليه ابتسمت : ماتخافش مافيا شي
المنجي : باهي اسمعي انا مع وسام توا يبيني في موضوع مهم
غاليه : كنك تخطب في اخته 😒
المنجي ضحك : لا العكس توا انقولك بعدين
غالية استغربت : مافهمت شي
المنجي : صبي توا كولي وتريحي توا لما انكمل معاه انرن عليك
غالية : باهي نرجا فيك
المنجي : ماتبش اتقولي حاجه قبل ماتسكري
غاليه سكتت وقلبها يدق : حاجة شنو ؟
المنجي ضحك : خلاص هياا توا انزرك بعدين ؛ تشاو توا
غاليه ضحكت وتحشمت : باي
سكر الخط وعدا لوسام
وسام : ياراجل نعنجد التكبيد خليك معايا شويا وماشي
المنجي ضحك : باهي يالوس شن المطلوب مني توا ؟
وسام : ادوي لأمك بينك وبينها كان جو تمام ادويلي توا انقول لأمي اتكلمها وتتفق معاها
المنجي : خلاص وانت طيب ؛ توا انخش هالوقت ندويلها
وسام : وانا نبي انقولك حاجه ان مش اتوافقو عشان اتحشموا ولا حاجه كان هي مش موافقه الموضوع هذا بعيد علي علاقتنا
المنجي خبطه على ظهره : عيب ياراجل
وسام صبا : تبي مني شي انا ؟
المنجي : كمل قهوتك
وسام : لا والله مستعجل نبي انروح بهلي
المنجي : باهي بيناتنا ألو
وسام بحت في بداية الشارع
و برم بحت في المنجي : يامنجا في شقق تشطيب لوكس على شوكة شارعكم ع الرئيسي شفتهن ؟
المنجي ضحك : كيف صار ماه بانيلك باتك فوق منه ؟
وسام : لا ياراجل نحكي عليك انت بلكي تاخد فيهن
المنجي : والله ماني عارف انا مخطط نبي نبني فوق هلي
وسام هزله راسه : نصيحه من خيّك فكك من البني فوق الهل مافش كيف الاستقلاليه
المنجي يسمع فيه وساكت
وسام : انا احتمال نطلع فيها وانا عريس بعدها ناخد برا وانسيبها لمنذر
المنجي يفكر في الموضوع : قولتك هكي ؟
وسام غمزه : وميزتها قريب من هلك وهل المدام
المنجي ضحك : بكرا توا انخطم انشوفهن
وسام ركب في السياره : خلاص يامانجا نشابحوا ! المنجي رفعله يده : تم ياطيري
________________________
#بعد_أسبوع 🌹
7:30 م
المنجي يلبس في كاويشة ويبي يطلع
امينة طالعه مالمطبخ : منجي راك تنسى العصير الطبيعي
المنجي : عصير طبيعي على وسام ياامي !! 😑
امينه : اوووكان كنه وسام شوف هله لما جو شن جابو معاهم الخير كله مش خساره فيهم
المنجي تنهد : باهي تم
امينه : سلم وليدي
المنجي : كم يقعد في المقابله الشرعيه هو ؟
امينة : والله ماني عارفه توا نسأل وانقولك في الليل
المنجي صبا وفتح الباب وطلع
امينة : وين ماشي
المنجي : عندي موعد مع واحد مرات نشري منه شقه
امينه انصدمت : شقه !!!!!؟ كنك بسم الله !!؟
المنجي يحكي وهو يمشي : توا انقولك في الليل
هناء ماسكه تليفونها واترن ... انفتح الخط
هناء متعصبه : انتي بامصيبه
مروه : كنك اتهزبي
هناء : وين اختك نص انصيص ؟
مروه : اهياا احدايا اتلفلك في البوريك
هناء : افتحي المايك
مروه فتحاته
هناء : انتي ياكلبه
غالية اتلف في البوريك : شن تبي مش فاضيه
هناء : تعاليلي نبيك وجيبي معاك توته اعبي انك بايته
غاليه : توا انجيك الصبح فكيني امك توا اتحط عليا العين
هناء : لالا مش شوري انتي الي تبي اديريلي شعري
غالية اتأفأف : باهي انكمل لف البوريك وانجيك
هناء : باهي بيش اتجيبي توته
غاليه : انقول لبابا وكان قالي باهي توا انبات
هناء : مش هايقولك لا وكان قال لا توا نلبس سباطي وانجيه نجداه وانزل دمعتين
غاليه ضحكت : مبردك ؛ خلاص توا نسأله وانقولك
هناء : اوكي تم ... وسكرت الخط
مروه بحتت فيها : بايته عند الغالي 😏
صفاء ضحكت : الحمدلله اليوم ماحد يكلم بتليفوني 😍
غاليه كشخت عليها : قطعتيني بتليفونك توا ربي يعطيني ونشري جديد 😒
___________________
11:00 م
المنجي خاش شايل شكاير سكر الباب وراه
مشى دار المقعد مالقى حد
خش للمطبخ لقاه فاضي
وهو طالع لقى امينه نازله من فوق
المنجي : شن جوكم
امينه : وطي صوتك باتك راقد
المنجي : كنه راقد بدري ؟
امينه : هو روح قبلك قال كان عنده شغل ورقد طول
المنجي ضحك : شكله يبي يجوز عليك ياامونه عندي احساس بالشي هذا
امينه حمقت : تحرك من مكانك كنك اتفاول عليا بطلاقي انت
المنجي ضحك : قصدك تطلقي على اخر الزمان ؟
امينه متعصبه : كان دارها نطلق ونص ماناقص عليا الا زوله لكن يخليلي الحوش انا وعيالي ويطلع طريق السلامه
المنجي يضحك : توا على اساس دارها خلاص و قاعدين في المحكمه 😂😂
امينه ضحكت وتفتح في الشكاير : الله يربحك جبت الحاجات الي وصيتك عليهن وزياده
المنجي طلع للصاله يبي يركب
امينه ركبت وراه
وخش للدار و ولع الضي
امينه : يانويجي
المنجي يسلح في شخشيره : نعم
امينه ابتسمت : راهو في المقابله الشرعيه ضروري تطلع البنت بلا حجاب
المنجي فنص فيها : شنووو 😡
امينه : والله شرعاً هكي قايلين
المنجي اضايق : السريب الواجد فكوني منه تطلع بدبشها الي تطلع بيه للشارع ومكياج مانبش
امينه فنصت فيه : لازم ادير شوية مكياج كيف لا
المنجي : اممممي ماتكسرش كلمتي تطلع على طبيعتها فكوني مالغش يشوف خلقتها الطبيعيه عجباته كانا بيها ماعجباتاش مافش نصيب
امينه تعصبت : بكل تفكيرك بصراحه 😒 توا انت ماتبش ادير مقابله شرعيه واتشوفها ! 😏
المنجي متعصب : قلت الي عندي خلاص ✋🏼
وسكتو شويا
امينة : شن قصة الشقه ؟؟
المنجي متضايق : مشيت دفعت فيها عربون
امينه انصدمت : كيييف
المنجي : ماتبحتيش فيا هكي حتى باتي عارف
امينه : وانا اخر من يعلم
المنجي متضايق : كانك عرفتي قبل مانشريها راكي درتي طواطي
امينه : للدرجه هذي الي تبيها لعبت بعقلك وتبي تباعدك على هلك
المنجي تعصب : يامظلوم معاك الله انا عجبني تشطيب الشقه ولأني مستعجل مانبش نرجا نين نبني
امينه متعصبه : مستعجل ! مش قادر حتى تصبر
المنجي ساكت
امينه : وين هي الشقه ؟
المنجي : في شوكة شارعنا العماره الي ملبسه مرمار الجديده
امينة تبي تطلع ومسكت في الباب : المهم انا مش راضيه وحسبي الله ونعم الوكيل فيها الي قلباتك علينا ولعبت بعقلك وتبي تباعدك عليا ....
وطلعت وسكرت الباب
المنجي تنهد ورقد ع السرير : استغفر الله العظيم ..
_____________
هناء عيطت : ااااه جلدتي حرقتيها 😳🔥😭
غالية تضحك وماسكه السشوار : شن انديرلك مانعرفش اندير هذي اول مره 😂
هناء ماسكه راسها : توا انتحمل بس بشويا راك تحرقي جلدتي اخرى 
😖
صوت الاستشوار عالي
المنجي يدق ع الباب ماحد يفتح
: هناااء ....
يسمع في الاستشوار مد يده وفتح الباب
شاف حاجه قصيره جرت وزقبت ورى السرير 
🏃🏻
المنجي انصدم : حي على اماااا شن جابك هنا 😑 ؟
غالية من ورى السرير : اطلع نلبس وشاحي وخش بعدها
هناء منشرطه مالضحك 😂😂
المنجي رقاله ومشالها ورى السرير : شن اديري هنا
غالية مقعمزه : جايا عند هناء كنك 🙄
المنجي : وانا مش قايل مافيش طلوع لعند انجيبك ولا انصبيلك في الشوكه ؟
غالية بحتت في هناء : عاجبك توا ؟ 
😠
هناء : انا الي قلتلها تعالي توا وركّبت فيها
المنجي بحت في غاليه : هناء اتقولك تعالي اتجي وانا انقولك مافش طلوع للشارع بروحك تطلعي !
غاليه نزلت راسها : انا مش قصدي والله
المنجي رقاله بكل : خلاص في الجديد خلي كلام هناء هو الي يمشي
وبرم على هناء : انتي عليش اديري فيه شعرك ؟؟
هناء سكتت
منجي : بكرا طالعه بحجابك كامل و نلقى نقطة مكياج في وجك انخربه لكي
وطلع وسكر الباب بالقوه
لقى امه مصبيه قدامه ومصدومه
امينه : كنك شن في
المنجي ماباش يرد عليها وخش داره وطبق الباب بالقوه
ومشت فتحت الدار ع البنات لقت هناء بروحها في الدار
امينه : كنه خوك
هناء متنكده : قالي اطلعي بحجابك وماديرش مكياج
امينه بصوت واطي : قولي باهي فكينا منه نايضات عليه جنونه
هناء : الحجاب باهي بس ياأمي نعنجد بلا مكياج هانطلع ع الراجل كإني المنجي لابس محرمه 🙄😭
امينه بحتت في الدار : وين غاليه
غاليه تباوعتها من ورى السرير🙋🏻
امينه ضحكت : شن خششك في هالتركينه الصغيره
هناء : مش منها من ولدك خش علينا تقول ثور هايج
___________________
2:00 ص
المنجي يدخن والدار كلها دخان
وايتقلب يمين ويسار لابس شورت بس
ومش جايه نوم ؛ فتح النت شويا ورقاله
دار تليفونه وضع طيران
و ولع #بونقطة وقعد يدخن
(( ناس عارفه م الليل غير أنجـــــومه
و ناس م الغلا ذاقت جميع أهمومه
م الليل غير طربها ؛؛
و ناس الغـــــــلا جوّر و زاد عـــــذبها
أبقي حــــــالها صــــايف ورا مطلبها
جريح الغـــــلا يصعب عليك أتلــــومه
ناس سامره تــذوح ؛؛
و ناس راقدة في أفراش عطر إيفوح
و ناس قاعــده تبي عليش أتــــروح
ذبلهن غـــلا لبـــاس عالي ســومه
في شقا ما أتغفّي ؛؛
و ناس خيرها جـــاي بالفرج متكفّي
وين ما خطـر مولى الغثيث أمسفّي
أبواب الغــــــــــلا قدامهن ملطــــومه ))
يسمع في الباب يدق بشويا طفا الاغنيه
المنجي : خش
غالية فتحت الباب وتباوعت : واعي
المنجي متضايق وقمعز : كنك تبي حاجه
غالية : افتح تليفونك
المنجي هز راسه بمعنى لالا
غالية بحتت وراها وردت تحكي بصوت واطي : نبي نحكي معاك ضروري
المنجي ينفخ في الدخان : خشي
غالية فنصت فيه : لالا 😠 اطلعلي انت
المنجي حط الدخان في الطفايا وصبّا فم الباب بحت في الصاله برا ورد بحت فيها : كنك ؟
غاليه برمت وجها : مش هانعرف نحكي وانت هكي 🙈
المنجي : كني ؟
غالية : ألبس قبل
المنجي رقاله : تبي تحكي ولا انرد نرقد ؟
غالية اتأفأف : انا اسفه
المنجي : معش يفيد الاسف
غاليه عيونها دمعن : والله ماقصدي انزعلك بس انا ماعندش تليفون وصفاء ماعندهش رصيد
المنجي هز راسه بمعنى لالا : مش سبله كان تقدري حتى من هناء اول ماجيتي را ع الاقل سامحتك ع الطلعه لانك كلمتيني دغري
غاليه دموعها نزلن : مش قصدي والله انا اسفه
المنجي برم وجه ومايبش يبحت فيها
وقعدو ساكتين
غاليه تبكي : انحبك ❤😢
المنجي بحت فيها مصدوم وقلبه يدق : شنو ؟؟
غالية ساكته وتبكي
المنجي مسكها من ايديها وبصوت واطي : عاودي شن قلتي ؟؟
غالية صوتها مبحوح مالبكاء : انحبك 😢❤
المنجي ضحك : وانا انحبك ياشينا
رجب راكب في الدروج : لا حول ولا قوة الا بالله
غاليه حطت يدها على فمها وقلبها يدق
المنجي كرها من يدها بسرعه وخششها معاه للدار وسكر الباب بالمفتاح
غالية اتخبط على وجها : اكيد سمعنا انا متأكده
المنجي حط يده على فمها : اشششش
ودفها صباها ورى الباب وطفا الضي
يسمع في صوت نفسها عالي
غالية لاصقه ع الساس وحاطه ايديها على فمها
و خايفه معش قدرت حتى اتصبي
رجب فتح الباب
ولقى الباب مسكر بالمفتاح
قعد يدق ويعاود يفتح في الباب : مننننجي
غاليه دموعها نزلن واتبحت في المنجي
المنجي بحت فيها
وحط يده ع اليد ابتاع الباب يبي يفتح
غاليه حطت يدها على يده وهزتله راسها بمعنى
رجب يخبط ع الباب : مننننجي
المنجي : نعم ياحاج وقرب فتح الباب
غالية قلبها وقف وجمدت مكانها وسكرت عيونها
رجب متعصب : ساعه عشان تفتحلي الباب وانت كنت واعي سمعت باب دارك
المنجي مصبي عند الباب و يحك في عيونه : لا كنت راقد ونضت للحمام
رجب : توا ياراجل عارفني نبي نطلع الصبح مخشش سيارتك للقوراج عليش ورايا اتضايق فيها في وجهي
المنجي حط يده على شعره : والله راحت من بالي بكل توا ننزل انطلعها حاضر
رجب جا يبي ينزل : باهي المهم الصبح مانلقاهاش
المنجي اطمن : تم اعتبرها حولت
رجب رد للمنجي : شن صار في الشقه
المنجي : دفعت فيها نص حقها والنص الاخر بعد انكملو اجراءاتها
رجب : اي دور ؟
المنجي : الدور الثاني
رجب : ان شاء الله اعتبة خير عليك باهي الي حطيت فلوسك في شقه خير ماريحتهن
المنجي : الحمدلله
رجب مشى جيهة الدروج
منجي : تصبح على خير ياحاج
رجب نازل : وانت بخير
المنجي سكر الباب بالمفتاح ومد يده ولع الوناسه
غاليه فتحت عيونها وقمعزت ع الارض وانهارت بكاء
المنجي قمعز على ركبيه قدامها : خلاص عليش خايفه توا
غاليه ساكته وتبكي بالعبره وماتبش اطلع صوت
المنجي مد يده حطها على راسها : خلاص وراس حبيبي ماتقطعيلي قلبي
وبرم ع الكوميدينه لقى شيشة امية صبا جابها وجا
فتح الشيشه ومدها لها : هيا اشربي
غاليه ايديها يرعشن ماقدرتش تمسكها
المنجي قرب الشيشه من فمها ويشرب فيها : هيا بسم الله
غالية شربت شويا ومسحت فمها بيدها
المنجي حط الشيشه ع الارض : هدينا شويا ؟
غاليه هزت راسها بمعنى اها
المنجي مسك ايدها وصباها : صبي هي
غاليه صبت وساكته ماحكتش معاه ولا كلمه
المنجي فتح الباب : اصبري انشوف قبل واطلعي بعدها
مشى جيهة الدروج بحت لوطه
ورد بسرعه للدار بحت فيها : هيا جري على سريرك
غاليه طلعت بسرعه ومشت للدار
قعد المنجي مصبيلها لعند خشت وسكرت
تنهد وخش داره وسكر ...
_________
غالية قلبها يدق ومالخوف معش عرفت حتى تحكي
قعدت مصبيه عند الدار وتحمد في ربي ان رجب ماشافهاش
فطنت تليفون هناء يضوي ع الكوميدينه
مشت شافت لقاته المنجي
فتحت الخط ودموعها نزلن
المنجي : ايوه
غالية تبكي
المنجي اضايق : مازلنا نبكو حبيبي ؟
غاليه سمعت صوته ردت تبكي بالعبره من جديد
المنجي سكر عيونه : غاليتي وراس عيوني ماديري هكي .. باهي قوليلي عليش البكاء بس ؟
غاليه تحكي وهي تبكي : مالموقف الي حطيتني فيه ؛ باتك مربيني تخايل شافني وانا عندك في الدار وانت لابس شورت راه عدا عقله بعيد
المنجي ضحك : شن نبو انديرو يعني وانا لابس شورت حتى كان مش لابس انقولو
غاليه تبكي : بطل قلة ادب
المنجي ضحك : وراس حبيبي خلاص صار خير
غاليه تبكي : وانت بعدين شن كان موقفك كان شافنا ؟ راك سكتت وانا قعدت على اني بنت مش كويسه قدام هلك
المنجي اضايق : كنك هبله انتي ! تحسابيني فرخ يخش باتي انقوله هي الي جتني تي والله مانخليه يطلع مالدار الا وانا قاري فيك فاتحه
غالية تبكي ومعش ردت
المنجي يضحك : بعدين كان خش باتي را دكيتك فيا وقتله كنا انديرو في حاجات عيب 😏❤
غاليه تبكي : انا مالبدايه قتلك اطلعلي برا واصلا لو مش امسكر تليفونك را ماصارش هكي
المنجي بصوت واطي : والله انحبك ؛ افهمي اني انحبك ومافي نيتي انضرك انا نفديك بروحي
غاليه سكتت وماسكتها العبره
المنجي : قاعده في سريرك
غاليه : اها
المنجي : تغطي وارقدي هيا
غالية تغطت وحطت راسها ع المخده : لالا خايفه مانبش نرقد
المنجي : باهي خلي الخط مفتوح وحاولي ترقدي توا نقعد جنبك للصبح
غاليه سكرت عيونها و اتحاول ترقد
المنجي قاعد ع الخط وراقد في سريره ويسمع في صوت نفسها
((( جميلة تلك المحادثه التي لا تنتهي إلّا بـ نوم أحدٌنا ))) ❤
______________________
المنجي : باهي خلي الخط مفتوح وحاولي ترقدي توا نقعد جنبك للصبح
غاليه سكرت عيونها و اتحاول ترقد
المنجي قاعد ع الخط وراقد في سريره ويسمع في صوت نفسها
((( جميلة تلك المحادثه التي لا تنتهي إلّا بـ نوم أحدٌنا ))) ❤
__________________
هناء مع امها في المطبخ يفطرن
امينه : كنك مانوضتي البنيه تاكل
هناء : نوضتها مابتش اتنوض
اميرة ابتسمت : صباح الخير
امينه : صباح النور ؛ قمعزي افطري
احمد : صباح الخير ياعيله
امينه : صباح الورد يااحميده افطر تعال
احمد بحت في اميره : ديريلي نص ناكله في السياره ع السريع
امينه : كنك طالع بدري مزال عريس اسم الله
احمد ضحك : لنا شهر ومعاها خلاص معش قعدت عريس
امينه : لا عريس مزال
احمد : وين باتي
امينه : مشى للعمل
اميره بحتت في احمد : انحطلك زيتون ؟
احمد : لالا هاتي هك
اميره مداته له
احمد ياكل و طلع : تبو شي ؟
اميره : راك تنسى الي وصيتك عليه
احمد طلع وسكر الباب
اميره : هناء درتي سلطات ؟
هناء : لا غاليه دارتلي بوريك و انا درت بيتزا دوائر وكنالوني وامي دارت بطاطا امبطنه وكفته
اميره : لازم منهن السلطات ع الاقل نوعين
هناء : المشكله معش عندي وقت
غالية خشت اتسقم في وشاحها : صباح الخير
هناء ضحكت : وين النوووووم ياماما
امينه : قعمزي افطري سلم بنتي وجهك اصفر باقيه تقول ليمونه
غاليه مسكت براد الشاهي : توا اندير شاهي وحليب
اميره اتبحت فيها ومبتسمه
هناء : غاليه اميره قالتلي لازم سلطات مع الموالح
غاليه : باهي ديري
اميره : توا انديرهن لكي كان تبي
هناء استغربت : جديات 😍
اميره ضحكت : اها جديات شن فيها ماياخدن شي
امينه : عندي عزاء اليوم مع سعاد ثالث ليله مش عارفه كيف اندير
غاليه : كان ع المد توا انوتوه كله
اميره : توا انا انصبيلك ع السفر ماعليك
امينه : خلاص توا انصبي نبدا في الغداء
_________________________
2:00 م
المنجي خش للمطبخ وشايل شكاير : السلام عليكم
امينه : وعليكم السلام
بحت في غاليه وحركلها حواجبه
اميره : مبروك الشقه
المنجي : الله يبارك فيك
امينه : كان نعرفها الي لعبت بعقلك ناكلها بسنوني
غاليه بحتت في هناء وسكتت
هناء : ياأمي فوقك احمد مش لازم هما الاثنين
المنجي مصبي عند الباب : شن دايرين غداء
امينه اتحرك في الرز : امبطنه و رز بالتقليه
المنجي بحت في غاليه : كذا طاسة اميه ياغالية
غالية صبت صبتها ومدتها له
المنجي مسك يدها وهو ياخذ منها في الطاسه
غاليه تلخبطت : هناء وين حطيتي تليفونك
هناء : فوق في الدار
غاليه طلعت ركبت
المنجي ضحك ومشى يبي يطلع للصاله
هناء صبت تجري وطلعت وراه : منجججي
المنجي برم : ايوه
هناء : انسيت انقولك بكرا عيدميلاد غاليه
المنجي رقاله : كنك ماقلتيلي قبلها
هناء : انا بروحي راحت من بالي بكل
المنجي : انديرولها حفله برا
هناء : وين نص المكانات صكرن ايام الضرب
المنجي سكت شويا
هناء : شن تبي تاخدلها ؟
المنجي : مش عارف مزال ؛ شن رايك في الحياة مول ؟
هناء : باهي كيف انديروها لها انكلمو هلها وهكي
المنجي هز راسه : لالا كلمي صاحباتك اعزميهن وانديروها لها مفاجأه انتي قولي قدامها على اساس تبي محلات وانا توا انشيلكن
هناء : انقول لصفاء ومروه
المنجي : اكيده اها
غاليه نزلت مالدروج ابتسمت : شن تحكو
هناء : انقرمو فيك قتله بارده البنت هذي
غاليه ضحكت : عليك سماطه
المنجي : شن جونا اليوم احسن ؟
غاليه هزت راسها : تمام الحمدلله ..
ومشت تبي اتخش للمطبخ
المنجي : كنك تهربي مني انتي كلما ندويلك
هناء : انه الرعب ياساده 😂
غاليه فنصت فيه : فكني مالوجيج
هناء تضحك : امينه يامخوفتيهم كلهم 😂
امينه في المطبخ : شن قلتي ؟
المنجي ضرب هناء : سلامتك ياامي
رجب فتح الباب و خش : السلام عليكم
المنجي : وعليكم السلام ياحاج
امينه طلعت : روحت يارجب
رجب يمسح في عرقه : صهد برا
______________
أحمد درس قدام الحوش
ويحكي في التليفون : لا تبي بنادول
ومسك اختبار الحمل بحت فيه
هبه : باهي وانت عليش حارق دمك وجايبلها دواء خليها تجيبه بروحها
احمد تنهد : مانبش صداع بعدين هضا دواء تجيبه حتى للغريب
هبه : مش ناوي اطلقها يااحمد ؟؟
احمد تأفأف : توا هذا وقته يابوبي ؟
هبه اضايقت : انت وعدتني انك تاخدني
احمد : باهي انا نبي ننزل توا لان اليوم خميس غدانا عند هلي لازم مانطولش
وتليفونه الاخر رن : دقيقه بس
ومسك التليفون الاخر ورد : ايوه
اميره : وينك يامودي ؟
احمد : هياا حاصل في الزحمه توا كيف خشيت الشارع
اميره : وحشتني
احمد سكر على هبه الخط في التليفون الاخر
اميره : مودي
احمد : حتى انتي وحشتيني .. عطيني شويا بس جاري مصبي ضبحلي
هبه اضايقت اكيده هي الي رنت عليه وسكر في وجهي
بس ياانا ياانتي يااميره !!
احمد مسك التليفون الاخر الي دايره من ورى اميره
بحت فيه وحطه تحت الكرسي ونزل ..
_____________________
6:00 م
غالية ماسكه التليفون تحكي مع المنجي : وراسي انا كحل بس والله مايبان
المنجي : انا قلت لالا
غاليه : عشان خاطري
هناء اتوشوش فيها : قوليله عشان خاطري ياحبيبي
غاليه فنصت فيها
هناء تجدا فيها : الله يربحك لسنيه 😢
المنجي : تي وين رحتي
غاليه : معاك
المنجي : مش عارف قبل اليوم ماشي للشقه سيبت الزواقين بروحهم
غالية : مش معاهم الراجل الي يشرف عليهم
المنجي : لالا انا مصبي عليهم بروحي عليش تخرجت مالهندسه كان نبي انجيب مقاول
هناء تقرص فيها : قوليله حبيبي ياحقيره 😠
غالية ادف في يد هناء و بصوت واطي : حبيبي
المنجي : عيون حبيبك
غاليه : وراسي خلي هنيوه ادير خط كحل
المنجي اضايق : عليك قصة معش فضت
غالية : والله مايبان في الجفن من فوق حتى مش من جوا
المنجي : وكان لقيتها دايره حاجه اخرى ؟
غاليه : لالا كحل بس وعلى ضمانتي
المنجي : هاتي احبيبه به
غاليه كشرت : لالا مافش
هناء اتوشوش : كنه ؟
غاليه حطت يدها ع التليفون : قالي عطيني احبيبه 🙄
هناء : عااااطيه عااااطيه الله يسترك استريني 😭😠
غاليه : لالا مانعطش
المنجي : غاليه !!
غالية : نعم
المنجي : هناء احداك صح ؟ 😒
غالية : لالا انا متغطيه بالورغان وهي تلبس
المنجي : باهي انا نبي انشف شعري ونلبس
غاليه : مازلت بالمنشف ؟؟ راك تمرضلي
المنجي : لا جو تمام
غاليه : باهي خلاص اتفقنا ع الكحل ؟
المنجي تنهد : عارفه كان نزلتلي من فوق تقول عروس والله ماهي خاشه للمربوعه 😠
غالية : لا والله ماتخاف توا ادير خفيف
المنجي : اوكي توا
غاليه ؛ باي ......... وسكرت
هناء : شن قالك
غاليه ضحكت : قالي به بس خفيف
هناء صبت اتنط : ياناااعلياااا واخيييييراً 💃🏻💃🏻😂
_____________________
اميره ادير في سلاطه روسيه و اتخلط فيها بالمايونيز
المنجي خش للمطبخ
اميره : عقبالك
المنجي : سلمك 😒
اميره : عميمه قالتلي في وحده في عقلك
المنجي : ان شاء الله
اميره : عرفني عليها
المنجي : توا لما تخطبوها ليا اتشوفوها
هناء خشت : اميره سامحيني تعبتك
اميره : لا عادي مافيش تعب ..
هناء : وين ماما
اميره : مش عارفه مش قالت ماشيه اتعزي
هناء : اها صح اكيده مشت وقريب اتروح
المنجي تليفونه رن فتح الخط : ها يالوس
غالية خشت بحتت في هناء
هناء قلبها يدق
المنجي : هياا اني طالع
غاليه بحتت فيه : جاا ؟
المنجي غمزها وطلع : جاا 😉
_________
وسام مرتبك ومصبي برا ماسك علبة بكلاوه و باقة ورد
المنجي فتح وبحت فيه : لمن جاي ياشاب
وسام : كنك 😳
المنجي ضحك : والله ماعرفتك ياصاحبي كنك نظيف 😂
وسام ضحك : عدي يااا .....
المنجي : را والله نرفضك ! 😏 افطن رقبتك في يدي 😂
وسام يضحك
المنجي فتحله المربوعه : خش يالوس
________
هناء بحتت فيهن : شكلي كويس ؟
غاليه : تجنني ❤
اميره مشت شور القهوه وبحتت في غالية : انحطو القهوه معاها شنو قاتو الي جابه احمد ؟
خش المنجي مدلهن باكو البلاوه : هاكي هذا
جت اميره خداته منه : معناها انحطو حتى من الي جابه الراجل
غاليه حطت القهوه ع النار ومصبيه ترجا فيها تفور
المنجي بحت في هناء : تعالي
هناء قلبها يدق وبحتت في غاليه
المنجي : مش وقت تبحيت في بعضكن اطلعي قدامي 😡
وسام في المربوعه مقمعز ومرتبك
المنجي صبّا عند الباب : تعالي خشي
هناء بصوت واطي : السلام عليكم
وسام ابتسم ويبحت لوطه : وعليكم السلام ورحمة الله
هناء قمعزت وقعدت ساكته
المنجي قمعز
وسام ساكت متحشم يحكي معاها احدا خوها
___
اميره : توا المنجي قعدلها غادي ضروري يطلع
غاليه : مش هايطلع
اميره : فكري معايا في سبله انجيبوه بيها
غاليه اتصب في القهوه : توا انقوله يجي ياخد القهوه و نمسكه برا
اميره علي ما وتيت انا الموالح بسرعه مرات الراجل مايطولش
غاليه : اول مره في مقابله انشوف حد يدير موالح
اميره : عميمه قالت عشان يعرفوه مش حد براني
غاليه رفعت السفره : توا انرد ناخد مترد البكلاوه
مشت للمربوعه و صبت عند الباب : منجي
المنجي صبا طلع : كنك 😡
غاليه ابتسمت : خود القهوه
المنجي خداها
غاليه : تعال بعدها خود الحلو
خش بالسفره حطها ع الطاوله وطلع يبي ياخد البكلاوه
غالية : كنهم ساكتين ؟
المنجي راقيله : مانعرفش 😑
وخش
اميره تباوعتها : شن صار
غاليه : خش شن اندير ؟ 
😥
اميره : ضبحيله ديري اي سبله ولا طيحي مش انتي ديما طايحه ؟ 🙄😂
غاليه ضحكت و ردت اخرى عند الصالون
المنجي : خود قهوه ياوسام كنك ياراجل مانكش براني
وسام متخزرط : توا ناخد مش داير غيبه
المنجي : عليش متحشم قوللها شروطك وانتي قوليله وفضو السيره الي معش كملت
هناء ابتسمت وساكته
غاليه قدام الباب : منجي
المنجي تأفأف وطلع : تي كنك ازف كل دقيقتين اتضبحي
غاليه مسكاته من يده : وراس عيوني تخليهم شويا
المنجي كشر : لالا
غاليه ماسكه يده واتبحت فيه : وراسي انا خليك معايا طشه وخش
وكراته من يده : قمعز هنا ع الدروج شويا نبيك
قمعز المنجي ع الدروج وقعدت غاليه اتلهي فيه
وسام بحت فيها : كيف حالك ؟
هناء ابتسمت : الحمدلله تمام ؛ وانت
وسام ضحك : تمام ..
و شرب القهوه وحطها : طبعاً بلا مانعرف بروحي عارفتيني وعارفه جميع المعلومات عليا وانا نفس الشي
هناء ساكته وتسمع فيه
وسام : اكيد عندك شروط تبي تقوليهن زي ما انا عندي
هناء بصوت واطي: اكيده
وسام ابتسم : باهي تفضلي نسمع فيك
هناء هزت راسها : لالا انت قبل قول
وسام ضحك : باهي تمام ..؛ انا لاني واعر لاني معقد طبعي كويس وشفتي خواتي لبسهن عادي و اخرى لينا مش متحجبه يعني لا نفرض عليك عبايه لا خمار
هناء ضحكت : تمام بكل
وسام : كملي قرايتك واشتغلي و سوقي كان تبي تسوقي
هناء تسمع وفرحانه
وسام : لكن حاجه وحده نبيها انا راجل نحب المراه البيتوتيه يعني جو الغداء السمح و اصناف جو انروح مالحوش نلقى غداء يمسح الكبد
هناء ضحكت
وسام يضحك : اهم حاجه بطني واسألي خوك
هناء : هذينا بس شروطك
وسام : لا و حاجه تانيه الي يصير في الحوش مانلقاش لا عند هلك لا هلي
هناء : تمام كان هكي
وسام ابتسملها : وانتي شن شروطك ؟
______________________
غاليه مصبيه قدام الدروج : شفت كيف انطلقو وحكو بعد طلعت
المنجي ضحك : يعني انا الي كنت مخرب
غاليه : اها طبعاً توا بحت نحنا بروحنا محلانه تخايل يجي حد يخرب علينا مش هانسكتو ؟
اميره تباوعتهم : منجي جيب القهوه خلاص وخود الموالح
غالية ضحكت : اهو شفت لما اميره طلعت سكتنا
المنجي اضايق : نعنجد موالح ؟ مش لمه هي 😑
غاليه ابتسمت : امي امينه قالت هكي ونحنا نفذنا
المنجي : عليك رايات 😤 ...
غاليه : وراس حبيبي روق شويا
المنجي صبّا
غاليه : خود القهوه وتعال
المنجي خش عليهم سكتو
وسام بحت فيه : وين يامانجا
المنجي : خلاص الامور تمام واتفقتو ؟
وسام ابتسم : لا تمام
المنجي بحت في هناء : باهي هيا كان عندك حاجه قوليها واسقدي
وخذا القهوه وطلع
هناء جت تبي اتصبي
وسام : هكي متفقين تمام
هناء تحشمت : ان شاء الله خير
وسام مسك باقة الورد وابتسم : هاكي هذي لكي
هناء خدتها منه : شكراً ليش تعبت روحك
وسام : لا مافش تعب
هناء طالعه خبطت في المنجي شايل سفره
المنجي بحت فيها
هناء وجها انحمر وخشت تجري للمطبخ
غاليه بحتت في الورد : ياخيااا نجيه
اميره ضحكت : يفهم في الذوق طلع
هناء قمعزت : ياناعليااا يابنات وجي طاااح
اميره قمعزت مقابلتها : باهي شن قالك
هناء : شروطي الي نبي انقولهن له ابتاع قرايا وشغل سبق بيهن هو قبل واخرى سوقي و جوه يهبل 😍
غاليه كرت كرسي وقمعزت معاهن
________________________
12:00 ص
احمد راقد في سريره وراقيله
اميره فتحت الحمام وطلعت خشت للدار
بحتت فيه لقاته راقيله
اميره : كنك
احمد احمد بحت فيها : انتي الي كنك مبتسمه
اميره ضحكت : انا حامل
احمد ضحك لكن ارتبك في نفس الوقت !!
______________
غاليه روحت لحوشهم دارت حمام وخشت سريرها وقعدت اتقلب يمين ويسار
صفاء راقده في سريرها : شن صار يعني هناء وافقت
غاليه هزت راسها : وهو طلعت هناء من احذاه قال للمنجي انا موافق خليها اتفكر وردو علينا ؛ وهناء قالتلي خذا منها رقمها قاللها عادي انكلمك قالتله به
مروه تضحك : ناعلياا عقبالي
غالية عزقت فيها الدب الي احداها : غير نين نسقد انا قبل
_______________
هناء رنت على صاحباتها كلهن وعزمتهن على بكرا عيدميلاد غاليه في مول الحياة
و رن عليها تليفونها لقاته وسام ..
ردت وقعدت تحكي معاه ..
____________
9:30 ص
المنجي مع العمال في الشقه : ربي يعطيك الصحه يامعلم
الزواق : عجبك الشغل تمام ؟ يعني راضي
المنجي يبحت في الساس : لا تمام حتى الجبسنبورد عجبني جا زي مانبيه
الزواق : هاتخلصني امتى يااستاذ منجي
المنجي : بكرا اتخطم علياا وانكملك باقي الحسبه ان شاء الله
تليفونه رن بحت لقاها صفاء ،
مشى على جنب و فتح الخط : ايوه
غالية بصوت نعسان : صباح الخير
المنجي : صباح الورد ياعيوني
غاليه اتأفأف : شن الهرجه الي احداك ؟
المنجي : قاعد مع العمال
غالية : انا نوضتني هناء قالتلي تبي اتشيلنا للمول شن للقصه ؟
المنجي : والله ماني عارف قالتلي نبو محلات انا وغاليه
غالية ضحكت : البنت هذي عليك حركات قعدت لما تبي حاجه اتحط فيها ليا في وجهي
المنجي : عارفه عندك حصانه عندي
غالية : احداك هرجه بكل انخليك ؟
المنجي ضحك : هياا حبيبي توا ماشي عندي شغل بعدين انرن عليك تم ؟
غالية : خلاص تمام ..
______________________
4:30 م
هناء تلبس في دارها جاها اشعار فايبر بحتت لقاته المنجي
هناء : كنك ماروحت تغديت ؟ امي قلبت وجها
المنجي : مش قلتلها عندي شغل في الشقه
هناء : مش عارفه المهم وينك انت توا وشن صار معاك
المنجي : اسمعي مش قلتيلي تبي تهديها فضه
هناء : اها
المنجي دزلها صوره : شوفي الطقمين هذينا وقوليلي شن رايك
هناء كتبتله : الطقم الي ع اليمين عجبني وبسيط نفس الستايل الي تحبه لولي
المنجي : انجيبلك هذا يعني تهديه لها ؟
هناء : خلاص انا هذا بس خليه يغلفه
المنجي : ماعليك تم
هناء : وانت شن خديت
طلعلها seen وماردش
هناء حطت التليفون و صبت اتكمل لبسها
____________
صفاء : مروه تمام ولا انغير البلوزه
غاليه : مش عارفه عليش هناء قالتلكن تعالن
مروه غمزت صفاء : حتى نحنا نبو نشرو وشاحات جدد
غاليه ترفع في شعرها : يعني حبكت الطلعه معايا
صفاء : يعني من يبي يشيلنا ؟
غاليه وجعنها خواتها ان مافش حد يطلعهن ولا يشقى بيهن
ابتسمتلها : توا نزوج ونطلعكن وناخدكن عندي ديما
مروه : و تسفرينا معاكي 😍
غاليه ضحكت : خلينا نحلمو على قدنا
صفاء : غاليه شن شكلها شقتكم
غاليه ضحكت : مزالت سفرتح فاضيه ؛ ماوريتكنش الصور ؟
مروه تلبس في وشاحها : لالا
صفاء تليفونها رن
بحتت فيهن : هذي هناء
وفتحت الخط : نهنوهة
هناء : نحنا برا راهو
صفاء : هياا طالعين
مروه طلعت تجري
سعاد مصبيه فم الدار : راكن تطلبن حاجه مالراجل
مروه : مانبو شي نبو ندهورو بس وانتعشو برا 🌚
سعاد فنصت فيها : ايييوه اطلبن منه عشاء و فلسن بيه
صفاء طلعت تلبس في كندرتها : مش هانطلبو ياماما
وفتحت الباب وطلعت تجري ورى مروه
غالية طلعت تلبس في كندرتها
سعاد : عليش لابسه كعب ؟
غالية : تبي الناس يعفسو عليا ؟
سعاد ضحكت : ماطولنش
غالية طلعت وبحتت في المنجي وابتسمت
المنجي فتح الروشن وسلح النظاره : تي خششي شعرك معقوله هكي ؟ 😡
غاليه ابتسمت وخششاته : اهو خششته وفتحت الباب وركبت وراه
المنجي عدل المرايا عليها وبحت فيها
مروه : حطلنا اغاني يامانجا 😍
صفاء : اها حط عشان انصور سناب 😍
المنجي مدلها الخيط : هاكي حطي انتي
_______
امينه اتزغرت : ماشاءالله الف مبرووووك
اميره مبتسمه : الله يبارك فيك
امينه فرحانه بصوت عالي : يارجب اميره حامل
رجب طلع مالدار ويبحت في اميره : ماشاءالله مبروك
اميره تحشمت : الله يبارك فيك ياعمي
امينه : اسمعي راك تشيلي ثقيل وفكينا مالجري ع الدروج
اميره تضحك : مش للدرجه هذي
امينه بحتت فيها : انتي وين طالعه لابسه ؟
اميره : ماشيا لهلي انبشر ماما
امينه : سلميلنا عليها
اميره : سلمك .....
وتليفونها رن فتحت الخط : ايوه .... هياا اني طالعه
وسكرت بحتت في امينه : احمد يهزب طولت عليه
امينه : لا يهزب لا سو انتي حامل تنزلي وحده وحده عالدروج
_____________________
صفاء فرحانه : مش مصدقه روحي
مروه وشوشتها : يعوينها غاليه دايريلها عيدميلاد
المنجي بحت فيهن : خشن لمحل السمكره والزواق هذا نركب انشوف واحد صاحبي فوق وانجي
مروه : كيف سمكره وزواق ؟
غالية ضحكت : قصده محل المكياج
هناء تضحك : تعالي لولي نبي ايلاينر جديد
صفاء : هياا انخشو انمكيجو مالمكياج ابتاع التست 😍
مروه ضحكت : ونطلعو عرايس 😍❤👏🏼😂
غاليه فنصت فيهن : بطلن قلة ادب
خشن للمحل وقعدن ايتفرجن ع المكياج يرجن في المنجي ينزل
غالية بحتت في هناء : هنووو
هناء ماسكه كحل اتجرب فيه على يدها : كنك
غاليه : اول مره ماتقوليلش كل سنه وانتي طيبه
هناء شهقت : عااااطني داااا كيف راح من بالي
واضبطتها : سامحيني لوليتي والله راح مني كل سنه وانتي طيبه
غاليه ضحكت : وانتي طيبه عارفتك امس لاهيه مع وسام و خطبه هكي يعني عاذرتك
هناء : والله راحت حتى المنجي مايعرفش مفروض انا كنت انقوله
غاليه ابتسمت : لا ماتقوليهش له توا لان هايضايق و يتنكد عارفته انا
المنجي نزل وخش للدكان
غاليه ابتسمتله
المنجي : شن صار نطلعو ولا تاخدن حاجه
غاليه بحتت حواليها : وين البنات
هناء : اكيد في شي تركينه يديرن في روج بالسرقه 😂
غاليه مشت اتكلم فيهن
هناء بحتت في منجي : شن صار ركبت شفت الجو ؟
المنجي : تمام ولقيت كم بنت قاعدات قالي الراجل جن وقالن انهن شور العيدميلاد
هناء : باهي توا انقول قدامها ان خوات وسام فوق بالصدفه ونبي نركب معاهن
المنجي : وكان قالت نركب معاك ؟
هناء هزت راسها بمعنى لالا : هي ماتحبهنش مستحيل هاتركب ؛ وانت دير جوك امسكها
غاليه جت ومعاها البنات
المنجي بحت فيها : تبش شي من هنا ؟
غاليه : لالا نبي سلامتك
المنجي : باهي شوفي البنات بلكي يبن
غاليه سكرت عيونها وهزت راسها : لالا مايبنش
وطلعو ركبو للدور الثاني
مشو شور محل دبش
هناء دارت روحها تليفونها رن : ايوه .... وين شفتيني ماشفتكش انا ؟ ... ركبتي فوق ؟ ..... هههههه هياا جايا
غالية بحتت فيها : من ؟
هناء ابتسمت : هذي لينا .. تركبي معايا انشوفوها
وقرصت صفاء من يدها
مروه : انا انجي معاك 😍
هناء : تعالي انتي وصفاء
غاليه كشرت و مشت بروحها اتفرج
المنجي بحت فيهن : خفن ايديكن فوق حاولن اتكملن بسرعه
هناء : حاضر حاضر
وركبن يجرن ....
المنجي برم لقا غاليه مصبيه قدام فترينا واتبحت في قفطان
المنجي بصوت واطي : عجبك حبيبي
غاليه ابتسمت : اها حلو
المنجي طبس قرب منها : ناخدوه ؟
غاليه هزت راسها : لالا
المنجي : خشي بس انشوفوه
غاليه اضايقت : لالا يامنجي مانبش
المنجي استغرب : عليش اضايقتي باهي
غاليه : مانحبش ناخد شي من حد
المنجي اضايق : انا قعدت حد توا ؟
غاليه بحتت فيه : تي ييييه علياا مش حد انت بس انا متعوده على هكي
المنجي اضايق : باهي تمام .. تعالي انشوفو المحل الي احداه
غاليه تمشي وهي ساكته
وصبو قدام محل احذيه
المنجي : كم مقاسك انتي ؟
غاليه : في الكنادر
المنجي : اها
غاليه : 36
المنجي ضحك : كرعين مواليد كنك
غاليه ضحكت : والله خلقة ربي
المنجي : باهي والدبش ؟
غالية : 38 ولا 36 حسب الحاجه
المنجي : امممم باهي تمام
غاليه : عليش كنك
المنجي : مش من حقي يعني نعرف كم مقاس حبيبتي
غاليه سكتت
المنجي شايرلها ع الدروج هياا نركبو
غالية فنصت فيها : كنك تبي لينا 😡
المنجي ......
_______________
المنجي : لالا نضت ؛ اصلا نبي نمشي انصورلك اطقم الحمامات
غاليه : بلكي مزال بدري
المنجي : تي وين بدري انا كان نلقى انكملها اليوم وناخدك بكرا
غاليه : وانت ديما مستعجل
المنجي تنهد : ااااه وخلاص
_________________________
اميره راقده فطنت حد يبوس فيها في خدها فتحت عيونها لقاته احمد
فتحت عيونها ومسحت خدها : شن تبي لاحقني لعند هنا
احمد بصوت واطي : انا اسف حقك عليا كان راقيلي
اميره قمعزت : اطلع برا وسكر الباب را والله نمشي لعمي
احمد متضايق : كنت فاصل امس والله ماقصدي
اميره صبت : سيبتلك الحوش بلي فيه عليش لاحقني
امينه فتحت الدار وفنصت فيه : توا عليش جايها ادره في كبدها المراه اتوحم ومش ناقصها
احمد : امي ارجوك ماحد يدخل ✋🏼
اميره : شن رايك اندخل هلي ولاهلك ؟؟ وانت عارف بابا كان مشيتله حرجاته هايطلقني منك دغري وقالها لك قالك يوم الي اتجيني حرجانه معش اترد
احمد ايتأفأف : اصلا الحق علياا انا جاي انصالح فيك واتهددي فيا
امينه : اطلع امشي شغلك
وبحتت في اميره : اطلعي افطري قوتي روحك خليه توا يشعف ويرد للطريق
اميره فرحت بكلام عمتها وبموقفها معاها ❤
واضايقت من روحها لانها ماكانتش اتعامل فيهم كويس وخاشه عليهم مالبدايه كإنها خاشه جبهة حرب
ف قررت انها تكسبهم وتعاملهم كويس عشان يقعدو ديما في صفها 💪🏼
__________________
4:30 م
المنجي طالع مالدار : هناااء .. هنااااء
هناء تباوعاته من لوطه : كنك
المنجي قرب مالدروج وبصوت واطي : كلمي غاليه قاعده مكسده بروحها
هناء ضحكت : الحب دح دح 💃🏻💃🏻😂😂
المنجي : هياا قبل مانطلع عشان انجيبها
هناء : بس هي واميره مايحبنش بعضهن
المنجي هز راسه بمعنى لالا : يومتها حسيتهن تمام بدا يمشي الجو غير كلميها توا تجي
هناء : تم توا انقوللها
امينه نازله م السطاح : طالع ؟
المنجي بحت فيها : ماشي انشوف حمامات
امينه مسكت سوريته : حرام هذي مش ابتاع بهدله
المنجي: لا جو تمام
امينه : غير كان طاوعتني وبنيت فوق خوك
المنجي نازل مالدروج : كان هضا را مزال حتى ماصبيت السقف
امينه اضايقت : خاطري نعرف عليش مستعجل بس قيسها كلباتك وكلت عقلك
المنجي ضحك : ان شاء الله خير
_________
4:30 م
غاليه مقعمزه فاتحه فيس واتفتش في صفحة المنجي
: احسن مافش ولا بنت معلقه الا ساره بنت خالته تدحنس
اوووف مش عارفه امتى نبي نفتك منها ان شاء الله تجوز وانتريح وانا كان نلقى نحبسه في فازو واندسه في دولابي ماحد يشوفه
تليفونها رن
غاليه فتحت الخط : ألو
هناء تضحك : تي وين لقيتك منزله بوست
غاليه : اها رديت للفيس مانحكيلكش
هناء : اكيد دايره برج مراقبه ع المنجي
غاليه ضحكت : مانحكيلكش توا كنت انفتش
هناء : حتى انا اول ماقالو وسام يبي يخطبك تذكري شن درت ؟
غاليه ضحكت : درنا جوله تفتيشيه في الليل
هناء : تعالي اليوم كسدي معانا
غاليه : انتي ومنجي
هناء : انا واميره
غاليه : لالا فكيني منها توا تقعد اتعزق في الكلام
هناء : وراس لولي توا انحطو فيلم وانغيرو جو
غاليه : توا انشوف ماما هانقول انك رنيتي على تليفون صفاء
هناء : مزال ما حكيتيلها انتي ؟؟
غاليه : مزال وخايفه اتقلولي كيف تقبلي هديه هكي
هناء : باهي حكيتي للمنجي ؟
غاليه : لالا مانبش انقوله انخاف انقوله يقول في عقله هذي تبي امها تعرف يعني اتزر فيا ع الخطبه
هناء : انتي تعالي هو توا يروح يدير حمام بعد المغرب توا نعزقله دوس
غاليه : خلاص توا انقول لماما وانجي
هناء : رني عليه راك تجي بروحك ويديرلك نهار اسود
غاليه ضحكت : لالا شعفه وتوبه توا انقوله يصبيلي في الشارع ...
وخش عليها المنجي انتظار : اهوا يرن سكري
... وردت عليه : ايوه حبيبي
المنجي : كلماتك هناء يابيبي ؟
غاليه : توا خشيت عليا انتظار انت كنت نحكي معاها
المنجي : مش عارف التليفون مايطلعش الانتظار
غاليه : اهاا
المنجي : باهي جايا ولا لا ؟ هياا انا نبي نطلع توا را
غاليه : باهي عدي للشقه توا انرن عليك بعد ساعه تعال خودني
المنجي : على اساس تبي تلبسي فيلو انتي كلها عبايه واطلعي
غاليه : لالا مانبش عبايه
المنجي : هي نص ساعه للشقه وانجي نلقاك واتيه
غالية : باهي حاضر
المنجي : الله الله في شعرك ؛ مانبش انشوف شعره برا
غاليه تضحك : حاضر
__________________
سعاد اطيب في قهوه في المطبخ
غالية خشت بحتت لقت سفره وفناجين ع الطاوله
بحتت في امها : لمن هضا كله من جاينا
سعاد : رجاله جايين لبوك
غاليه خدت طرف اغريبه من المترد : من هما
سعاد : مانعرفش قالي جاييني رجاله
غاليه : غريبه انظر من
سعاد : شن دايره هناء في الخطبه ؟
غاليه : تمام الحمدلله مبسوطه
سعاد : ان شاء الله تلحقيها ونفرح بيك
غاليه ضحكت : ان شاء الله
وسكتن شويا ..
غاليه : نبي نعدي لهناء
سعاد : مش كنتي معاها امس ؟
غاليه : قاعده هي واميره وامها ماشيا لحوش خالتها
سعاد : من من خالاتها
غاليه : عيشه تهيالي ماسألتهش انا
سعاد : باهي عدي غير ماطولش في الترويحه
غاليه تمسح في ايديها : باهي حاضر مش هانطول
______________
اميرة مقعمزه في دار المقعد
هناء : خلاص فكيها عاد
اميره بحتت فيها : خاطري نعرف شن قلبه عليا
هناء : بلكي انتي درتيله حاجه بلا ماتفطني
اميره هزت راسها بمعنى لالا : والله ماجيت شوره
هناء سمعت الجرس صبت : اكيد هذي غاليه
اميره اضايقت : انتي كلمتيها ؟
هناء : اها قلت انغيرو جو
اميره سكتت
_______
المنجي ماسك تليفونه وفاتح ع الصور : خلاص يعني الطقم هذا انركبه في الحمام الكبير
غالية : والصوره الي قبل هذي ركبه في الحمام الصغير
المنجي يبحت في الصوره : خلاص تم
غاليه : كان سعرهن غالي فوتهن انشوفو وحدات اخرى
المنجي : خلاص اسكتي يامسكينه عليش نستخسر في روحي الحاجه السمحه خلي الواحد يعيش
غاليه ضحكت : عيش من ماسكك
المنجي : هانت خلاص انركب المطبخ انجي نخطبك دغري ويقعد مزالي الاثاث بس
هناء فتحت وبحتت في غاليه : وينك
المنجي : ماتبن شي انا طالع
هناء : دير خير جيبلنا عشاء من برا
المنجي ضحك : ورايا حوش انكمل فيه بشويا عليا
هناء ضحكت : الحوش ادير فيه لغاليه مش لياا انا نبي ناكل
غاليه تضحك : اعوذ بالله من لسانك
المنجي : باهي كان كملت بدري وطلعت توا انرن عليك ....
وطلع وسكر الباب .....
اميرة مقعزه بروحها في دار المعيشه
غاليه تباوعتها : اهلين
اميره ابتسمت : خيرات كيف حالك
غاليه : مبروك عليك البيبي
اميره : الله يبارك فيك عقبالك
هناء مصبيه عند الباب : انديرو كبتشينو
اميره : هنيوه انا قهوه عربيه الله يربحك راسي يبي ينفجر
هناء فنصت فيها : مش كويس عليك وانتي حامل
غاليه بحتت في اميره : حطي معاها حليب
__________
مختار في المربوعه : بلا راي البنت المهم نا انتهنى عليها
مصطفى : لا ياعمي المهم رايها ماناخدهش غصب كانهي ماتبش
مختار يشرب في القهوه وحطها : لا سألتها والبنت موافقه
عبدالقادر : خلاص معناها على بركة الله
مصطفى ابتسم ..
عبدالقادر : امتى انديرو الدفع والفاتحه
مختار بحت في مصطفى : انت مستعجل ؟
مصطفى : والله ياعمي شن انقولك ..
عبدالقادر قاطعه : بشقته وشغله الحمدلله خلاص نبو نفرحو بيه
مختار ابتسم : ان شاء الله ربي يفرحنا بيهم
_______________
6:00 م
اميره تضحك : عاطك الخير ياهناء قلتيله هكي
هناء : والله عادي قلتها قتله اسمع راني عشت في حوش هلي بنقله في حوشي نبي نرقد للظهر
غاليه تشرب في كابتشينو : شن قالك
هناء : قالي ارقدي انا شغلي لعند العصر المهم انروح نلقى غداء
غالية ضحكت : المهم عنده بطنه
اميره : الراجل الي كل همه بطنه هذا ساهل ديريله اكل وتريحي ؛ الكاينه لما يقعد همه في حاجات اخرى يطيح سعدك وراه
غاليه بحتت فيها : كيف يعني
اميره ضحكت : عيب حاجات متزوجين
هناء عيطت : وووووه يااميره شكله احمد هك نوعيته 😂
اميره ضحكت : اس ياسخيفه
غاليه تضحك وحطت وجها في المخده : مسمطكن
الجرس يرن
هناء صبت : هاابا اكيده المنجي معش تحمل يقعد بعيد
غاليه فنصت فيها بمعنى اسكتي
اميره بحتت فيهن وساكته
هناء طلعت تفتح : هياا جايا
اميره اتكت ع الكنبه : بطني ليه بكل
غاليه : باهي تريحي ارقدي ماتقعدش مقعمزه
اميره : وحتى دوخه وزعمت الكبد تاريته الوحم واااعر
غاليه ضحكت : ماجاكش الوحم على شي معين
اميره : شكلي جايني على احمد
هناء خشت : اميره وحده تبيك تسوق في توسان بيضه
اميره قمعزت : من ؟
هناء : مش عارفه بلكي بنت خالتك الي تسوق
اميره مستغربه : لا مجده سيارتها كيا
هناء : باهي انقوللها اتخش قاعده برا
اميره : فكيني ياانتي مانعرفش حد يسوق الا مجده
غاليه : وعيب تخلنها برا
هناء : شكلها بنت ناس ماضنش وحده في نيتها حاجه
اميره : باهي انا مش لابسه قاعده بالتوته
غاليه : اركبي بسرعه البسي وانزلي
اميره صبت : به
هناء : توا انقوللها تخش ونقعدو معاها لعند تنزلي
وطلعت هناء بحتت فيها ابتسمتلها : تفضلي خشي
هبة نزلت مالسياره وسكرتها : يزيد فضلك
هناء فتحتلها الباب وتمشي قدامها : تفضلي في المربوعه شويا وتنزل اميره
هبه خشت : سامحوني ازعجتكم
هناء : ولا يهمك .. انتي صاحبتها
هبه ابتسمت : لالا زميلة احمد في العمل جايا انباركلها
هناء ابتسمتلها : اها اهلا وسهلا انستي
هبه اتبحت في الباب : الله يآنسك
هناء صبت : دقيقه انشوفلك اميره
هبه : خودي راحتك
_______
غاليه في المطبخ
خشت عليها هناء
غاليه : شن صار
هناء : مش متريحتلها قالت تشتغل مع احمد وجايا تبارك
غاليه : نعنجد تشتغل مع احمد وجايا عليك وقاحه
هناء : المشكله عارفه اميره مجنونة غيره يعني ماعندهاش جو صديقة راجلي وهكي
اميرة خشت عليهن : شن في ؟
هناء تلخبطت : شنو ؟
اميره : وينها المراه ؟
غاليه شاريتلها ع الباب : في الصالون
اميره : ماقالتش شي قدامكن انها تعرفني وهكي
هناء بحتت في غاليه : لالا ماقالتش شوفيها انتي
اميره استغربت : توا انشوفها
________________
سعاد خشت للمربوعه اتلم في الطواسي : خلاص يعني عطيتها
مختار ابتسم : عطيتها الحمدلله
سعاد رفعت السفره : توا انقولها لأمينه بعدين نمشيلها
مختار : اخرى قالي مستعجل ويبي دفع و فاتحه بسرعه
سعاد : امتى نحكي لغاليه
مختار سرح شويا
سعاد : مختار
مختار : خليها توا اصبري يومين اخرى
سعاد : باه توا نصبر
__________
اميره اتبحت فيها ومصدومه
هبه ابتسمت : كنت حابه انحلها معاه ودي بس هو ماجاش للطريق وانقوله يااما انا يااما انتي هو اختارك وانا مش هانخليه يختارك ويضحك علياا حتى انا بنت ناس ومش لعبه في يده
اميره ساكته وماحكتش ولا كلمه تسمع فيها وعيونها يدمعن
هبه تلبس في شنطتها : وصليله رسالتي قوليله مش هبه الي تلعب عليها يااحمد
وصبت : شكراً على استقبالك ليا
هناء جايا في الصاله شافتها طالعه ابتسمتلها : انستينا
هبه ابتسمت : الله يآنسك سلمي على احمد قوليله زارتنا هبه ؛ انتي اخته هناء صح ؟
هناء ضحكت : اها انا اخته
هبه تفتح في الباب الي برا : فرصه سعيده
___________
غاليه خشت للصالون انصدمت
قعدت اتبحت في اميره : هناااااء اميره تنزف
اميره مقعمزه ساكته ومصدومه وعيونها يدمعن وماتحركش
غاليه قربت منها تمسك فيها و اتعيط : هنااااء دوووونك ليااا
هناء خشت تجري : شن فييييي
وبحتت في اميره دبشها دم : طح سعدي كنهااا
غاليه اتعيط وبارمه وجها اتبحت في الساس : انا مانتحملش انشوف دم رني على حد بسرعه
هناء تجري ومسكت تليفونها داهشه حطت على اسم احمد : (( الرقم المطلوب مقفل ))
هناء : منجي اقرب واحد منجي ... وقعدت اترن ع المنجي
المنجي رد : ايوه
هناء اتعيط : منجي الحقنا بسرعه
ويسمع في صوت غاليه اتعيط احداها
: هنااااء بسرعه معش نقدر انتحمل
المنجي سكر في وجها و مشى يجري على كرعيه في الشارع زي الهبل
وصل ويخبط ع الباب بالقووووه
هناء طلعت تجري : اهو جااا
وفتحتله
المنجي دف الباب وخش يجري : وينننها غاليه شن صارلها
هناء تجري وراه : تي مش هي اصبر
المنجي خش للصالون لقى غاليه ماسكه اميره واميره على نفس الوضعيه انصدم وصبا جمد في مكانه
غاليه بحتت فيه وتبكي : تنزف راهي تموت في يدي
المنجي سكر عيونه وتنهد : لبسنها حاجه بسرعه والبسن اطلعن معاها
غاليه اتعيط : انا انخاف مالدم مانقدرش نخليها عليا اكثر راهي تمووووت ...
وتخبط في وجها : اميره امييييييره ردي عليااا
______________________
7:30 م
امينه قدام جايبها احمد : هذي مراتك والله ماتلقى خير منها
احمد يسمع فيها وساكت
امينه اتبحت فيه : انا توا ندويلها وانت سلم وليدي خود بخاطرها .....
تليفونها رن
امينه طلعاته مالشنطه : هذي هنيوه
وردت : ايوه ياهنيوه انا برا
هناء : امي ماتنفجعيش انا في المستشفى
امينه شهقت : شن فيييييي
احمد بحت فيها : شنو
هناء : اميره نزفت ونزلت العيل وجبناها للألماني انا وغاليه ومنجي
امينه اتعيط : عليك خبااااره ياناااعلي ياعطاب النهارات
واتبحت في احمد : شيلنييييي تواااا ياناعلييييي
احمد : شن في ؟؟
_____
المنجي مقمعز ع الكراسي وحاط ايديه على راسه
غاليه قربت منه وصبت احداه : فجعاتك هناء ؟
المنجي بحت فيها : نحسابك انتي صارتلك حاجه طلعت زي الهبل
هناء جت ماسكه في يدها شريط بنادول : من يبي
المنجي : قمعزي بلا برم
غاليه بحتت في ايديها : ايديا مزال يرعشن لعند توا
المنجي بحت فيها : قعمزي باهي
ومدلها شيشة اميه : اشربي منها هاكي
غاليه قمعزت وتشرب في اميه
هناء : مافهمتش طلعت منها المراه لقيتيها هكي ؟
غاليه هزت راسها : لقيتها مصدومه هكي و تنزف
هناء : انظر من هي وطلعت تعرفني قالتلي انتي هناء اخت احمد
المنجي : من الي جتكم ؟
غاليه : وحده قالت تشتغل مع احمد خوك
هناء : وقالت جايا انبارك وتبي اميره
المنجي رقاله : وانتن كيف تفتحلها الباب ؟؟
هناء : تي تعرف الحوش كله ومنظرها بنت ناس
المنجي تنهد : ااااه يستر الله كان مايطلع احمد ملبز
هناء : كيف ملبز ؟؟
المنجي تليفونه يرن وفتح الخط : ايوه
احمد : وينكم انتو ؟
______________
9:30 م
سعاد مقعمزه في الصاله عند امينه : لا حول ولا قوة الا بالله
امينه تبكي : قبل فرحنا وقلنا حامل البنت و يجينا حفيد انكسرت فرحتنا من عياط الناس ورانا
سعاد حطت يدها على كتفها : اي والله الناس مايخلو حد في حاله ارقي حوشك ياامينه وشربي العيال
امينه : كان نعرف بس من هي الي جت
هناء : قتلك ياماما مانعرفوهاش
امينه جت تبي اتصبي : توا نمشيلها اميره نسألها
هناء : باتي خش عندها وقالي ماحد يخش علينا
سعاد : خليه بالك توا يقرا عليها قرآن وتهدا من خشتها تبكي يامينتي
_____
اميره مقعمزه في السرير في دار هناء وتبكي : ياعمي مازلت عروس جديده ماطقيتش نص سنه و يكلم في صبايا عليا
رجب مقمعز احداها : والله مانخلي حقك يريح واتشوفي كيف انعطب نهاره
اميره تبكي : انا مانستاهل منه هذا كله ويخليها تجيني تمسح بيا الارض في حوشي
رجب متعصب : والله اتشوفي واتفرجي شن اندير فيه ؛ لكن الله يربحك ماتحكي لهلك نا عارف بوك وشرطها عليا قالي البنت عندك وتصير مشكله حلها انت تجيني حرجانه ماترد لحوشها
اميره تبكي
رجب : ونحنا مانبوه خراب بيتك
اميره تبكي : مش قادره نقعد هنا ياعمي نبي نمشي لهلي
رجب : امشي لهلك و وسعي خاطرك كم يوم لكن سلم بنيتي ماتجيبي سيرة الموضوع قدامهم
____________
سعاد مصبيه عند الباب : قبل اليوم نبي نحكيلك على حاجه ضروري توا انجيك الصبح وانقولك
امينه : شن في خير
سعاد : لا خير ان شاء الله توا نحكيلك في الصبح لما انجيك
غاليه محرمتها مرخيه و تاعبه بكل : هيا ماما
سعاد : اسبقيني توا نلحقك
غاليه طلعت لقت المنجي مقمعز قدام الباب
غاليه : شن ادير برا بروحك
المنجي نفخ الدخان : اندخن هنا عشان باتي جوا
وبحت فيها : وجك اصفر يابيبي كنك
غاليه : تاعبه بكل حاسه روحي
المنجي : امشي باهي انوصلك للحوش
غاليه يادوب قادره تمشي : قريب انطيح على وجي
المنجي يمشي احداها وساكت : احمد ملبز طلع يخون فيها وخاش في وجيج صبايا
غاليه انصدمت : كيييييف
المنجي : الي جتكم هذي شكله يكلم فيها ولا مش عارف المهم في جو شين
غاليه اضايقت : هضا الي كان ماخداها راهو مات توا يخون فيها كلهم هكي اصلا
المنجي بحت فيها : كيف كلهم كنك انتي توا تبي تقلبي عليا !!؟
غاليه تمسك في راسها : خلاص انا اسفه بس اعصابي تعبانه
المنجي سكت وقعد يمشي معاها
غاليه صبت قدام الباب
المنجي : خشي ديري حمام دافي و رني عليا انرقدك
غاليه حاطه راسها ع الباب ورنت الجرس
مروه فتحت الباب بالقوه غاليه طاحت عليها
المنجي انفجع : بسم الله
غاليه مقعمزه ع العتبه و تنفض في ايديها : اااه راااسي 😢
مروه منشرطه ضحك 😂😂😂
المنجي يصبي فيها من يدها : كولي و ارقدي بلاش منه الحمام
غاليه اتبحت في مروه : حماره هذ 😡
مروه تضحك : نوحا انك راقده عالباب انا 😂
المنجي بحت في مروه : والنبي وكليها ياصفاء
مروه : انا مروه 🙄
المنجي : وين نندري مانعرفش انفرق بينكن
وبحت في غاليه : كولي كويس
غاليه هزت راسها بمعنى به
المنجي يسكر في الباب : هيا اوكي
______________
1:30 ص
غالية كانت راقده وناضت
لقت خواتها احداها في الدار وقاعدات يوشوشن
مسكت تليفونها و تبي تفتح النت مالقتش اشارة
بحتت في الروشن : وين الماي فاي ؟
مروه متضايقه : روح انس وخداه معاه في الدار
غاليه اتأفأف ومتضايقه : كملت
ورنت ع المنجي ...
المنجي فتح الخط : نضتي ياشينه
غاليه اتوشوش : نضت اها
المنجي : كنك اتوشوشي ؟
غاليه : ماهو انس روح للحوش اليوم
المنجي : اممم باهي تمام
غاليه اتأفأف : كيف تمام انا خايفه يخش عليا ويشوف التليفون ؟
المنجي تقلب : باهي خلي عمتي سعاد اتقول انه من باتي وامي جابوه لكي
غاليه سكتت
المنجي : شنو مش مقنع الكلام ؟
غاليه : ماما مزال ماتعرفش
المنجي : ليش ماتقوليلها باهي
غاليه متضايقه : مانقدرش انقوللها من المنجي هاتقولي بصفته من جايبلك ايفون
المنجي سكت وقعد يفكر
غاليه : خلاص ماتفكرش فوت الموضوع
المنجي : اسمعي ! ...........
_____________________
غاليه : خلاص ماتفكرش فوت الموضوع
المنجي : اسمعي ! بكرا توا انجي وندوي معاها وانقوللها اني جبته لكي ونبي نخطبك وهانطلع من عندكم نحكي لأمي
غاليه تسمع فيه وفرحانه ومعش ردت
المنجي : كنك ساكته
غالية : انا مانبش انزرك بلكي انت ماتبش توا
المنجي اضايق : شنو الكلام الفاضي الي تحكي فيه هضا !!
غاليه : و حتى خايفة من ردة فعل هلك ؛ امي امينة بذات حسيتها مش راضيه وتحسابني قالبتلك راسك عليهم وكان تعرف انها انا توا تكرهني
المنجي : خلاص توا انهي الموضوع انا قلت بكرا يعني بكرا و مش هايصير الا كل خير
غاليه : مش عارفه خايفه بكل
المنجي : انا في ظهرك والله ماتخافي من حاجه
غاليه : ان شاء الله خير ....
وسمعت صوت خطوات خافت
بصوت واطي : بيبي توا نحكو بعدين
منجي : خلاص تم رد بالك من روحك ...... وسكر
غاليه دست التليفون تحت الفراش و صبت ترفع في شعرها ..
صفاء : وين ماشيا
غاليه تفتح في الباب : للحمام
مشت لقت الباب مسكر دقت عليه
انس : من ؟ 😡
غاليه : نبي الحمام 😥
انس : شويا ازف 😑
غالية مصبيه عند الحمام يعني قدام دار المقعد
الي فيها سرير بوها !
مصبيه والباب مردود
مختار : ماصدقت تريحت علي هالبنت
سعاد تحكي بصوت واطي : امتى انقوللها غاليه
مختار : افتحي معاها الموضوع بعد تاخدي راي امينه توا اتشور عليك
سعاد : هو حتى مصطفى ولد حلال ويستاهل
مختار : والعيل كسيب حالته كويسه مش تعبان كيف خوه الكبير
غاليه تسمع ومصدومه
كرعيها معش شالنها تبي اترد للدار ويادوب قادره تمشي وماسكه في الساس
(( شيء مآ يقف في حنجرتي , يخنقني ..
أريد آلبَوح , و أريد البكآاء .. ! )) 💔
المنجي قاعد يدخن تليفونه رن
بحت لقاها #غاليتي
ابتسم وفتح الخط : شكلك رايفتي عليا بسرعه !!
غاليه تبكي
المنجي انفجع وقمعز في السرير : كنك ..! حبيبي
غاليه تبكي : شي يابيبي متضايقه
المنجي مستغرب : توا كنتي تضحكي وتلعبي كنك
غاليه تبكي وساكته
المنجي : خايفه عشان موضوع بكرا !! والله ماتخافي وراس عيوني واخدك واخدك
غاليه سمعت كلامه زادت تبكي اخرى
_________________
11:00 ص
امينة وسعاد في المطبخ
امينه تضحك : انتي ليش زعلانه بوها عنده حق يبي ايتريح عليها
سعاد : انا كنت انقول بلكي عندها حد بنتي وعارفتها الفتره الاخيره تغيرت و فرحانه انشوف فيها
امينه : والي تبيه كنه ماجا وخطبها ياهبله
سعاد ساكته وتسمع فيها
امينه : خلاص البنت عطيتوها ومعش تندس قوليها لها في العشيه
سعاد : ان شاء الله وانتي طيبه
المنجي خش عليها : صباح الخير
سعاد ابتسمت : صباح النور
امينه : كنك روحت توا غريبه ؟
المنجي : لا طالع اخرى غير عرقت ماقدرتش نقعد برا هكي .. ؛ عمتي سعاد قاعده بعدين ؟
سعاد ابتسمت : قاعده كنك خير
المنجي : نبي نشرب معاك قهوه
سعاد تضحك : تعال مرحبتين
المنجي طلع للصاله .....
امينه بحتت في سعاد : ياناعليااا وسواس تغيير دبش وحمامات يروح في اليوم قريب اربع مرات يغير ويدير حمام
سعاد تضحك : نجيه انظيّف مايتحملش الحمو
امينه : بكل في الصيف يتعب فيا لكن متريحه من الغسل والتحديد
سعاد : يحدد بروحه ؟
امينه هزت راسها بمعنى لالا : يخاف على دبيشاته ياحنه يلمهن ويشيل فيهن للمغسله
سعاد ضحكت : ياناااعلي عليك طبع
___________
اميره وهناء في الدار
هناء تدويلها : خلاص اتفقنا تقعدي
اميره متكيه في السرير : رنت عليا ماما نوضتني الصبح بددددري ياما دارت قالتلي ليش ماكلمتوني شكلها عميمه كلمتها
هناء اطبق في الدبش : امي من امس قالت توا انكلمها الصبح وانقوللها انك تعبتي فجر ومايبوش يفجعوك
اميره : معناها لازم نركب حوشي انا نستقبلهم فوق لكن خايفته يقعد قاعد
هناء : توا انشوفه لكي طلع ولا لا !
اميره : وكان قاعد
هناء : وكانهو قاعد وانخلي باتي يحكي معاه يقوله يخاطاك اليومين هذينا ع الاقل نين اتردي صحتك
اميره تنهدت : خاطري نطلق
هناء فنصت فيها : ياحماره تبيها تاخده !! واتخربي حوشك تي والله امس في الليل يبكي بكاء قدام باتي
اميره : سمعتيهم شن قالو ؟
هناء هزت راسها بمعنى اها : يقوله نادم ونزوه وعدت ؛ شكلها لاعبه بعقله وجه المعيزه
اميره بحتت فيها : شن عرفك ؟
هناء : ماهو امي حكت معاه قاللها انا كنت نعرفها قبل مانخطب اميره بعدين انقطعنا فتره ولما عرفتني اجوزت خطرلها تبي اترد واترن عليا وادزلي في صور واتجيه في المكتب
اميره اضايقت : حتى هو غير يسلم داير تليفون من ورايا
هناء : توا غير تريحي يومين وروقي بعدها لازم تحكي معاه واتراجهو
اميره سكتت شويا وردت تحكي : عارفه ياهناء ضميري يأنب فيا
هناء اتحط في الدبش في الدولاب : كنك على شنو ؟
اميره : بنت جيرانكم غاليه كنت ظالمتها ومانحبهش وعرايك انا واحمد من ايام الخطبه عشانها
هناء ابتسمت : وانا شن كنت انقولك ؟؟ انقولك انتي ماتعرفيهش كويس صح ولا لا
اميره : مستحيل ننسى موقفها معايا امس اتحسيها بمروتها وصاحبة صاحبها
هناء : غاليه رغم الظروف الي عاشتهن بس بنت قدعه
اميره ابتسمت : في حاجه بينها وبين منجي ؟
هناء ضحكت : قصدك حتى انتي فاطنه ؟؟
اميره ضحكت : اصلا عيونهم فاضحاتهم اكيد الدنيا كلها فاطنه مش غير انا
___________________
4:30 م
غاليه قلبها يدق وادير في القهوه
صفاء مقعمزه احداها : يبي يحكي لماما اليوم ياريته سبق
غاليه عيونها يدمعن : نبي انقوله في الليل ماقدرتش
مروه : احسن خليه يدويلها وتقوله هي الي صار بلكي تنتهي القصه الي معش فضت
غاليه : ياناعليااا قلبي يبي يطلع من مكانه خايفه يابنات نبي انمووووت
صفاء : انتي عارفه ماما لها زمان خاطرها تنخطبي وتفرح بيك وجا مصطفى الحقير خرب اللقطه خصوصاً انها فقدت الامل من عيالها
سعاد تباوعتهن تلبس في طرحة الصلاة : منجي جا وتن القهوه
غاليه سكرت عيونها ودموعها نزلن لا ارادياً : ياربي قويني
_____________________
المنجي مصبي قدام الباب
سعاد فتحتله الباب
المنجي خش مالباب : السلام عليكم
سعاد ابتسمت : وعليكم السلام خش
المنجي يسلح في كندرته : شن جوكم
سعاد نهدت : والله قاعدين ماغاباك انت
المنجي ضحك : كنك تقول شايله هم الدنيا عمتي سعاد هونيها تهون
سعاد : ييييه يامنجي كان نحكيلك خش للصالون توا انهدرزلك
_______
اميره في حوشها مع هلها
نوريه : والله اول مابحتت في الشاشه وشفتها امينه قلبي انقبض
امينه : حي باهي الي مارنيت عليك في الليل راكي شن درتي
اميره تبكي
امينه حطت يدها على كراعها من فوق : خلاص سلم بنيتي توا ربي يعطيك وتحملي اخرى واتجيبي بدال العيل عشره
نوريه بحتت فيها : عادي ياماما حتى انا اول حمله ليا نزلت
امينه : اها اغلب الصبايا اتصير معاهن اول حمل يقعد مش ثابت
اميره اتبحت في امينه وتبكي
امينه اتبحت فيها و واجعتها
قربت منها و ضمتها : وراس بنيتي ماتقهري روحك
اميره اضبطتها وتبكي : واجعني خاطري ياعميمه
نوريه : مايوجعك خاطرك ياميرو سلم حمادي معاك وجنبك ديما ان شاء الله ربي يعطيكم كل خير
هناء ماسكه تليفونها واترن على غالية
وغاليه ماتردش تليفونها في الدار
___________________
المنجي يعيط : كيف تعطوها كيييييف عمتي سعاد انا جاي بالحلال
سعاد مقعمزه قدامه : كان على عيني ماياخدها غيرك بس هو سبقك يامنجي
مختار خش بالكروسه : السلام عليكم ايش في ؟
المنجي برم عليه : عمي مختار نا دخيلتك
مختار : صوتكم عالي كنكم
سعاد نزلت راسها ومتضايقه : على غاليه
مختار بحت فيه : كانك جيت مانعزها عليك يامنجي را عطيتها لك بدبشها الي عليها بس ولد سيدها سبق والدنيا نصيبات
المنجي يهز في راسه : ماتقهرونش فيها ايش الي ماداره ولد سيدها انديره انا حط شروطك وانا حاضر
مختار ابتسم : القصه مش قصة شروط وماديات انا راجل وتربطني كلمتي
المنجي راقيله : بس ياعمي لازم تاخد راي البنت
مختار : خديته وهي موافقه ومتريحه مع ولد سيدها
المنجي مصدوم : لا مستحيل
سعاد فنصت فيه
مختار : كيف مستحيل !!!
غاليه طلعت تجري مالمطبخ خشت دارها تندب واتخبط في وجهاا: وووووه علياااااا وووووه علييااااااا
صفاء تمسك في ايديها : ماديرش في روحك هكي
غاليه اتنط في نص الدار : يانااعليااا قهروووووني في عممممري قهروووووني في عممممري ياصفاء
مروه تبكي عند الباب
وفاتحة الباب تسمع فيهن شن يقولو : حي علمك ياغاليه بابا قاله البنت موافقه ومتريحه مع ولد سيدها
غاليه اتخبط في وجها : توا يحسابني نكذب عليه وفرحااانه حي علياااا وووووه ووووووه 😭😭😭
صفاء تمسك فيها : اسكتي بس خلينا نسمعو شن يقولو
مختار متضايق : خلاص ارضا يالنصيب وان شاء الله ربي يكتبلك الي فيه الخير
المنجي : انجيبلكم شيوخ قبايل انجيبلكم الي تبوها عمي مختار انجيبلك باتي توا هالوقت بس الله يستر بيتك ماتردني
مختار : حتى خويا عطيته كلمه ومانقدر نطلع معاه عيل وخلاص ان شاء الله ربي يعطيك بنت الحلال الي تستاهلك
المنجي صبا بلا مايزيد ولا كلمه وخانقته العبره وضاق عليه النفس
لبس كاويشه و فتح الباب وطلع
مشى لعند قدام حوشهم
ركب في سيارته وفتح سوريته
وحط راسه ع الدومان
اعصابه تعبن و برمت بيه الدنيا 💔
(( ياربي عاقبني في صحتي وعافيتي بس ماتعاقبنش في غاليتي ))
_______
غاليه تبكي في الدار ومعاها خواتها
سعاد فتحت الدار وخشت : خليك تستاهلي هذي الي ادس حاجه على امها كانك قايلتيلي راهو صبيت معاك
غاليه نزلت قمعزت ع الارض وتبكي : ياماما انحب على كرعيك يامامااااا ماتعطونش لغيره ماتقهرونش في عمري
سعاد فنصت فيها : صبببي باتك يسمع فيك عليك فناصه وقلة ادب
غاليه تبكي وحاطه ايديها على فمها : يامااامااا ماتكسروش قلبي ياماااماااا
سعاد : الحاجات الي قالي جابهن لكي اترديهن له
غاليه : خودوووووهن الحاجات بس ماتقهروونش ياماما حسي بيااا انا بنتك
سعاد : انا كاني عارفته فرخ ويلعب عليك را ماسكتت لكن المنجي غالي عليا وعارفته جاي مالباب ف لميهن بلا شوشره ورديهن له
مختار يدق في الكروسه دق على باب دار البنات وفتح
غاليه برمت وجها شور الساس ومسكت بكيتها
مختار : انتي يابت
غاليه خانقتها العبره : نعم يابابا
مختار : الله لا يسامحك كانك عصيتي كلامي و طلعتي عن طوعي
غاليه سكرت عيونها و عضت فمها وتبكي وماسكه بكيتها
مختار : ربي كاتبلك نصيبك مع ولد سيدك وانا عطيتك و الفاتحه والدفع بعد اسبوعين وفرحك بعد شهر يعني سكري فمك واسكتي
غاليه بصوت واطي : ياناااعلياا دمرتوو حياااتي نهيتوها بيديكم
مختار بحت في سعاد وطلع وسكر الباب
سعاد طلعت وراه
غاليه صبت تندب : وووووه علياااا قهرتي السووووده حي عليك ياغااااليه حي على كاينتي حياتس انتهت
صفاء ومروه يبكن ويبحتن فيها
_________________
المنجي خش للحوش وساكت
امينه نازله مالدروج بحتت فيه : كنه وجك شين
المنجي عيونه رقرقن و خش قمعز في المربوعه وساكت
امينه لحقاته : في من بس ؟؟؟ من هلكم ولا هلي
المنجي بصوت واطي وماحوتك مايدوي : غاليه
امينه انفجعت : كنها شن صارلها ؟؟
المنجي : باتها عطاها
امينه انصدمت : باهي نعرف قالتلي سعاد
المنجي دف الطاوله بكراعه وعيط : وكننننك ماتقووووولي
امينه مصدومه : وانت ايش مالك بيها غاليه ؟؟
المنجي يعيط : نحبها ونبيها والله ماهو واخدها غيري
امينه عيطت : طحححح سعدي عليك نسابات جايبهم لياا ابتاعين حبوس
المنجي : مش عمتي سعاد جارتك وكيف اختك على اساس ! ولا نفاق ؟
امينه فنصت فيه : احترم نفسك انا كانهي اختي من دمي ولحمي عيالها هكي ماناخد بنتها
المنجي صبا يكسر في الصالون : تي والله كان ياخدوها مني نقتل روحي
امينه اتفنص فيه : تقتل روحك على فرخه وشن ولت هي غاليه
المنجي يكسر ويعيط في الحوش
امينه اتعيط : مايطلع منها نص انصيص لاعبه بعقلك وانا انقول ايش الي قالبك
هناء مصبيه وساكته مصدومه
مشت تجري لبست عبايتها
امينه شافت هناء طالعه طلعت وراها : تعالي هنااا
هناء مشت تجري وماردتش عليها
امينة ردت للمنجي : عاجبك شهدت علينا الناس اميره بايته عندها امها الله لا يسامحك
المنجي مسك فازه ع الطاوله عزقها ع الارض كسرها
امينه شهقت : يانااااعليييي هذي من حياة امي رزيتني فيها ارزيني فيك
المنجي متعصب بكل وطلع
قمعز في السياره وماحوتك مايتنفس ....
غاليه مقعمزه ع الارض في دارها وتبكي : ياناعليااا قهرتك في عمرك ياغاليه
صفاء مقعمزه ع الكرسي : باهي صبي قعمزي في سريرك وابكي مش كويس ع الزليز
غاليه بحتت فيها : نرضي بابا ولا نرضي قلبي ؟؟ نااااار ياصفاء والعه فياااا
صفاء عيونها دمعن : حاسه بيك والله
مروه سمعت صوت الباب صبت : را يطلع منجي
وطلعت تفتح
غاليه سكتت واتباوع مالباب
هناء مصبيه قدام الباب وترجا
مروه فتحتلها وبحتت فيها : خشيلها في الدار
غاليه مصبيه وترجا بانت عليها هناء
اضبطتها وردت تبكي : ياناعليااا هنيوه كيف اندير
هناء تبكي معاها : عليك كاااينه الله يقهرهم في عمرهم
غاليه تبكي منهاره
هناء ماسكتها من ايديها واتقمعز فيها ع السرير : كيف يطعوك وانتي مش عارفه حتى عند ربي حرام
غاليه تبكي : كسرو قلبي ياهنيوه 💔 حي على منجي شن صاير فيه يااااربي صبره وصبرني ع البلوه السوده
هناء تمسح في دموعها : كسر الحوش ودار نهار سمعته يعيط لبست وجيتك
غاليه زادت تبكي : ياحبيييبي ووووه علياااا 😭😭
هناء تليفونها رن بحتت لقاته وسام
فتحت الخط
هناء صوتها مبحوح : الو
وسام سكت : شن العياط الي احداك عزاء من ؟؟
هناء تنهدت : هذي غاليه
وسام انصدم : ان شاء الله بوها ؟؟؟
هناء : لا فال الله ولا فالك ؛ هلها عطوها بلا مايقولولها
وسام : نعنجد هذ !! كيف جت وهي وين رأيها
هناء : تخلف بعيد عنك
وسام اضايق : نعنجداااا ! مانجا شن صاير فيه ؟
هناء : كسر مربوعتنا كلها ويعيط ويخبط سيبته وجيتها انا
وسام : لا حول ولا قوة الا بالله هياا سكري توا انرن عليه ..
____________________
#بعد_أسبوع 🌹
1:30 ص
المنجي متكي مع الشباب في المزرعه
وماسك طاسه في يده ويشرب 
🍺
وسام دق عليهم الباب وخش جوا للحوش
فتحله علي
وسام بحت في منجي و انصدم
المنجي عاطي بظهره ويشرب
عمران مدله الشيشه : زيييد ياغالي برد على خاطرك
وسام كر منه الكبايه وبحت فيه : من امتى انت تشرب ؟؟
المنجي : خطاني ياراجل حل
وسام يخبط فيه على كتفه : انا جايبك انتعشو معاهم وانغيرو جو مش نلقاك تسمط فيها
اشرف سكران : خليييييه مالك وماله
وسام ماعدلش عليه : ويكر في المنجي
و يبحت في علي : صبيه معايا
علي جا ويرفع فيه من كتوفه
المنجي صبا : خلااص ازف صبيت بروحي
وسام يهزب فيه : وانا في السياره انقولك ماتستسلمش وتوا ربي يحلها من عنده هضا الي قدرت اديره دغري هكي طحت بثقلك
علي مصبي : يسمع فيهم وساكت
وسام يهزب : عابي عليك والله طلعت انسان ضعييييف
المنجي متضايق وطلع تليفونه يفتح فيه
و يعيط : هاااك شوف الرساله الي دزتها ليااا
وسام مسك منه التليفون
المنجي : عندي حق نسمطها ولا لا ؟؟؟
وسام يقرا في الرساله
(( حبيبي سامحني لاني ماطلعتش قد كلمتي معاك ؛ انا صح وعدتك اني انكمل معاك حياتي للنهايه بس القدر والنصيب كانن اقوى مني ومنك وانا ممكن اندير اي حاجه في حياتي لكن مستحيل نعصي بابا نبي منك اتسامحني و تكمل حياتك بلايا واتأقلم ع الوضع الجديد نعرف انها صعبه عليك كيف ماهي صعبه عليا وانا مازلت اصعب لان انفرض عليا شخص مانحبش ومانبش لكن الله غالب بس انت مازلت حر وتقدر تختار اي حد تكمل حياتك معاه . خليك عارف اني نحبك وحانقعد نحبك طول عمري وادعي ربي ياخذني قبل ماتنكتب عليا كلمة متزوجه لانها صعبه ونار ان شاء الله ماحد يذوقها خلي بالك من روحك عشان خاطري . #غاليتك ))
وسام قراها وتنهد
وبحت في المنجي شافه مقهور ومتحسر وقلبه مكسور من جوا
حط يده على كتفه : مزال ربي يقدر يقلب الدنيا في لحظه
المنجي بصوت واطي : تخلت عليا ياوسام
وخنقاته العبره ؛ كر منه التليفون و طلع وسيبه
وسام لحقه يجري لقاه مصبي وماسك التليفون يتصل ...
غالية حزينه وباين على وجها الحزن مرهقه وتاعبه
راقده في سريرها بالجنب وحاطه يدها على خدها وسارحه
(( زعما في شن يدير توا ؟
ليا اسبوع قافله التليفون واليوم كيف فتحته
ودزيتله رساله زي هذي شن ردة فعله هاتكون ))
تليفونها رن مسكت قلبها وسكرت عيونها
فتحت الخط ويادوب قادره تدوي
غالية : ألو ..
________________________
ليا اسبوع قافله التليفون واليوم كيف فتحته
ودزيتله رساله زي هذي شن ردة فعله هاتكون ))
تليفونها رن مسكت قلبها وسكرت عيونها
فتحت الخط ويادوب قادره تدوي
غالية : ألو ..
المنجي يحكي وداهش : متريحه توا ؟
غاليه تحكي بشويا : ماتلومنش على شي درته ! كله مش بإرادتي
المنجي يعيط : انتي بعتيني
غاليه : معش تقول بعتيني انا مابعتكش
المنجي : بعتيني بالرخيص وسلمتي فيا وانا الي مش راجل لاني وثقت فيك
غاليه : بابا عطاني قلة السماح تبيني نعصيه عشان انحبك ؟ عمره ماكان الحب اهم من رضا الوالدين
المنجي ضحك بهزوه : هاهاها دكيها في هلك توا
غالية استغربت : انت كنه صوتك هكي ؟؟؟؟
المنجي سكت
غاليه انصدمت : ان شاء الله مش الي في بالي
المنجي يكح : مش شورك بيا
غاليه عيطت : معقوله خشيت ع الخط هضا ؟؟
المنجي يتنفس بصوت عالي : ليش درتي هكي
غاليه عيونها دمعن : وانت ليش درت هكي مش كنت اتهزا عالناس الي يشربو ويسكرو ؟؟
المنجي ساكت
غاليه : تبي تقعد زيهم ؟؟
المنجي يغير في الموضوع : انتي متأكده تبيني انخاطاك ومعش تبيني ؟؟ الكلام الي في الرساله قده انتي ؟
غاليه سكت وتبكي بدون مادير صوت
المنجي : ردي وكان قلتيلي خطاني انا والله ماعاد انجي شورك
غاليه تبكي ومتردده : اها
المنجي : شن اها ادوي قولي خطاني ومعش نبيك ومعش نحبك
غاليه تبكي : مانقدرش انقولك
المنجي : يعني تحبيني
غاليه : اها
المنجي يعيط : لييييش درتي فيا هككككي ! مش خذينا عهد مافش واحد يتخلى ع الاخر ؟؟ وين كلامك
غاليه تبكي : باهي اهدااا مش كويس علي صدرك شوف كيف دهشت
المنجي يعيط : تبي ولد سيدك ؟؟؟ بدلتيني بيه ؟؟؟ هذي اخترتهااا
غاليه ساكته
المنجي يعيط : رددددي علياااا
___________________
هناء تحكي مع وسام : باهي امتى مروح للحوش انا جو المزارع انريب منه عارفتهم يقعدو شرب وصبايا
وسام : تي اين صبايا يامسكينه
هناء اتأفأف : انا عارفه اصلا
وسام رقاله : تي انا جايب مانجا انغيرله في جوه شويا اتقوليلي صبايا
هناء سكتت : شن العياط الي احداك
وسام تنهد : هضا مانجا يعبر على مشاعره
هناء : كنه ؟؟
وسام : يكلم في المدام شكله
هناء اضايقت : ياحبيبي ياخويااا مقهور
وسام : مهما نحكيلك شن صاير فيه مش هاتخيلي بناء احلامه كلهن عليها و وخرت في نص الطريق
هناء : حتى هي مسكينه مش منها
وسام : تي فكيني وراس امك بوها قاللها كلمتين قالتله به وسيباته الي يحب عمره مايسلم فلي يحبه ويعاند عليه العالم
هناء تنهدت : باهي جيبه للحوش ماتخلش غادي
وسام بحت في المنجي وهو يعيط : احسن حل ان يروح يرقد ويهدا ؛ خلاص عطيني دقايق بس نطلع بيه
المنجي يعيط : موقفك معايا سلبي وهذي اخر حاجه توقعتها انا مستعد انعاند عليك الدنيا كلها ومانخافش مالخساره
وسام كر منه التليفون وسكر
المنجي بحت فيه وداهش : كنك حتى انت ؟
ومد يده يبي ياخد منه التليفون : هات الخرا
وسام سكر التليفون وحطه في جيبه : اطلع قدامي تعال
المنجي داهش وماردش عليه وقعد ويمشي وهو ساكت
وماحوتك ايتنفس
خانقته العبره بس يكابر 💔
مايبش يبكي ويحس روحه مكسور
مايبش حد يشفق عليه وماحد يشمت فيه ويقول دار عليها هكي وعاند امه وفي الاخر سيباته ..!
" تماسك ! لقد كُنت في وضعٍ أسوأ مرات عدة ، المسألة مسألة صمود."
__________________________
امينه في الصاله مع هناء : قالك جايبه للحوش ؟
هناء هزت راسها : جاي بيه في الطريق
امينه : المضحكه لعبت بعقله نص انصيص واهي اول واحد جاها واتي وافقت عليه
هناء اضايقت : اسمعي ياامي الظلم حرام شهاده لله مشيتلها يوم كان عندهم المنجي اطير للسقف وتنزل
امينه : هبّي هبّي عليهاااا حركات الفرخات نعرفهن كويس تاريته الساكت ناكت وانا الي نحسابها طيبه تاريتني انا الي طيبه
هناء : لا لنقانها مغصوبه ونحكي معاها اتقولي نار راكبه فيا غير باتي زرني
امينه اتشايرلها بيدها : فكيني فكيني 
🖐🏼 حركات الخمسه بلدي
هناء اتأفأف وسكتت
سمعت الجرس رن
امينه بحتت فيها وصبت : اهم جو خشي خليني نفتحله قبل ماينوض بوك
المنجي مصبي قدام الباب وساكت
وسام مصبي احداه ويرن ع الجرس : امسك روحك واقنط مشيتك قدام هلك را يفطنو وتقعد ليلتك جميله بكل
المنجي ساكت
امينه فتحت الباب وبحتت في وسام : خيرات ياوسام كيف حالك
وسام سلم عليها : شنو حالك عميمه شن دايره
امينه : الحمدلله خشو
المنجي خش ويمشي و قريب يطيح
وسام يبحت فيه وفي امه
قرب منه وفنص فيه : اقنط مشيتك ياراجل
امينه فطنت وشمة بنته انصدمت : طيييييح سعدك ؛ طييييح سعدك خششاتك ع السكير
وسام بحت فيها : لا غير ضغطه هابط
امينه اتحرك في صبعها : لالالالا والله مادسو علياا انا نعرف وماني بنت صغيره
المنجي متضايق وساكت
خش مالباب ويركب ع الدروج
امينه تمشي وراه واتهزب فيه بصوت واطي : حي كان ينوضلك بوك ويلقاك هك والله ايتبرا منك يامضحكه تبي تسقد لحوش راجلها وانت تسكر وتبكي وتشلا عليها
وسام مصبي في الصاله : ياعميمه
امينه برمت بحتت فيه
وسام شايرلها بيده بمعنى تعالي
امينه جاته : نعم
وسام يحكي بصوت واطي : راعوه شويا الفتره هذي
امينه : هو الي دارها في روحه بروحه
وسام : قصدي هو باني احلامه كلهن عليها البنت هذي وفي لحظه كل شي انهد
امينه تعصبت : منك لله ياغاليه كلبتي ولدي وعميتيه ودمرتي حياته
وسام اضايق : توا الي صار صار ؛ وهكي ربي رايد بس انتو اوقفو معاه الفتره هذي لان المنجي مش كويس وحالته مش تمام
امينه تسمع فيه وساكته
المنجي ركب داره وسكر على روحه بالمفتاح
سلح دبشه وقعد بشورت وزقب ع السرير ورقد على طول لانه له ايام مايرقدش كويس وتاعب مالتفكير والتخميم في روحه وفي غاليه وفي حياتهم الي خربت 💔
________
11:30 ص
غالية راقده تليفونها يهز تحت المخده
طلعاته بسرعه تحسابه المنجي بحتت لقاته رقم غريب !
زعمك انرد !!
فتحت الخط وقعدت ساكته
سمعت صوت بنت : ألو
غالية : الو
-: غاليه صح ؟
غاليه : اها ؛ من ؟
:- انا اميره مرات احمد
غاليه قمعزت : اهلين كيف حالك
اميره : تمام الحمدلله انتي شن دايره
غاليه : ماشي حالي سامحيني انا مفروض انكلمك ونسأل عليك بعد الي صار بس ليا اسبوعين في حاله
اميره : عارفه والله وعشان هكي رنيت عليك حكتلي هناء انا كنت عند هلي ليا اسبوع وامس جا عمي روحني بالغصب للحوش
غاليه : انتي شعفتيه وعطيتيه درس خلاص توا ردي معاه عادي حرام
اميره : خليك مني انا ؛ قوليلي انتي شن دايره والله قلبي معاك
غاليه : ماعاد عندي ماندير ياميرو شوفة عينك حالتي
اميره : انا عمتي قالتلي انك سيبتيه وانخطبتي لواحد واتي ؛ بس ماصدقتش لعند حكتلي هناء
غاليه اضايقت : اكيد كارهتني هي طبعا
اميره : فوتي المهم منجي عارف انك غصباً عنك
غاليه : حتى هو يقولي انتي بعتيني
اميره : جربتي تحكي لخطيبك وتصارحيه ؟
غاليه استغربت : كيف نحكيله ؟ انا مانكلمش فيه اصلا شرطت عليهم ان مانكلمه لا يكلمني
اميره : جربي احكي معاه قوليله انك تبي واحد ويبيك وان هو خرب عليك
غاليه سكتت .... : مانقدرش انخاف
اميره : هلك عرفو ان منجي يبيك والي صار صار وهو كان فسختي خطبتك هايجي يخطبك وانتهت القصه
غاليه تسمع فيها وساكته اتفكر في كلامها
__________
المنجي في الشقه
جايب عمال يركبو في المطبخ
يسمع في صوت حد يكح عند الباب
برم بحت لقاه باته
المنجي : حاج
رجب يبحت في الشقه : ماشاءالله الله يبارك
المنجي ابتسم : شن رايك ؟
رجب : لا ماشاءالله حتى الديكورات الي في الساس والجو كله ميه ميه
المنجي ضحك : سلمك ياحويج
رجب بحت فيه : شن حالك ياباتي
المنجي يبحت في المطبخ : الحمدلله لقيت روحي قاعد قلت انكمل الشقه خير مانصرف الفلوس الي داسهن
رجب : نسأل فيك على حالك مانسألش ع الحوش
المنجي سكت
رجب : تبي تطلع من حالتك هذي خلي امك تخطبلك ونفرحو بيك سلم ولدي
المنجي هز راسه : لالا نبي انكمل شقتي وانعيش فيها بروحي خير مالهم هكي متريح
رجب : غير تقول بكرا بعد بكرا تجيب عويله تلقاهم لاقدام
المنجي ساكت
رجب : اليومين هذين تريح و رتب امورك وانا توا انخلي امك ادورلك
_________
3:00 م
امينه اتمد في التبسي لرجب : زيد رز
رجب ياكل : لا هكي تمام
هناء اتبحت في المنجي وتاكل
المنجي ساكت يحرك في الرز قدامه وخلاص
هناء اتأفأف
رجب بحت فيها : كنك ؟
هناء متضايقه : بصراحه مش طريقه انحرمت من شوفة غاليه مش متعودين نحنا ع الوضع هضا ياباتي
امينه اتبحت في المنجي وساكته
رجب ياكل في اللحم : وشن حرمك منها
هناء : بعد الي صار معش خلوها اتجي عندي
رجب : توا نمشي لمختار ندويله بعدين انخليها اترد اتجيك زي قبل واتبات اليوم عندك
امينه : مش عارفه عليش عاطيينها اكبر من حجمها خلاص هلها مايبوهش اتجي خليهم براحتهم
رجب بحت فيها : خلاص انتهى الكلام
المنجي صبا
رجب : وين ياباتي ؟
المنجي : الحمدلله
وخذا دخانه من المطبخ وطلع للجنان ....
_______
اميره في الحوش مقعمزه اتغدى
احمد فتح الباب وخش لقاها تاكل وماسك في يده كيس كبير
اميره بحتت في الكيس وردت تاكل
احمد ابتسم : السلام عليكم ؟
اميره : وعليكم السلام
احمد قمعز احداها ع الطاوله
اميره صبت
احمد مسكها من يدها : وين ماشيا
اميره بحتت فيه : انحطلك تاكل
احمد كرها : قعمزي شويا نبيك
اميره قعدت مصبيه وبرمت وجها
احمد مزال ماسك يدها : سادنا خلاص عاقبيني عيطي عليا هزبي بس ماتقعدش ساكته انا نادم وانا غلطت في حقك
اميره بحتت فيه وعيونها دمعن
احمد كرها احداه وقمعزها
قرب منها وباسها على راسها : انا اسف والله مانستاهلك
اميره قعدت تبكي : كنت انتوقع انك ادير اي حاجه في الدنيا بس انك اتخوني هذي ماتوقعتها
احمد يبحت فيها : انتي شاركتي فياا اتفشكي علياا و كل حاجه بجوك وهي لعبت بعقلي ادزلي في صور و مش هانقولك الكلام الي يصير واتجيني في المكتب شن اديرلي
اميره تبكي : وانت مع كل وارد عطشان ؟؟
احمد هز راسه : اكيد لا بس انا راجل مش هانحكيلك تفاصيل اتخش واتسكر المكتب وشن ادير
اميره غطت وجها بإيديها : خلاص معش تقهرني ماهو كنت تبي تاخذها
احمد : هبل انا ناخد وحده هكي !! كنك انتي
اميره تبكي
احمد : والله نزوه وعدت وماعاد اتعاود
ومد يده كر الكيس مده لها
اميره بحتت في الكيس وبحتت في احمد
احمد ابتسم وباس راسها : افتحيه هيا
اميره فتحاته وابتسمت : ورد 🌹 ...
وحطت يدها اخرى مسكت باكو فتحاته لقاته حديده وخاتمها ذهب
بحتت في احمد وضحكت ومزال عيونها جرتهن دموع
احمد ضحك : عجبك ؟
اميره تمسح في عيونها : واجد هكي
احمد قرب منها باسها : مش خساره فيك
اميره ابتسمت واتبحت في العلبه
احمد يحكي بصوت واطي : عارفه اثبتيلي انك بنت اصل لما ماحكيتش لهلك الموضوع وماخربتش صورتي قدامهم
_______________________
5:30 م
رجب مصبي عند باب المربوعه : كبر مقدارك عارفك مش هاتردني
مختار مقعمز ع الكروسه : يارجب راك صاحب حوش وهذي بنتك تخش تاخدها وتطلع مافي حد يدويلك
رجب ابتسم : عارفك والله ماتقصر
غاليه جت لابسه عبايتها : بابا انا ماشيا
مختار : عدي يابابا مربوحه
رجب بحت فيها وفتح الباب : هيا غاليه
غاليه متضايقه : والله كان خليتني خير ياعمو
رجب يسكر في الباب : خلاص اسكتي هضا حوشك وغادي حوشك
___
احمد برا في السياره يبيب واميره راكبه لاوره
احمد : مش معقوله ياامي هضا كله
اميره : عيب ارجاها اكيد اتكمل في لبسها
احمد برم بحت فيها : وين ماشيا هي ؟
اميره : حوش عمتك امباركه بات سلفتها توفى ماشيا اتعزي
احمد : واااااو بنة مرق في طاسه
اميره تضحك
امينه مصيبه في الجنان : راك اتقربجي اتنوضي خوك
هناء مصبيه وماسكه في الباب : باهي حاضر
امينه اتفتش في الشنطه : وراك اتوري قدام خوك انها قاعده نص انصيص اقعدي بيها في الدار
رجب فتح الباب الي برا وخش
بحت في امينه : هيا ولدك برا يرجا
غاليه خشت ابتسمت لأمينه : خير
امينه : كيف حالك ياغاليه مبروك عليك
غالية اضايقت : الحمدلله كويسه
امينه طالعه : هيا بالسلامه
هناء جت تجري اضبطتها : وحشتيني بكل
غاليه ابتسمت : حتى انتي
رجب : ماتبن شي من برا ؟
هناء : سلامتك ياباتي
رجب ماسك الباب : تبن شي وصن المنجي وهو طالع
هناء : باه
رجب سكر الباب وعدا
غاليه بحتت في هناء وقلبها يدق : هو قاعد ؟؟
هناء هزت راسها بمعنى اها : راقد فوق
غاليه : مع اني بحتت برا سيارته مش قاعده
هناء : امس كان في المزرعه وروح بيه وسام سيارته سيبها توا يجيبها وسام في الليل
غاليه قعمزت في الصاله : كلمني هو امس
هناء : شن قالك
غاليه : يعيط ويهزب قالي بعتيني وكلام من هكي
هناء صبت : تعالي للمطبخ انديرو نسكافيه واحكيلي بالتفصيل
_____________________
6:30 م
المنجي طالع مالحمام لابس توته سوده
وينشف في شعره
حط المنشف على حديد الدروج ونزل
يسمع في صوت في المطبخ
غاليه تشرب في النسكافيه : ف انا متلخبطه ماما اتقولي احكي معاه
هناء : حكيتي معاه ؟
غاليه هزت راسها بمعنى لالا : مستحيل
المنجي كح وخش للمطبخ ساكت
غاليه قلبها يدق وبحتت فيه
المنجي مايبحتش فيها بكل
ولع سخان الميه : هناء وين القهوه
هناء اتبحت فيه وفي غاليه : في الدولاب الثاني ؛ انصبي انديرلك
المنجي هز راسه بمعنى لالا : توا انديرها انا
غاليه عيونها تعبن دموع وهي اتبحت فيه
هناء قرصتها و قربت اتوشوش فيها : بطلي بكاء خلاص تقبلي الوضع
غاليه مسحت عيونها وسكتت
المنجي يحط في البكرج ع النار : رنت عليك ساره ؟؟
هناء : ساره بنت خالتي
المنجي : اها
هناء استغربت : وانت من امتى تحكي مع ساره
المنجي : عندي ع الفيس و لها يومين اتخش تحكي معايا
هناء بحتت في غاليه : اهااا
المنجي : جايا في الطريق بايته عندنا
غاليه انصدمت وبحتت في هناء
هناء : باهي انغيرو جو حتى لولي بايته باتي جابها بالغصب
المنجي : ترا وين حاطين السكر ؟
_____________________
8:00 م
المنجي مقعمز في داره
ويدخن ويسمع في #الصافي
((( لغيري رمآگ القسم وإنتي ليآ
مبروگ گآن عشتي معآه هـنيّه ")
يآالله إتهـنّه ..
وتزهـى معآه طول مآ إتمنىّ
گلآ أنظآري هـآلشقى رآمنّه ..
وديمآ إيتبآگن من سريب الغيّه ") 💔
إنتي طيري ..
وإنتي دواء عقلي وإنتي ليري
لگن حكم مولآي جيتي لِــ غيري
مگتوب من ربي موبيديآ ") 💔 )))
دق الباب
المنجي : ايوه
ساره فتحت الباب وتباوعاته : مفاجأه
المنجي ابتسم : اهلااا
ساره خشت سلمت عليه : شن جوك
المنجي : تمام والله انتي شن دايره
ساره مصبيه عند الدولاب : تمام قاعده حال الكساد ؛ ليش ماقلتلي ان غاليه عندكم
المنجي يحك في شعره : مش عارف والله ماشفتها مانعرفش انها قاعده
ساره : هناء قالتلي بايته
المنجي : باهي اتغيرن جو
ساره ضحكت : تي وين عالصافي قالب بيه الدنيا
المنجي ضحك : شن عرفك له الصافي !
ساره : نسمع فيه عند خوتي صوته مميز
__
غاليه وهناء في الصاله
غاليه اتبحت فوق : تسمعي في الضحك !!! مبسووط معاها
هناء : وتقوليلي تبي تروحي !!؟ عاجبك الوضع هضا ؟
غاليه فنصت فيها : نبي انروح اها يعني نقعد شن اندير ننقهر وخلاص
هناء : بالعكس ماتعطيهش راحتها .. ولا ندويلها
غاليه بحتت فيها : شن تدويلها
هناء : انقول قدامها انكم تبو بعضكم
غاليه هزت راسها بمعنى لالا : توا تشمت ويحلالها الجو
هناء : هانقوللها علي داره المنجي عشانك على اساس هو يبيكي بس مافش بينكم شي
غاليه : فكيني منها
هناء فنصت فيها : مش شورك انا هانقول
انفتح الباب وخشت امينه : السلام عليكم
غاليه وهناء : وعليكم السلام
امينه اتسكر في الباب : كنكن قاعدات هنا
هناء : كنا في المطبخ وطلعنا حموانين قعدنا قدام المكيف
امينه اتشاريلهن بيدها : صبن صبن شكلكن تبن تموتن
غاليه صبت واتسقم في دبشها
امينه : وين منجي
هناء : في داره معاه ساره
امينه : فيش ادير معاه ساره فوق
هناء : عديلها من اول ماجت وهي تدحنس عليه
امينه فنصت فيها : عيب عليك تحشمي راهي بنت خالتك
هناء ضحكت : والله هضا الحق بنت اختك دحناسه 😂
______________
هناء : عديلها من اول ماجت وهي تدحنس عليه
امينه فنصت فيها : عيب عليك تحشمي راهي بنت خالتك
هناء ضحكت : والله هضا الحق بنت اختك دحناسه 😂
______________
10:30 م
اميره خاشه للحوش تضحك : بطل سماطه را يشوفونا هلك
احمد ينغز فيها في اجنابها : ناعليا
اميره تضحك بصوت عالي : وراسي انا لا
احمد فنص فيها ويضحك : وطي صوتك
امينه طلعت من دار المقعد تضحك : ماشاءالله نجيهم ياربي
اميره تحشمت وجها انحمر : خير ياعميمه
احمد يسكر في الباب : شن جوكم
امينه : هكي نبيكم ديما تضحكو وتلعبو مالكم ومال المشاكل
اميره ابتسمت : ان شاء الله
امينه بحتت فيها : نبو عيل شدي حيلك شويا
اميره بحتت في احمد و تحشمت
احمد يبي يغير الموضوع : وين الحاج
امينه : في الدار خشله
اميره مصبيه ع الدروج : غاليه باتت ؟
امينه : اها حلفلها عمك 😒 و منجي خطرله مايتحرك مالحوش بكل اليوم
اميره ضحكه : الحب وعمايلو ياعميمه
امينه : حباته عفريته طيح سعده
اميره : حرام عليك ياعميمه والله كويسه
امينه : والنبي فكيني انا الي كويسه
اميره ضحكت : توا نركب انشوفهن
___________
غاليه راقده في سريرها ومعاها هناء
وساره متكية في سرير هناء
ساره : قصدك ماتكلمش فيه
غاليه هزت راسها : لالا مانبش
ساره بحتت في هناء : من جدها هذي ولا اطير في العين ؟
هناء ضحكت : نعنجد اطير في العين
غاليه ابتسمت
هناء تنهدت : ياحبيبي ياخويا
ساره : وكنه خوك
هناء : مقهور ياناري
غاليه فنصت فيها
ساره استغربت : قصدك احمد عشان اميره نزلت العيل ؟
هناء ضحكت : عقلك خضر قصدي منجي
غاليه قرصتها
ساره : عليش مقهور المنجي ؟
هناء بحتت في غاليه : علي غاليه
ساره انصدمت : كيف يعني
غاليه بحتت في هناء : تعرفي اتبطلي براده ولا لا
هناء تضحك : ساره مش برانيه خليها تعرف
غاليه فنصت فيها : هناء !!
ساره : شن في احكولي نوعيتي مانحكيش لحد
هناء في عقلها ( كان مانعرفك راني صدقتك ) 😏
غاليه ابتسمت : مافي شي هناء تسخف
هناء : لا في توا انقولك ياحنه المنجي كان يبي غاليه ولما انخطبت قريب مات و كسر المربوعه و ياما دار
ساره انصدمت و وجها انحمر : غريبه مع ان انا نحكي معاه ديما ومن زمان عمره ماقالي
غاليه تنرفزت : لا انتي تحكي معاه في اخر اسبوعين قبلها ماكنتش تحكي معاه
ساره ابتسمتلها : وانتي شن عرفك ولا كان في حاجه بينكم ؟؟؟
دق الباب
هناء : خش
اميره تباوعتهن : خييييير
هناء بحتت فيها : خشي ياحنه تعالي
اميره : اوووو ساره هنا ماحد قالي
ساره صبت اتسلم عليها : شن جوك شن دايره حمدلله على سلامتك
اميره ابتسمت : الله يسلمك
وبحتت في غاليه : خير ياطير
غاليه ضحكت : اهلاً
هناء بحتت في اميره : ياما فاتك من حاجات
اميره غمزت غاليه : في اخبار اتفرح ؟
غاليه هزت راسها بمعنى لالا
اميره : هبله لانك كان درتي الي قتلك عليه راكي متريحه توا
هناء: شنو الي قلتيلها عليه
غاليه ضحكت : مش شورك
اميره تضحك : خلي غاليه تحكيلك
ساره اتبحت فيهن وساكته
هناء : ميرو نبو ننزلو انحطو فيلم تنزلي معانا
اميره ضحكت : اليوم كيف قعد جونا تمام تبي راجلي يطلقني ؟
ساره ابتسمت : كنكم متعاركين ؟
اميره ضحكت : من بعد زلقتي ع الدروج وتنزيلة العيل وانا تعبانه وصحتي وممنوع عليا اي حاجه
هناء ضحكت : ياناري عليك جفاف
غاليه ضربتها : ياوقحه 😂
اميره ضحكت بصوت عالي : احمد فرحان قالي هرمنا وشالني عشاني برا
ساره عيطت : ايقوت فيك وتي روحك معناها 😂
هناء تنهدت : اسمله علينا
غاليه ضربتها بالمخده : تحشمي يافانص
احمد يضبح : اميره
اميره بحتت فيه من ورى الباب : هياا جايا دقيقه بس
هناء تضحك : هابا مش قادر يصبر
اميره بحتت فيهن وضحكت : خلاص انتلاقو بكرا
واتبوس فيهن في الهواء : امواه امواه 
💋💋
هناء بحتت في ساره : اكيد هلي رقدو ننزلو انحطو فيلم ؟
غاليه : بس مش رعب !
ساره : لا رعب فكينا من جو الاطفال
غاليه غمت روحها بالمخده : مانحبهنش الرعب
هناء تضحك : صار ماصار عدي اضبطي منجي
غاليه فنصت فيها : ياحيوانه
هناء : انديرو شاهي وسبول وانحطو من التشيبس والحاجات الي جابتهن معاها ساره
ساره : خلاص وين الافلام
هناء : توا انجيب من منجي عنده عرم انا ماعندش
ساره صبت مالسرير : توا انا انجيبه منه
غاليه بحتت في هناء وشقلبت عيونها 🙄
ساره طلعت
غاليه بحتت في هناء : امشي وراها وراس هنيوه ماشيتله عقاب الليل شن تبي منه 😑
هناء : هذي تيسه 😒 معناها انزلي لقمي شاهي حمر و وتي السفره
غاليه صبت : هياا نازله بس هنيني عليها الدحناسه
هناء طلعت تجري : تم
________
منجي في داره فاتح الروشن وامصبي فيه ويدخن
ساره ادق ع الباب مايسمعش فيها
فتحت وخشت اتضبحله : منجي .. منججججي
منجي برم بحت فيها : اووي ! من امتى هنا انتي
ساره : امبدري شويا انضبحلك ماتردش
المنجي : هرجة الشارع مانسمعش فيك
ساره بحتت فيه وضحكت : كنك شكلك تقول داعشي مربي لحيتك وشعرك طاول
المنجي مسك لحيته : اهو جو
هناء خشت بحتت فيهم
ساره : كنك مانزلتي للمطبخ ؟
هناء : لولي نزلت
ساره : ماهو قلتي تبي اتوتي سفره
هناء : انا وياها واحد توا اتوتيها هي ماعليك فينا ياحنه 😏
وبحتت في منجي : مانجا نبو افلام رعب
المنجي : شن تبن فيهن الرعب ؟ غاليه تخاف را افطني
هناء بحتت في ساره واتسمت : لا تمام قالت عادي
لولي 😏
المنجي فطن لروحه ان زلق بالدوه صبا عند الباب : شوفنهن في الرف الي فوق وخودن الي تبه
هناء قربت من الرف وخدت مجموعة افلام : كلهن رعب ؟
المنجي : لا في رومانسيات واكشن انتي شوفي بروحك المهم رديهن بعدين
ساره قعمزت ع السرير : ترا عطيني منهن مجموعه انشوف
المنجي فتح الباب و نزل ...
ساره : اكيد ماشيلها
هناء اتشوف في الافلام : طايح بوجه بكل يموت فيها موت
ساره : اهااا وهي ؟
هناء : هي كان عاجبها بس مافش نصيب انخطبت
ساره : لا شكلها تبيه غير داستها عليك
هناء ضحكت : لا ادس عليا لا اندس عليها نحنا شوالاتنا عند بعضنا
_________
غاليه حطت الشاهي ع النار و مصبيه اتحط في زيت وملح في طنجرة السبول
مصبيه تفتح في الحكيه ماعرفتش : ووووه مبردهن الحكاكي الي هكي
المنجي خش للمطبخ لقاها قاعده
شافها ماسكه يدها ويدها حمره والحكيه قدامها
غاليه بحتت فيه وقلبها يدق
المنجي قرب منها خدا الحكيه حلها وحطها لها مكانها
غاليه بصوت واطي : شكراً
المنجي ماباش يرد
وخذا طاسة ويصب في اميه مالتلاجه ويشرب
غاليه بحتت فيه واضايقت نزلت راسها
هناء خشت : لوليتي لقينا هذينا الثلاثه شن رايك ؟
غاليه : اختارن انتن انا عادي اصلا مانحبش الرعب
ساره بحتت في المنجي : وانت تهرب !
المنجي : كيف نهرب ؟
ساره : المكان الي انجو فيه تهرب منه
المنجي ضحك : تعرفيها اغنية نمشي واعي ماني واعي ؟
ساره : نمشي واعي ماني واعي ؟؟
هناء بحتت في غاليه : شور الدار خفيفه كراعي ❤
غاليه بحتت في هناء وابتسمت
المنجي طلع وركب داره
هناء ضحكت : غاليه الاغنيه الي توا دوس لكي
ساره : شن معناها هي مافهمتهش
هناء : يعني بلا وعي يلقى في روحه يجي للمكان الي هي فيه
ساره ابتسمت وقلبت وجها ودارت روحها تلعب بالتليفون
هناء بحتت في غاليه وغمزتها : يابتاع مانجا
غاليه تضحك : تعرفي اتخاطيني ياهنيوه
هناء ادربك ع الدولاب وترقص : نمشي واعي ماني واعي .. واعي ماني واعي .. واعي ماني واعي ؛ شور الدار خفيفه كراعي 💃🏻💃🏻💃🏻👏🏼👏🏼👏🏼
____________
مختار يحكي لسعاد : وبنتك شن فيها كان كلماته هضا ولد سيدها مش براني
سعاد : هالبنت تبي تهبلني
مختار متعصب : والله مانتخيل نين يرن عليا خويا يقولي بنتك شن اتعد علينا ماتبي تحكي مع ولدي ولا مع البنات ماعاد عرفت مانرد عليه
سعاد : لا البنات مارنن علياا ؟ وغاليه ماعندهاش تليفون
مختار : لا قالي رنن على صفاء كل مره اترد اتقول غاليه مش قاعده وكل مره دايره سبله
سعاد : عليك حشمه تو ندويلها بكرا لما اتروح
مختار : والله بنت الكلب كان ماتربى وتنعدل توا نعرف كيف انربيها من اول وجديد ..
وقعد يكح
سعاد مدتله اميه : هاك اشرب وانت ديما حارق دمك
مختار : تربيتي ماثمرت في ولا واحد من عيالي تقول غضيب والدين المشكله باتي مات وهو يقولي الله يربحك
______________
1:30 ص
احمد في الصاله متكي ع الكنبه ويتفرج ع التلفزيون واميره طالعه مالحمام لافه منشف على شعرها
احمد بحت فيها : صحه صحه
اميره ابتسمت : سلمك ؛ تغطى ياميدو صقع عليك قدام المكيف لابس شورت
احمد : لا جو تمام حاس روحي مزال ساخن اصلا
اميره قعمزت احداه : واجعتني غاليه والله
احمد : عشان انخطبت ؟
اميره : اها والله انقهرت قلتلها تحكي لولد عمها
احمد قمعز : شن تحكي لولد سيدها كنك اتودري في البنت انتي اسيادها ماينقربو بكل
اميره بحتت فيه : باهي وخوك يقعد مقهور هكي ؟ انت شفت شكله كيف قعد وكيف مربي شعره
احمد ضحك : داير طرحة موكلي 😂
اميره تضحك : بطل نحكي جديات انا
احمد تنهد ورد رقد : الله غالب الدنيا نصيب ماعنده مايدير ؛ غير كان ريح روحه بلا تكسيرت الصالون امي توا اطلع حق تحف جدد مني نا 😂😂
اميره ضحكت : لا تاعاتها تاخدهن منه مش انت الي كسرتهن
احمد يضحك : وانتي عند الفلوس ماتعرفي حد ازح دغري نطيتي
____________
البنات ايتفرجن على فيلم
Paranormal activity 3
غاليه حطت المخده على وجها : ووووه عليااا شن الي كرها من شعرها
هناء تضحك : هذا توبي العفريته صاحب بنتهم الصغيره
غاليه مغطيه وجها : لا معش نقدر
ساره مركزه في التلفزيون وتاكل في سبول : تي اس خلينا نسمعو الصوت وانتي اتزوي تقول فار
غاليه : الصوت عالق في وذاني و البنات يطيرن في السقف شن هالفيلم هذا
هناء اتبحت في التلفزيون : افطنن للقطه هذ
غاليه تسمع في صوت برا
بحتت في الصاله
فطنت للمنجي نازل مالدروج ويحكي
في التليفون بصوت واطي
وطلع للجنان وسكر الباب
ساره : من الي طبق الباب
غاليه : ماحد انا قاعده مقابله ماشفت حد بلكي الصوت في التلفزيون
هناء ضحكت : هذا توبي شكله جانا
غاليه بحتت في هناء بلا مادير صوت : م ن ج ي
هناء بحتت فيها غاليه غمزتها
وطبست ع الطاوله اتصب في شاهي : ساره انصبلك
ساره هزت واسها بمعنى به : نص المق مش كله راك اتعبيه افطني
غاليه صبت
هناء بحتت فيها : وين ماشيا ؟
غاليه فنصت فيها : للحمام
ساره تضحك : تبي الحمام مالخوف
غاليه طبست ع الطاوله وخدت تليفونها
______
المنجي مقعمز في الجنان وحاط كرعيه فوق الطاوله
ويحكي في التليفون : المهم عرفته من يعني ؟
صلاح : عيب ياطير راني صلوحه عارفني انت
الباب انفتح المنجي بحت لقاها غاليه
: خلاص تم بكرا نجيك
صلاح : تم نرجاك بيناتنا الو يامانجا
المنجي يحكي ويبحت فيها : اوكي ياصلوحه منور حبيبي
صلاح : بوجودك ياغالي ؛ تشاو
المنجي سكر و طلع دخان مالقرطاس و ولعه
غاليه مصبيه اتبحت فيه : منجي
المنجي يبحت في الجيهة الاخرى : نعم
غاليه : كنك ماتبش حتى اتبحت فيا
المنجي ساكت وينفخ في الدخان
غاليه عيونها دمعن وقربت مالطاوله وحطت التليفون قدامه
المنجي بحت في التليفون وبحت فيها : شنو هضا ؟
غاليه تحكي وخانقتها العبره : تليفونك
المنجي بحت فيها : بدينا في الجو هضا مانش فروخ را افطني للجو الي اديري فيه
غاليه بحتت في الجيهة الاخرى : مانقدرش انخلي عندي حاجه منك ونحنا مش مع بعضنا حتى باقي الحاجات نبي نجيبهن لك غير انا معش شفتك و ..
المنجي قاطعها ومتعصب : كان مثقلات عليك خوديهن احرقيهن ولا عاطيهن لوجه الله انا مانبش انشوفهن وكان تجيبيهن مش هاتعرفي ردة فعلي كيف هاتكون
غاليه دموعها نزلن
المنجي برم وجه ويدخن : خودي الخرا من قدامي وخشي
غاليه قربت خذت التليفون
وجت تبي اتخش بعدها ردت : انت ليش اتعامل فيا هكي
المنجي بحت فيها : مزال عندك وجه تسألي بعد الي درتيه ؟
غاليه انصدمت : كنك اتحسس فيا اني درت هكي بإرادتي
المنجي متعصب : اولا وطي صوتك ليل ! وثانيا باتك قالي انك موافقه يعني عمي مختار يكذب ؟؟؟
غاليه تبكي وماتبش اتشوه صورة باتها قدامها : انا ماقلتش موافقه
المنجي فنص فيها : يعني باتك كذب عليا !!
غاليه : لالا بس هو حكالي بهزيبه وانا خفت انرد وانقوله مانبش
المنجي ضحك بإستهزاء : أحّا ! وتقوليلي مش موافقه والنبي عدي ربي يفتحلك ✋🏼
غاليه تبكي وماحوتك تحكي : مسامحني باهي ؟
المنجي صبا وخذا دخانه : ربي الي يسامح في الناس مش انا
وخش سيبها
غاليه قعمزت ع الكرسي وانهارت بكاء
ياربي انا شن دايره في حياتي ليش يصير معايا هكي !
__________
10:30 ص
المنجي يسخن في السياره ومصبي يمسح في القزاز
غاليه طلعت بحتت فيه : صباح الخير
المنجي ماباش يرد عليها ودار روحه ماشافهش
غاليه اضايقت ومشت بسرعه
المنجي برم يشوف وين ماشيا
انس جاي من بداية الشارع
شافه يبحت في غاليه
انس وقف عليه : تفضل ياشاب
المنجي بحت فيه : خير ان شاء الله ؟
انس بحت فيه زين وضحك : منجي ولا لا ؟
المنجي بحت فيه ومستغرب : ان شاء الله ! من ؟
انس اضبطه : معقوله ماعرفتنش
المنجي : بسلامتك
انس : انس !! ولد مختار
المنجي سلم عليه : ماشاءالله والله ماعرفتك
انس : امتى جيت ؟
المنجي ضحك : ليا شهور قاعد انت الي مش قاعد بكل
انس ابتسم : والله قاعدين حواته وطياح في الشاليهات
منجي : حتى هو راي
انس : تعال شي يوم كسد
المنجي : خلاص ان شاء الله توا انجيك
انس يبي يمشي : تم ياغالي عليا
المنجي ضبحله وطلع تليفونه : ياانوس
انس برم عليه : ايوه
المنجي : كذا عطيني رقمك بالله
____________________
غاليه في المطبخ : لا عادي
سعاد بحتت فيها : ماشفتش منجي ؟
غاليه : توا كيف شفته وانا طالعه في الصبح
سعاد : ماحكش معاك شي ؟
غاليه : قلتله صباح الخير ماردش
سعاد بحتت فيها وساكته
غالية : امي امينه متغيره مش عارفه كنها
سعاد هزت راسها : لا تهيالك هي قالتلي ان منجي قاللها اخطبيها ليا قالتله كيف نخطب البنت وهي انخطبت
غاليه : لا قالت لأميره اني انخطبت وسيبته
سعاد : توا يعني اميره تبس اتغيرك على امك امينه هذي اخرتها
غاليه سكتت
سعاد بحتت فيها : رديتيله الحاجات؟
غاليه هزت راسها بمعنى لالا : دزيتله مع هناء يومتها قاللها كان ضايقنها خليها تعزقهن
انس خش للمطبخ : اوووي
سعاد بحتت فيه : روحت انت امس ؟
انس : لالا بتت برا جيت توا ناخد دبش وطالع
سعاد : وانتو مافيكم فايده
انس يفتح في التلاجه : شفت المنجي برا متغير بكل ماحوتني عرفته
سعاد : وهو عرفك ؟
انس : لا والله ماجابنش بكل
سعاد ضحكت : هو مشا وسيبك في الابتدائي وانت شكلك تغير اكيد مش هايعرفك
انس : باهي وين شورت البحر الاخضر
سعاد : كان في دولاب الساس
انس بحت في غاليه : طلعيه ليا صبي
____________
3:30 م
مختار سكر الخط : اوكي اوكي
و مشى بالكروسه يعيط : ياسعااااد ياسعاااد
سعاد جت تجري عند الباب : شن في
مختار : ولدك ولد الكلب ضارب عادل ولد سيده بالسياره
سعاد شهقت : طييييح سعده المرزي عليك عمله سوده هذوما نساباتنا توا
مختار داهش ويكح : والي شافوه قالو تعارك معاه وضربه بالعاني
سعاد اتخبط في ايدها : وشن صار فيه عادل
مختار : قالو في العنايه
سعاد : والمرزي وين ؟
مختار : وقفوه ؛ نبو حد يشيلنا
سعاد تبرم في الحوش واتعيط : عليك كااااينه مش عارفه من داعي عليناا استغفر الله ..
وطلع التليفون ادور في حد يشيلهم
مختار : حسبي الله ونعم الوكيل ؛ حسبي الله ونعم الوكيل
غاليه طلعت تجري مالدار : شن في
صفاء مصبيه فم المطبخ تسمع : كنه عادل ؟
سعاد : خالد تعارك معاه و ضربه بالسياره
غاليه حطت يدها على قلبها : وشن صار فيه ؟
سعاد متضايقه : في العنايه و توا نبو حد يشيلنا والمرزي الاخر انس قافل نقاله
_________
4:30 م
منجي في شقته حاط فراش ومتكي ع الارض
وقاعد بروحه في هدوء و فاتح الروشن يسمع في هرجة الشارع
شقته قعدت الملجأ الوحيد له لما يضايق ولا يحب يقعد بروحه يمشي يقعد فيها
(( آحٍبْبْتٌگ جٍدِآ.. .. لُگنْ آلُحٍيَآةّ لُم تٌحٍبْنْآ معآ )) 💔
سكر عيونه وتنهد
تليفونه رن لقاه رجب
المنجي فتح الخط : ايوه
رجب يسوق في السياره واحداه مختار : وينك ؟
المنجي : في الشقه
رجب : باهي لم روحك وتعالي في الجلاء
المنجي قمعز في الفراش : شن في ان شاء الله خير ؟
رجب : خير غير تعال وتوا تعرف ماشي انا وعمك مختار لما اطق فينا رن عليا وانت برا
المنجي صبا ويلم في دخانه و حاجته : اوكي اني طالع توا
_____________
امينه عند سعاد : توا عليش تبكي ان شاء الله مايصيرله سو
سعاد تبكي : هذوما مش عيت سيده هذوما نساباتنا توا الوضع غير
امينه بحتت في صفاء : صبي جيبي اميه لأمك
هناء بحتت في غاليه : هضا خو المنحوس ؟
غاليه هزت راسها بمعنى اها
امينه بحتت في غاليه : انتي كلمي خطيبك سبقي قوليله عليك كاينه باتي تبرا منه وديري روحك متعاطفه معاه
غاليه اضايقت : لالا مانكلمش لا يكلمني
امينه استغربت : كنك اسم الله
سعاد تعصبت ......
______________
سعاد تعصبت : المرزيه لها شهر مخطوبه مارفعت عليه سماعة تليفون ارزيها في عمرها
امينه شهقت: معقوله ياغاليه هكي
غاليه اضايقت صبت وسيبتهم
مروه : اصلا هو بارد ولصقه ماصح وجه
سعاد فنصت فيها : احترمي روحك وصبي من هنا ياحيوانه
امينه بحتت في سعاد : تاريتها مش ساهله نص انصيص
سعاد تمسح في دموعها : لا مش ساهله تقول راضعه العناد في الحليب
امينه : انتي كان فض الموضوع على خير سقديها بدري بدري خير ماتخرب على روحها
سعاد : غير يروح مختار ويطمني وراسها الا مش دايره حتى عرس يجي ياخذها بدبشها ويفكوني مالوجيج انا ركبني الضغط مالتخميم
امينه : ايوه ديري هك وتريحي خلاص
هناء اضايقت : بس انتو بع يعني مش بالغصب كل شي بالسيف الا حبني يابنادم
سعاد : اسكتي انتي شن فهمك
هناء : والله جديات يعني شن كان صار كان خداها منجي
امينه فنصت فيها وساكته
هناء قلبت وجها
سعاد : والله مانلقى اعز منه ؛ غير نصيب
امينه نطت بسرعه : ايوه نصيب هي قولتك
_________________
مختار مقعمز في المار قدام العنايه : غير وسع بالك ماتنحلش بالطريقه هذي
عبدالقادر متعصب : ولدي بين الحياة والموت حسبي الله ونعم الوكيل فيك يامختار وفي عيالك الفـ.....
مختار قريب يبكي ويحكي معاه : غير صبرك باهي ياعبدالقادر توا تنحل وينوض والمسخ ولدي خليه معزوق في الحبوس ان شاء الله حتى يعدموه
عبدالقادر : انا قتلك يصير في ولدي حاجه والله نحرقلكم حتى حوشكم تحسابوها فوضى
رجب : غير وسعو بالكم انتو خوت واخرى نسابات توا الوضع يختلف
مصطفى بحت في رجب : اين نسابات خليها ساكته
المنجي خش : السلام عليكم
مافش حد رد عليه وقاعدين ايتعاركو
مصطفى بحت في رجب : انت يرضيك تخطب لولدك بنت تقعد اتقول مانحكيش معاه قبل الخطبه !! حتى كان ملتزمه انقولو لكن هذين طروح بنات
عبدالقادر فنص فيه : فكنا من قطاف الصبايا خلينا في خوك ؛ وانت يامختار لا بينا نسب لا شي الي هناك فضيناه
مصطفى بحت فيه : باااتي !!
عبدالقادر : سكر فمك را نكفخك
مختار : غير استهدى بالله ياخيي
المنجي تعصب : خلاص معش تجداه ياعمي مختار
مختار بحت فيه وسكت
المنجي يدف فيه بالكروسه : اوكي البنت عندنا و لا خطبه لا هايك
مصطفى صبّا : انت من وشن دخلك ؟
المنجي فنص فيه ويتحزز : والله اتزيد عليا انزمطك سنونك
رجب يكر في المنجي : اطلع الحكاية مش ناقصه تلبيز
المنجي يفك في روحه من باته : بعدك انا كبدي عليك دم واندور فيك
مصطفى يبحت في مختار : جايب معاك بلطجية ياعمي ؟
مختار يمسك في المنجي من سوريته : خلاص يامنجي اطلع
المنجي قرب من مصطفى ويحكي ومسكر سنونه : تي والله مانك راجل ياف....
رجب تعصب : منننجي
المنجي سكت و وخر
عبدالقادر : اطلعو برا معش نبي انشوفك لا انت لا جيرانك الي بيني وبينك ولدي الي في العنايه يموت يامختار معناها شوف شن هايصيرلك
المنجي يعيط من بعيد : جرب قرب منهم والله نرتكب جريمه مصطفى يشايرله بيده : يفتحلك ربي اسقد
المنجي : عدي يا ......
رجب يدف في مختار بالكروسه وطلع بيه
والمنجي يمشي قدامهم داهش ويمسح في عرقه
_____
وصلو قدام السياره
المنجي ايركب في مختار
مختار عيونه يدمعن : حسبي الله ونعم الوكيل
رجب ركب يسوق : خلاص وسع بالك توا ربي يحلها من عنده
المنجي طبس عليهم مالروشن : ماشيين شور الحوش ؟
رجب : اها وانت وين ماشي
المنجي : عندي كم مشوار وتوا نلحقكم
رجب : ماطولش بيش انشوفو القصه هذي شن دوتها
المنجي يفتح في باب سيارته : تم
_____________
سعاد ماسكه التليفون وتتصل : مايردش عليا مش عارفه كنه
صفاء خشت : انتي اترني على بابا قصدك العشيه كلها ؟
سعاد بحتت فيها : اها كنه
صفاء : تليفونه في الدار مسيبه
امينه : خلاص قعمزي
سعاد قعمزت : يارب استر قلبي مقبوض مش متريحه
الباب رن ...
سعاد تلبس في محرمتها بحتت في غاليه : اجري افتحي
امينه : يارب استر
غاليه مشت تجري فتحت الباب و داهشة
رجب يرفع في مختار من العتبه بالكروسه وغاليه ترفع معاه
وحطوه ع الارض و
مختار قعد يدف في الكروسه بروحه
و خش للمربوعه : عاجبك الي داره ولدك
سعاد : وين عاجبني اتشوف فيا نضحك اتقي الله يامختار را النار الي انت فيها حتى انا غاطسه فيها
امينه فنصت فيها : غير وسعو بالكم وقوللنا شن صار
رجب خش : السلام عليكم
امينه بحتت فيه : شن صار ؟
رجب قعمز داهش : بات العيل سفيه ومايعرفش يدوي للاسف هو خوك الكبير لكن ننقانه عقله صغير
مختار : لزنا و تعارك مصطفى مع منجي
غاليه اتبحت زين وقلبها يدق
مختار بحت في سعاد : وقال لاعاد في نسب لا سو
سعاد اتخبط في كرعيها : خرب على اخته المرزي حسبي الله فيك ياخالد
امينه : بلكي كلام في لحظة حمقه
رجب : حتى كان العيل ناض وجا وقالك نبو البنت تقعد هبل كانك رديتها
مختار متعصب : لاعاد ياخدها لا شي
غاليه خشت تجري للدار لقت البنات ايتباوعن
هناء : شن قالو ؟
غاليه تضحك : يابنات قالو لبابا معش نبو خطبه لا شي
صفاء ضحكت : الحمدلله الي الواحد سمع خبر كويس
مروه : ماتفرحيش واجد بلكي مايصيرش ويطلع كلام في لحظة حمقه
هناء دقتها على ظهرها : سكري فمك
غاليه فنصت فيها : عليش اتنكدي عليا توا انا ردت فيا الروح
هناء : يارب تطلع صح يالولي
رجب : كان ع البنت توا ربي يجيبلها نصيبها
مختار متضايق : توا يستر الله كان ما يموت و ايصير الي قاله
رجب : كنك يامختار ياراجل وراك رجاله ماتشيل هم بكل
سعاد بحتت فيه : شن الي قاله ؟
مختار سكت
رجب : كلام فاضي مايقدرو يديرو شي
سعاد : باهي غير قولولنا بس شنو
مختار : قال كان مات العيل نحرقولكم الحوش وانهججوكم مالمنطقه وكلام كيف هالكلام
سعاد اتخبط على كرعيها : حي عليا حي ؛ حي ياسعاد علي كاينتك السوده
امينه مسكت ايديها : غير وسعي بالك ان شاء الله مايصيرله شي عليش تسبقو في الاحداث
رجب بحت في سعاد : طاسة اميه النبي
سعاد صبت : توا انقول لغاليه ادير قهوه
________________
المنجي في السياره ومعاه انس
انس راكب قدام : يحسسوك انك مش موجود
المنجي يسوق : انا جبتك بالعاني خلي يحسو ان عندهم راجل ياانس ازف يسد خوك
انس ضحك : ياراجل خالد خويا امسخ عارفه ! انا لقيت مشاكلهم وجو شين حليت مالحوش
المنجي : اهو توا لا مشاكل لا خوك قاعد انت راجل الحوش حتى خواتك مش كيف لما يقعد الحوش فاضي ومش كيف لما تقعد قاعد
انس يسمع فيه وساكت
المنجي : اتفقنا اترد للحوش يعني جو تمام ؟
انس : خلاص تم توا انجرب نقعد وانشوف الجو لكن كان لقيته زي قبل لنقانك تسمحلي را
المنجي : غير اقعد وقت المشكله هذي وارجاها تنحل بعدها ساهل
__________
غاليه اتمد في القهوه
سعاد تاخد في الفنجان : شن سكرها ؟
غاليه : ناقص
سعاد شربت مالفنجان : تمام ميه ميه طعمتها ؛ بس جيبي السكريه بوك يحبها حلوه
مروه سمعت الباب طلعت فتحت
انس : شن جو
المنجي : مرحبا
مروه : تمام
انس يسلح في كاويشه : من في ؟
المنجي : هلي بس
وخش للمربوعه : السلام عليكم
غاليه جايبه السكريه وجايا شافت انس
انس : دايرين قهوه ؟
غاليه تبي اتخش للمربوعه : اها
انس : صبيلي فنجان به
غاليه خشت بحتت في المنجي وحطت السكريه ع الطاوله
مختار : جيبي قهوه لخيّك
المنجي : لا شربنا برا
انس خش سلم عليهم
سعاد بحتت فيه : كيف عرفت بلي صار
منجي : كان معايا و انا الي قتله و ركب فيا شيلني توا للحوش
مختار : باهي الي عرفت ان عندك هل
انس رقاله : بدينا في الجو الشين
رجب غمز مختار : غار الدنيا تلاهي وهو لاهي في دنيته اهو اول ماصارت حاجه جا ودار الواجب
امينه : توا خالد مافش حد مشى شافه ؟
مختار تعصب : الله لا يسامح كل حد يشوفه ولا يسأل عليه خلوه زي الكلب الضال ان شاء الله مايربح
سعاد : مهما كان الواحد ولده
مختار هزبها: ولدك تبيه عدي اقعدي معاه انا لا ولدي لا ليا دعوه بيه واني عطيت قلة السماح ومن توا انقولها كان متت ولدك هذ مايحضر عزايا ولا يخش حوشي ولا له دعوه ب بناتي
رجب : بعد عمر طويل ان شاء الله
مختار : لا مافش حد يندري على روحه وانا وصيت وماني مسامح كان صار وخليتوه يجي عزايا
______________
9:30 م
امينه اتعلق في جلبابها في الصاله : اسمله على سعاد كل يوم كاينه واهو موضوع بنتها خرب وتوا تقعد في رقبتها
المنجي مقعمز ع الطاوله في المدخل
ورجب احداه قاعد ع الكنبه : وعليش تقعد في رقبتها توا يجيها نصيبها
امينه قعمزت ع الطاوله : من يبي ياخذها وخوها هكي اسمله عليها حتى هي
المنجي يلعب يالتليفون ومتعصب
هناء اتنشف في الدروج : توا تشوفو طيحتها كيف مسقمه
امينه فنصت فيها : انتي اسكتي وخليك في شغلك
رجب : ربي قال (( لا تزورُ وازرةٌ وزرَ أُخرى )) يعني عشان عندهم ولدهم امسخ معناها العيله كلها امسخه
امينه : لا الله يسمحلهم لكن حتى السمعه اتخرب ونحنا ليبيين وعارفين بعضنا
رجب : مش شرط
امينه : تذكر خوك ادريس زمان البنت الي يبيها عليش باتك ماباش ياخذها له ؟
رجب : متذكر بس الوقت يفرق
امينه : لا مايفرق باتك قال مش واخذها على جثتي لان جدتها ام امها زمان كانت ابتاع وجيج
هناء ضحكت : نعنجد هذ
امينه بحتت فيها : اهااا والله الواحد العار يلحقه يلحقه وننقانه ولدهم دار العار
رجب بحت في المنجي : كان ماصار موضوع ولد سيد غاليه توا نخطبها لك
المنجي بحت فيه وساكت
امينه شهقت : انت اتشجع فيه يارجب ياخذها
رجب تعصب : وشن فيها مربيينها نحنا و بنتنا ماهي برانيه ياخذها منجي خير مالبراني
امينه اضايقت : لا ماياخذها كان اخر بنت
المنجي ايتأفأف : شن ماسكه عليها كنك ؟؟؟
امينه : ماني ماسكه عليها شي لكن النسب الواحد يدور الهل
المنجي : وكنهم هلهاا ؟؟؟
امينه : ماكنهم شي لكن خوها
رجب اضايق : خلاص توا انهو السيره خلي انشوفو شن يصير مع الناس قبل
المنجي صبا وخبط عالطاوله بيديه : هذينا رايات الصبايا اصلا ..
وركب داره وطبق الباب
امينه بحتت في رجب : انا ماصدقته سكت ليش اتذكر فيه بالموضوع ؟
رجب : وانتي عليش قاعدتيله عالوحده كل واحد ياخد الي يبيها لا تدخلي لا شي عشان مايجيش في يوم ويقولك كله منك ولا تصيرله حاجه تقعدي تندمي في روحك
امينه اتأفأف : انا عندي له وحده تقوليش ناخذها له
هناء : لينا صبيتي ؟
امينه ابتسمت : سويره بنت عيشه ومنسجمين لقيتهم يهدرزو يومتها
هناء عزقت الخيشه وصبت تجري : تي اتلصق فيه وهو مش طايقها مانضحكوش على بعضنا ياامي
رجب فنص فيها : ادوي كويس مع امك 😒
هناء : اصلا خبر يقهر ياباتي بحت كيف تحكي هو يبي غاليه خلاص خودوها له
رجب بحت في امينه : كم مزال على عرسها الفرخه هذي ؟
هناء تحشمت ومشت اتلم في السطل
امينه : 3 شهور خلاص ماهناك شي
رجب : مش ناقصها شي البنت
امينه ابتسمت : تذكر زمان وانا نشري واندسلها وانبتتلها شن كنت اتقولي ؟؟ اتقولي مزال بدري البنت في الثانوي كنك مستعجله عليها انقولك ماتندري ع الدنيا شن داسه
رجب : صحيح نذكرها
امينه : اهو انخطبت ومش ناقصها حتى كاشيك كان نبي انبتت في الظروف الي توا راني حاطه اضعاف الي شريته لها
رجب : يعني مش ناقصها شي
امينه : مزال الدبش الي تلبسه وكم تيير والكنادر والشناطي و حاجات خفاف
رجب : وين خفاف حتى الدبش توا قعد بحسابه
امينه : جت في دبش خير من موعين ويتات كامل ؛ واحميده الاسبوع الي فات مدلها 1500 قاللها ابدي اشري دبشك خذت قفطان وتيير
رجب استغرب : بس ؟؟
امينه : هابا على اسعار توا ! تلقاها بلوزه شيفون سعرها 300 كل شي بالغلا والكوا
رجب : كل شي برزقته المهم البنت تنستر قدام ناسها
ونا توا نسحب الصبح ونعطيها اتكمل شويا من دبشها
امينه : وتوا ندوي للمنجي يعطي اخته تفتوفه اتمشي بيها امورها
_____________
المنجي في داره مقعمز ع السرير ويدخن
ويفكر كان صح ماصارش من موضوعها صح !!
ناخدها ولا لا .؟
بس انا معش نقدر لان فقدت فيها الثقه ..
لكن نحبها مش قادر انعيش بلاها
نقهرها وناخد ساره ..!
لكن انا مانشوفش في غيرها
(( مامن صوب غلا قدامي .. غير علي واحد متعامي )) ❤
_____
9:30 ص
غاليه وعت مالنوم و طلعت مالدار
لقت امها قاعده اتلمع في الرواشن
غاليه : صباح الخير
سعاد بحتت فيها : صباح النور
غاليه : سيبي ياماما توا انديرهن انا اصلا نبي انظف الحوش
سعاد : حمل الجماعه ريش خليني انفش غلي فيهن
غاليه قعمزت على يد الكرسي : مافش خبر من حد ؟
سعاد : مافش لعند توا والله الليل مارقدته لا انا لا بوك
وبوك يحس في قلبه ينخص فيه ماقبل حوته غفا في الصبح وانا رقدت ساعتين
غاليه : باهي تريحي انتي وانا توا اندير الغداء اليوم
سعاد : نوضي خواتك يبدن في الضم والتسييق
غاليه صبت عند الباب : انديرلكم دجاجه محمره ورز ابيض وسلاطه ؟
سعاد : ديري اي حاجه حتى خفيف من عنده نيه ياكل
غاليه خشت فتحت الروشن على خواتها
مروه غمت روحها بالمخده : معقوله هكي
صفاء بحتت فيها بعين وحده : كنك جايتك الحاله عالصبح
غاليه اتهوي في الدار : نوضن ضمن نبي اندير الغداء
مروه اتكسل : عليش وين امك ؟
صفاء : خلينا نرقدو طشه اخرى
غاليه : امكن تعبانه ومش راقده بعد الي صار
صفاء تباوعت مروه من فوق : صح لازم انمدو يد العون 😂
مروه تضحك : امشي يامريضه 😂😂
صفاء : والله اتصبي
غاليه اتبحت فيها وتضحك : فعلا يعوين الي ماعنده هم
____________
5:00 م
اميره اتضبح مالدروج : هناااء
امينه طلعت مالمطبخ : هناء في الحمام كنك
اميره : عميمه امتى ماشيين لأبله سعاد
امينه : توا غير نلبس وانوتي روحي بس
اميره : درتو حاجه حلوه ؟
امينه : لا والله مادرت ولا عندي جهد
اميره : انا درت طاجين بسبوسه احمد كلا منها شويا قبل مايطلع وقالي معش عندي نيه انقصها وانشيلها ولا يقولو متشمته جايبه حلو
امينه : لا مش برانيه سعاد حطيها في فلوكه ناكلوها مع القهوه
اميره : هياا انوتي روحي وننزل ارجوني
امينه : على مهلك
__________
انس يلبس في كاويشه : وين باتي
سعاد اتلم في الكنادر مالمدخل : عدا لسيدك جمال
انس : واااااو مقدم سنينه
سعاد : وانت وين ماشي
انس : ماشي مع مانجا
سعاد ابتسمت : ياريتك ديما اتبعه وتطلع زيه
انس : ننقانه اصلي بكل
سعاد : وين ماشيين باه ؟
انس : عنده واحد صاحبه دكتور في الجلاء ماشيين نسألو على عادل شن وضعه
وتليفونه رن
انس فتح الخط : ايوه ....... هياا اني طالع ..... تم ياطير
سعاد : سلم وليدي ياريتك ديما هكي تقعد واتفرح باتك ساده هم
انس فتح الباب وطلع
سعاد اتسكر في الباب وراه : ربي يهديك ويسقم حالك
غاليه تباوعتها مالدار : كنك تحكي بروحك ؟
سعاد بحتت فيها : لا انس كان قاعد وعدا مع منجي
غاليه : شن خطرها الصحبه الجديده
سعاد ابتسمت : انا عارفه منجي يقولك هضا مزال صغير بلكي نصلح منه قبل مايضيع
غاليه : يستر الله كان ما منجي هو الي يضيع
سعاد اضايقت : وانتي ماتقولي كلمة خير بكل امتى عمرهم جونا قالو انس داير مشكله ؟؟
غاليه : الله اعلم هو يجي في الشهر مره
سعاد : عمره انحبس خوك ؟؟
غاليه : لكن يسكر و جو شاليهات يعني سمعه كويسه بكل
سعاد تعصبت : كان على وجيج الشاليهات و السكير ماعندي مانديرله نص الشعب الليبي يسكر بالدكنوني المهم ما يأذي في حد
غاليه اتأفأف : يعني انتي راضيه علي يدير فيه ؟
سعاد : في ام ترضا بالحال هضا ؟؟ لكن الله غالب عليا ولدي و ماعدي ماندير يعني انتبرا منه مش قاتل قتيل هو في النهايه بكل
غاليه خشت للمطبخ
وتحكي بصوت واطي : يسكر عادي وانا على علاقه درتها طلعت مني عامص 😒
____________
هناء اتكلم في دار المقعد : ركبت دار النوم
وسام : توا كيف طلعو الجماعه
هناء فرحانه : صورها ليا باهي انشوفها
وسام : صورتها لكي توا اندزلك الصور ع الفايبر غير توا ماعندش نت ارجي نين ننزل
هناء : باهي تمام انا ماشيا لغاليه اليوم
وسام : شن صار في ولد سيدها نبي نحكي مع مانجا من امبدري لهيت
هناء : مزال في العنايه يستر الله
وسام : كلا هما ناس بختهم شويا بكل
هناء : بذات غاليه ماعندهاش حظ
وسام : بلكي ضربة ولد سيدها خير و فيها خيره لها
هناء : اين خيره ياويسو تخايل مات
وسام : بلكي ايتفركش موضوعها وياخدها مانجا عسى ان تكرهوا شيئاً وهو خيراً لكم
امينه فتحت عليها الدار : توا وقت تكليم ؟
هناء نزلت التليفون : هياا جايا
امينه طلعت : خفي روحك
هناء ردت اتكلم : ياقلبي توا بعد انروح نحكو ولا نحكي معاك من غادي
وسام : اوكي تم دزيلي مسجات مره مره طمنيني ع الوضع
هناء صبت عند الباب : تمام به
وسام ضحك : ياجفاف
هناء : شن جفاف
وسام : شنو تمام به هذي ؟ ! تقول نحكي مع صاحبي وانتي مافيك عرق رومانسيه بكل 😂
هناء تضحك : مسمطك
وسام يضحك : اوكي يامانجا تبي شي ؟ 😂
هناء : سلامتك ياطير 😂
وسام : تشاو
_____________
8:30 م
امينه صبت : صارت اي حاجه طمنيني
سعاد : والله كان قعدتن للعشاء اميره اول مره اتخشلي حوش
اميره ابتسمت : والله ماني برانيه ان شاء الله مره اخرى
ياابله سعاد
سعاد صبت معاهن : سلمكن جيايات
اميره : ان شاء الله ربي يطمن قلبك
سعاد اتسقد فيهن عند الباب : مع السلامه انعنكن ماتغيبن
امينه قدام الباب : سلمك توا بكرا انخطم عليك
هناء تحكي مع غاليه فم الباب : خلاص رني عليا بعدين
غاليه : تمام
امينه : هياا بالسلامه عاد
المنجي درس السياره عند باب الحوش
وطفاها ونزل
بحت لقاه امينه واميره وهناء جايات من عند عيت غاليه
امينه بحتت فيه : خلاص روحت
المنجي مكشر : اها
وبحت في هناء : شن صار
هناء : مزال ماصار شي يرجو وخلاص
اميره : ان شاء الله مايموت يستر الله
امينه فتحت الباب وخشت : كملن كلامكن جوا
المنجي خش وراهن ويسكر في الباب : كنت غادي انا وانس
امينه تسلح : قالتلي سعاد ؛ شن صار باهي ؟
المنجي : الدكتور الي نعرفه قالي مزال على نفس الحال يرجو فيه ينوض ولا ايتحرك
هناء : ومافش اي بوادر ؟
المنجي هز راسه بمعنى لالا : كذا جيبيلي طفايه
________________________
10:30 م
مختار في سريره راقد والتلفزيون والع
سعاد خشت غطاته و اطفي في التلفزيون
غاليه تباوعتها : ماما
سعاد بصوت واطي : اششششش
غاليه اتوشوش فيها : كملت الموعين تبش شي اخرى
سعاد شايرتلها بيدها بمعنى لالا
غاليه طلعت وسكرت الباب
مشت للدار واطلع في دبشها مالدولاب
مروه مقعمزه ادير في زمالتو : بنات تخايلن مات عادل و حرقو الحوش
غاليه : فال الله ولا فالك ! كنك ع الليل ؟
مروه بحتت فيها : الواحد لازم يحط كل الاحتمالات قدامه
صفاء اتجفف في شعرها ع المرايا بالمنشف : يحرق الحوش يحرقنا معاه ماناش طالعين
مروه : كلام في .....
__________________
صفاء اتجفف في شعرها ع المرايا بالمنشف : يحرق الحوش يحرقنا معاه ماناش طالعين
مروه : كلام في الواسع نحكي جد انا
غاليه : توا لعند يموت ساهل توا نقعدو في الشارع
صفاء ضحكت : كانك متجوزه المنجي را جينا عندك
مروه : شنو هو المنجي متجوز غاليه ولا متجوزنا كلنا ؟؟
غاليه اضايقت : حسستني ان فرحي بعد بكرا وان عادل مات خلاص وانكم عندي قاعدين
وخدت دبشها وطالعه ..
صفاء : وين ماشيا
غاليه : اندير حمام حسيت روحي مخمجه اليوم مالحوسه
___________________
12 :00 م
المنجي في داره حاط فيلم وايتفرج عليه
سمع صوت اشعارات فايبر
مسك تليفونه لقاها غاليه
:- ممكن نحكي معاك شويا ؟
منجي : تفضلي خير ان شاء الله
غاليه : متضايقه بكل 😔
منجي : خير شن في
غاليه : مافش حاجه وحده كويسه صارت في حياتي
المنجي : متضايقه عشان موضوعك مرات يخرب !!؟ عادي كلميه توا يردلك
غاليه اضايقت : منجي من فضلك بطل استفزاز
المنجي : عليش استفزاز مش خطيبك
غاليه : انا غلطانه اصلا ان حكيت معاك
المنجي : يعني !
غاليه متعصبه : كنك تحكي ابرود هكي انت !!!
المنجي : والله هضا الي عندي انا
غاليه دموعها نزلن وهي تحكي معاه : انقولك متضايقه اديرلي هكي وماحصلتش حد نحكي معاه اصلا مانعرفش نحكي لحد غيرك انت وهناء
المنجي : باهي كنك متضايقه مادام مش على موضوعك
غاليه : عادي انرن عليك ؟؟
طلعلها seen ومعش رد
غاليه : اوكي انا اسفه ؛ تصبح على خير
وتليفونها رن لقاته هو
قلبها يدق وفتحت الخط وايديها يرعشن
المنجي : ايوه
غاليه : الو
المنجي : باهي كنك متضايقه ؟
غاليه خانقتها العبره : هكي كل حاجه حواليه تخنق فيا
المنجي : عليش تبكي باهي
غاليه تمسح في دموعها : لا مانبكش
المنجي : سادنا بكاء ودموع و احكي ؛ اعتبريني صديقك ولا خوك واحكيلي عادي
غاليه اضايقت : صديقي ولا خويا ؟؟؟؟
المنجي : اها كنك ؟
غاليه : عمرك ماكنت خويا على فكره
المنجي سكت
وغاليه سكتت ومعش ردت
المنجي : مافش اخبار من ولد سيدك
غاليه : تؤتؤ
المنجي : امممم باهي ان شاء الله خير
غاليه : بابا مقهور بكل وطول الوقت راقد وخلاص جاته الصدمه عالنوم
المنجي : والله نين خفت عليه امبدري وجه شين
غاليه : هو خالد جلطه من قبل ومزال مش متريح نين يجلطه اخرى
المنجي : ان شاء الله مافي الا كل خير
غاليه : باهي شن الصحبه الجديده انت وانس
المنجي ضحك : انس اصلي بكل را
غاليه : غريبه مع انكم مش نفس الجيل ومش نفس الجو مش عارفه كيف منسجمين
المنجي : جونا لوز غير بلا نق انتي
غاليه : امممم باهي كويس
منجي سكت
غاليه بصوت واطي : معش تبيني ؟
منجي تنهد
غاليه : معش تبيني ؟
منجي : انتي قلتيلي متضايقه وتبي تحكي معايا ياريت الموضوع الاخر انسكرو عليه
غاليه : عليش تبينا انسكرو عليه اهو خلاص موضوعي تفركش و ربي مش رايد يعني نصيبي فيك انت
المنجي خاطره يقوللها نحبك
ومرايف عليها بس مزال واجعه الموقف ويتعامل معاها بجفاف وقلبه ايتقطع
غاليه اضايقت : رد كنك ساكت
منجي : وانا نصيبي مش فيك
غاليه انصدمت : كييييف ؟؟؟
منجي : امي تبي تخطبلي وانا قلتلها اني موافق تاخدلي الي تختارها و انا رشحتلها ساره بنت خالتي
غاليه مصدومه وساكته
منجي : قصدي حتى انا هلي زروني ومش بإرادتي سامحيني مانقدرش نعصي امي .. انا صح انحبك بس حبك مش اهم من رضا الوالدين 😏
غاليه عيونها يدمعن : اترد فيها لياا ؟؟
المنجي ضحك بهزوه : هذا مش الكلام الي في رسالتك ؟؟
غاليه تبكي : الله غالب عليا انا بابا زرني
منجي : حتى انا امي زرتني الله غالب عليا
غاليه اتعيط : منجي انت ابتاعي والله نقتل روحي كان حد خداك مني
منجي : احّـــا !!! تي هيا بطلي عاد
غاليه تبكي
انفتح عليها باب الدار بالقوه
غاليه دست التليفون وقلبها يدق
سعاد ولعت الضي
صفاء سلحت السماعات وبحتت فيها : شن في
مروه كانت اتكلم تحت المخده دست تليفونها وبحتت في امها
سعاد يابنات : عمكن جمال يرن نفتح عليه الخط يفصل
غاليه قلبها يدق وخذت التليفون من امها : كنه ران توا يستر الله
صفاء : جربي رني عليه ياغاليه ربي يستر
غاليه ماسكه تليفون بوها واترن على عمها وقلبها يدق
سعاد مصبيه وحاطه ايديها على فمها : يارب يارب يارب ؛ يارب انت صاحب الستر يارب الطف بينا
غاليه بحتت في امها : اس اس يرن
جمال فتح الخط : يامختار
غاليه : خير ياعمو انا غاليه
جمال : شن ح ..... ك ...... يه
غاليه : عمو مانسمعش فيك خليك في تغطيه
جمال : تسمعي هكي ؟
غاليه : اهاا ياعمو نسمع
سعاد اتشايرلها بيدها شن قال
صفاء ومروه مقعمزات في سرايرهن ويبحتن
جمال : قولي لبوك نبي انبشرك عادل ناض الحمدلله وقالو كويس و فاطن وحالته مستقره
غاليه ضحكت : الله يبشرك بالخير ياعمو
جمال : خلي باتك راقد توا وقوليها له الصبح مادام راقد مافيك مانوضتيه قولي لامك وطمني بالها سلمي عالبنات
غاليه : حاضر توا انبشرهم ؛ يوصل سلامك ياعمو سلم عليهم كلهم
جمال : هيا مع السلامه
غاليه : باي .....
وسكرت الخط
بحتت في امها : عادل ناض وجوه تمام 😍
سعاد قعمزت ع السرير ومسكت قلبها : يااارب الحمدلله الحمدلله الحمدلله
صفاء رقدت في سريرها : واااااو قلبي قريب وقف
غاليه : قالي قوليها لباتك بكرا
سعاد : توا انقوله الصبح هو رقد بدري اكيد توا ينوض بدري اليوم
غاليه : كنت نعسانه حتى النوم طار مالفرحه
سعاد : وانتي كنك جرت عيونك باكيه
غاليه نزلت راسها : لا غير ناعسه
سعاد بحتت فيها و تنهدت : وين تليفونك
غاليه استغربت : تحت المخده
سعاد : معش كلمك منجي ؟
غاليه اضايقت : منجي قعدت انقوله خير معش يرد عليا اصلا
سعاد : وعليش هضا كله
غاليه : لان بابا قاله غاليه موافقه على ولد عمها وانا ماقدرتش انطلع بابا كذاب قدام الراجل وياخد علينا فكره غلط يسد الفكره الي عطيها علينا خالد ماشاءالله
سعاد صبت : كان فيه نصيب توا ياخدك
غاليه اتغطى : ان شاء الله خير
سعاد اطفي في الضي : تصبحن على خير
مروه اطلع في تليفونها من تحت المخده : تلاقي الخير
غاليه بحتت فيها : ماشاءالله معش اتحشمي اتكلمي قدامي
مروه : تي حلي كان الحشم يدير فايده را خلاك اديري صيور على حالك خليني اندير لروحي حل خير مانقعد كيفك
غاليه فنصت فيها : اتشوفي فيا انكد في الشيب ؟؟
مروه تحكي في التليفون ومش معدله عليها : لا هذي ماما جايبتلنا عصير طبيعي نشربوه قبل مانرقدو😌
غاليه بصوت واطي : خزي عليك كذب 😒
صفاء بحتت في غاليه وغمزتها : مروه قالتلك امي صبي وكلي السعي 😂😂
مروه اتفنص فيها واتغم في روحها
غاليه تضحك : مروه الرز المشيط الي في الطنجره كليتيه ولا نمشي ناكله ؟؟؟
مروه غامه روحها بالمخده : لا يحكن بروحهن مش شوري ؛ باهي شن صار معاك امبدري ؟
صفاء مدت يدها كرت منها المخده : ماااااء 
🐑 ماااااء 🐑
غاليه تضحك : السعي ينادي فيك يامروه اجري
مروه سكرت في وجه وقعمزت : معقوله الحقاره هذي 😡
صفاء منشرطه تضحك : بنموووووت 😂😂
غاليه تضحك : خليك تستاهلي هضا الي يكذب ويدير روحه هاي 😌
مروه صبت وراقيلها : اقعدن فيها الدار راقده برا
صفاء اتصفق : عدي مربوحه يازينه .. الي ماعمرك وجعتينا 👏🏼👏🏼👏🏼😂
مروه طلعن وطبقت الباب بالقوه
غاليه طلعت التليفون رنت على منجي
(( الرقم المطلوب مقفل )) 💔
اضايقت وتغطت وتحاول ترقد بس مش جايها نوم ..
____________
8:30 ص
سعاد ناضت لقت مختار متعري
مدت يدها تبي اتغطيه ومسكت يده : يانا علي كنك مسقع
مختار راقد وماردش
سعاد غطاته و حركت يده مختار يده طاحت
سعاد اتهز فيه : مختار .. مختار .. مختار
وقعدت اتخبط فيه بالقوه واتعيط : مختاااار مختار يااننننننس دووووونكم ليااااااا
غاليه تسمع في صوت عياط فتحت عيونها وركزت في الصوت صوت امها صبت تجري : حي عليااا شن في
صفاء ناضت يادوب فاتحه عيونها مفجوعه وزقبت من فوق السرير : شكله عادل مات
غاليه تجري للدار لقت امها تندب فوق بوها ع السرير وانس يكر فيها وعيونه يدمعن : خلااااص اطلعيييي ماتخبطيش وهو ميت
سعاد اتقطع في جدابيتها من فوق : ووووووه عليااااا مش ميييييييت مشششش مييييييت يانااااااس دوووونكم لياااااا
_____
المنجي يسمع في عياط ناض يجري وخدا كناتيرته من فوق الكرسي ويلبس فيها وهو نازل في الدروج
لقى امينه تلبس في محرمتها : من الي تندب في الشارع بحتت من الروشن مافش حد يانااااعلي في من
هناء مصبيه حاطه يدها على قلبها
المنجي لبس سباطه وفتح الباب لقى جاره مخطم
منجي : صباح الخير يامعين وين العياط
رجب لحقه طلع وراه
معين يمشي : عظم الله اجركم سي مختار عطاكم عمره
المنجي جسمه صقع ومعش عرفت حتى ايتحرك
خش يجري
رجب مشى يجري لحوش مختار
المنجي خش داهش و بحت في امه
امينه انفجعت وحطت يدها على راسها : كنه وجك اسود من الي مات
المنجي : البسن وعدن لعمتي سعاد
امينه شهقت : ياناااعلي العيل مات عليك كاينه
المنجي يمسح في عرقه : عمي مختار عطاك عمره
امينه اتنط في الصاله : حي حي ياسعااااد انكسر ظهرك ياسعااااد
هناء تجري وتبكي : ياناااعليااا عمي مختااااار
الجيران قاعدين جوا في الدار ويقبلو في المرحوم شور القبله
سعاد مقعمزه في الصاله : ووووووه علياااااا وووووووه عليااااا سندي عدااااا يانااااااعلي وحدي ياناعليااااا ديمااااا ياناااا بات عيااااالي
صفاء ومروه يبكن في الدار ومعاهن جاراتهن يسكتن فيهن
غاليه اتعيط في الصاله قريب مالباب وتضرب في روحها : يابااااابااااا يابابا عدت ياناعليااا بابا لمن انقول بابا يانااااس
امينه خشت اتعيط مالباب : وووووووه ووووووه ووووووه ووووووه
ولقت غاليه فم الباب اتعيط اضبطتها : حي عليييييك حي علييييييييك باتك حي عليييييك انددددبي
غاليه تبكي : بابا ياامي امينه باااابااااا كيف اندير
هناء خشت كرتها من امينه : غاليه 😭😭😭
غاليه : وووووه علياااا ياهناااااء بابا عداا وسيبنا ؛ عدااا خلااااص معش انقول بابا ووووووووه وووووه يانااااعلياااا ديماااااا
المنجي خش يجري ومشى شور الدار
لقا انس اضبطه : خلفلك طولة العمر شد حيلك
انس يمسح في دموعه : ان شاء الله
المنجي خش عرا وجه وحب على راسه عيونه دمعن
مسحهن بسرعه وصبا
حسن جارهم جا سلم عليه : عظم الله اجركم يامنجي
المنجي : عزانا واحد ياعمي
وبحت في باته : الجنازه ع الظهر شقيتو بالاوراق
رجب : تكفل بيهن وليد
معين خش للدار : كلمت التشاركية توا يجو بعد ساعه
المنجي يبي يطلع لقى صبايا يبكن ويعيطن في المامر
بحت في وحده فيهن
لقاها مصبيه عالساس وساكته : الطريق بالله عليك خليهن يخشن شويا جوا عشان نقدرو انتحركو
المراه اتصبي في سعاد : اشمري معايا ياامينه من عندك
سعاد ادف فيهن : خلوووووني ماعندي عليش انصبي انا انشيليت بعده وووووووه عليااااا ديماااااا وووووه علياااا ديمااااا
ايمن خش يجري : جبت الصندوق مالجامع يامنجي فضي الطريق
غاليه شافت عيال الجيران خاشين بالصندوق
قعدت اتعيط واتكر فيهن : لاااااا مش ميييت مش ميييييت ماتحطوش في الصندوووووق ....
واتعيط لأمها : يامااااماااا قوليلهم
امين مسكها يدف فيها
منجي جا يجري كرها منه وغاليه اتعافر فيه
قعد ماسكها من ايديها وغاليه اتعيط : حوووولووووو نبي بااااباااا ماحد ياخد بابا سيبني ماتخليهمش ياخدوه
المنجي عيونه وماسكها مش مخليها اتحرك
هناء جت اتلملها في شعرها وتبكي : خلاااص ذبتي انتي مالبكاء
غاليه اتفك في ايديها : حووووول نبي بابا ماحد ياخد بابا كيف انعيش بلا بابا ياناعليااااا عمود حوشنا انكسر حي عليناااا ياخواتي قعدنا بروحنا
هناء متضبطتها وتبكي
ايمن تباوع مالدار : منجي تعال شيل معانا
المنجي شمرها وغاليه اتحرك في كرعيها : سييييبني نبي بااابااااا
حطها في الدار
جت جارتهم : خليها برا تشوف بوها
المنجي بحت في هناء : امسكيها في الدار
وخش يجري
رفع معاهم الصندوق
منجي : بسم الله
وبدو يرفعو في الصندوق
ايمن : سي حسن ارفع على كتفك مش بيدك
رجب يمشي قدامهم : قولو لا اله الا الله
طالعين بالصندوق وكلهم يقولو : لا اله الا الله ؛ لا اله الا الله
سعاد شافتهم طالعين قعدت اتعيط واتخبط في وجها : ووووووه ووووووه حييييي عليااااا
غاليه طلعت تجري مالدار تضرب فيهم : نزلوووو باباااااا وين شايلينه
مروه اتبحت في رجب وتبكي : عمي رجب انشوفه بس الله يربحكم
رجب بحت فيهم : نزلوه يشوفوه بسرعه
صفاء طلعت تجري حاطه يدها على فمها
المنجي فتح عليه : تعالي يامروه
مروه ايديها يرعشن جت اتبحت فيه زين وتبكي : ياحبيبي ياباابااا لمن خليتنا بس
رجب يكر في صفاء من يدها : بوسيه على راسه تعالي
صفاء اتوخر واتعيط : مش قاااادره لااالااااا
غاليه جت تجري شافاته ومعش تحملت وطاحت داخت
هناء مسكتها : حي علياا جيبولي اميه
رفعو الصندوق وطلعو بيه : لا الله الا الله
زاد العياط وكلهن يعيطن حطوه في السياره وماشيين بيه للتغسيل
_____________
2:00 م
اميره مقعمزه في الخيمه بحتت في امينه : قالي مروحين في الطريق
امينه هزت راسها بمعنى به
بدا العياط يخف و الي هذا تعب مالعياط وسكت
وسعاد يعزو فيها الناس
والي يبكي تبكي معاه بس معش اتعيط
غاليه مزالت تبكي بصوت عالي في الصاله : حنوني عدااا سندي عدااا وين مشيت يابابا .. بايت بروحك يابابا .. ياناعليااا سكرو عليك .... ياناعلياااا قاعد ما معاك ونس
جارتهم فتحيه تمسك فيها : قولي لا اله الا الله معاه ربي ونس مافي خير منه ادعيله بالرحمه
غاليه مقعمزه واتحرك يمين ويسار : نااااار ياابله فتحيه ناااار .. نااار موعرررهااااا
هناء ماسكه ايدها : قولي الله يرحمه
غاليه اتعيط : ووووووه عليااااا بابا ؛؛ خليتني بروحي يابابا معش عندي غالي بعدك يابابا من يحز علياا لما انتعارك مع خوتي يابابا ؟ من يصبي معايا ويقوللهم بنتي ماحد يقربها يابابا ؟ من ينوضني للفجر يابابا يقولي نوضي هضا الي تلقيه قدامك في القبر ! وعديت للقبر وخليتني يابابا ؛ مانبيها الحياة بعدك ياباباااا ؛ ياريتني متت ولا شفت هالنهار يابابا .. لمن انقول بابا يابابا ؟ لمن انقولها بعدك ياحبيبي
الي في الصاله كلهن ساكتات ويسمعن فيها ويبكن
هناء تضبط فيها : نااااعليااا خيتي ربي يصبرك
اميره خشت بحتت في هناء : هذي كبدها ذابت سكتوها
فتحيه تبكي : ماتبش تسكت ولا تبي تهفت ياناري
اميره عيونها دمعن : بوها ياناعليااا ربي مايذوقها لحد
_____
ومشن #يومين ابتاع العزاء
وجت ثالث ليله وجو زحمة ناس وكملنها بكاء وعياط
11:30 م
ايمن مصبي مع ابتاعين التشاركيه يلمو في الخيم
: مد يالمنجي الرواق الي تالاك
المنجي يشيل في الرواق : خليه يلم خيمة الصبايا ويخلي رواق ع الباب ليوم الاسبوع
ايمن : قتله رواق وكراسي بالزايد للحوش
المنجي : نمشي انشوف خيمة الصبايا انقوللهم يفضوها كان فيها حد
منجي مصبي قدام الخيمه يسمع في صوت وحده تبكي
قعد يضبح : ياهناء ياهنااااء
صفاء تباوعاته ماسكه مكنسه : هناء جوا
المنجي ابتسم : شن جونا توا تمام
صفاء : الحمدلله على كل حال
المنجي : قوليلهم يفضو الخيمه نبو انلموها
صفاء : مافيها حد الخيمه الا غاليه
المنجي تباوعها : باهي خلاص خشي توا انشوفها
صفاء خشت
ومنجي خش للخيمه بحت فيها
لقاها مقعمزه ع الكرسي في التركينه وتبكي بصوت عالي
قرب منها ومسك ايديها صباها
غاليه عزقت روحها عليه : بابا يامنجي باااباااا
منجي حضنها بالقوه : انتي اقوى من هكي حبيبي ماتقعديش ضعيفه
غاليه حاطه وجها في صدره وتبكي : كيف اندير بلا بابا كيف انعيش بعده
المنجي يحضن فيها بالقوه : ادعيله بالرحمه هذي الي تنفعه في قبره
غاليه تبكي : ياربي خذيته مني ياربي حرمتني منه ياريتني مشيت قبل مانحضر هاليوم
المنجي قعمزها ع الكرسي
وطبس قعمز على ركبيه قدامها : حرام الي اتقولي فيه والله العظيم ايتعذب
غاليه تبكي : كيف جاكم قلب اتغطوه بالتراب كيف قدرتو اديرو هكي لبابا
المنجي تنهد وطلع منديل يمسحلها في وجها : هضا حال الدنيا ياحبيبي انا عهدي بيك ايمانك قوي بربي هضا ابتلاء من ربي ولازم نصبرو عليه
غاليه تبكي : نااااار يامنجي في صدري مابت تبرد
المنجي : ربي يختبر في الناس بالنقص في المال والانفس والثمرات وهضا ابتلاء لازم نقعدو قده بابا كان راجل مؤمن وانتي عارفه كيف يأمن بالقضاء
امينه طلعت للخيمه بحتت فيهم
جت تمشي جابت كرسي وحطاته احدا غاليه
المنجي يحكيلها : بحتي فيااا هنااا بحتيلي
غاليه تبكي واتبحت فيه
المنجي : قولي الله يرحمه هياا
غاليه ماقبل حوتها قالتها وهي تبكي : الله يرحمك ياحبيبي الله يرحمك يابابا
المنجي : اييييوه هكي نبيك
امينه قعمزت ع الكرسي : كبدها ذابت هالبنت ثلاث ايام هضا حالها لا وكال لا شراب
المنجي بحت في غاليه : مش وعدتيني تاكلي ؟؟ كيف صار كله كلام طلع
غاليه تبكي : كيف ناكل وكيف تجيني نيه
امينه حطت يدها على شعرها : يمي لازم تغصبي روحك عشان تسندي امك وخواتك ديما انقول غاليه بمية راجل وقويه شن صارلك توا
غاليه تبكي : انا كنت قويه بيه كان دايرلي مكانه حتى قدام خوتي و دايرلي قدر وعداااا وخلاني خلاص
امينه عيونها دمعن : ديما يقول عيالي في كوم وغاليه في كوم بروحها
المنجي صبا : من مزال في جوا ؟
امينه : ماحد الي هضا روح اليوم قاعدين نا وجارات واخت سعاد نعيمه ومرات خوها بس
غاليه تمسح في دموعها وصوتها مبحوح : تحسابيهم زعلانين عليه اصلا هما الي قتلوه وجاي للعزاء بكل صحة وجه عمي عبدالقادر وهو لما بابا عدا يساول في عادل لزه
المنجي : الواحد يدير بأصله ؛ اهم جو وخذو القدر كله وعمك الجنازه كملها بكاء يقوله سامحني ياخويا
غاليه تبكي : الله لا يسامحه !! و حسبي الله ونعم الوكيل مات وهو مش مسامحهم
هناء طلعت جايبه سندوتش في يدها مداته لغاليه : هاكي كولي انتي راك تموتي
غاليه هزت راسها بمعنى لالا
منجي خذا منها السندوتش وطبس يحكيلها : وراسي انا تاكليه هياا
امينه اتبحت فيهم وساكته
غاليه ادف في يده : والله ماعندي نيه
المنجي بحت فيها : قتلك وراسي انا
غاليه خداته من يده وكلاته
منجي بحت في هناء : جيبيلها كباية عصير
هناء : حوش عزاء اين عصير
منجي : توا نطلع انجيبلها مالدكان الي في الشوكه المهم تاكل
امينه ابتسمتلها : باهي الي كليتي طيب فيك وجك قاعد صايف بلا وكال
هناء حطت كرسي وقعمزت : كرعياااا خلااااص
غاليه بحتت فيها : انصبيلك في فرحك ياهنيوه ذبتي في الحوسه
هناء فنصت فيها : بطلي طروح وراس امك فكيني مالدراما
__________________
1:00 ص
امينه طالعه مالحمام تمشط في شعرها : عجبكم الرز اليوم يارجب
رجب : الخيمه كلها تسأل من الي داره
امينه ابتسمت : اليوم ثالث ليله نا الي سويت مكان نعيمه
رجب رقد و تغطى : لا مكرونة امس شينا
امينه : لا نعيمه مش شاطره في التسواي غير هي دايرتها شريني قدر امس واول امس قالت نا نبي انطيب
وسعاد متحشمه اتقوللها خلي امينه اطيب
رجب ضحك : وكيف قدرتي عليها
امينه خشت للسرير وتغطيت : جيت دويتلها قلتلها طيبتي مرتين خليني انطيب انا اليوم خير ماناخد الحشمه مع سوعيده و ماحوتك ماطلقتلي المناصب
دق باب الدار امينه قعمزت : خش
المنجي من ورى الباب : وين باتي
رجب : خش كنك
المنجي خش ماسك فلوس في يده : هذينا مدوهن ليا الجيران للعزاء مزالن زي ماهن مادرت بيهن شي
رجب : كم الي معاك
المنجي : 1500
رجب : بكرا عطيهن لأمك تعطيهن لعمتك سعاد بالك ادير بيهن حاجه
المنجي حطهن ع الشيفونيرا : خلاص قاعدات اهنا
وطلع وسكر الباب ...
فتح دار هناء لقاها فاضيه
بحت في المطبخ لقاها مش قاعده
رن عليه التليفون لقاها اميره
المنجي فتح الخط : ايوه
اميره : اهلا شن جوك
المنجي : تمام الحمدلله
اميره : تعشيت ؟؟
المنجي : كليت في العزاء عليش ؟
اميره : كان الساعه 7 عشاهم اركب تعشى مع احمد وهناء تلحق ولا ماتلحق
المنجي ضحك : صار خيانه اني جاي
احمد ياكل : شن صار
اميره فتحت الباب وخلاته وردت قعمزت : اهو جاي
هناء تصب في قازوزه : بطني نشفت مالرز والمكرونه سلم ايديك
احمد : تي انتو في العزاء بايتين وانا كل يوم في الليل دلع يوم قلايه يوم مكرونه جاريه يوم دارتلي حاجه صح بكل مقليه سلحوبيه
هناء تضحك : شنو هي به
احمد ضحك : كراديم هك والله ماني عارف
اميره تضحك : كفتة دجاج مقليه درتله فلوكه قعمز عليها بروحه تعشى بيها تقول ياكل في سبول
المنجي دق الباب
احمد : خش ياراجل عليش جو البرانيه ادق وجو شين
المنجي ضحك وخش بحت في الطاوله : تي وين قلايه وسلطات
اميره مدتله خبزه : هياا ابدا
المنجي قعمز ياكل وبحت في هناء : نحسابك بايته غادي
هناء : معش قدرت غادي مانرقدش ينوضن فينا مالفجر صبايا خوت ابله سعاد الباردات
احمد بحت في منجي ويحكي لهناء : ليش ماجبتي غاليه باتت معاك
المنجي ياكل ومش معدل
هناء تضحك : نعنجد نخليها تسيب حوش العزاء
اميره تضحك : حرام عليكم خلوه ياكل توا يغص
المنجي يشايرلها بيدها : خليه يبرد على خاطره
_______
3:00 ص
غاليه راقده في سريرها وفاتحه الروشن قدامها
و اتبحت برا وساكته
تليفونها هز بحتت لقاته المنجي فتحت الخط وقعدت ساكته
المنجي : حبيبي
غاليه : نعم
المنجي : شن دايرين صحتنا تمام ؟
غاليه تنهدت : الحمدلله
منجي : كنك واعيه لعند توا
غاليه : النوم يجيبه ربي
منجي : لازم ترقدي وتاكلي انتي زعلانه عليه عارف بس والله ماينفع اديري في روحك هكي
غاليه ساكته
منجي : اتجي تباتي عندنا باهي بكرا لازم ايتغير عليك الجو
غاليه : كيف انسيب ماما يامنجي
منجي : اممم باهي تمام المهم نبيك كويسه بس خواتك اصغر منك وصابرات ماشاءالله نبيك قويه زيهن
غاليه : هذينا مايندرن على شي اصلا وماعندهنش احساس
منجي : مش شرط الي مايبكش معناها ماعندش احساس اهو انا مانعرفش نبكي لكن مش معناها ماعندش احساس
غاليه استغربت : يعني عمرك مابكيت طول عمرك
منجي : وانا صغير اكيد بس بعد كبرت عمري مابكيت مرات عيوني يدمعن لكن مانخليهش تنزل مستحيل
غاليه : يعوينك
منجي : هياا به تغطي عشان انرقدك
غاليه : توا نرقد بروحي
منجي علا صوته : كلمه وحدددده البسي سماعاتك هياا خليني معاك لعند ترقدي
غاليه مدت يدها في الدرج اطلع في سماعاتها
ولبستهن
منجي بصوت واطي : ربي يقويك ويصبرك على قد محبتك له ياحبيبي نبيك اقوى من هكي باهي
غاليه : به
منجي : سكري عيونك هياا
غاليه سكرت عيونها وبدت ترقد وبدا ياخد فيها النوم
منجي يحكيلها بصوت واطي : وراس امي نحبك وماعندي اغلى منك في الدنيا كلها .. نعرف ان مستحيل انعوضك عليه بس انا راجلك و حبيبك وهانحاول قد مانقدر اني نملى الفراغ الي في قلبك ونقعد سندك في دنيتك لعند نموت وربي ياخد امانته ونموت ..
ويسمع في صوت نفسها
منجي يوشوش فيها : حبيبي رقدنا ؟ ..... نوم العافيه ياغاليتي
___________
ويسمع في صوت نفسها
منجي يوشوش فيها : حبيبي رقدنا ؟ ..... نوم العافيه ياغاليتي
غاليه بصوت نعسان : حبيبي
منجي : عيون حبيبك
غاليه : ماتخلينش بروحي انا تعبانه
منجي بصوت واطي : اشششششش نني ياحبيبي انا معاك ؛ انتي في عيوني من جوا
_____________________
بعد #شهرين 🌹
7:30 م
هناء خاشه للحوش شايله شكاير : كرعيا خلاص مالمشي
اميره قعمزت ع الدروج داهشه : حتى انا ذبت حسيت روحي معش قادره انصبي
امينه طلعت مالدار : ها شن صار
هناء : خلاص كملت الدبش كله مزال كندرة الفيلو
وطلعت تليفونها : انرن على غاليه اتشوف الحاجات
اميره : مش متخيله عرس هناء وغاليه مش حاضره
امينه بحتت فيها : والله لولا ان سعاد حلفتلي انطلعو الفرح راني مازفيتها
اميره : هو مش فرح محسوب باعميمه انتي حتى الحنه لغيتيها تمشي في الرفه وياخدوها
امينه : والله مختار جار عمر وانا مزال محروقه عليه لعند توا الله يرحمه
اميره : الله يرحمه
هناء طلعت مالمطبخ تحكي في التليفون : خلاص نرجا فيك
امينه : جايا قالت
المنجي فتح الدار ونزل ع الدروج : شن الجووو
امينه : وين نوم لعند توا ؟
منجي : روحت مدقدق مانشوف في شي
ويلبس في سباطه قدام الباب
امينه بحتت فيه : وين ماشي وانت هكي كيف نايض غير كد شعرك
منجي : طالع ناخد حاجه مالسياره
هناء وشوشت اميره : اكيد ماشي يجيب غاليه
___________
غاليه تلبس في عبايتها : ماما مش هانطول
سعاد متكيه : باهي غير خلي منجي يروحك ولا كان انس قاعد رني عليا اندزه لكي
غاليه : باهي حاضر
وتليفونها رن سكرت عليه الحمره وطلعت
فتحت الباب لقاته مصبي قعدت تضحك
المنجي بحت فيها وضحك : كنك ؟؟
غاليه : ابداااع منظرك
المنجي يضحك : مش نوضتيني مالنوم تحملي معناها
غاليه : قصدك لما اتنوض مالنوم هكي انت شكلك ؟
منجي كشر : وكنه شكلي مش عاجبك
غاليه ابتسمتله : تعجب الملك ياروحي انبصر معاك
المنجي : مانبش نعجب الملك نبي نعجبك انتي
غاليه ضحكت
منجي غمزها : عاجبك ولا لا ؟
غاليه تحشمت : اهاا عاجبني
وخبطاته على يده : هياا امشي نبو نقعدو مصبيين هكي ؟
منجي شايرلها براسه : هياا
غاليه تمشي واتبحت فيه : نحبك
منجي انصدم : شنوووو ...
وقعد يضحك
غاليه تحشمت : كنك
منجي يضحك : مستغرب كيف طلعت منك بلا تجداي وعياط
غاليه : هكي بعد انشوفك تمشي احدايا انحس كإنك راجلي 🙈
منجي يضحك بصوت عالي : نعنجدك بكل
غاليه ضرباته على يده : بطل ضحك
منجي بحت في الشارع وبحت فيها : هاتي احبيبه به
غاليه فنصت فيه : را يجيك كف
منجي : عليش مش قلتي راجلي توا خلاص معناها يحقلي اي حاجه حتى الـ ..
غاليه فنصت : ال... إيش 😒😳
منجي ضحك : ايييييوه هو ده
غاليه صبت قدام الباب : اصلا قليل الادب ماعندي ماندير
المنجي فتحلها الباب : خشي به را ناخدها غصب
غاليه طلعتله لسانها : اصلا ماتقدرش
منجي كرها من يدها ويحكيلها بصوت واطي : متأكده مانقدرش ؟؟؟
غاليه اتوخر منه : لا تقدر عارفتك بس حووول يدك
منجي يقرب منها : ناخدها توا شن رايك ؟
غاليه ادف فيه : را والله انعيط انطلع هلك ؛ تي حووول يدي وجعتني
منجي : والله ناخدها انسيبك
غاليه اتبحت في الباب وبرمت اتفنص فيه : را تطلع امك يامنجي بطل
منجي ضحك وقرب من راسها باسها في جبهتها : تي والله مانديرها معاك الا بعد تخشي كتيب العائله يالهبله
ومسك يدها باسها في كفها من جوا 😘
غاليه تحشمت ومشت تجري : خلاص باي 🙈
منجي يضحك وطلع يدخن قدام الحوش
غاليه فتحت الباب وخشت لقتهن في الصاله وفاتحات الشكاير ومطلعات الدبش
ابتسمت : خيراااات
امينه اطبق في البرنوص : مرحبتين خشي تعالي شوفي الحاجات
غاليه خشت سلمت ع البنات : هضا وين روحتن
هناء : كرعيا خلاص
اميره طلعت التاج : ريتيها خدت الي قلتلها عليه انا
غاليه خداته منها : ماشاءالله حتى انا ديما انحب التاج عالي زي الاميرات
امينه بحتت فيها : عقبالك انجيبولك دبشك
غاليه ابتسمت : سلمك
اميره ضحكت : قولي ان شاء الله عليش متحشمه
غاليه ضحكت : مسمطك
وبحتت في البرنوص : كويس الي بدله لكي الراجل
هناء : اصلا لاحظت هضا تطريز هضا نفس الفيلو الاخر فيه ورد
غاليه : خلاص كملتي حاجتك ؟
هناء : مزال كندرة الزفه قلبت الدنيا كلهن كعب عالي الي في السوق
غاليه : شارعنا كله محلات كنادر معقوله ماحصلتيش
هناء ضحكت : في وحدات ننقاني ماخشيتلهن تحسيهن من منظر المحل برا زغد
امينه : عدي معاها بكرا ياغاليه دورن في الصبح اطلعن
هناء : لا صبح مانقدرش نطلع في الشمس وننحرق
اميره بحتت فيها : بعد بكرا عندك حمام بخاري راك تنسي
هناء : لا متذكره مش ناسيه
امينه بحتت فيهن : صبن ديرن قهوه وقصي كيكه ياهناء ملي نزلتها اميره البارح
اميره صبت : توا انديرها انا ياعميمه خليها اتلم حاجتها
غاليه صبت وراها : ارجي انجي معاك
____________
9:30 م
أنس يفتش في الاداراج : وين شهادة ميلادي
سعاد خشت للدار : فيش اتفتش
انس : نبي صوره من شهادة ميلادي
سعاد جت ادور : ماضنش فيك صوره منها توا بكرا نعطيك اتصور
انس : ياريتني خديته اليوم مشيت صورت
سعاد قعمزت ع السرير : وانت عليش تبيها
انس ابتسم : المنجي حصلي تعيين في الضمان
سعاد استغربت : كيف تعيين وانت شهاده ثانويه ومعش قريت
انس : عادي يعينو في الضمان المهم الثانويه
سعاد : وكم تاخد ؟
انس : تهيالي 550
سعاد : باهي خير من بلاش انت قاعد هكي وخلاص ع الاقل تصرف على روحك
انس ابتسم : لا اتفقت مع واحد ابتاع دكان دبش نبدا معاه مالشهر الجديد وقالي 500 الراتب حتى هو
سعاد : باهي مشااءالله ؛ الله يربحه منجي انعنه مايغيب لولاه راه مش عارفه شن درنا
انس : اصلي بكل مانجا
سعاد : ياريته ياخد غاليه وتكمل وانتهنى عليها انها مع راجل ينعبى عليه
انس بحت فيها : بلكي عنده وحده الراجل
سعاد تنهدت ومابتش تحكيله شي : كان عنده ربي يهنيه ويسعده
انس طلع : ماشي انروح بيها
_________________
عيت منجي مقعمزين ايتعشو ع الطاوله في الصاله
هناء : مش عارفه حسيت روحي مدقدقه ماقدرتش انضم حتى دولابي
رجب بحت في امينه : مديلي ليمون
امينه بحتت في غاليه : عجبك المقطع
غاليه تاكل : سلم ايديك
منجي مقعمز قدامها
ويخبط فيها بكرعيه من تحت الطاوله
غاليه كحت
رجب مدلها اميه : اسم الله البنت شرقت
غاليه خدتها منه وشربتها : شكرا ياعمو
منجي يضحك
رجب : صحه افطني وانتي تاكلي سلم بنيتي
امينه بحتت في منجي : درت طنجره لسعاد بيش اتشيلها لها بعد تاكل
غاليه بحتت فيها : والله مافي داعي اكيد تعشو
امينه : لا سعاد غالي عليها المقطع ابتاعي
الباب رن
غاليه صبت : اكيد انس
المنجي شايرلها بيده : قعمزي قعمزي
غاليه : لا خلاص وقت
رجب : غير كملي عشاااك كلمه وحده
امينه : كان انوس كلمه ايتعشى يامنجي
انس قدام الباب يرجا
منجي فتحله : طير
انس : مرحبا ياغالي
المنجي شايرله بيده : خش يبوك جوا
انس استغرب : شن في
المنجي يضحك : خش ياراجل بطل جو
______________
#بعد_يومين
5:00 م
امينة مصبيه قدام الحوش وادق
مروه جت تجري فتحت الباب
امينه داهشه : انسحنت وانا نرجا
مروه تضحك : كنت في الحمام خشي
المنجي ضحكلها : شن جو ياصقع
مروه بحتت قدام الباب : شنو هضا كله ؟
منجي ضحك : غار شيلي حطي في المدخل بس
سعاد طالعه مالدار لقت امينه خاشه لوسط الحوش
امينه تسلح في محرمتها : شن دايره اليوم
سعاد : والله قاعده وجي في وج الساس
امينه : هانت مزال 20 يوم وناخدك ونطلع بيك ياحنه كل يوم مكان
سعاد بحتت عند الباب لقت صناديق راوخ و ستيكات مكرونه وشكاير مصروف كامل
سعاد خبطت على صدرها : لا يامنجي ليييش هضا كله
منجي داهش : مش تقوليلي ولدي ؟؟ ولا غير كلام
سعاد : ولدي والله واعز لكن مانك في قبال هضا كله
المنجي ينفض في ايديه : مافش الكلام هضا بين الام و ولدها عيب الدوه هذي
سعاد : والله ماني عارفه مانقولك
المنجي ضحك : دعواتك بس
سعاد : سلمك جياب ان شاء الله مانفقدوك
المنجي طلع : هيا السلام عليكم
مروه سكرت الباب : صفاااااء تعالي شيلي معايا
سعاد خشت لامينه في دار المقعد : والله ماعنده حق منجي
امينه شايرتلها بيديها : مادخلني ياحنه هنا حوشه وغادي حوشه
غاليه طلعت مالدار خشت عليهن : خيرات
امينه : نشفي شعرك يابنت راك تمرضي
غاليه مسكت شعرها : خاطري انقصه
سعاد : ريتيها ياامينه اتنق على شعرها
امينه فنصت فيها : ماملي ايتمناه شعرك الله واحد علي شعيراتك غزاره وطول حراام اتفرطي فيه
سعاد : بعدين باتك كان مانع القص يعني توا خلاص تبي اتقصيه مفروض حتى على خاطره اتخليه
امينه : الله يرحمه حتى امك مانعها اتقصه
الباب دق
غاليه مشت تفتح
صبت ورى الباب : من
هناء : افتحي انا
غاليه فتحت وضحكت : وجوهكن حمر
اميره سلحت النظاره : باين علينا جايين مالبخار
هناء بحتت في غاليه وتسلح في كندرتها : ياريتك جيتي معانا غير انتي سامطه نكديه
اميره : عليك استرخاااء يالولي فاتك
غاليه : ان شاء الله نمشو بعد جيابك ياميرو
اميره : ان شاء الله ربي يسمع منك ياقلبي
خشن دار المعيشه
سعاد ابتسمت : ماشاءالله نايره ياهنيوه
هناء طبست اتسلم عليها : صار مني يعني
سعاد اضبطتها : وكنه مايصير منك نجي بنيتي ياربي
هناء متضبطتها : مش مصدقه انكن مش هاتحضرن عرسي
سعاد طلعت هناء واتسلم على اميره : كيف حالك ياميرو
اميره سلمت وقعمزت : مروحه هااابزه بكل
سعاد بحتت في امينه : مزال ثلاث ايام على عرس بنتك حرام تطفسيها خلي خواتك يجنك و هلك وديريلها جو اغاني وحنوها في الحوش
امينه رفعت يدها : لااااا والله مانديرها قلتلهن يوم العرس ع الصاله دغري يمشن معازيم وهناء توا تمشي معاها غاليه للكوافير اتلبسها كان ماعندك مانع
سعاد : خيتها يابتي ليش نبي انمانع
امينه : والحنه توا الليله الي قبل العرس اتجي اتبات عندي صبيتي امباركه وتحنيها عشان تقعد طازه
غاليه قعمزت : احكلي شن درتن في البخار
هناء : ياناعلياا يالولي زي التمحاي يطلع منك تقولي ليا سنين مخمجه
غاليه ضحكت : حي علياا انا الي عمري مادرته
امينه بحتت فيها : قاللك هيا البنات ليش ماعديتي
غاليه : لا مزال بدري ياامي
امينه بحتت فيها : الحزن في القلب ياحبيبتي وانتي مزال صغيره مفروض حتى الكحل اديريه
غاليه هزت راسها بمعنى لالا : مانقدرش حاسه روحي مش قادره
سعاد : انا قلتلها نهار الي انفك الرباط الكحل اتحطه في عيونها دغري
______________
7:00 م
المنجي مع وسام في الشقه داهش : خلاص ركبت
وسام يبحت في الشاشه : راهي اطيح ياراجل
المنجي يهز في الشاشه : تي والله واثقه شوف هاه
وسام : خلااااص راك اطيرها
المنجي يدور : وين خيوط الرسيڤر
ومسكهن يركب فيهن ف الشاشه
وسام قعمز ع الكنبه : نعنجد الطريحه الي اليوم
المنجي حاط وجه ورى الشاشه يركب في الخيط : طلعت الصوره ياداعشي ؟
وسام بحت في التلفزيون : طلعت ياشيخ
منجي قعمز ع الكرسي : ماشاءالله على صورتها الله يبارك
وسام تنهد : ان شاء الله غار يعجب هضا كله
المنجي طلع دخانه : صبي جيب طفايه ياراجل
وسام مدله تبسي القهوه : وراس امك ماني نازل طفي هن
__________________
#بعد_يومين
2:00 ص
هناء في دارها اترن على وسام
وسام فتح الخط واحداه هرجه : ايوه
هناء : وينك هضا كله
وسام : مزال برا
هناء : امتى ناوي اتروح باهي
وسام يضحك : خلااااااص اطلقيني ناخد راحتي اليومين هذينا بس حرام عليك بديتي من توا
هناء تضحك : انا محنيه نحكي معاك بالمايك راك تقول شي حاجه تفضحني
وسام : ناعلياااا ايوه وتيلي روووحك
هناء تضحك بصوت عالي : ياسامط
وسام : معش فيها مراتي خلاص حلالي وقاري فيك فاتحه ماعندي عليش انبطل
هناء : ركبت الشاشات اليوم ؟
وسام : ركبهن ليا مانجا والله وجو جماعة الفترينه ركبوها
هناء : باهي تمام معش ناقص شي هكي
وسام : الحمدلله مزال بكرا صلاح يبي يعبيلك التلاجه
هناء تضحك : عارف سبب جيزتي الرئيسي هي تلاجة العرسان
وسام ضحك بصوت عالي : تي ويييييين يااااا صار مش عشاني !؟ باهي باااه
هناء تضحك : والله انبصر
وسام : منوووووووه بكل اقسم بالله
ساره فتحت الدار وخشت بحتت في هناء : ساااادكم عقبو دوه لبكرا
غاليه خشت وراها : حرام عليك خليها
هناء تضحك : خلاص هذينا جت سكر انت انا مش قادره انزر شي
وسام ضحك : وكيف رنيتي باهي ؟؟ شفتي كيف زريتك 😂😂
هناء تضحك : رنتلي غاليه وطلعت والله
وسام يضحك : سلميلي عليها
هناء : يوصل ..
وسام : اوكي تشاو
خالتهن عيشه فتحت الباب وجت احدا هناء اتبحت فيها : صبغت شويا حسيتها
ساره راقده في سرير هناء : ارقدي ع الفراش زي الكلبه اليوم
غاليه اتضبح : يارشاااا
( رشا بنت عم منجي )
رشا خشت للدار : شن فووو
غاليه : بحتي قفطانك معلقتيه ورى الباب قريب ينقض قماشه مالحل والتسكير
رشا خشت اتفك في القفطان : حي علياا استروني لعند بكرا بس
وبحتت في هناء : عارفه عمي بايت عندنا وقالب وجه قالولك مانحكيلك 😂
هناء بحتت فيها : من قالها لكي
رشا : عماد قالها لأمي
عيشه تضحك : مايبش يحضر طلعتها ياناري
غاليه : بعدك عمو رجب عنده هناء في كوم والدنيا في كوم
عيشه صبت : تعالي ياساره حنيني لوطه مانيش نرقد معاكن هنا
ساره : اعععع لا نقربها لا نجي شورها الحنه مش شوري
رشا : عمتي عيشه خلي امي اتحنيك ؟
عيشه ضحك : هابا امك حنيتها قاعده راقده لوطه
رشا ضحكت : باهي انحنيك انا نعرف راهو والله
عيشه : الله يربحك معناتها انخش للحمام قبل خير مانوض في الليل ونقعد في حاله مش قادره انصبي
البنات يضحكن
عيشه طلعت لقت منجي راكب ع الدروج
منجي شايرلها بحواجبه : خالتي يااحسن وحده
عيشه قعدت ترقص قدام الدار واتغني : لعقبه للمنجي ياعين ايشيلك شور عرب زينين 👏🏼👏🏼💃🏻
البنات يضحكن وطلعن ايتباوعن مالدار
وقعدن ايصفقن معاها ويغنن : يانجيه كبير العيله .. ان شاء الله تمشي وتزفيله 👏🏼👏🏼👏🏼💃🏻
منجي يضحك : مفضاكن اقسم بالله
رشا اتكر في عيشه : هياا عمتي عيشه وقت مزال نبي اندير شعري
عيشه نزلت تجري : هياا اني جايا
اميره طلعت من شقتها تضحك : وين دايرين غيطه من ورايا
وبحتت في المنجي : شفت هنيوه
منجي : لالا
اميره : تعال اهياا في الدار
منجي صبا قدام الدار : من في
اميره ضحكت : غاليه وساره بس خش
منجي بحت : السلام عليكم
ساره ابتسمت : وعليكم السلام
وصبت تدحنس عليه مسكت شعره : وين الطروفيه هذي كلها 😍
غاليه برمت وجها ورقالها
منجي دف يدها وبحت في هناء : كنهم مكتفينك هكي
هناء تضحك : يعاقبو فياا
منجي يضحك : صبي اغسلي خلاص مادام درتيها من امبدري
اميره : لالالالا اين تغسل لازم اتبات بيها
المنجي يضحك : وكان ناضت تبي الحمام ؟
اميره تضحك : عليش اتخطر عليها ف الحمام توا اسكت
منجي بحت في غاليه وخبطها على كتفها : كنك
غاليه كشخت عليه : ماكني شي
منجي : مش عارف زعلانه
اميره ضحكت : عشان اختها اكيد
هناء سكرت عيونها : خلااااص را نبكي معش تخطروني
المنجي طلع مالدار
ساره طلعت وراه
منجي فتح داره وخش يسلح في كاويشه
ساره خشت وراه : دارك بنتها دخااان
وخدت ريموت المكيف : هات انولعه لك بلكي اتخف
غاليه راقيلها وكراعها اتهز : عليك براده بصراحه
اميره متكيه وراها ع السرير : ماتزعلش مني ياهناء بنت خالتكم لكن ثقيييله
هناء تضحك : اقتلوها بس بعد بكرا الله يربحكن 😂
احمد فتح باب الحوش ويضبح : اميرررره
اميره صبت : توا شن يبي فياا مليت ماده وجي جوا بروحي نبي نقعد معاكن
هناء تضحك : عدي تمي امورك معاه وتعالي ياحنه 😂
اميره عزقت فيها المخده : ياواطيه يبي ياكل جعان وانتي ديما عقلك ماشي بعيد
غاليه تضحك : خلاص ياهنيوه اصبري لعند بكرا بس
اميره طلعت تجري : جيت هياا
احمد : معقوله نازله اتجيبي خبزه تخشي عند البنات
اميره تضحك : هياا اني نازله غير لهيت مع البنات
ونزلت تجري ع الدروج
احمد جا دق على باب الدار : هناااء
غاليه تلبس في محرمتها : خش يااحمد
احمد فتح وقعد يضحك : حي على ام منظرك بالجلابيه
هناء تضحك : كنكم معايا الي يخش يضحك
احمد اضايق : كنكم ماحنيتو مراتي
اميره راكبه داهشه ماسكه خبزه : حصلت فردتين
احمد بحت فيها : كنك ماحنيتي ؟
اميره : ووووه عليااا مانحبهش
غاليه ضحكت : ننقانك صدقني نكرها انا
احمد : لا انا نحبها حنيلي انا مش لروحك
وطلع ع الدروج يضحك : خاالتي عيشه
عيشه اتضبح من دار المقعد : كنك ياحميده
احمد يضحك : تعالي ديري حنه لأميره
عيشه : دارتلي رشا
احمد يضبح من فوق : يارشاا تركبي اديريلها عادي
اميره : ووووه عليااا فكني ماتعدليش عليه يارشااا
احمد فنص فيها : اس انتي ؛ ديري شويا مش واجد المهم بنتها قويه لاني نحب نشمها
هناء اتضبح : ياحمممممد
احمد : هااا
هناء : تعااال الله يربحك دقايق
احمد تباوعهن : كنك
هناء تضحك : كر ساره من دار المنجي
احمد بحت في غاليه وضحك : نار الغيره وااالعه انشوف في دخاااان طالع
اميره خبطاته على يده : حرام عليك خليها في حالها
هناء : وراس احمد كرها هذي توا تموت احدايا مالقهر
احمد مشى وفتح باب دار منجي بالقوه ومكشخ : شن اديرو انتو
ساره مقعمزه ع السرير وتضحك : وانت كنك هاد علينا
منجي مصبي عند الدولاب يطلع في دبشه : وراس امك تاخدها نفختني
ساره : كنك انت انقلبت علياا
احمد يشايرلها بيده : دار منجي منطقه محظوره اطلعي اطلعي
ساره صبت وكشخت عليه : تي اووكي بكل .. ومشت دار البنات
احمد مصبي قدام الباب : ياغاليه انتي بس مسموحلك اتخشي دار منجي معاك حصانه عادي حتى ع الفجر انا عطيتك اذن
رشا ركبت ماسكه سفرة الحنه في يدها : هياا وين تبي انحنيك
اميره اضايقت : وووووه بنتهاااا فكوووني
احمد يدف في اميره شور الحوش : حنيها في سريرها يارشا عشان معش اتصبي انتعبوك
رشا تضحك : فرشي انصوله معناتها ع السرير
اميره متضايقه : بصراحه بكل عليك دراه كبد
_______________
3:00 ص
منجي يرن على غاليه مسكره تليفونها
صبا وطلع مالدار
هناء مسكره عيونها : نعسااانه بكل
ساره تشرب في شاهي : اخر يوم لكي معانا بطلي طروح
غاليه راقده ع السرير
رشا بحتت فيها : هذي في سابع حلم
دق الباب
هناء : من ؟
منجي : اناا
ساره فكت شعرها 😍 : خش خش
منجي تباوعهن : غاليه راقده ؟
رشا : اها راقده
منجي : نوضيها يارشا بالله
ساره رقالها : خليها راقده
رشا اتنوض فيها : غاليه غاااليه
غاليه فتحت عيونها وبحتت فيها
رشا : يبيك منجي
غاليه سمعتها و ردت رقدت اخرى
منجي خش بحت فيها : غاليه
غاليه فتحت عيونها وبحتت فيه
منجي : صبي نبيك
غاليه بصوت نعسان : شن تبي مش قادره انوض
منجي مسك يدها من فوق : صبي هي شويا واتردي ترقدي
غاليه صبت و ماحوتك تمشي
منجي طلعها قدامه وطلع وسكر الباب
رشا بحتت في هناء : هنيوه في بينهم حاجه صح
هناء ضحكت : اسكتي مش شورك
رشاا : يهبلوووو خايلين بكل
ساره كشخت : لا مش ماشيا معاه بكل
هناء تضحك : خلاااص ياخد سوك المنجي دوري واحد اخر طيحيه
رشا تليفونها رن : اسسسس خلاص انهن النقاش
و كرت مخده وغمت روحها بيها : خير ياقلبي
____
غاليه مصبيه قدام الدار : احكي كنك نبي نرقد
منجي مصبي جوا داره ويفنص فيها : خشششي نبيك
غاليه قالبه وجها : وامك ؟؟
منجي ضحك : امي دايره حنه في كرعيها اليوم ناخدو راحتنا
غاليه خشت صبت م الدار : خلي الباب مفتوح
المنجي بحت فيها : توا شن قالولك نبي نغتصبك انا ؟؟
غاليه ردت شور الباب : العتب عليا اصلا اني جيت عدي جيب ساره توا اديرلك الي تبيه بعدك نوعيتها ابتاع جو
المنجي يضحك ولحقها بسرعه كرها من يدها : تاريتك ياما شايله في قلبك
و كر الكرسي م المكتب قربه م السرير
ويكر فيها من يدها : قعمزي هنا قتلك
غاليه اتفك في روحك : مانبش خطاني
منجي : والله تقعمزي حلفت انا
غاليه قعمزت
منجي قرب منها وبحت فيها
غاليه قلبها يدق : كنك
منجي قرب منها اخرى و ......
___________________
غاليه اتفك في روحك : مانبش خطاني
منجي : والله تقعمزي حلفت انا
غاليه قعمزت
منجي قرب منها وبحت فيها
غاليه قلبها يدق : كنك
منجي قرب منها اخرى ويبحت في عيونها زين ويكشر في حواجبه
غاليه وخرت : كنك اتبحت هكي
منجي قرب بسرعه باسها في خدها ??
غاليه عيطت بصوت عالي : يابايخ
وتمسح فيها خدها : عدي خود البوسه من حبيبة القلب
منجي يفنص فيها : اسس اس بلا فضايح
غاليه برمت وجها وكشرت
منجي مسك الكرسي وكرها عنده
غاليه اتفنص فيه : هيييييي كنك اتكر فيا
منجي وقف الكرسي ومسك ايديها رفعهن
غاليه اتفك في ايديها : بطل را انعيط اقسم بالله
منجي نزل راسه لوطه حطه على كرعيها
غاليه قلبها يدق : حول راسك عليش الحركات هذينا توا
منجي يحكي بصوت واطي وراسه تحت : خليني توا في شن مضايقك انا ؟ ولا شن درتلك ؟ نبي انتريح عندك شويا بس حرام فيا يعني ؟
غاليه تنهدت وسكتت
منجي : حطي يدك على شعري
غاليه : ماهو حطتها ساره امبدري شن تبي فيها يدي
منجي ايتأفأف : لازم مالنكد نحنا
غاليه عيونها دمعن : انا بختي حتى لما يسقم حالي معاك لازم حد ينطلي في النص
منجي رفع راسه ومسك ايديها
غاليه برمت وجها
منجي ماسك ايديها ويحكيلها : ترا بحتيلي هنا
غاليه : احكي نسمع فيك
منجي هزلها راسه بمعنى لالا : قلت بحتي فيا انا
غاليه بحتت فيه وماسكتها العبره
منجي سيب ايديها ومسحلها عيونها : لييش هضا كله بس
غاليه : شي انا اعصابي تعبانه عشان هناء تبي تجوز
منجي يحكيلها بصوت واطي : وراس عيونك نجيبها لكي امتى ماتبيها و نشيلك لها وكان تبي انصبي توا وانخرب موضوعها وتقعد معاك
وغمزها : نحنا ماصدقنه وسام تغلض فيها وخداها تبيها تقعد في رقبتنا العمر كله حتى هو موضوع را
غاليه ضحكت : حرام عليك
منجي ضحك : ايييوه نبي الضحكه هذي انا
ومسك ايديها : هانت قريب ناخدك حتى انا غير نين امك اتفك الرباط توا نخطبك دغري
غاليه هزت راسها : نين بابا يطق سنه لازم
منجي : الله يرحمه ؛ بعد سنه انطلع الفرح بعد شهرين نخطبك وبطلي دوه واجده وبلا نق غير قولي يارب بس
غاليه ابتسمت : يارب
منجي يبحت في ايديها : ليش مادرتي حنه حبيبي
غاليه ضحكت : اول حاجه مانقدرش ثانياً عيب عندنا البنت الشباب ادير حنه حمره زي هذي
المنجي : اهاااا باهي انا نحبها را
غاليه ابتسمت
منجي باس ايديها الاثنين : في الفرح نبيها لعند فوق دبري راسك
غاليه : ووووه عليا لالا مش للدرجه هذي
منجي رفع حواجبه : مش شووووري بذات في السيقان ناعليا نا
غاليه فكت يدها ضرباته على يده : بلا قلة ادب
منجي يضحك : بطلي خليني ناخد راحتي شويا يابيبي فكينا مالجو
غاليه تنهدت : هيا ادوي باهي خلصني
منجي : انتي يابيبي صح قصيره بس احسن حاجه مش رقيقه ومش دبه يعني فيك ماينقرص
غاليه دفاته من عليها وجت تبي اتصبي : والله اتشوف اصلا انا الغلطانه
منجي يكر فيها ويضحك : والله ماصارت غير تعالي
غاليه : لالا سيبني
منجي قعمزها ع الكرسي وحط راسه على كرعيها : ااااه يابيبي امتى بس ناخدك وانتريح
غاليه حطت ايديها على شعره : يااارب
منجي وحده من ايديها وحطها على وجه : وراس امي الغاليه نحبك ومجنون بيك ومانشوف في غيرك
غاليه ابتسمت وتلعب في شعره : باهي انا نبي انصبي توا البنات يقولن وين عدت هذي
منجي ضحك : يامسكينه هذي فرصه مره ف العمر امي محنيه ??
غاليه تضحك وقرصتله خده : مطول لسانك
________
10:30 ص
هناء راقده ف الفراش واتضبح : بناااات نوووضن
غاليه فتحت عيونها : كنك
هناء : نبي الحمام نبي حد يفكلي الحنه
غاليه اتنوض في رشا : شوشو نوضي فكي لهناء حنتها
رشا اتكسل وبحتت في الساعه : حي عليكن وقت بكل طولنا
غاليه صبت فتحت الروشن ومشت شور الباب
رشا : ماطولش في الحمام
هناء بحتت في رشا : انزلي للحمام الي لوطه
رشا صبت : توا ننزل اصلا نبي نجيب شكاير بيش انحتحت فيهن الحنه
غاليه طلعت مالحمام بحتت مالقت حد
مشت شور دار منجي و فتحت الباب بشويا وخشت وردت الباب
لقاته راقد على بطنه ومتضبط المخده
قعدت تضحك
سمعت صوت حد يحكي تحت
طلعت تجري وسيبت الباب مفتوح
المنجي فتح عيونه ايتأفأف : عليك صبح اززززف
وقعد يضبح : ياهنااااء هنااااء
عيشه صبت فم الباب : كنك اتهارج صبح
منجي ايتكسل : ياخالتي من الي فتح الباب بالله
عيشه ضحكت : انا فتحته نوض سادك
منجي يثاوب : كم الساعه توا
عيشه : والله ماني عارفه
هناء خطمت ماشيا للحمام
عيشه : تعالي وريني حنتك
هناء مدتلها يدها ورفعت الجلابيه : شن رايك
عيشه : لا ماشاءالله صابغه
اميره طلعت ولابسه : صباح الخير
عيشه : صباح الورد
وبحتت في ايديها : ماشاءالله على حنتكن سلمني عجانه
هناء تضحك
اميره بحتت في هناء : مازلتي ماده وجك انتي خفي روحك
هناء : هياا انخش للحمام بس و نلبس حتى غاليه لبست
اميره : هيا باهي احمد مزال يلبس عندكن وقت توتن فيه روحكن
غاليه طلعت مالدار ماسكه فيلو هناء في الكيس ابتاعه : لميت حاجتك كلها ف الشنطه
هناء ماشيا للحمام : خلاص مزال نلبس ونطلعو
امينه مصبيه ع الدروج : انزلن افطرن درتلكن كبده واشربن معاها عصير عنب
المنجي طلع مالباب وينزل في كناتيرته : صباح الخير
امينه : صباحك مبروك ياحبيبي انزل افطر كبده مع البنات اتقوتك رايح ناقص
المنجي خبط على بطنه : تي وين ناقص بحتي الكرشه
امينه : الله واحد عليك وليدي ماشاءالله خليك نبيك اتزيد
منجي ضحك : مرات المدام مايعجبهش بعدين
امينه بحتت في غاليه : تعجب الملك ماملي اتمناك وتحلم بيك حتى في الحلم
غاليه مصبسه اتلم في شنطت هناء قدام الدار
________________
5:30 م
غاليه اتصور في هناء : ماشاءالله تبارك الرحمن
هناء مبتسمه : شن رايك كله تمام
غاليه عيونها دمعن : مش مصدقه بككككل
هناء : خلاااص را نبكي والدنيا تسيح
غاليه اتصور : بحتي فيا واضحكي
هناء : تعالي صوري معايا سيلفي
غاليه قربت منها وصورت معاها
وحطت التليفون في جيبها : انلبسك البرنوص توا ؟
هناء : اها اكيد منجي قريب يوصل
غاليه : مش مفروض يزفوك هل العريس
هناء ضحكت : ماهو منجي خو العريس ?? هو الي يبي يزفنا
غاليه تضحك
يسمعن في صوت بيابات
هناء قلبها يدق : وصلووو وصلووو غاليه اتلبس فيها البرنوص
دق الباب الكوافيره فتحت خشت مراه كبيره سلمت عليهن
:- انا عمت وسام
هناء ابتسمتلها : اهلا وسهلا
غاليه اتمشي فيها بشويا لعند وصلت للباب
لقت منجي مصبي يرجا فيهن وفاتح بيبان السياره
غاليه ابتسمتله : ارفع الذيل من لاوره را ايتوسخ مالشارع
عمت وسام مشت تبي تركب لاوره
غاليه بحتت فيها : اركبي قدام
:- لالا خليني احدا كنتنا اركبي انتي ولا اتحشمي منه خوها
غاليه ضحكت : لالا عادي
منجي فنص فيها : اركبي ف السياره
هناء : منجي امسك الذيل
منجي جا وراها و ماسك الذيل ابتاعها : ارفعي من قدام راك اتجي على وجك
____________
6:00 م
امينه مصبيه ف المدخل هي وعيشه وامال ام وسام
عيشه : طولو بالبنت معش جت
امينه : اكيد قريب يوصلو
عيشه : جربي رني على منجي به
امال رن تليفونها ردت : الو ... خلاص نحنا فم الباب نرجو فيكم ... وسكرت الخط بحتت في امينه : هذي فاطمه صبيتي قالت وصلو
ويسمعن في صوت البيابات
مصبيات فتحن الباب ويرجن
خشت فاطمه : وسعن قفطانها كبير حيدن هك
هناء خشت و وراها منجي رافعلها الفيلو : قدمي شويا اخرى
هناء تمشي بشويا
عيشه قربت رفعتلها البرنوص : ماشاءالله تبارك الرحمن
امال جت سلمت عليها : نجيلي مرات وليدي الله واحد عليك
امينه عيونها دمعن : ماشاءالله على بنيتي
هناء بحتت في المنجي : تعال صور معايا
منجي هز راسه بمعنى لالا : غاليه في السياره
امينه مسكاته من يده : صوره وحده مع خيتك هنا فم الباب
جت المصوراتيه صبت قدامهم
هناء سلحت البرنوص منجي جا صبا احداها وصورو
بعدها بحت فيها وضحك
هناء ضحكت وبحتت فيه : صار مني ؟
منجي يضحك وباسها على راسها : هاتخلي مكانك في الحوش نعنشكلك
هناء عيونها دمعن وسلمت عليه : ربي يخليكم ليا
منجي مالباب وسكره وراه
غاليه ابتسمت
منجي ركب ف السياره : طولت عليك
غاليه : لالا عادي
منجي : توا نمشي انحطك ف الحوش بعدها نمشو للوس
وفتح الروشن وطلع يحكي للي وراه : ياصلوووحه اسبقووني توا نلحقكم
غاليه كراته من يده : را اتلبز سوريتك مالسياره افطن
منجي خش وبحت في دبشه : لا مغسوله السياره جو تمام
غاليه اتكت ع الكرسي وتنهدت
منجي : شنو حبيبي
غاليه : تعبت بكل نبي انروح نرقد
منجي : كولي قبل ماترقدي الله يربحك راك تنقصيلي
غاليه ضحكت : حاضر هانقعدلك فيله
غاليه تليفونها رن طلعاته مالشنطه : هذي ماما
وفتحت الخط : الو
سعاد : وينك هذا كله
غاليه : جايا ف الطريق هضا وين حطيناها ف الصاله
سعاد : معناها وصلتو بيها متأخر
غاليه : هما طولو علينا هناء واتيه بدري كانت
سعاد : كيف طلعت
غاليه : ماشاءالله زي الاميرات صورتها لكي توا انوريك لما نوصل
سعاد : خلاص نرجا فيك
غاليه سكرت
المنجي : راقيلها عشان طولتي ؟
غاليه اتصور فيه : لالا عادي
منجي ضحك وبحت فيها : في شن اديري انتي
غاليه علت صوت المسجل : سوق وانت ساكت ماتبحتش فيا دير روحك مش فاطن نبي انصور فيديو
منجي ضحك بصوت عالي : صورني وانا مش فاطن
________________
سعاد مقعمزه في دار المقعد اتفرج ع التلفزيون
مروه خشت عليها ماسكه سفره قهوه
صفاء لحقتها بالكيكه
سعاد ابتسمت : ماشاءالله من امتى
مروه ضحكت واتصب في القهوه : ندربو عشان بعد تمشي غاليه نمسكو مكانها
سعاد خدت القهوه شربت منها
صفاء اتقص في الكيكه
سعاد : مزال غاليه تحكي مع منجي
صفاء ومروه بحتن في بعضهن
صفاء : كيف يعني
سعاد : فكني مالغمز تحكي معاه يعني مزال اتكلم فيه
مروه : لا اصلا ....
سعاد قاطعتها : كذب مانبش
صفاء بحتت في مروه : خلاص خليها تعرف
وبحتت في امها : اها ياماما مزال تحكي معاه وهو يبيها مايضحكش عليها انتو عليش كل مره دايريلها قصه
سعاد تشرب في القهوه وساكته
الباب يدق
مروه صبت : اكيده هذي غاليه
ومشت تفتح الباب
مروه : من ؟
غاليه : افتحي انا
مروه فتحت : شن صار صورتيها
غاليه خشت تسلح في محرمتها : صورتها لكن اها ؛ درتن قهوه ؟
مروه : مزالت ساخنه توا نجيبلك فنجان
غاليه خشت لدار المقعد : خيرات
سعاد ابتسمت : مرحبتين
غاليه قعمزت : شن دايرين
سعاد : وريني كيف طلعت هناء
غاليه طلعت تليفونها واتوري فيهن الصور : هنا قبل ماتلبس
وهنا لما لبست
هناء وهي اتبخ في العطر
هذا سيلفي انا وياها
اتقلب في الصور جت صورة المنجي وهو يضحك
غاليه ارتبكت وطلعت من الصور بكل
صفاء بحتت في مروه
سعاد : روح بيك منجي
غاليه هزت راسها بمعنى اها : ماهو قتلك هو الي هايروح بيا
سعاد : شن رأي هله في الموضوع ياغاليه ؟
غاليه وجها انحمر : اي موضوع
سعاد : موضوعك انتي ومنجي
غاليه سكتت ..
سعاد : شنو موافقين ولا لا ؟
غاليه ارتبكت : مش عارفه ياماما ماهو موت بابا الله يرحمه قلب الدنيا و انا قبلها كنت مخطوبه ف هو مزال ماحكالهم اخرى
سعاد : اهااا يعني هو ناوي خير ؟
غاليه هزت راسها بمعنى اها : قالي اول ما انتي اتفكي الرباط يجي يحكيلك ويوم الي بابا يطق سنه يدفع ويدير فاتحه وبطلع الفرح طول
سعاد تنهدت : الله يسامح الي كان السبب كان هكي راه توا واخدك
غاليه : الله يرحمه ويسامحه
____________________
12:00 ص
المنجي خش للحوش
لقى امه وخالاته ف الصاله يهدرزن : السلام عليكم
عيشه : وصلتهم امتى
منجي : امبدري غير لهيت مع الشباب
امينه : متعشي ؟
منجي : لالا
امينه اتضبح : ياساره ولعي ع الرز للمنجي
امينه بحتت في الشكاير : شن جايب معاك
منجي : شوية حاجات للحوش ... وخش للمطبخ
لقى ساره ورشا
المنجي : مرحباا
ساره رافعه سروالها واتسيق : اهلين
رشا تغسل في الموعين جت خدت منه الشكاير : مسكنا مكان هناء اليوم
منجي يضحك وجا يبي يخش
ساره : امسح كرعيك قبل وخش
المنجي مسح كرعيه وخش قعمز ع الطاوله : حطولنا ناكلو
ساره مشت شور الغاز : هياا قاعده انسخن
منجي تليفونه رن طلعه من جيبه وفتح الخط
غاليه : حبيبي
منجي : ايوه
غاليه : وينك هضا كله
منجي : في الحوش
غاليه : كنك تحكي هكي احداك حد
منجي : اهاا قاعد انتعشى
ساره احداه : كويس الرز ولا انزيدك
المنجي : اوكي هكي تمام
غاليه رقالها : من هذي الي اتقولك انزيدك ؟؟
منجي : اهاا باهي شويا وانرن عليك
غاليه سكرت الخط بلا ماتحكي
المنجي تأفأف وحط التليفون ع الطاوله
ساره قعمزت ع الكرسي احداه : منجي
المنجي ياكل : نعم
ساره : نبي نحكيلك في موضوع بس خليه بيناتنا
المنجي بحت فيها : خير ان شاء الله شن في
ساره ابتسمت : عندي بنت صاحبتي وتعرف حتى هنيوه المهم معجبه بيك بكل وخاطرها تعترفلك وهكي يعني
المنجي ضحك : والله !
ساره تضحك : المهم يعني لو اعترفتلك وهكي شن ردة فعلك انت ؟
منجي حط الكاشيك : الحمدلله
ساره : كمل عشاك
منجي خبط على بطنه : الحمدلله ؛ باهي شن المطلوب مني يعني توا
ساره : هي بنت ناس و عسل بكل خايفه تحكيلك اتردها قالتلي اسأليه
منجي سكت شويا وبحت فيها : قوليلها يفتحلك ربي عندي من ماليه عيني وزياده
ساره رقالها بس قعدت تضحك : قصدك غاليه
منجي صبا وطلع وماردش عليها
ساره اضايقت ورقالها
رشا صبت احداها : ماهو عارفتيه مكبد فيها مازلتي تحاولي
ساره ابتسمت : لا مش انااا صاحبتي وصتني وانا حبيت نسأله لها بس
رشا ضحكت وماصدقتهش مشت اتكمل في المواعين
_____________
2:30 ص
منجي طلع هدرز مع هله وخالاته و ركب داره غير دبشه
ورن علي غاليه لقاها مقفل : ياالله الصبر عليك نكديه طايح فيها
رن على صفاء
صفاء ردت : ايوه
منجي : صفصوفه يااحسن وحده
صفاء تضحك : مانجا يااحسن واحد
منجي : وين اختك النكديه
صفاء : قاعده قالبه وجها ودايره روحها راقده
منجي : هاتيها بالله عليك ياصفاء
صفاء نزلت من سريرها
وصبت احداها : غاليه هاكي منجي
غاليه كشرت وجها : مانبي حد
منجي : صفاء افتحي المايك
صفاء فتحاته : فتحته
منجي راقيله : عندك دقيقه وحده تفتحي تليفونك بلا نقاش
وعلا صوته : تسمعي ولا لا
غاليه خافت : نسمع
منجي سكر الخط
ورن على تليفونها قعد يجرب لعند فتح
غاليه ردت : من فضلك معش تهزبني
منجي راقيله : لعند امتى في النكد عايشين عشان غيرتك الزايده
غاليه متضايقه : طبعا غيره زايده تبي تاخد راحتك وانا نسكت وانتفرج
منجي متعصب : شفتيني ماسكها انبوس فيها امي قالتلها سخنيله رز وحطتلي انقوللها لا معلش ياامي صبي انتي
غاليه تعصبت : وانت كنك صغير ماتعرف اتسخن
منجي يحكي ومسكر سنونه : اول واخر مره صوتك يعلا !!! افطني لروحك لعند هنا مانرحمكش را
غاليه سكتت و قعدت تبكي
منجي دهش : استغفر الله العظيم يارب استغفر الله
غاليه تبكي
منجي : خلاص اسكتي .. وعيط في وجها : اسكتي قتلك
غاليه كتمت البكيه وسكتت ...
المنجي يعيط : شن اندير عشان نرضيكي يعني انجي نخطبك توا ولا شن اندير ؟؟؟؟ انا نبي انتريح معش انتحمل النكد كل مره عشان جاينه حد
امينه فتحت عليه الدار لقاته يعيط : كنك قالب الدنيا
المنجي بحت فيها ويحكي في التليفون : شويا وانرن عليك
غاليه تبكي : ساره صاح الي خشت سمعت الباب
منجي خبط على جبهته : نعن ..... اليوم الي جت فيه ساره ؛ ... وسكر في وجها
عزق التليفون ع السرير وقعمز داهش ع السرير
امينه : خشت وسكرت الباب : كنك اتعيط مع من
منجي داهش : شي ياامي كنك
امينه : منكده عليك معيشتك شن تبي فيها دايره فيك هكي قريب يركبك السكر والضغط
منجي قريب يعيط في وجها ماسك روحه بالسيف : اتفك امها الرباط تخطبيها ليا
امينه تعصبت : ردينا لنفس القصه
عيشه دقت ع الباب وخشت
المنجي متعصب : وحق لا اله الا الله را انلم دبشي وانسافر وماعاد اتشوفيني
امينه متعصبه : سافر بالسلامه عندي تسافر خير
المنجي انصدم : خلي الضي يطلع بس
عيشه مسكت امينه : وسعو بالكم كنكم
امينه : انا تعبت وهو كل يوم قصه عشان غاليه
عيشه بحتت في المنجي : ياوليدي خود رضا امك تربح
منجي متعصب : انا مانفهمش و يطلع الضي والله ماني قاعد فيها
امينه اتفنص فيه : والله يامنجي اتزيد عليا انرن على سعاد انقوللها خلي بنتك اتخاطا ولدي
منجي خبط المرايا بيده : جرررربي ديريها
امينه عيطت : ووووووه ووووووه شن درت في يدك
جن البنات يجرن مالدار
وركبن خالاته وعماته
واحمد طلع يجري
عيشه قربت منه تمسك في يده : وريني شن صارلك
منجي يحط في يده ورى ظهره : ماحد يقرب مني الله يستر بيتك ياخالتي
امينه تبكي : والله كاني متت ماني مسامحتك والله لا تربحك يامنجي ياكبير عيالي
منجي انصدم ويعيط : تدعي عليااا عشان مانبش ناخد الي تبيها تي والله كان اخر بنت ماواخذها
احمد يكر في امه : عليك قصه معش انتهت مش ظلم هي خليه ياخد الي يبيها مالك وماله
امينه اتهز في راسها بمعنى لالا : كان اخر بنت مانك واخدها بعد نموت خوذها
امباركه اتهدي فيه : خلاص غير وسع بالك وهات انلفلك يدك
منجي داهش وخذا كناتيرته يلبس فيها : جو تمام
كر مفتاح سيارته وتليفونه ودخانه ونزل
امينه مصبيه تبكي ع الدروج : تعال هن وين ماشي
وصبت تجري وراه
احمد طلع يجري وراه
المنجي ركب في سيارته
احمد مصبي احدا السياره : وحد الله ياراجل كان صبرن نين يروحو العرب
المنجي داهش : اطلع من راسي يااحمد
وحرق العجل ومشى بسرعه
اميره لابسه ديشمبر ومصبيه قدام الدروج : خلاص ياعميمه وسعي بالك توا تنحل وكل شي ع النصيب
امينه تبكي : لازم ينكد علياا لعبت بعقله مش عارفه شن لاقي فيها
امباركه : بنيه قزونه ياامينه وكويسه بلكي ياخد فيها الاجر
امينه تمسح في دموعها : اناا ماقلتش مش كويسه انا ام وخاطري ناخدله وحده نا نبيها
عيشه ساكته وخلاص خاطرها ياخد بنتها
امباركه : باهي ياخد الي تبيها انتي وكان مالقى معاها راحته خليه ياخد الي يبيها ومتريح معاها
امينه قعدت اتعيط : وووووووه علياااا يرعش فياااا يبي يجلططططني
عيشه تمسك فيها : خلاااااص اسكتي مش مستاهل الموضوع
احمد خز يهزب : ياامي فجر راهو الناس يسمعو برا والله عيب الي اديرو فيه اقسم بالله عيب كان باتي قاعد را ماديروش هكي
امباركه اتصبي فيها : صبي معايا وحدي ربك
امينه صبت تبكي : لا اله الا الله
احمد بحت في اميره : خلاص خشي ؛ وانتو هيا الي هذا على فراشه فضولنا هالسيره
البنات خشن للدار وسكرن
والصبايا نزلن
احمد خاش للحوش ويهزب : الواحد قعد كل يومين نفس القصه
اميره اتسكر في الباب : خلاص وسع بالك اهدا
احمد قعمز ع السرير : جديات تخليه ياخدها وانتهينا تعبنا ازف
اميره سلحت روبها علقاته : انجيبلك كباية عصير اتروقك واتهديك شويا
_____________
وشن متوقعين يصير الحلقه الجاياا ؟؟؟
ــــــــــــــــــــــــــــــــــــــــــــــــــــــــــ
اميره اتسكر في الباب : خلاص وسع بالك اهدا
احمد قعمز ع السرير : جديات تخليه ياخدها وانتهينا تعبنا ازف
اميره سلحت روبها علقاته : انجيبلك كباية عصير اتروقك واتهديك شويا
احمد داهش اتكى ع السرير و ولع المكيف
اميره خشت عليه جايبه كباية عصير مدتها له : هاك حبيبي هدي اعصابك
احمد : لنا سنه ونحنا في القصه هذ على يدك كم لنا لا خذاها لا امي سكتت وخلاته براحته
اميره قعمزت احداه : بس حتى عميمه بسلامتها كثرت عليه كان تخليه براحته خير هو متريح معاها وهي طيبه وتحبه بعدين خوك واعر طبعه بكل وهي فاهمته وماشيا معاه مفروض خلاص
احمد حط الكبايه احداه
و تغطى ويبي يرقد : ارقدي خير مابعد ساعه يروح وانوضو على عياط
اميره صبت وترفع في الورغان من تحتها : ان شاء الله مافي الا كل خير وربي يهدي سرهم
__________________
4:00 ص
المنجي عدا برم برم برم و قفوه كم مره في الاستيقافات
ومشى لشقته فتح الباب وخش
ولع ضي الحمام وخلاه يعطي اضاءه ف الشقه
و خش رقد ع الفراش وايتنفس بصوت عالي وسكر عيونه
طلع تليفونه لقى عرم مسجات من غاليه كلهن
(( كنك سكرت ..! ولا ساره خشت ))
(( مبسوط معاها ؟؟ ))
(( انا نبي نرقد تصبح على خير ))
(( طبعا ماتردش ومش معبرني مش فاضي ))
(( انا معش نبي اندزلك ))
(( منجي !!! ))
المنجي يقرا فيهن ويتأفأف ومتضايق
يبي يحط التليفون رنت غاليه
فتح الخط و متعصب : نعم
غاليه : وين وين وين ؟؟
منجي عيط في وجها : اقسم بالله كلمه زياده هاتشوفي يوم عمرك ماشفتيه طول حياتك
غاليه خافت : كنك ؟ شن درتلك انا
منجي يهزب : انا تعببببت نكد منك ونكد من امي لا الله يربحك را والله نطفش وماعاد تلقيني لا انتي لا هي
غاليه : وانا شن دخلني
منجي متعصب : كان لقيتوني الصبح في الحوش بحق نمشي انرد انسافر مالي ومال البهدله وانت تعاركي مع ساره وخلي امي ادير الي تبيه هكي جوكن تمام يقعد اقتلو بعضكم ولعو في ارواحكم انا معش شوري بحد
وصدره ناض عليه قعد يكح
غاليه خافت عليه : خلاص اهدا حصل خير انا اسفه مش قصدي
منجي يهزب : ديري الكارثه وتعالي تأسفي ؛ انا نبي انسكر
غاليه اضايقت : خليك معايا بس بعدها توا ...
المنجي قاطعها : تصبحي على خير !!! فكري ف الجو الي اديري فيه كويس
غاليه ساكته
المنجي : اوكي .... وسكر الخط ..
قعد بروحه ساكت
بعدها جاته رساله
فتحها لقاها من غاليه
(( لآ تگرهَ مَن يغآر عليك¸! ;;) بلَ إحترم آلغيرةً فيه :$
لأن ? آلغيرهَ ليستَ . . . سوىَ غلآفَ ! لإعترآفه بإنگ ! شيء [ گبيرر ] بعينه .. ? )))
قراها وتنهد وحط التليفون وصبا سلح دبشه ورقد
______
10:00 ص
امينه وخواتها يفطرن في المطبخ
امينه مقعمزه تاكل في كعك : انا ماني عارفه شن دايرتله
امباركه : والله تكسبي فيها اجر
امينه اضايقت : انا الي مربيتها يابريكه يعني كيف بنتي بس مانحبش النسب مع القرايب ومع الي نعرفوهم
عيشه سكتت
امباركه : خلاص انتي خليه براحته
وسمعن صوت الباب انفتح
امينه : هضا رجب اكيده
عيشه لبست محرمتها
رجب بصوت عالي : السلام عليكم
امينه : خش مافي حد براني
رجب خش : شن حالكم شن دايرين
عيشه : مبروك علي هناء
رجب : الله يبارك فيك عقبال عندكم ؛ كيف حالك ياامباركه
امباركه : الحمدلله مبروك عليكم عقبال المنجي
رجب بحت في امينه : ماكلمتش البنت
امينه هزت راسها بمعنى لالا : قلت انخليها براحتها انا
رجب طلع للصاله : وين منجي ؟
امينه ارتبكت : ناض من ساعه و طلع قال عنده شغل
_________________
هناء ناضت فتحت عيونها
بحتت في وسام لقاته راقد
صبت بشويااا وخشت للحمام
وطلعت خدت تليفونها وطلعت للصاله
غاليه راقده تسمع في تليفونها يهز ع الكوميدينه
مسكاته ويادوب فتحت عيونها
لقتها هناء
ضحكت وفتحت الخط : الو
هناء : صباااح الخير ياحبي كله
غاليه ضحكت وتثاوب : يابنتي خليك مع راجلك شن تبي فيا مالصبح
هناء تضحك : راجلي قاعد يجخر مش فاضي
غاليه تضحك : هاتقعدي طول عمرك نذله والله
هناء : اسكتي يالولي امس عليك ليله
غاليه ضحكت : هاا شن صار شكلك انتي هجمتي ع الراجل
هناء ضحكت بصوت عالي : لا والله مسكت روحي
وسام ناض وجاها : حبيبتي
هناء ابتسمتله : صباح الخير نضت
وسام شايرلها بمعنى من
هناء : غاليه
وسام قعمز احداها : سلميلي عليها قوليلها عقبالك
هناء : قالك عقبالك
غاليه : ان شاء الله ؛ خلاص عيب خليك مع الراجل
هناء ضحكت : اوكي توا نحكو مره اخرى ؛ المهم كلمي ماما قوليلها ولا قولي للمنجي
غاليه استغربت : شن انقول
هناء ماتبش تحكي قدام وسام : ان خلاص يعني
غاليه فهمتها : لا مانقول لحد انتحشم
هناء : خلاص عابيه عليك اتقولي لحد فيهم المهم مش شوري .. بااااي
وسكرت الخط
غاليه حطت التليفون وناضت تلم في شعرها
بعدها اذكرت منجي مسكت التليفون ورنت عليه لقاته مقفل
خلت التليفون ع السرير وصبت ..
______________
4:30 م
رجب ياكل : ليش مسكتيهم ع الغداء ؟
امينه : قالن يبن يروحن لها ثلاث ايام بايتات
رجب : باهي كويس
امينه تاكل ومرتبكه ساكته
رجب : وين منجي ماروحش
امينه : بلكي عنده عمل عادي مرات يطول
وسمعو صوت الباب ينفتح
منجي شافهم ياكلو
سكر الباب : السلام عليكم
وجا سلم على رجب : خير ياباتي
رجب : قعمز تغدا
منجي : لا متغدي الحمدلله
امينه اتبحت فيه وساكته
منجي ركب لداره
رجب : كنه قالب وجه
امينه : والله ماني عارفه الله اعلم بلكي مشاكل في العمل
رجب يسمح في ايديه : الحمدلله ؛ جيبيلنا الشاهي
امينه صبت : هيا خليته يطبخ ع الناار توا نجيبه
المنجي نازل ع الدروج وشايل شنطه كبيره
رجب شافه استغرب : كنك خير ان شاء الله
منجي سكت
امينه طلعت بالشاهي شافاته : درت الي في راسك
منجي بحت في باته : باتي ماشي تركيا كم يوم
رجب : كنك شن فيك
منجي : عندي شغل طلعلي فجأه
امينه عيونها دمعن : تبي تعدي تلوي في ذراعي
رجب علا صوته : قاعد انقول شن في
امينه تبكي : عشان البنت غاليه قلتله ماتاخدهش
رجب تنهد : وانتي مازلتي في جررك ياامينه ماقتلك خلاص فضي السيره وخليه ياخد الي يبيها مالك وماله
امينه اتعيط : على لوي ذراعي كان فيها طلاقي يارجب
المنجي تعصب : لا نبي غاليه لا غيرها اقعدو فيها
رجب تعصب : توا انت ماشي عندك شغل وراد يعني
المنجي : اها
رجب : اربح ياباتي
المنجي يكر في الشنطه
امينه اتعيط وراه : والله ماني مسامحتك كانك مشيت
واتبحت في رجب : طلقته يمشي والله ماهو راد عارفته
رجب يهزب : راجل بلحيته ويدرك الصح مالغلط خليه يدير الي يبيه بلكي خير ايتريح من زنك
امينه انصدمت : انا انزن يارجب
رجب خش للحمام وخبط الباب بالقوه
امينه قعمزت ع الكرسي وقعدت تبكي : حسبي الله ونعم الوكيل
_______
المنجي طلع يحط في الشنطه في ذيل السياره
خطم عليه انس : يامانجاااا
منجي ابتسم : انوووس
انس وقف عليه بالسياره : وين واخد شنطتك معاك
منجي : ناوي العفسه
انس : لا ياراجل ؛! عمل ولا دهواري
منجي : والله ماني عارف هو عمل بس مرات قاعد فتره غادي
انس : باهي غير وانت مروح راك تنسانا بالحلقوم التركي
منجي ضحك : عيب ياطير انجيبلك شنطه كامله
انس : ماتبي شي يامانجا
منجي : سلامتك حبيبي والله
انس : اوكي ياطير
منجي شايرله بيده : تشاو
__________
غاليه مقعمزه وماسكه تليفونها
اتجرب في منجي تلقى فيه مقفل
اتأفأف وحاطه صبعها في فمها
سعاد بحتت فيها : كنك شن فيك
غاليه ابتسمت : شي ماكنش
صفاء جت قعمزت احداهن : ماما
سعاد : نعم
صفاء : مكسدين خاطرنا نطلعو
سعاد : ارجي نين انفك الرباط و انطلعكن
صفاء اتأفأف : ملينا بكل وانس مافش فايده
سعاد : وين مافش فايده قاعد الصبح في الضمان والعشيه محل اسمله عليه
انس فتح الباب : سمعت اسمي ولا تهيالي
سعاد ضحكت : ولد حلال ؛ كنك طولت
انس خش دار المقعد : سخنولي الغداء بسرعه وقت عالمحل
غاليه جت تبي اتصبي
صفاء شايرتلها : خليك انا ماشيا اصلا للمطبخ
انس قمعز : تلاقيت مع منجي برا يكركر وحالته حاله
سعاد بحتت في غاليه : كنه فيش يكركر
انس يلعب بتليفونه : يكر في شناطي ودنيته حايسه قال ماشي تركيا
غاليه انصدمت و قعدت اتبحت في انس زين
سعاد : غريبه ماحد قال انه ماشي
انس : انا امس كنت معاه ماقالش شكله فجأه صارت
غاليه صبت بسرعه ومشت للدار
سكرت على روحها وقعمزت ع السرير اتفكر
كيف يسافر بلا مايقولي
اكيد طفش مني
اقطع دورتي ياريتني ماحكيت على ساره
_____________
المنجي يحكي في التليفون
وهو في السياره : يعني حصلتلي واسطه على بكرا متأكد ؟؟؟ ...... مش نمشي ويردوني ؟؟؟ .... ندفع زياده عادي .... خلاص تم ع الفجر نسقد ... بس تعال عشان تاخد السياره تقورجها .... توصلني انت ؟ ..... خلاص تم ياصلوحه وانت طيب .... تشاو يامعلم ....
___________
#بعد_مرور_اسبوعين ??
5:00 م
امينه مقعمزه ف الصاله وتبكي
رجب طلع مالحمام ولابس يبي يطلع : توا عليش تبكي مش انتي الي خليتيه يمشي معناها ليش دايره عزاء لكي اسبوعين نزحتي دموع
امينه تبكي : حتى سماعة تليفون مارفعها ولا اطمنا عليه ولا قال وصل ولا لا
رجب : خلاص خليه كان صارتله حاجه شينا رانا سمعناها لكن اكيد كبده درهت منك ومن نكدك و سيبها لكي وشكلي حتى انا نبي انسيبها لكي انوض ونرقد على عزاء كل يوم
امينه انصدمت
رجب طلع وسكر الباب
فتح الباب الي برا لقى وسام درس السياره
هناء جايا زايره لهلها
نزلت وسلمت عليه
رجب فرح لما شافها واضبطها زين : سلم بنيتي مخليه مكانك ف الحوش
هناء : كيف حالك يابابا شن داير والله وحشتوني بكل
وسام نزل مالسياره وسلم عليه : خير ياعمي شن حالك
رجب يسلم عليه : الحمدلله الله سلمك
وفتحلهم الباب : خش ياوسام
وسام ابتسم : والله ماعندي وقت ياعمي ان شاء الله مره اخرى
رجب ضحك : مانبش نحلفلك اتخش راك صاحب حوش و وليدنا مانك براني
وسام ضحك : والله هلي وماني داير غيبه ياعمي
هناء خشت للحوش ادق ع الباب الي جوا
امينه فتحت ولقتها هناء : هنيييييوه
هناء اضبطتها : ياقلبي اناا ياماما رايفت عليكم بكل
امينه تبكي : مخليه مكانك ياهنيوه الحوش فضا علياا
هناء ضحكت : ضربتين عالراس يوجعن انا ومنجي مره وحده ؛ ياماما ليش تبكي خلاااص
امينه تسمح في دموعها : ليش ماقلتي انك جايا را مسكت اميره مشت لهلها
هناء تسلح في محرمتها : توا انا برانيه ياماما توا نقعد انجيكم كل يوم
رجب خش جايب شكاير و صندوق عصير في يده
امينه بحتت فيه ؛ شنو هذينا ؟
رجب حطهن ع الطاوله : جابهن وسام
امينه : سلمه جياب ليش مانزل
هناء : عنده شغل ماشي لصاحبه يرجا فيه
امينه قعمزت : تعالي احكيلي كيف حالك عربك شن دايره في الزيزه
هناء تضحك : والله تمام ماشي حالي
امينه : قلتيلي امس تبي اطيبي طيبتي
هناء : لا والله ماخلتني عمتي قالتلي مازلتي عروس
امينه ضحكت : باهي سلم عمتك ريحاتك لاحقه ع المطبخ والشقاء
___________
6:30 م
غاليه مقعمزه في دار المقعد اتفرج ع التلفزيون
واتفكر في المنجي زعمك وينه شن قاعد يدير
باهي معقوله هنت عليه و قاعد بلايا عادي هكي
تعبت مالتفكير سكرت عيونها واتكت ع الكنبه
ياربي طمني وريح بالي
تسمع في الباب يدق
صبت تفتح : من
امينه : افتحي
غاليه فتحت الباب وابتسمت : اهلين
امينه خشت : وينكم ساعه ماتفتحي
غاليه : كنت جوا وماما والبنات يغسلن في الفرش فوق
امينه تسلح في كندرتها : وكنها امك تغسل في الفرش
غاليه : ماهو فك الرباط قريب مزال اسبوع بس اكيد توا الدنيا تكب علينا
وسكرت الباب
الباب دق اخرى
غاليه : من الي يدق
وفتحت الباب
هناء عيطت في وجها : مفاااااجأة
غاليه عيطت وحطت ايديها على فمها : هنييييوه
هناء تضحك واضبطتها : ياكلبببببه وحشتييييني
غاليه اضبطتها بالقوه : وحق ربي مش مصدقه اني شفتك واخيييييييراً
سعاد نزلت من السطاح شافتهن : زارتنا البركه ماشاءاالله على بنيتي
هناء اضبطتها
سعاد : ماشاءالله نايره ياهنيوه
هناء تضحك : سلمك
وخشن لدار المقعد
سعاد ضحكت : كان قلتي انك جايا را نظفنا الحوش وفرشناه ورد
امينه قعمزت : قاعد تقوليش الحوش يبرق
غاليه : امس نظفت اليوم والله ماعندي جهد
امينه : الحوسه تكمل والعمر مايكمل بعدين لا عندكم عيال صغار لا شي عشان يلبزو حتى حوشتكن قابه
سعاد قعمزت وتنهدت : انهد حيلي في الفرش اليوم
امينه : ليش جايبه الشقاء لروحك اهي تشاركيه قريبه نهاية الشارع يغسلو
سعاد : انا قاعده محبوسه قلت انمشي الوقت شويا نلهى
امينه : حتى البنيات انحرمن مالطلعه
غاليه : لا طلعه لا خشه
هناء : وين التوأم المختلف ؟
سعاد : سيبتهن فوق يسيقن في السطاح توا ينزلن
_________
صفاء مصبيه ع السور : بحتي الطرف الي يقطع في الطريق
مروه تضحك : انكبو عليه اميه ؟
صفاء : لااا فكينا را يطلع يعرف انس
مروه : باهي انطيحوه ??
صفاء فنصت فيها : مش عندك واحد واتكلمي فيه
مروه : ماهو نحنا توأم وانتي غبيه انطيحه انا بعدها خوديه انتي ياحماره
صفاء فرحت : اهاا صححح هو مش هايعرف ????
غاليه مصبيه ع الدروج واتضبح : يابنااات انزلن شوفن هنيوه
مروه بحتت في صفاء : هنيوه عندنا ????
صفاء نزلت تجري : واخيرا بنشوفوها
غاليه تضحك وخشت للمطبخ ادير في قهوه
لحقتها هناء ..
مروه خشت وراهن : جينااا
غاليه : مبردكن نبو نحكو بروحنا شويا
صفاء : نحنا مش صغار نبو نعرفو شن صار يومها ??
هناء ضحكت بصوت عالي : ياكلااب ????
غاليه فنصت فيها : خزي مافش حشم بكل عليك جيل حقير
مروه : هاهاهاها على اساس انك كبيره بكل يعني
غاليه اضايقت : اطلعن ولا انضبح لماما
صفاء : احكي ياهناء توا نطلعو بعدها
هناء : به توا نحكيلكن
غاليه فنصت فيها : هناء ?? مش ناقصات ضياع را
هناء تضحك : خليهن يثقفن جايتهن جايتهن
صفاء ومروه قعمزت قدامها ويسمعن فيها ??
هناء : اول ماخشينا للحوش طبعاً صلينا بعدها غيرت دبشي
صفاء : لبستي روب ??
هناء ضحكت ؛ اها ؛ بعدها انا جعت قتله نبي ناكل و لقينا عشاء ع الطاوله تعشينا .....
_______
سعاد بحتت في امينه : مافش اخبار من المنجي
امينه اضايقت : يااريت يااسوعيده لا رن لا دز لا شي
ولا لقيناله رقم انحصلوه عليه معلومات
سعاد تنهدت : لا حول ولا قوة الا بالله غير شن درتيله بس انتي
امينه عيونها دمعن : شي نقاش تافه بيني وبينه مش مستاهل يسافر ويسيب الحوش
غاليه جت بسفرة القهوه لقت امينه تبكي
هناء حطت البكلاوه ع الطاوله : كنك ياماما
سعاد بحتت فيها : قلبها شاغلها على منجي
غاليه شافتها تبكي عيونها دمعن
امينه بحتت في غاليه : مايحكش معاكي ياغاليه النبي شن حاله ؟
غاليه انصدمت وارتبكت : لالا
هناء بحتت في غاليه : ماتندريش عليه بكل ؟
غاليه : والله لا من قبل مشيته بيوم مانعرف عليه شي
امينه : هو يوم الي تعارت نا وياه
سعاد : لا حول ولا قوة الا بالله
هناء : هو رن على وسام من يومين وحكا معاه بس وصاه مايعطي الرقم لحد وانا خديته من وسام وحكيت معاه امس ويحلف فيا مانعطيه
غاليه بحتت فيها وشوشتها : حتى انا قالك ماتعطش ليا ؟
هناء سكتت وماردتش عليها
امينه تبكي : هنيوه انا امك الله يربحك عطيه لياا
هناء : حاضر ياماما توا نعطيه لكي غير ماتبكش الله يربحك بس نزحتي دموع
غاليه عيونها دمعن وصبت خشت للحمام
سكرت على روحها الباب قعمزت ع الارض قعدت تبكي
(( لستُ أشتكي منَ فُقدآن أيامي الجَم?لة ، !
إنمآ منَ غربة قلوب ؛ بدَأت تبتعِد عني وكَأننَي لمَ أكُن ?ومآ معهآ قَريب ~ ))
____________
10:00 م
رجب ايتفرج ف الصاله
احمد خش وفتح الباب : السلام عليكم
اميره ابتسمت : خير ياعمي
رجب : وعليكم السلام
امينه طلعت تجري : جبتلي الرصيد
احمد مدلها كرت : هاكي 10 كويس ؟
امينه خدت منه الكرت : اميره عبيه ليا سلم بنتي والله مانعرف كان يعبي فيه ليا منجي ومرات هناء
اميره خداته منها واتعبي فيه
احمد بحت فيها : كنك فرحانه شن تبي فيه الرصيد توا
امينه ابتسمت : حصلت رقم منجي من هناء
احمد بحت في رجب : من وين حصلتيه ؟
امينه : من هناء
كلهم سكتو
اميره : هاكي ياعميمه عبيته لكي
امينه قعمزت احدا رجب واترن الخط يضرب
امينه : اس اس يرن اهو .... المنجي ماردش
امينه عيونها دمعن : مايردش اكيد عرف رقمي
رجب مدلها تليفونه : هاكي رني مني توا يرد
امينه : باهي ننقل الرقم
رجب : عندي الرقم
امينه انصدمت : كيف عندك يعني اتكلم فيه وانا مانعرفش
رجب : الراجل مايبش يكلمك وانتي عارفه روحك شن دايره خلاص مش قلتي كان ياخدها نطلق هو مايبش يخرب بيتك
امينه تبكي وبحتت في احمد : وانت يكلم فيك
احمد بحت في اميره وسكت
امينه : شكرا صحيتو كلكم الي هذا طلع يكلم فيه وساكت وداسين عليا وماحد فيكم يبي يطمني
رجب ماسك التليفون ويتصل
منجي فتح الخط : ايوه ياباتي
رجب : خير ياباتي شن حالك ؟
منجي : تمام شن جوكم شن دايرين
رجب : رنت عليك امك كنك ماترد عليها
المنجي اضايق : توا ياباتي وصيتك وحلفتك
رجب : خلاااااص انهي ورد عليها توا اترن عليك غير انا رصيدي يبي يفصل
المنجي : اوكي ياباتي ...
رجب سكر وبحت في امينه : رني عليه توا يرد
امينه تبكي : الله يسامحكم حرقتو قلبي اسبوعين وانتو تحكو معاه
ومسكت التليفون اترن
منجي فتح الخط : ايوه
امينه تبكي : حبيب امك يامنجي ليش هكي يمي ادير فيا
منجي متضايق : كيف حالك انتي صحتك تمام
امينه تبكي : والله ماني كويسه بلاك تنشد عليك غاليه قلتلها يروح المنجي نجو نطلبوك كنك ماتكلم البنيه
المنجي انصدم : كييييف ؟؟؟ شن غير رايك وكيف تصرفي من راسك تقوليلها نطلبوك
امينه تبكي : تعال بس وكل شي تبيه حاضر ورحمة امي ماتاخد الا غاليه غير تعال سلم وليدي ماتوجعلي قلبي
المنجي : باهي ساهل غير معش تبكي
امينه : لا قولي انك جاي طمن قلبي الله يربحك
رجب كر منها السماعه : ها ياباتي
منجي : ايوه ياباتي
رجب يضحك : اهي الخطه ابتاعي جابت نتيجه وامك رضت انت وعدتني انك مادير شي بلا رضاها واهي توا راضيه روح هيا خلينا نفرحو بيك
المنجي ضحك : الله لا يغيبك ياباتي ربي يدومك تاج على روسنا
احمد بحت في امينه : كلها خطه من باتي را هو الي قاله عدي وقدامك دار روحه مايندري على شي
امينه انصدمت : باهي يارجب وانا مانندري وانت الي مخطط
رجب سكر الخط وضحك : انا قتله انصبي معاك لكن المهم رضا امك و انتي كان قعد قدامك مش هاترضي عارفك
احمد ضحك : صدق الي قال ابعد اتغلا شكلي حتى انا نبي انسافر
امينه تسمح في دموعها : والله مانخلي واحد منكم يمشي ويخليني غير يروح خوك ديرو الي تبوه المهم ماتغيبو عليا انتو الاربعه روحي فيكم
احمد : من الاربعه
امينه : انت وخوك وهناء واميره والله مانقدر انباعدكم علياا
اميره باست على راسها : ربي يخليك لنا ياعميمه توا شويا ونقعدو خمسه تجي معانا غاليه ??
_____________
12:00 ص
غاليه في فراشها وتبكي بلا صوت
وتسمع في اغاني
حاطه اغنية سيف عامر #موجوع_قلبي
(( موجوع قلبي ؛ والتعب بيا ..
من اباوع على روحي ينكسر قلبي عليا ..
تعبان وجهي ؛ وعيوني قهرتني ..
دنيا شلت حال حالي ؛ وبحياتي كرهتني ??
كرهت الحب ؛ ما أريده دورني
طيب اني وادري طيبي لـ هالحال وصلني ??
....
ما أريد كلشي ؛ بس انام وراس بارد ..
انا من هسّه بحياتي ؛ ماعندي ولا واحد ??
ما أريد اتعب ؛ تعبي يطلع مو نصيبي ??
عاجبني اسمي ؛ لا أحد يقولي حبيبي ?? ))
فجأه انقطعت الاغنيه تليفونها رن
غاليه مسحت دموعها بسرعه وبحتت
لقاته رقم دولي
فتحت الخط وردت وقعدت ساكته وحابسه بكيتها
المنجي : ايوه
غاليه قعدت تبكي وماردتش عليه
المنجي اضايق : يعني انغيب انغيب وانرن نلقاك تبكي ؟
غاليه تبكي : ليش ادير فيا هكي
منجي : عشان اتأدبي وتعرفي انك بالجو الي اديري فيه انا معش هاتلقيني
غاليه تبكي : اتسيبني عشان انا انحبك وانغار عليك
منجي : انتي عارفتيني كويس انا شنو وعارفه اني مانشوف في غيرك والجو الي اديري فيه مش غيره هذا شك وانا الجو هضا يخنق فيا
غاليه تبكي : اتسيبني اسبوعين كاملات مانندريش عليك عشان غرت عليك ؟؟
منجي تنهد : توا اسكتي واهديلي مروحلك بعد بكرا توا انتفاهموا
غاليه تبكي : لالا روح بكرا
منجي : ماحصلتش حجز توا كنت انشوف في المنضومه ع النت مافش الا بعد بكرا
غاليه : باهي دزلي ع النت نحكي معاك فايبر
منجي : تم سكري توا اندزلك ..
__________________
#بعد_شهر ??
امينه وعيشه وامباركه مرات سلفها عند سعاد
وسعاد عندها اختها نعيمه
امينه : عارفتك حزينه ياسعاد وانت مش وقت هالخبر لكن خلاص ياحنه ماراجيناك الا واجد و ولدي مستعجل
سعاد ضحكت : عاطك الخير ياامينه
امينه تضحك : خير من زيادة الكلام انتي مانك برانيه عليا بلكي اقربلي حتى من عيشه اختي الي جايبتها معايا هذ نبو غاليه للمنجي و انتي عارفه ياسعاد وموافقه وبلا كلام زايد ومبروك علينا وعليكم
سعاد تضحك : خلي ناخدو راي البنت به
امباركه غمزتها : ياحنه تبيه يبيها خلاص مبروك عليهم
عيشه : كان اتشوفي كيف يبرم ف الحوش مالصبح تقول يرجا في حالة ولاده اليوم
سعاد : نجيلي وليدي ياربي
امينه : اسمعي ياسعاد قدام الي قاعدين رجب حلف بطلاق خاطي دبشها ماتجيب حاجه معاها
ويوم الي يسكر مختار الله يرحمه السنه انديرو الفرح دغري
سعاد : الله يرحمه ويسامحه ان شاء الله وانتي طيبه
نعيمه مسكت مترد الشكلاطه : هياا خودو الحلو على سلامتهم وان شاء الله بهناهم ومبروك عليها
امينه تاخد في شكلاطه : توا رجب يمشي لعمها جمال يطلبها منه رسمي عشان مايقولو سعاد عطتها من ورانا
نعيمه : هي صح عشان حتى هم محسوبين هلها
سعاد : المهم عبدالقادر ماتقربوه ولا نبو خلطته
امينه : لا قال توا يمشي هو وخوته لجمال وياخد انس معاهم
غاليه في المطبخ هي وخواتها وهناء
هناء : امك تضحك وخلاص ياخياا محلاها
غاليه ضحكت : تهيالي تحب المنجي اكثر مني
تليفونها رن
فتحت الخط : ايوه
المنجي : شن صار عطوك ليا ولا مزال
غاليه تضحك : انت ماما ماعندكش فيها مشكله شوف بكرا شن يصير مع عمامي بس
المنجي يضحك : لا خير ان شاء الله ماتشيلي هم شي عمك جمال تعرفت عليه في العزاء نزيك وعياله جوهم نزيك ويفهمو في الجو
غاليه : يارب يابيبي
منجي : غير تريحيلي و روقي نبيك فرحانه بس الباقي كله محلول
غاليه بصوت واطي : انحبك
منجي ضحك : انطلقنا وقعدنا انقولو فيها بروحنا هذينا بوادر كويسه ماشاءالله
غاليه تضحك : بطل انتحشم
منجي يضحك : باهي ياقلبي انا مخطم على استيقاف توا نحكي معاك بعدين
غاليه : اسمع اسمع
منجي : نعم
غاليه : ........
_________________
وشن رايكم في الحلقه اليوم
و بما ان نهاية الحلقه سعيده اليوم شن اتوقعن يصيربعدها؟؟
زعمك عمها عبدالقادر يخرب الخطبه ???? ؟؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
منجي يضحك : باهي ياقلبي انا مخطم على استيقاف توا نحكي معاك بعدين
غاليه : اسمع اسمع
منجي : نعم
غاليه : ادعي ربي يكمل علينا بالخير
منجي : امين يارب
_________________
#بعد_يوم ??
امينه عند سعاد
تشرب في القهوه : طولو معش جو
سعاد : ان شاء الله خير يارب ؛ خودي اغريبه ياامينه
امينه : توا ناخد مانش برانيه
غاليه خشت قعمزت و متوتره اتهز في كراعها
امينه بحتت فيها : توا عليش قاعده تحرقي خلاص توا ربي يحلها
غاليه سكتت
سعاد : ان شاء الله خير
الباب دق
صفاء مشت تجري تفتح
فتحت الباب
منجي : طييري
صفاء ضحكت : مانجا ياطيري
منجي خش يضحك : شن الجووو
سعاد بحتت في غاليه : صبي البسي محرمتك
غاليه خشت تجري
منجي بصوت عالي : السلام عليكم
امينه : وعليكم السلام شن صار
منجي : والله تمام الحمدلله
سعاد : قعمز تريح
منجي قعمز : قال نسأل البنت باتي قاله البنت موافقه وامها موافقه غير انت في مكان بوها و لازم تعطي كلمتك
سعاد : هو جمال كويس خيرتهم
المنجي يلعب بمفتاح السياره : خلاص قاله توا انلكمهم و انرن عليك انقولك ؛ حسيته فرح بجيتنا له كبر بيها
امينه : ان شاء الله خير وربي يكمل علينا
سعاد : ان شاء الله ؛ انس عدا
منجي : اها حطيته ف المحل وانا جاي سيارته قاعده هنا هو ماعداش بيها
منجي صبا
امينه : وين ماشي
منجي : شويا ماشي للمربوعه اندير تليفون
وطلع خش للمربوعه
طلع تليفونه ورن على غاليه
غاليه فتحت الخط : الو
منجي قعمز ع الصالون : وينك انتي تعالي شويا ف المربوعه
غاليه : لالا فكني من امك
المنجي : تي تعالي قتلك
غاليه : فكني وراسي انا
منجي رقاله : به توا انوريك ..
وقعد يضبح : ياصفاء صفاااء
صفاء جاته تجري : نعم
منجي بصوت عالي : كلميلي غاليه
صفاء خشت تجري للدار : تعالي يبيك منجي
غاليه اتأفأف وطلعت : عليك تزليط بصراحه
خطمت على دار المقعد
سعاد : وين ماشيا
غاليه ارتبكت وسكتت
صفاء قعمزت : منجي قالي كلميها
امينه بحتت وسكتت
منجي يضبح مالمربوعه : وين ياصفاء
غاليه طلعت
خشت مالباب وجها مقلوب
منجي ضحك بصوت عالي : ناس ماتجيش الا بالعين الحمره
غاليه بصوت واطي : عاجبك اهو قلبن وجهن هن الاثنين
منجي مدلها يده : ماتبش اتسلمي عليا يعني حتى بعد خطبتك
غاليه ضحكت ومدتله يدها : اهلا كيف حالك ؟
منجي يضحك بصوت عالي : قولي والله !! ??
غاليه ضحكت : مبردك
منجي كرها من يدها : قعمزي باه نحكي معاك شويا قبل مانطلع
غاليه قعمزت ع الكرسي الي احداه : شن صار في عمو جمال
المنجي : ان شاء الله خير مبدئياً موافق قال نسألو قلناله خود راحتك وانا عارف هايسأل مش هايلقى شي
غاليه ضحكت : عليك ثقه
المنجي بحت فيها : والله جديات هو قال نحنا عندنا في العيله اهم حاجه الشهاده عند الراجل واخلاقه عاليه وصلي خاطي هكي مانبو شي
غاليه هزت راسها بمعنى اها : صح هلي هك كلهم
المنجي باس على يده من قدام ولاوره : خلاص وانا الحمدلله يعني عندي الشهاده وانصلي و اخلاقي عاليه
غاليه قعدت اتكح وتضحك
منجي ضربها على كتفها : شن قصدك بالضحكه هذي كنهن اخلاقي
غاليه مسكت مكان الضربته وتضحك : والله ماقصدي جت صدفه الكحه
منجي كشر وجه : تي والله عارفك انا
غاليه اتحك في كتفها : وجعتني يامانو يدك ثقيله
منجي قرب منها
غاليه برمت بحتت في الباب وفنصت فيه : كنك انت بطل
منجي فنص فيها
ويحكيلها بصوت واطي : اسسس وين الضربه
غاليه حطت يدها على كتفها : هنا
منجي حول يدها وباسها على كتفها : عدي ياأحّا ياشينا
غاليه تضحك : شن اتشوف فيا بنيه صغيره ؟
منجي صبا يسقم في سير السروال : مهما كبرتي هاتقعدي بنيتي الصغيره
وطبس باسها على راسها : ماتبي شي حبيبي ؟
غاليه صبت وراه : سلامتك
منجي : مش ناقصك شي وراس عيوني عارفك ماتحبش تطلبي انا
غاليه : هو انت منقص عليا حاجه اصلا
منجي : باهي تعالي وصليني للباب نبي نعطيك حاجه مالسياره
غاليه صبت وراه : شنو الحاجه
منجي فتح الباب وطلع
غاليه تباوعاته : تي قولي شنو
منجي برم فنص فيها : معقوله مطلعه وجك يشوفو فيك الناس
غاليه ضحكت وكرست ورا الباب
المنجي جا وماسك شكاره كبيره : كنك انتي انهبلتي
غاليه ابتسمت : تي باهي لابسه محرمتي عادي
منجي : عندي انا مش عادي
غاليه : شنو ع الحال هضا اتلبسني خمار
منجي ضحك : والله كان تطربي بس انلبسه لكي لكن مانخليكش تلبسيه غصب
غاليه تنهدت : باه الحمدلله معناها مش هانلبسه
منجي ضحك ومدلها شكاره
غاليه خدتها منه : شنو هضا ؟ ..
وفتحتها لقتها كلها شكلاطات : وااجد هضا كله
منجي عض فمه وغمزها : اسمني مانبش ناخد عصاة
غاليه ضحكت : توا انا عصاة
منجي بحت فيها ورفع حاجبه : ناعليا منك هكي بس زيديلي شويا
غاليه تحشمت : سامط ؛ خلاص هيا عدي
منجي ضحك وطلع : سكري الباب
غاليه سكرت الباب : اوكي باي
و خشت تجري للدار حطت الشكاره في دولابها
مابتش اتوريها قدام امينه
وطلعت خشت لدار المقعد
امينه : وينه عدا
غاليه هزت راسها بمعنى اها
سعاد : ماشرب شي الراجل عيب
غاليه : لا قالي شارب برا ؛ عارفتيه مايتحشمش منجي عند بطنه كان يبي راهو قالي
امينه اتبحت فيه وغايره : باهي عاد انا انصبي نمشي وقت على عشايا
سعاد : بدري كنك ماشيا
امينه : بدري من عمرك رجب يبي رز جاري انروح انديره له
رجب مقعمز ايتفرج ع التلفزيون ويشرب في شاهي
امينه فتحت الباب وخشت : انت قاعد ف الحوش
رجب : لا قاعد في الجامع
امينه ضحكت : عاطك الخير قصدي ليش ماقلتلي
رجب : عارفك مع سعاد قلت توا شويا وتجي
امينه سلحت محرمتها وقعمزت : شن صار مع الراجل
رجب : لا خير وانا طالع مسكني قالي بنت خويا رضية والدين الي طاحت فيكم غير شكليات قدام الناس شرايني نسألو قتله خوك وقتك حقاتكم
امينه ضحكت : صاح وين تلقى خير من وليدي ؛ كان خاطري في ساره بنت عيشه
رجب فنص فيها : ردينااا !!!! قلنالك نصيب خلاص
امينه : لا نصيب والمهم هو متريح
وجا يبي يصبي : انحط الرز ع النار وقت ع العشاء
11:30 م
غاليه ماسكه التليفون
وقاعده في دارها واترن على هناء
هناء ردت عليها : ايوه
غاليه : وين ياماما مختفيه
هناء : اسكتي يالولي متنكده
غاليه انفجعت : كنك
هناء : درت تحليل اليوم طلعت حامل
غاليه ضحكت : ماشاءالله تبارك الرحمن وليش زعلانه ياكلبه بحتي اميره خاطرها ربي يعطيها قولي الحمدلله
هناء : الحمدلله على كل حال بس وسام مايبش توا ومزال ماقلتها له
غاليه : لالا توا يفرح بعدين لكي شهرين مجوزه و راهو غير كلام يقولك مانبش توا وهكي لما يلقاك حامل توا يفرح
هناء : خليك مني انا شن صار معاك انتي
غاليه : مش قتلك ماشيين اليوم حكو مع عمي وقال لعمي رجب موافقين غير قدام الناس شريني نسألو
هناء فرحت : الحمدلله يااارب هرمنا الصراحه وراكم انا قريب اندير قصتكم روايه
غاليه تضحك : حروب و دنيا شايله
وتنهدت : ان شاء الله ربي يكملها على خير
هناء : اسمعي تطلعي معايا للسوق بكرا
غاليه : مرات منجي مايخلينش نطلع معاك بروحنا
هناء : امششي مرض انتي والمنجي شنو اخر وحده تسوق
غاليه تضحك : ياحيوانه قصدي نسأله قبل
هناء : مش شورك اسمعي معش في وقت منجي حالف يطق باتك سنه يطلع الفرح وانتي ماوراك الا دبش خلينا نبدو فيه شويا شويا اتلقطي كم حاجه انا مكسده نبي نطلع ونبي انديرك سبله
غاليه تضحك : امتى حلك كسدتي
هناء : يروح مالشغل يرقد ويطلع يروح ليل وانا ماده وجي ؛ اسكتي امبدري ركبتلي لينه صبيتي العوبه
غاليه : باهي
هناء تضحك : تبي تمووووت اتقولي يعني خلاص خطبها قلتلها اها خطبها ومنجي مستعجل بكل يبي الفرح كان يلقى اليوم قبل بكرا
غاليه تضحك : اللصقه البارده هذ ام خشم كبير
هناء : احترمي نفسك حتى انا خشمي كبير واخده على روحك ????
غاليه ضحكت : لا انتي انشوف فيك جميله بخشمك بكل
هناء : اسكتي را انتوحم عليك
غاليه تضحك : لا الله يربحك توحمي على منجي
هناء : معناها انتوحم على روحي انا وياه نسخه وحده
_______
ومشن ايام وشهور وليالي
وغاليه تطلع مع هناء وتشري في دبشها
واتوتي لعرسها وفرحانه تبي اطير
وشرت فيلوها و عطورها ومكياجها
((( لا تَنتظرُ شَيئاً بلهفَه ،
فَالأقدَار كُتبَتْ أنْ يَأتيكَ كُل شَيء فِي وَقتَه ?? ))) ??
_________
#بعد_أشهر_عديده ??
المنجي يسوق في السيارة
بحت في غاليه وضحك : ارفعي شويا الطربوش انشوف وجك
غاليه رفعت البرنوص وبحتت فيه وابتسمت
المنجي ضحك : قصدك القمر هذا ليا انا بروحي
وراه صوت تبييب
وجاه واحد يضايق فيه مالجنب يبي يطلعه ع الطريق
منجي يضحك وفتح الروشن : اركح يامسخ
صلا طالع مالروشن الي قدام يصور : يوم لك ويوم عليك يامانجا توا نقلب بيكم السياره
علي يسوق ويضبحله : ابشر بقلبة السيارة
منجي يضحك ويتعاند هو وياه يجرو في الطريق
غاليه ماسكه في جاكة بدلته : يامانو فكنا الله يربحك مانحبش هكي
صلاح يعيطله : تي توا نخطفك منها الي ماسكه فيك
منجي يضحك : نجوم السماء اقربلك يا.........
غاليه خايفه : منجي الله يربحك فكنا مالبصاره
منجي بحت فيها ويضحك : غير اسكتي ماتخافش وغطي وجك الله يربحك
غاليه خايفه ومتوتره : يستر الله
منجي خش شارعهم وقعد يخش من شوارع فرعيه
غاليه برمت بحتت وراهم : مافش حد
منجي ضحك : شفتي راجلك كيف
ودرس قدام عمارتهم لقاهم لوطه مولعين اغاني عاليات و يفرغو بالسلاح
غاليه سكرت وذانها : مانحبش التفريغ هذا بكل
منجي نزل مالسياره ويضحك : صار تخطفوني اليوم
صلاح : تي والله علي مشاها لك بجوه
احمد فتح لغاليه الباب : هاتي يدك
غاليه مسكت في يده ونزلت : احمد ارفعولي الذيل
احمد : باهي به غير قدمي شويا
منجي جا مسكها من يدها يمشي فيها
غاليه : را تنسو شنطتي والباقه ع الكرسي الي لاوره
منجي : باهي ماعندها وين اتريح توا يجيبوها
غاليه : لالا انت خود الذيل من احمد وخليه يجيبهن تليفوني فيها وعطري ومكياجي
منجي يضحك : هات يااحمد الذيل وجيب الورد والشنطه هذي قريب تموت على حاجتها
احمد ضحك : مالك ومال الشنطه انتي خليك فلي يرجا فيك فوق
غاليه تحشمت وسكتت
منجي ضحك وبحت في احمد : اسكت يامسخ
_____________
منجي فتح باب الشقه وبحت فيها ابتسم : هياا
غاليه خشت وماحوتك تمشي بالفيلو
قريب طاحت على وجها : اااه
منجي مسكها من يدها وضحك : من اولها هكي
غاليه ضحكت : لابسه كعب اطول مني وهذا كله مش واصله فيك
منجي سكر الباب وبرم عليها
قرب منها بشويا صبا قدامها
و رفع البرنوص من على وجها : ماشاءالله
غاليه ابتسمت ونزلت راسها
منجي ضحك : عارفه هضا وين شفتك كويس غادي ماقدرتش اندير شي
غاليه تضحك : الي يشوفك في الصاله كيف متخزرط وخاش في روحك مايقولش نفسه الي قاعد قدامي توا
منجي ضحك ويسلح في كندرته : تي الدنيا كلها اتبحت فينا شن تبيني اندير
غاليه قعمزت ع الكنبه الي في الصاله : كرعيا تعبن مالكب
وقعدت اتبحت في الحوش
منجي ضحك : ها ع الطبيعه زي الصور
غاليه : لا ع الطبيعه احلى بواجد
منجي قرب منها يفتحلها في الربطه ابتاع البرنوص
غاليه مسكت ايديه وضحكت : كنك خليه
منجي حول ايديها ويفتح في البرنوص : خلي الواحد يطلق انظره كنك انتي
وحوله حطه ع الكرسي : اييييوه خلاص من يوم عرفتك وانتي بالمحرمه و الكم هرمنا ازف
غاليه تضحك ومدت يدها للشنطه : تعال انصورو
و طلعت تليفونها
منجي جا احداها و باسها في خدها
غاليه اتصور في سيلفي : تي بحت في الكاميره مش اتبحت فيا انا
منجي ضحك : اهو صوري هيا
غاليه مدتله التليفون : هاك صور انت يدك طويله نبي الفيلو يبان
منجي مسك التليفون ويصور هو وياها
: ارجي انصورو فيديو
حط ع الفيديو و ولعه : طبعا اليوم ربي سخرلي و خديت البنت الي نحبها ونبيها بعد سنين عذاب و طلعلي الشيب في لحيتي من كثر ماذلوني عليها ..
ويقرب منها في الكاميره : اوصفيلي شعورك هياا
غاليه تضحك : طبعا هذا راجلي حبيبي واخيرا والحمدلله ياربي ان هو نصيبي وكملت فرحتي بيه
منجي يبوس فيها وغاليه تحكي للكاميره : وهو مستعجل ومش فاضي توا بدا في قلة الادب
منجي ضحك وحط وجه في كتفها
غاليه خدت منه التليفون : نحنا اليوم اول يوم لنا مع بعضنا ان شاء الله العمر كله ويارب كل يوم انعيش معاه كإن اول يوم
وبحتت في المنجي : قول باي للكاميره حبيبي
منجي رفع راسه شاير للكاميره
غاليه : اممممواااه باي .. وطفت الفيديو وحطاته ع الطاوله
منجي قرب منها حط خشمه على خشمها
ويحكيلها بصوت واطي : ماتبش اتغيري دبشك
غاليه وخرت : ارجا انصلو قبل
منجي ضحك و وخر : قريب انسيت الصلاة اقسم بالله
غاليه صبت تلبس في البرنوص : صبي باه صلي بيا هياا
منجي صبا : هياا تعالي في الصالون في صلايات
___________
حوش العرس كلهم بايتين عند هل المنجي
صفاء متكيه ع السرير : هيا انرنو عليهم
هناء تضحك : مبردكن احسن حاجه انا سكرت تليفوني يومها
مروه مسكت التليفون : اس اس يرن ??
هناء قربت منها : افتحي المايك بسرعه
صفاء حاطه راسها احدا مروه
امينه فتحت عليها الدار : لميتن الرز الي في الحفاظات زاد
هناء : اس اس اصبري
امينه : شن اديرن النبي
هناء ضحكت : انرنو على غاليه
امينه : انزلي انتي ولدك يعيط
هناء اتأفأف : امتى عمره ماعيط هو له ديما يعيط
امينه فنصت فيها : على اساس له سنين هو كله عمره 40 يوم مسكين وكمل عمره وانتي حايسه في العرس مش فاضيه ماضني خذا منك حنان بكل
هناء تضحك وصبت : هياا ياامي نازله غير كنت انغير
امينه : وانتن خاطن اختكن منكدات عليها حتى في عرسها
هناء نزلت ع الدروج لقت عيشه ماسكه العيل تبرم بيه في الصاله
هناء ضحكت وقربت خداته منها : بهدلك ياخالتي
عيشه : قريب يجيه الفتك ياناري مالعياط رضعيه جيعان
هناء مسكاته اتلعب فيه : اوسيفه حبيب ماما
وعطاته يرضع
عيشه تضحك : بحتي كيف يدير مالجوع
هناء ضحكت : تقول عمره مارضع ديما فاضحني العياط
________________
غاليه مصبيه ف الصاله تسلح في البرنوص
فطنت تليفونها في مكالمات فائته
بحتت لقتهن البنات ضحكت ودارلته وضع طيران
منجي في الدار : حبيبي
غاليه حطت التليفون : هياا جايا
قلبها يدق اتبحت في الشقه ومبتسمه
خشت للدار لقاته فاتح السوريه ومصبي سالح السير
منجي : اسمعي حاطيلي توته ساتان ننقاني مانقدر نلبسها را نقعد مصري جو شين بكل
غاليه ضحكت : شنو تبي تلبس به
منجي يسلح في السوريه : نحب ناخد راحتي نقعد بشورت
غاليه اتبحت فيه وخشت قعمزت ع السرير : كرعيا وجعني مالكعب
منجي : مش سلحتيه
غاليه : اها سلحته بس كرعيا يوجعن
منجي فتح الدولاب خذا شورت : فكي طحتك وديري امورك الجبل الي فوق راسك حوليه اطلقي شعرك نبيه على طوله را
غاليه ضحكت وقعدت اتبحت المرايا واتفك ف الطرحه : باهي خلاص اطلع انت
منجي ضحك وطلع خش للحمام غير دبشه وجا
خش للدار لقاها فاكه الطرحه والرموش واتفك ف التسريحه
منجي ضحك : تي وين هضا كله
غاليه تضحك : كلها رموش وطرحه هن حسستني ان مركبه قطع غيار
منجي جا يفك معاها في شعرها : شنو هضا عليك عرم دبابيس
غاليه تضحك : اخرى مش دايرتلي حشوه كله شعري را
منجي فك اخر مساكه وشعرها انطلق
جا صبا قدامها صباها من ايديها
غاليه تحشمت ونزلت راسها
منجي رفعلها راسها بيده ورفعلها شعرها من على وجها
ويحكيلها بصوت واطي : ماتحمشميش مني انتي حلالي
غاليه مسكت ايده وحطتها على خدها وسكرت عيونها
منجي قرب منها وباسها
غاليه قلبها يدق و سكرت عيونها
منجي وخر وبحت فيها : مش قتلك مش هانديرها الا وانتي مراتي
غاليه ابتسمت : باهي انا انا نبي انغير دبشي كيف اندير
منجي ضحك : باهي غيري من ماسكك
غاليه خدت شعرها ع الجنب
و برمت عطاته بظهرها : افتحلي نص السوسته بس
منجي مسك السوسته فتحها كلها
غاليه ماسكه الفيلو من قدام بيدها : تهيالي قلت نصها
منجي باسها على كتفها من لاوره : على مهلك لما اتغيري كلميني باهي حبيبي
غاليه : به ؛ وسكر وراك الباب
منجي طلع لقى عشاء ومكسرات ع الطاوله
خذا مكسرات قعد ياكل فيهن واتكى ع الكنبه
غاليه سلحت الفيلو
ولبست روبها الابيض الي لقاته معلق ع الشاطار
صبت قدام المرايا وقلبها يدق : زعمك شكلي حلو هكي ؟
بس كله شفاف كأني مش لابسه كيف نقعد قدامه هكي طح سعدي توا يقول فانص
وبحتت في كرعيها : اعععع مخربتها الحنه الي لعند فوق الله يقرفك يامنجي عليك ذوق انا منقرفه من روحي هكي
باب الدق
منجي : مزال يابيبي
غاليه مشت تجري قعمزت ع السرير وتغطت : خش خلاص
منجي فتح الدار ولع الضي : كنك راقده ??
غاليه ابتسمت : انا مقعمزه مش راقده غير سقعت بس ؛ وطفي الضي خلي ضوايا الوناسه خير
منجي هز راسه بمعنى لالا
وقرب منها مسكها من يدها : صبي
غاليه اتغطي في روبها من فوقها : خليني صقعانه
منجي ضحك ورفع حاجبه : هكي جوك انتي ؟
غاليه سكتت وبحتت فيه
قرب منها وشمرها : ناس ماتجيش الا بالعين الحمره
غاليه اتحرك في كرعيها وماسكه في رقبته اتعيط : والله اتنزلني راني انطيح
منجي يضحك : هاتي بوسه انزلك
غاليه باساته في خده
منجي : لالالالا هن هن
غاليه تحشمت حطت وجها في رقبته : بططططل مانبش خليني
منجي يضحك ونزلها ماسكها من يدها : شن السماحه هذي ياناس حي ع الحنه حي
غاليه مصبيه قلبها يدق و عيونها دمعن
منجي بحت فيها ويحكيلها بصوت واطي : كنه حبيبي نا
غاليه تبكي : نبي انقعمز مش قادره انصبي
منجي كرها شور السرير قعمزها : باهي حبيبي كنك
غاليه ساكته وعيونها يدمعن
منجي يرفعلها في وجها بيده : خايفه مني ؟
غاليه بحتت فيه ونزلت عيونها
منجي ضحك و حضنها بالقوه : وراسك انتي ماندير حاجه الا لما تطربي وتاخدي عليا بس بلا بكاء
غاليه حضناته : انا مش خايفه منك بس مرتبكه
منجي حاط يده على شعرها : مش انا راجلك حبيبك وانتي واثقه فيا
غاليه : اها
منجي : خلاص معناها مافي شي يصير بلا موافقتك انتي باهي حبيبي
وخرها يمسحلها في دموعها : تبي كحلك يسيح وتقعديلي باندا انعاني فيك
غاليه ضحكت : بطل براده
منجي : ايوه هكي نبي الضحكه هذي
وبحت في كرعيها : وريني الحنه هاتي
مسك ايديها وقرب منها باسها
غاليه قلبها يدق : حبيبي خلاص
منجي قرب من وذنها وباسها : اشششش
غاليه : حبيبي
منجي يحرك في يده على ظهرها
ويحكيلها بصوت واطي : اهديلي بس ارخي روحك
غاليه سكرت عيونها
..........
_____________________
9:30 ص
هناء راقده تسمع في ولدها يعيط
فتحت عيونها بحتت فيه : واااو يايوسف حرام عليك لا نومتي نومه لا رقدتي رقده
رشا ناضت اتأفأف : سكتي الهم الي يعيط نبو نرقدو عليك رقده سوده معاك
هناء قعمزت ومسكاته اترضع فيه
ولدها سكت وقعد يرضع
فطنت تليفونها يرن مسكاته اتشوف من ....
__
غاليه فتحت عيونها وبحتت في الدار زين
اذكرت ان عرسها امس و بحتت قدامها لقت منجي راقد على بطنه وفي سابع حلمه
قربت منه باساته على كتفه وغطاته
خدت تليفونها و طلعت اتفرج ع الشقه
قعمزت في المطبخ ع الطاوله و رنت على هناء
هناء فتحت الخط : صباحية امباركه ياعروس
غاليه تضحك : سلمك ؛ نوضتك ؟
هناء : هو انا نعرف نرقد مع اوسيفه
غاليه : رايفت عليه الحيوان
هناء : ها شن صار ان شاء الله مابكيتي للراجل رعشتيه من امس انوصي فيك
غاليه ضحكت : بكيت بس سكتني وقدر يضحك عليا بكلمتين
هناء تضحك : تي خويا استاذ لسانه مصري
غاليه : مش غير لسانه مصري لحظات لقيت روحي مستمره معاه في الموضوع
هناء ضحكت : الله الله ذكرتيني بيوم صباحيتي رنيت عليك كيف هالرنه قبل مايجي ولدي وينكد عليا حياتي
غاليه تضحك : وانا وعدتك قتلك يوم فرحي انتي الي انرن عليك اول وحده
هناء : اسمعي انقول لأمك ان تمام الموضوع
غاليه : لالا مش دغري تقولي الي يسألك قولي مانعرفش
يوسف بدا يبكي
هناء : ووووه عليااا السرينه ولعت
غاليه تضحك : بوسيه لياا انعدي انشوف راجلي
هناء تضحك : حتى راااجلي ناض
غاليه : خززي يابارده هياا باي
هناء تضحك : باي
خشت بشويا للدار لقاته راقد كيف ماخلاته
فتحت الروشن شويا وجا الضي على عيونه منجي مش حاس بشي
غاليه ضحكت ومشت قعمزت احداه ع السرير
حطت يدها في شعره : حبيبي سادنا نوم نوض نبيك
منجي فتح عيونه ابتسم ورد سكرهن اخرى
بعدها كر يدها وباسها
غاليه : صباح الخير
منجي تقلب على ظهره ويحك في عيونه : صباح النور حبيبي
غاليه باساته : نوض هيا مليت وانا بروحي
منجي يبحت فيها وساكت
غاليه تضحك : كنك اتبحت هكي
منجي ابتسم : تعالي في حضني ازقبي هنا
غاليه نطت ورقدت عنده
منجي حضنها : اااه يابيبي سنين وانا ندعي في كل صلاة ربي يعطيني اللحظه هذي اني انوض نلقاك قدامي
غاليه تضحك : واخيرا حتى انا نضت ومش مصدقه
منجي سكر عيونه : الحمد الله يارب الحمدلله الله
ومسك ايديها يبحت فيهن : صوابعك ولا طروف حلوى ؟
غاليه تضحك : بلا براده
منجي يبوس في صوابعها : خليني ناكلهن شويا
غاليه رفعت راسها بحتت فيه : حبيبي تحبني زي قبل ؟
منجي ضحك : شن رايك انتي
غاليه ضحكت : اهو نبي نطمن
منجي غمزها : تبي نثبتلك اني انحبك
غاليه بحتت فيه وغطتله عيونه : لااااا
منجي عضها في خدها : تي انحبببببك
غاليه اتعيط : والله اتببببطل
منجي يكح ورقد على ظهره : نعنشكلك دهشتيني
غاليه مقعمزه وتضحك مسكت سير الروب : قطعتتته
منجي يضحك : ياخد سوي
غاليه تضرب فيه بالمخده : والله تشوف
منجي قعمز : ...........
____________
شن رأيكم في الحلقة اليوم ????
حلقه متعوب عليها وطلعت فيها احاسيسي كلهن ?????? ان شاء الله تنال اعجابكم
وبدينا في العد التنازلي مزال حلقتين
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــت
(( #الحلقة_ماقبل_الاخير )) ??
منجي يكح ورقد على ظهره : نعنشكلك دهشتيني
غاليه مقعمزه وتضحك مسكت سير الروب : قطعتتته
منجي يضحك : ياخد سوي
غاليه تضرب فيه بالمخده : والله تشوف
منجي قعمز وكرها بالقوه : قرب منها يحكيلها بصوت واطي : ماتبش اتبطلي
غاليه تبرم في وجها وادف فيه : تي حوووول ثقيل
منجي يقرص فيها ف اجنابها : تي والله السنين الي قعدتهن بروحي انطلعهن منك عامص
غاليه تضحك : وشن دخلني انا
منجي قرب باسها : اس
غاليه بصوت واطي : نبش نسكت
منجي ضحك : ماتعاندش خيرلك را نعضك
غاليه ضرباته على كتفه : را نكرلك اللحيه
منجي قرب منها : را نخبشك بيها
غاليه اتعيط وتضحك : حووووول والله اتبز
____________
2:30 م
سعاد اتغدى مع نعيمه والبنات
صفاء تاكل : انرنو عليها ماتردش علينا
سعاد فنصت فيها : بديتن فيها من توا
مروه ضحكت : ياماما نبو نطمنو بس
نعيمه ضحكت بصوت عالي : عليك جيل
سعاد اتهزب فيهن : اشقن بقرايتكن امتحاناتكن بعد اسبوع
صفاء : تي باهي ياماما وانتي اتذكري فينا بالهم
سعاد اتنهد : الله يسامح غاليه كانت حاضر نعم
مروه تضحك : الاجيال يختلفن ياماما ??
____________
غاليه راقده في السرير ومتغطيه
منجي طالع مالحمام ينشف في شعره
غاليه بحتت فيه وضحكت : نعيماً
منجي بحت فيها : الله ينعم عليك
غاليه ماسكه الورغان بيدها : ابرم وجك نبي انصبي
منجي ضحك : بعد شنو ابرم وجك خلاص الهناك شفته
غاليه عزقت فيه المخده : اصلك بارد
منجي طلع برا : جعان
غاليه لبست روبها : اصبر شويا اندير دوش وانجيك
خشت للحمام ابتاع دارهم وسكرت الباب عليها
منجي طلع للصاله يبرم بحت في الاكل الي امس لقاه بايت
فتح التلاجه لقى شكلاطات وعصائر
خش للدار جاب تليفونه وبدا يتصل ....
___
امينه ادير في عدالة الشاهي
هناء تشرب ف الشاهي : ياناعليا راسي
رشا تضحك : وينه هو غريبه مافش عياط
هناء : خداه مني احمد ركبه معاه
عيشه : ان شاء الله ربي يعطيها يامينتي اكيد خاطرها
ساره : من تنزيلتها معش حملت هي صح ؟
امينه مدتلها طاسة شاهي : لا من يومها ماحملت
هناء : شكلها مالرعشه قطعت الخلف
امينه فنصت فيها : تحركي من مكانك ارزيني فيك
عيشه : بطلي ياامينه دعاء هذي ام وليد توا يصيرلها حاجه تنقهري فيها
امينه حطت البراد : اتنطق الميت بحتي كيف تدوي
وسمعت تليفونها يرن : عطيه ليا يارشا الله يربحك وراك قاعد ع المكتبه
رشا مسكاته بحتت فيه وضحكت : منجي
امينه كراته منها وفرحانه : اس اس
هناء تضحك : افتحي المايك
امينه فتحت الخط : كيف يفتح هو
هناء جت تجري وفتحت المايك
منجي : امي الوو
امينه : معاك الو صباح الورد ياحبيبي
منجي : نهارك مبروك ان شاء الله
امينه : هاا شن صار
منجي كح : مافش غداء ولا كيف ماحد دزلنا
امينه انصدمت : كيف ماجكش الغداء دزيتلكم مقعد مع عماد
منجي يضحك : المسج يدير فيها للجماعه كلهم اكيد لحسوه
امينه شهقت : عاطهم دااا السفره ماناقص عليها خير درناها
هناء تضحك : طح سعدهم خدو سفرة العرسان
امينه : اسمع توا اندزلك مقعد اخرى توا غير قولي
منجي : نعم
امينه : شن صار معاكم
منجي يكح : خلاص ياامي دزيلي الغداء
البنات يضحكن
رشا : را يموت الراجل معش تسأليه
امينه : وين غاليه به
منجي : ادير في حمام
قعدن يعيطن البنات
امينه اتفنص فيهن : اسس اس يافرخه انتي وياها
منجي : خلاص ياامي
امينه : اين خلاص لازم اتجو اليوم
منجي : لالا اين انجو
امينه : غير اسمعني ضروري اتجو نبو انصبحوها البنيه عيب
منجي : انا عادي هي توا اديرلي قصه وتبي كوافير و ييييه علينا عاد
امينه : اسمع توا تجيك اختك مع الغداء واديرلها مكياجها وشعرها
منجي : باهي نسألها قبل مرات ماعندهاش نيه تطلع ولا تعبانه
امينه قلبت وجها : باهي نرجا فيك رد عليا توا
منجي : اوكي تشاو
غاليه طلعت مالحمام جاته في الصاله قعزت احداه
منجي بحت فيها وباسها في خدها : نعيما حبيبي
غاليه : الله ينعم عليك
منجي : كلمت امي قلتلها وين الغداء قالتلي دزيتلك سفره مع عماد وعماد لحسها بلي فيها
غاليه ضحكت : وشن يصير توا خلاص توا ناكلو اي حاجه
منجي : لالا قالت توا ادز اخرى عريس خليني ندلع
غاليه ضحكت : ادلع حقاتك
منجي بحت فيها : حبيبي
غاليه اتنشف في شعرها بالمنشف : عيونها يابيبي
منجي : امي قالتلي نمشو اليوم قلتلها بلكي غاليه تعبانه ومش قادره تطلع
غاليه : لا يابيبي ليش ماقلتلها باهي عيب
منجي تنهد : باهي قلت انشوفك عارفك تعبتي امس في الليل شويا ومش قادره اتحركي
غاليه : لالا عادي توا اندير شعري كان عرفت ونعدو
منجي مسك شعرها يلعب بيه : توا تجيك هناء قالتلي
غاليه : خلاص به بس قوللها تجيب اوسيفه معاها علي ماعديت لبست و لميت الاكل الي قاعد ع الطاوله من امس مش عارفه كيف انسيناه
منجي طلع تليفونه ويرن على امه ..
______________________
وسام يدق ع الباب بكراعه
هناء تضحك : عيب عليك بلكي يديرو في حاجه
وسام ضحك : خوك المسخ مش مسلفني خير خليه يذوق شويا
منجي فتح ويضحك : والله مانك تمام
وسام يضحك : تي وييييين ياراجل مباراه ع القايله وعارفنا جايين ان شاء الله غير حطيت اقوال
منجي تحشم قدام هناء : خشي انتي خليني انأدبه شويا
هناء بحتت في وسام : هات السفره باهي راكم تقلبوها
غاليه مصبيه ورى الباب : اهلا
هناء حطت السفره ع الطاوله : ياقلبي نجك ليااا
غاليه اتسلم عليها : وين اوليدي
هناء تسلح في محرمتها : اسكتي يالولي مارقدني امس طول الليل واعي واليوم خداته اميره راقد عندها فوق افتكيت من هرجته
غاليه : باهي نبدا توا نلبس
هناء : كولو قبل باهي مزال بدري
غاليه تفتح في السفره اتبحت في الاكل : ماشاءالله بعدك امس ماتعشيناش
هناء تضحك
منجي خش وسكر الباب : شنو جايبه معاك
هناء : غداء ملكي مانحكيلكش
منجي قعمز ضحك : تي وين العز
وبحت في غاليه : جيبيلنا كواشين وجيبي بيبسي مالتلاجه حاطين عصير طبيعي مش جوا بكل مع العصبان
غاليه خشت وجت : هاكي ياهنيوه كاشيك
هناء : لا والله متغديه ماني متحشمه منكم
منجي : تي غار قعمزي كولي فكيني مالطروح
هناء : توا نشرب قازوزه بس
غاليه جت تبي اتصبي : انجيبلك كبايه
منجي كرها من يدها : قعمزي كولي توا تجيب بروحها
هناء تضحك : هضا بدا من توا يقلب في مراته علينا
غاليه تاكل وتضحك : انا انعبي فيه عليكم من امس
منجي مدلها لحم بيده : افتحي فمك هاكي
غاليه : نبش لحم يابيبي
منجي فنص فيها : افتحي فمك قتلك
غاليه فتحت فمها وكلتها
منجي : والله وكالك ماهو وكال لا خضره لا لحم لا شي مش معقوله هكي
______________
5:30 م
منجي يدق ع الدار : غاليه
غاليه تلبس في عبايتها : خش تعال
منجي لابس عربي : شن رايك
غاليه ضحكت : نجك لياا اول مره انشوفك بيها
هناء ضحكت : مايحبش يلبسها مع انها سمحه فيه
منجي يلبس في ساعته : واتيه ؟
غاليه خدت شنطتها : اها هياا
منجي يضحك : راك اطيحي بالكعب الي لابستيه
هناء : تذكري فرح احمد ؟ ??
غاليه بحتت في المنجي وضحكت
منجي : عارفه ياهناء انها ولا زلقت ولا شي يوم فرح احمد خبطت فيها انا طيحتها
هناء بحتت في غاليه : ياكذاااابه تقوليلي تعكفت
غاليه تضحك : وانت ماتعرف تمسك السر بكل
منجي يضحك : ومابتش اتقولها لحد لانها فرحت اني اضبطتها وطيحتها
غاليه تضحك : بااارد كنت نكرهك ايامها
منجي ضحك وخدا مفتاح السياره : هيااا اطلعن
_______
امينه اتبخر في الحوش
عيشه : نزلتي سفرة الطقم
امينه : عليش انزلها خليها انزلها لما اتجي
عيشه : لا لازم تعرضيها ؛ هي امها مش دايره ارداده ؟
امينه : انا مش جايبه الا للعروس الذهب غالي والله ماقدرت نا جبت ورجب جاب
عيشه : ماشااءلله ان شاء الله ماتفقدكم
امينه اتضبح : عدي ياسويره نزلي سفرة الذهب من فوق تلقيها على سرير انويجي
وسمعت الباب دق طلعت تفتح : هاكي البخاره ياعويشه
طلعت تفتح ف الباب
هناء خشت : وين وليدي
امينه : قاعد يعيط خشي اجريله
غاليه ابتسمت : اهلين
امينه اتزغرت وسلم عليها : لولولولولولولي ماشاءالله ربي يرعاكم مالعين احويته
منجي ضحك وخش للسور يسلم على امه : احويجه
امينه اتبحت فيه : ماشاءالله ع العربي خايل فيك نجيلي وليدي طول في عرض
منجي يضحك : من في جوا
امينه : سعاد والبنات و خالاتك وعماتك وشويا مالجارات
منجي : لا معناها نطلع انكسد مع الجامعه قدام الباب
عيشه طلعت اتضبح لسعاد : تعالي اهم جو
سعاد طلعت اتسلم عليهم
غاليه اظبطتها : حبيبتي ياماما
سعاد باستها : ماشاءالله تهبلي طالعه
وخششتها معاها جوا : تعالي اسلحي قبل ماتخشي
امينه خشت اتبحت فيها ومبتسمه : اطلعي شعرك كنك رافعتيه
غاليه : قبل نبي نخليه هك
سعاد فكتلها المساكه : لالا فكيه
___________________
#بعد_أشهر ??
6:30 م
منجي خش للحوش وسكر الباب : غاليه
حط الشكاير في المطبخ
وخش للدار لقاها راقده
قعمز احداها وباسها على شعرها : حبيبي
غاليه ناضت بحتت فيه اضبطاته وقعدت تبكي
منجي انفجع : شن يابيبي كنك
غاليه متضبطته وتبكي : معش تخليني بروحك تعبانه انا
منجي اضبطها : باه باه بس اهدي شويا كنك حبيبي من مزعلك
غاليه تبكي : انا معش متحمله شي تاعبه
منجي حط يده على بطنها : هضا كله دايرته فيكي الشيطانه الي في بطنك
غاليه تبكي وماتبش اترد
منجي اضايق : يابيبي يومين ثلاثه واتردي لنفس القصه بكاء وخلاص ؛ تحسي في حاجه ؟؟ مريضه
غاليه : لالا نفسيتي تعبانه واعصابي تاعبه مش متحمله
تليفونها رن
منجي خداه : اهي اميره اترن ردي عليها
غاليه تبكي : مانبش انرد على حد كبدي زاعمه بكل
منجي فتح الخط : ايوه
اميره : اهلا شن الجو
منجي : والله قاعد انعاني في بنتي البكايه
اميره تضحك : كنهاااا
منجي تنهد : والله ماني عارف يااميره وحلت معاها
اميره : مش طالعه هي
منجي : لا مش طالعه قاعده ف الحوش
غاليه حاطه وجها في المخده وتبكي
اميره : توا انكلم احمد وانجيها يامنجي ماعليك
منجي : خلاص مش هانطلع لعند اتجي انتي
اميره : اوكي .. بااي
منجي سكر وحط تليفونها ع الكوميدينه
حط يده على شعرها : ماتضغطيش على بطنك هكي قعمزي كويس
غاليه تبكي : خليني بروحي
منجي ايتأفأف : استغفر الله العظيم عليك نكد ؛ عليش دايره في روحك هكي بس
غاليه تبكي
منجي رفعها من ايديها حول المخده واضبطها
غاليه تبكي : تعبانه يابيبي
منجي غطاها ويلعبلها على شعرها : ساهله حبيبي الي متعبتك كلها كم يوم واتجي ؛
غاليه تبكي : معش متحمله انا نقعد هكي
منجي يبوس فيها على راسها واضبطها بالقوه : اشششش هيا انردو نرقدو هي
ويمسحلها في وجها بيديه
غاليه سكرت عيونها وحطت راسها على صدره
منجي يحكيلها بصوت واطي : حبيبي انا نني هي
________
7:00 م
اميره ادق ع الباب ومصبيه ترجا
منجي فتحلها الباب : مرحبا
اميره خشت : اهلين شن جوكم
منجي تنهد ويحكي بصوت واطي : تعبت انا معاها كان نحسابها تبي ادير فيا هكي لما تحمل را قلتلها مانبش عيال
اميره تضحك : لالالا تحرك من مكانك العيال نعمه ; وعادي ديما تصير هي وحمها واعر بس
منجي يلبس في كندرته : انا عندي شغل مهم وكنت نرجا فيك ماقدرتش نطلع وانسيبها
اميره : وينها هي توا
منجي يحكي بصوت واطي : راقده في الدار ومن طلعتي بعد الغداء وهي راقده ماكلت شي
اميره : توا انديرلها حاجه تاكلها ماعليك انت
منجي فتح الباب : توا انرن عليك بعدين طمنيني عليها
اميره اتسكر في الباب وراه : عدي شغلك والله ماني مخليتها بروحها ماتخافش
منجي نزل مالدروج : هيا اوكي
________________
مروه اتسيق وسط الحوش
سعاد فتحت الباب وخشت : وين يامروه الميه واصله برا كنك بسم الله
مروه : هذي صفاء مفروض اتسيق الدروج انا ذبت ياماما قديش مني
والباب دق
سعاد ردت تفتح : منو
منجي : افتحي منجي
سعاد ابتسمت : اكيد اختك جت سيقي بسرعه راهي تزلق
فتحت الباب لقت منجي بروحه
منجي سلم عليها : خير ياعمتي شن دايره
سعاد فتحتله الباب : خش كنك برا
منجي خش جا يبي يسلح كندرته لقى اميه
سعاد خشت للمربوعه : خش بيها توا تبل شخشيرك
منجي خش وراها للمربوعه
سعاد : وين غاليه كنها ماجت
منجي قعمز ومتضايق : عمتي ديريلي حل انا والله على قد ماني متضايق مالوضع على قد ماني خايف عليها
سعاد استغربت : كنكم متعاركين ؟
منجي هز راسه بمعنى لالا : لا تاكل لا تشرب طول النهار نوم و كانهي ناضت تقعد تبكي انجي انقوللها كنك تقعد اتعيط خاطاني ماتقربش مني ماتحكش معايا
سعاد ضحكت : هضا وحم متأخر جايها ؛ الله غالب عليك لازم اتحملها واتوسع بالك شويا معاها عارفها حساسه ومن غير شي ديما تبكي
منجي اضايق : انا انتحملها راني مش جاي نشكي منها كان ماتحملتها انا من يبي يتحملها انا نبي نطمن انتي امها بلكي تحكيلك في حاجات انا مانعرفهنش طمنيني
سعاد : سلم وليدي ان شاء الله ماتفقدك اطمن المراه الحامل ديما يقعد عندها لخبطه في الهرمونات وتتعب بذات هي في نهاية شهرها اكيد خايفه
منجي : تتعب و اتلخبط لكن مش هكي تبكي طول النهار ولا تاكل لا تشرب والله حتى شغلي ماكيف الناس وانا انخمم كنها وشن فيها
سعاد تضحك : والله ماتخاف اهو انا امها قاعده عادي غير خايفه وتدلع عليك شويا
_______________
اميره دايرت شربة ماجي ابتاع الكيس عالسريع
وحطتها في سفره ومعاها توست بالجبنه
وخشت بالسفره للدار : غاليه
حطتها ع الكوميدينه واتنوض فيها : صبي يابايره
غاليه يادوب فتحت عيونها وبحتت فيها : ميرو امتى جيتي
اميره : كنك مرعشه الراجل شن جايك لقيته وجه اصفر
غاليه قعمزت اتلم في شعرها
اميره : طح سعدك ياغاليه بحتي عيونك كيف منفخات
غاليه : الوحم جايني عليه مش طايقته وكارها روحي لاني كارهته
اميره تضحك : معناها الفرخه هاتطلع وجها منجي يعني نسخة هناء ! بعدين اين وحم وانتي في التاسع
غاليه ضحكت : ياسامطه اعصابي تعبانه لاني مش طايقته ضميري يأنب فيا شن اندير ياريتني ماحملت
اميره ضحكت : معش تقولي هكي بحتي انا قاعده انتمنى من ربي ان يعطيني ليا ثلاث سنين وربي ماعطاني
غاليه تنهدت : ان شاء الله ربي يعطيك ويريح بالك يارب
اميره مسكت السفره : هاكي كولي وعدته اني اوكلك انا
غاليه مسكت كاشيك وبدت تاكل : مع ان ماعندش نيه بكل
اميره تضحك عليها : بحتي بطنك كيف الكوره تهبببل
غاليه اتأفأف : تضرب طول الوقت سحنت كبدي لا جت لا تريحت
اميره : وتيتي شنطتها ولا انوتيها لكي انا
غاليه هزت راسها بمعنى لالا : وانا قادره اندير حاجه اصلا
اميره صبت : وين الدبش الي شاريتيه
غاليه : الدبش الاخر عند ماما طبعا عشان الاسبوع اتجيبه لكن في افارولات وصاكو صغير وبودره وهكي في الدرج الثاني
اميره فتحت الدرج : هنا
غاليه ؛ اها هن
اميره تمسك في الدبش اتفرج عليه : ياناعليااا قلبي يالولي خيااال
غاليه ابتسمت : ان شاء الله المره الجايا انوتيلك انا دبش البيبي ياميرو
اميره طلعت تليفونها اتصور فيه : ان شاء الله يارب ؛ خليني انزل الصور ع السناب قبل ماتجي المفعوصه يشوفو دبشها
_____________
9:00 م
منجي رن الجرس بعدها فتح : السلام عليكم
اميره لبست وشاحها
منجي خش لقاهن في دار المعيشه : شن الجو
غاليه ابتسمت : اهلين
منجي بحت فيها : شن حاسه روحك توا
غاليه حطت يدها على بطنها : الحمدلله كويسه
اميره : مش اتقول اميره ماعندهاش كلمه وكلتها بالسيف و شوف كيف صحصحتها لك
منجي ضحك : تاريتك تفعلي والله
اميره : وتينا حتى شنطة الانسه الصغيره
منجي ضحك : والله جديات يعني خلاص
غاليه ابتسمت : باديه انحس ب ليه من توا
منجي بحت فيها : يعني انشيلك توا
اميره ضحكت : لاااا لية الجياب هاتلقاها اطير للسقف وتنزل يامينتي
منجي : باهي ماعطاتكش موعد معين هي
غاليه : الثلاث ايام هذينا قالتلي اليوم ولا بكرا ولا الي بعده
منجي : ان شاء الله خير
اميره طلعت تليفونها : انرن على احمد طول
منجي : خلي تليفونك احمد جاي متعشي معانا
اميره ضحكت : الله ريحتوني مالتطييب ولا انا الي نبي انطيب غاليه حامل
منجي : جبت معايا عشاء واتي حطيته ف المطبخ
الباب دق
اميره صبت : اكيد احمد نمشي نفتح
المنجي صبا : لا مش احمد قعمزي
ومشى يفتح في الباب
اميره : من الي جايكم توا
غاليه : والله ماني عارفه بلكي حد من اصحابه جايبله حاجه
منجي فتح الباب وضحك : تأخير نص ساعه ريتو الجو انتو
هناء ضحكت : والله ما مني من وسام
وسام يسلح في كندرته : ياراجل مطلعني مالقهوه تعالو ضروري ونبيكم كنك شن في
منجي ضحك : مافي شي انتعشو وانغيرو جو بس
وخدا منهم يوسف : وين يامسخ معش جيت
يوسف يضحك
منجي : يمشي ولا شن نظامه
هناء تسلح في محرمتها : يدب مع الحاجه ويمسك في الساس ويمشي
منجي : مش مزال بدري عمره توا كيف يمشي
هناء : هذا لهلووووبه نااار قريب حتى يطير مش غير يمشي
وخشت للبنات في دار المقعد : مفاااجأة
اميره ضحكت : اخرب عقلك هناااااء
غاليه تبي اتصبي : كيف جت الجيه هذي
هناء طبست عليها : قعمزي خليك ؛ منجي ياحنه يبي يغيرلك جوك شويا عزمنا عالعشاء قال تعالو تعشو
غاليه : زين مادار والله تغير جوي يابنات اميره ياما هدرزت معاها الله يربحها كنت تعبانه امبدري
هناء بحتت فيها : مزال وجك اصفر
اميره : شكالي منها منجي لا تاكل لا تشرب
غاليه بحتت شافت حد جاي مالباب : يوووووسف
اميره صبت تجري خداته : ياحبيبي وليدي انا
هناء : مش وليدك !؟؟ معناها استلميه خلاص
اميره اتبوس فيها : عطيه ليا يبات عندي اليوم الرزيل رايفت عليه
غاليه : بيش يكسرلك المترد الثاني غير الي كسره يومتها
اميره تضحك : خليه يكسر فداه
هناء : وتيتي شنطتك وحاجتك
غاليه هزت راسها بمعنى اها : اميره وتتها
هناء اتبحت فيها وتضحك : كنه خشمك كابر وعيونك صغرن
غاليه ضحكت : شفتي كيف متنفخه هن عيوني صغار من عند ربي اصلا
اميره : وين راجلك انتي
هناء : مع منجي في المربوعه
اميره مسكت تليفونها : انظر وين احمد طول اتحسيه خليني انشوفه
غاليه : اميره حطيه ليا هنا انبوسه السخيف بحتي يبحت في القزاز متسهف خاطره يكسر
هناء صبت اتلم في التحف : انحطهن ع المكتبه وقبل مانروح توا انردهن لكي را يدشدشهن
غاليه تضحك اتحط في يده على بطنها : شنو هنا عروستك اهياا
يوسف حاط يده على بطنها
ويزر فيها بصبعه ويناغي مستغرب ..
____________
1:00 م
منجي سكر الباب : مع السلامه انستو
وخش للمطبخ
لقاها اترد في الموعين في الدولاب : تعبتي اليوم
غاليه داهشه : لا والله البنات غسلن المواعين وردنهن غير هذينا الكبايات العمليات انرد فيهن مكانهن
منجي مصبي ع البار يحكي معاها : تغير جوك
غاليه ابتسمت : الحمدلله عادي غير تاعبه شويا
منجي ضحك : شن قالتلك الدكتوره لما عديتيلها امس ؟
غاليه ضحكت : ماقالت شي
منجي : قالتلك سهلي على روحك الجياب
غاليه ضحكت : منجي ماعندش لك جهد
منجي قرب منها اضبظها وباسها : حتى كان راجلك قالك نبيكي
غاليه : باهي خليني انخش للحمام بس و انغير دبشي
منجي به نسبقك للدار انتفرج ع التلفزيون ولما اتكملي تعالي
غاليه هزت راسها بمعنى به
منجي رد بحت فيها : الله الله الروب الاسود الشفاف
غاليه ضحكت : هضا الي شاطر فيه
منجي ضحك وطلع : ماطولش
منجي مشى رقد ع السرير و ولع التلفزيون ايتفرج
جاه اشعار ع الفيس مسك تليفونه وفتح النت
غاليه خشت للدار لابسه روب الحمام : منجي
منجي بحت فيها : درتي حمام قصدك ؟ نعيما
غاليه : لالا غسلت جسمي بس
منجي ضحك : وين الروب الحمر
غاليه اتأفأف : مافش ولا روب خش فيا شن اندير
منجي يضحك : تعاليلي بلا روب المهم المضمون الي في الروب جوا
غاليه ضحكت
منجي تنهد : باهي الي شفت ضحكتك حبيبي تعبتيني وراك ودهشتيني اخرى
غاليه جت قعمزت احداه رقدت على كتفه : اسفه يابيبي نكدت عليك بس انا خايفه نبي انموت بذات بعد قالتلي ولاده طبيعيه
منجي مسك يدها باسها ويحكيلها بصوت واطي : انا فداك معش اتأسفي المهم انتي عندي
غاليه قربت منه باساته : انحبك انا
منجي سكر عيونه : اخرى
غاليه : باساته
منجي : اخرى اخرى
غاليه تضحك : تي بطل
فتح عيونه اضبطها ويضحك بصوت عالي
غاليه : افطن بطني
منجي وخر : والله ننسى فيها الفرخه هذي را
غاليه اضبطاته وسكرت عيونها
منجي مسكها من ايديها وخرها : لالالالا شنو ترقدي هضاا !!! نوضي نبيك في موضوع مهم
غاليه اتأفأف : تي ماعندش جهد ??
منجي يهز في راسه بمعنى لالا : توا اتجيبي وننحرم انا منك قريب شهر كامل وراس امك سعاد تعرفيها
غاليه تضحك : صبرني ياربي
منجي باسها احدا وذنها : اس قتلك انا را ناكلك
غاليه تضحك : ادغدغ فيا هنا بطل
منجي عضها في خدها ويحكيلها بصوت واطي : ناكلك انا توا ولا شن اندير فيك
غاليه : مش تعشيت توا
منجي غمزها : تعشيت لكن نبي انحلي ????
_______________
4:00 ص
غاليه فتحت عيونها حطت يدها على بطنها واتوجع
قعمزت في السرير وعاضه فمها
مدت يدها ولعت ضي الوناسه : منجي
بحتت مالقاتاش احداها
قعدت اتضبح : منججججي
منجي جا من دار المعيشه مفجوع : شنو يابيبي كنك
غاليه : وين كنت
منجي : اندخن برا ماقدرتش اندخن احداك عشان ماتتعبيش كنك يابيبي
غاليه اتحرك في يدها : مش قاااادره شكلي خلاص
منجي انصدم : كيف خلاص
غاليه اتعض في يدها : نبي انجيب يعني كيف خلاص
ااااااه يااااربي ساعدني عليك الم
منجي يبرم في مكانه : باهي كيف اندير توا
غاليه : تلقاني موتيه شنطتي في ظرفة الدولاب ااااه عليك اللللم يااااربي
منجي فتح الدولاب وطلع الشنطه
غاليه : افتحها فيها قفطان قطن هذا الي نبي انجيب بيه
منجي يفتح في الشنطه : تي هيااا ؛
طلعه ويلبس فيها : ارفعي ايديك حبيبي هياا
غاليه : عبايتي مالشاطار ورن على مااما وووووه علياااا خلاااااااص
منجي يجري ويكر في العبايه
غاليه وجها عرق ومنغصره : شنطة البنت وشنطتي يامنجي خلي تليفوني في جيبك
منجي لبس سباطه و خذا الشناطي ونزل يجري للسياره حطهن ورن على سعاد نوضها وركب يجري
فتح الباب لقاها في الصاله مصبيه ومطبسه ع الكرسي ماسكه فيه بالقوه
منجي مسكها من ايديها : هيا حبيبي
غاليه اتعيط : ااااه ياربي ساعدني
منجي يحكيلها بصوت واطي : تحملي شويا بس اوصلي للسيارع عيطي براحتك
___________________
6:00 ص
منجي مصبي برا و على اعصابه يبرم
اميره طلعت اتشوف فيه : خلاص ادعي كنك تبرم تقول زغده
منجي : خايف عليها هي تدهش من صدرها مش كويس عليها اتجيب طبيعي
امينه حطت يدها على ظهره : يعني انتي خير مالدكتوره توا ربي يقومها بالسلامه غير اصبر
منجي : يارب يارب يارب
امينه : قالتلك الدكتوره خش احضر معاها كنك ماخشيت
منجي هز راسه بمعنى لالا : والله مانقدر هانموت كان شفتها اتوجع
امينه اتبحت في المستشفى : ماشااءلله كم كلفت الجياب هنا
منجي : استغفر الله العظيم ياامي اصبري بعدين اسألي
امينه : مستشفى الامل تقول هوتيل ماشاءالله
منجي يهز في كراعه ومش معاها بكل يخمم في غاليه
سعاد جت تجري : يامنجي تعال الدكتوره طلعت
منجي صبا يجري يبحت فيها وساكت
الدكتوره : مبروووك بنوته زي القمر ماشااءلله
المنجي ابتسم : الحمدلله يارب ؛ وغاليه ؟
الدكتوره ابتسمت : ..........
_______________
شن رايكم في الحلقه ومش متوقعات يصير في الحلقه الاخيره ??
كونو مستعدين هاتكون حلقه طويله وفيها احداث واجد وان شاء الله تعجبكم ?
وخلونا يوم ونص نبي نشوقكم عاد سادكم وانتم تلقو فيهم بالريح في جرت بعضهن
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
#الأخيرة ????
ونعاود انقول للأسئله المتكرره : انها #قصة_حقيقية
وانا زدتلها تفاصيل في الكلام والحديث الي يصير ؛
بس الاحداث كلها من واقعهم ????
___________
سعاد جت تجري : يامنجي تعال الدكتوره طلعت
منجي صبا يجري يبحت فيها وساكت
الدكتوره : مبروووك بنوته زي القمر ماشااءلله
المنجي ابتسم : الحمدلله يارب ؛ وغاليه ؟
الدكتوره ابتسمت : الحمدلله كويسه بس تعبت واجد البيبي حجمها كبير ماشاءالله
منجي حط ايديه على وجه : اللهم لك الحمد يارب
امينه : وين البنت
الدكتوره : في الحضانه يلبسوها وتوا يجيبوها تفضلو في دار المريضه انطلعوها من غرفة الولاده وانجيبوها لكم
_________________
1:30 م
منجي طلع مشى للجامع صلى الظهر
وجايب حاجات مالدكان وجا ..
دق ع الباب وخش : السلام عليكم
غاليه ابتسمت
امينه وسعاد : وعليكم السلام
منجي قرب صبا احداها : حمدلله ع السلامه
غاليه بحتت فيه : الله يسلمك
سعاد مدتله كرسي : هاك تريح
غاليه مسكت يده : لالا توا يقعمز احدايا ع السرير
منجي قعمز عند كرعيها : شنو تعبانه مازلتي
غاليه سكرت عيونها : شفت الموت بس تاريته التعب كل يهون بعد سمعت صوتها
منجي ضحك : وينها هي
امينه : قالو مزال يجيبوها بعدين ولما جوبوها اترضعها طلعونا مالدار خايفين عليها
منجي فرحان : ورضعت جوها تمام
غاليه هزت راسها بمعنى لالا : انا ماقدرتش انرضعها انتألم بكل
سعاد : لازم اتحملي واترضعيها هو الم في البدايه الحليب متحجر
امينه : مافي كيف حليب الام يفيدها عشان تنتج
منجي : ان شاء الله خير غير اترد صحتها قبل بعدها ساهل
الممرضه دقت ع الباب وخشت ادف في كروسه
بحتت في غاليه وابتسمت : السلام عليكم ؛ شن حاسه روحك توا
غاليه ابتسمت : الحمدلله
الممرضه : هضا غداك ولازم تاكلي كويس عشان بعد شويا نجيبوها لكي تحاولي ترضعيها مره ثانيه
منجي صبا : انا عندي شغل ضروري نطلع انديره وانجي
امينه : اربح ياباتي ربي يفتحها في وجك
غاليه اضايقت : حتى يوم جيبتي شغل ماتبش تشوف البنت باهي
منجي ضحك : المهم شفتك انتي واطمنت عليك ؛ نص ساعه غير عاطي موعد للراجل بس
امينه : خلاص خلي الراجل يشتغل جايته بنت ومصاريفها يبي يزيدن بعدك هو من غادي مش ماسك يده بكل
غاليه برمت وجها ع الجيهة الاخرى وسكتت
سعاد جت احداها تفتحلها في الاكل : هيا سلم بنتي ماشاءالله بحتي الغداء حتى العصير الطبيعي حاطينه كولي هيا
امينه صبت : نمشي للحمام انتوضى بيش انصلي خيرلي
وفتحت الباب وطلعت
غاليه اتأفأف : كل كلمه نبي ندويها انا وراجلي تبي اتنط مش معقوله را
سعاد بصوت واطي : مشيها المهم راجلك كويس معاك تحملي على عيونه بحتي حتى المستشفى الي جيبك فيها كيف شكلها وقريب يفرشلك الارض ورد
و وكلتها : افتحي فمك هيا
غاليه تاكل : بس ياماما انا ماعندش وسعة بال را ونافس واعصابي تاعبه يعني كان رديت ماتهزبيش
سعاد فنصت فيها : لاااا مهما كان ام راجلك وامك امينه هذي خيرها عليك ليوم القيامه ادير مادير تبي اتحملي
امينه فتحت الدار وخشت
سعاد : تعالي كولي ياامينه
امينه تفرش في الصلايه : لالا والله ماعندي نيه خليني انصلي بسرعه خيرلي
________________
3:00 م
غاليه اتعيط : مش قادره حوليها ياماما
سعاد : لازم اترضعي بنتك هيا سلم بنتي
امينه : لا حول ولا قوة الا بالله لازم اتشدي روحك
غاليه تبكي : الم غريب مش قادره انرضعها
البنت تبكي غاليه ماسكتها : بسم الله ؛ ياربي كيف اندير
باب الدار دق
سعاد غطتلها بالانصوله
انفتح الباب وتباوعتهن هناء : اهلااااا ياام العروس
حمدلله ع السلامه
غاليه ابتسمت : الله يسلمك
اميره خشت وراها : اهلين يالولي
وجن ايشوفن ف البنت : ماشاءالله تبارك الرحمن
اميره مدت ايديها : عطيها ليا هاتي
امينه : سمي قبل
اميره خدتها : بسم الله ماشاءالله ياحبيبتي انا
غاليه ابتسمت : دعيتلك ياميرو وانا انجيب ان شاء الله ربي يعطيك ويفرحك
اميره ابتسمت : ان شاء الله يارب
هناء طلعت تليفونها : عري وجها انصورها الكلبه محلااها
امينه : حرام عليك ملائكه تقولي عليها كلبه
هناء ضحكت : خليني انوريها من مرات ولدي نطلع عمه واعره
امينه ضحكت : معناها مش طالعه لأمك
غاليه بحتت في سعاد و ماسكه ضحكتها
امينه : من جابكن
هناء تنهدت : مع خويا الي مشحورنا مالقوايل
امينه : كنه احميده معاكن
اميره هزت راسها : لا مع المنجي
امينه : عليش مشحوركن شن في
دق الباب وانفتح
منجي تباوعها : انخش تمام
امينه : خش مافي حد
منجي خش ماسك باقة ورد و كيس صغير
: السلام عليكم
وبحت في اميره : هذي بنتي
اميره تضحك : اها بنتك
منجي يضحك : دقيقه بس
ومشى لغاليه مدلها الورد وباسها على راسها
يحكيلها بصوت واطي : ربي يخليكي ليا يااحلى ام
غاليه مسكت الورد وابتسمت : ومايحرمني منك يارب
منجي مد الكيس لهناء : هاكي و وروني البنت
اميره عرتله وجها : شوف جمالها
منجي يبحت فيها زين وابتسم : ماشاءالله شنو يابابا
البنت اتحرك في ايديها
منجي : كنها ادير هكي
اميره تضحك : لازم اتحرك راهي بنادم ؛ هاك امسكها انصوروك معاها
منجي : لالالا مانمسكها
غاليه ضحكت : امسكها كنك
منجي ضحك : مافيهاش عظام والله مانقدر
هناء ماسكه الكيس : باهي وهذي الي شحورتنا عليها
منجي ضحك وخداها منها طلع منها علبه وعطاها لغاليه
غاليه فنصت فيه : منجججي معقوله هكي
منجي ابتسم : غار شوفيها قبل
غاليه فتحت العلبه وضحكت
امينه : ورينا شنو
هناء ضحكت : حديدة لير
امينه : ماشاءالله مبروك
سعاد ابتسمت : اتبيديها بالهناء وسلم صريفك الله لا يغيبه
غاليه ماسكه الحديده ومبتسمه
منجي : البسيها به
امينه : تطلعي عندي ياغاليه باهي
غاليه اضايقت بس ابتسمت : لا عادي انا نبي نطلع في حوشي قبل
امينه : انتي جايبه من يبي يعانيك بروحك لالا اطلعي عندي
سعاد اتبحت وساكته
غاليه : حتى ماما قالتلي اطلعي عندي قلتلها خليني في شقتي
منجي ابتسم وبحت في امه : توا نقعد معاها انا وانجيبو وحده مالبنات اتبات معاها
امينه : بنات صغار شن عرفهن كيف يعانن
هناء فنصت فيها : لا يعرفن كانن يعانن معايا في اوسيفه امينه قلبت وجها : باهي براحتك
سعاد : انا لا عندي راجل يبي غداء لا شي توا انبات معاك انا
غاليه بتسمت : الي يبي يبات معايا مرحبتين بيه انا المهم نطلع في حوشي
________________
8:00 م
منجي فتح باب الشقه : خشي ياعمتي
سعاد ماسكه البنت : بسم الله
غاليه ماحوتك ماتمشي : ماما انغيرولها دبشها
سعاد : توا انغيرلها انتي خشي غيري روبك والبسي واحد اخر و تريحي في سريرك ماعليك فيها
غاليه : لازم انتعود انغيرلها لبسيها قدامي
سعاد ضحكت : حاضر توا انوريك ؛ غار انا نبي انصلي ماصليتش انحطها في سريرك
غاليه خشت للدار ماشيا للحمام : اها تعالي ياماما حطيها هنا ع السرير
سعاد خشت حطتها ع السرير : بسم الله
منجي خش للدار بحت في السرير وضحك
فتح الدولاب لبس توته و مشى بشويا قعمز ع السرير احداها
فتح عليها البطانيه
و مسك صوابعها يشوف فيهن : شنو يابابا نوضي سادنا نوم
يحرك في صبعه على خدودها : الحمدلله يارب
غاليه طلعت مالحمام بحتت فيه وضحكت : شن اديرو انت وبنتك من ورايا
منجي ضحك : تعالي شوفي ايديها كيف صغار
غاليه مشت قعمزت احداه اتبحت فيهم ومبتسمه : نحبكم انا انتو اغلى حاجه في حياتي
منجي : ان شاء الله اتعبيلي الحوش كله عيال
غاليه : لالالالا هي بنت وحده تجربة الجياب ماعاد انكررها
منجي ضحك : غير قولي ان شاء الله
غاليه اتغطي فيها : صقع عليها وانت لبستك خفيفه في شهر 1 نحنا را
منجي : حبيبي علقتلك الدفايه هنا
غاليه : ننغم منها مانقدرش
منجي : توا بعد ترقدي انطلعها في الليل ؛ اليوم عمتي بايته عندنا نطلع انجيب عشاء من برا
غاليه هزت راسها بمعنى لالا : الصقع هضا يبي حاجه جاريه مش وكال مطاعم
منجي مسك يدها باسها : مش خاطرك في حاجه حبيبي
غاليه مسكت يده : لا يابيبي ربي يخليك ليا والحديده شن لزمتها والنبي
منجي : انتي جبتيلي احلى بنيه في الدنيا كلها ؛ بعدين كان نقدر انجيلك اكثر راني والله ماقصرت وانتي مش خساره فيك .. وطبس يبوس في البنت
غاليه طبست باساته على شعره : بس حبيبي مره اخرى الحاجه عطيها ليا بروحنا ف الحوش
منجي بحت فيها : عليش كنك
غاليه : مش على حاجه بس هكي مانحبش انوري انا
منجي ابتسم : حاضر المهم ماتسلحيهاش من يدك
غاليه ضحكت : حبيبي منظري بيها تقول ماشيا عرس حرام هذي مش عمليه را
سعاد اتضبح من ورى الباب : غاليه
غاليه مقعمزه ع السرير : خشي ياماما تعالي
سعاد خشت : شنو اجتماع الاب وبنته
منجي يضحك : تشبه امها ياعمتي صاح
سعاد ضحكت : مزال ماتبانش توا
منجي يبحت فيها : نفس العيون
غاليه ضحكت وطبست باستها : تشاينيز زي ماما انتي
سعاد جت قربت مالسرير : هياا صبو انغيرولها
غاليه جت تبي اتصبي مش قادره
منجي : كنك شن تبي
غاليه : شنطتها عشان اتغيرلها ماما
منجي مشى جابها : امتى تاخد اللهايه
سعاد تضحك : كنك مستعجل توا تاخدها عطيها ليا اليوم في الليل جربيها
منجي طلع للمعيشه ايتفرج ع التلفزيون
_____________
2:30 ص
البنت تبكي
غاليه راقده واتأن : اممم ااه
منجي فتح عيونه ومد يده حطها على خدها
يحكيلها بصوت نعسان : غاليه نوضي حبيبي شوفيها
غاليه فتحت عيونها : حرام عليكم نبي نرقد
منجي قعمز ولع الوناسه : هياا حبيبي تحملي شويا اكيد جيعانه البنت
غاليه قعمزت اتأفأف وماحوتك ماقعمزت : مدها ليا
منجي يحك في عيونها : وين انشيلها مانقدرش
غاليه : هي ملفوفه مش هاتحس بيها ارفعها بس
منجي خايف ومد يده بشويا شالها : هاكي بسرعه
غاليه سقمعت قعميزتها وخدتها : بسم الله
وقاعده اتحاول اترضعها : ااااه مش قااادره لالا
منجي : انوضلك عمتي
غاليه هزت راسها بمعنى لالا : خليها راقده تعبت اليوم
منجي بحت فيها : باهي شن اندير
غاليه سكرت عيونها : توا انحاول
وعاضه فمها وعيونها يدمعن : ياربي هياا
البنت تبكي واتعيط
غاليه تعبت : باهي شن اندير انا كانك مش محصله حليب
وحطتها ع السرير : انديرلها رضاعه وانجي خليك احداها
منجي يحطلها في اللهايه في فمها : ياعياطه شنو الهرجه الي دايرتيها هذي ??
وسمع صوت قزاز انكسر
انفجع وصبا يجري لقى غاليه طايحه في المامر فاقده الوعي
وطايحه الطاوله الي في الزاويه و مكسوره الفازه الي كانت فوقها
سعاد ناضت طلعت تجري من دار المعيشه
منجي قعمز على ركبيه يرفع فيها : غاليه ردي عليا حبيبي كنك
سعاد اتحط في يدها على راسها : بسم الله علي بنيتي
منجي شالها رفعها : من الاول حسيتها مش صافيه
سعاد : انشيلوها باهي
منجي مفجوع شالها مشى بيها للصاله : جيبي حاجه لفيها ليا بيها توا انشيلها
سعاد مشت تجري لفتها له بأنصوله : اربح وطمني الله يربحك
قعمزت سعاد في الصاله معش قدرت اتصبي : يارب احفظلي ابنيتي يارب ماتوريني فيها شر
______________
3:30 ص
منجي درس قدام المستشفى وشالها نزل يجري بيها
ويدور في حد وقعدو طول الليل ايدورو في دكتور عشان يكشف عليها
__________
8:00 ص
الدكتور طلع من عند غاليه
منجي مصبي قدام الدار
الدكتور ابتسم : انت زوجها
منجي صبا : ان شاء الله
الدكتور : باهي تفضل معايا شويا معلش
امينه خشت تجري : السلام عليكم
رجب : السلام عليكم شن في
منجي بحت في امه : خشيلها في الدار
الدكتور بحت في رجب : انت باتها
رجب : كيف باتها انا الي مربيها
الدكتور : باهي تفضلو معايا
مشو معاه للمكتب
الدكتور قعمز : تفضلو
منجي على اعصابه : شن في يادكتور يعني دكتورة النساء حولتها قالك ادير كشف وانها مش شور الولاده
الدكتور : غير وسعلي بالك وركز معايا شويا
رجب : غير يادكتور طمنا
________
غاليه راقده
امينه تحكي بالتليفون : اهي راقده احدايا ... لنا نص ساعه واصلين ..... مافي حد قاعده نرجا فيهم عند الدكتور
وانفتح الباب رجب خش
امينه : اهو رجب جا ياسعاد اصبري توا انرن عليك
رجب خش قعمز وساكت
امينه بحتت فيه : كنك شن صار ؟
رجب تنهد : اطلعي شوفي ولدك برا
امينه طلعت بحتت لقت منجي مقعمز في المامر وجرت عيونه باكي
صبت بحتت فيه : شن قالك
منجي عيونه يدمعن ويمسح فيهن
امينه قلبها يدق : كنك ادوي
منجي حط يده على عيونه وانهار : سرطان في في الثدي عمره سنه وبادي في الروايه
امينه انصدمت ومعش قدرت اتصبي مسكت في الساس وسكتت
رجب فتح الباب وطلع : خش للبنت ناضت
منجي بحت في باته : كيف ندويلها يقولي ادويلها الدكتور كيف انقوللها على كارثه زي هذي
امينه تبكي : عليك خباره سوده ع الصبح يالطيف اجعل للبلاء تصريف
رجب تنهد : غير صبي شوفها اقعد معاها ادور فيك
غاليه راقده في السرير واتبحت في الدار
منجي فتح الباب وخش
غاليه : حبيبي شن في
منجي ابتسم وقعمز احداها : مافي شي دختي شويا بس وانا خفت جبتك
غاليه : وين بنتي
منجي : مع عمتي في الحوش
وعيونه يدمعن يبرم في وجه ويسمح في دموعه
غاليه فطنتله واستغربت : حبيبي
منجي بارم وجه : نعم
غاليه : شن في كنك
الدكتور دق ع الباب
منجي يمسح في عيونه : لفي المحرمه على راسك
وبحت في الباب : تفضل
الدكتور خش ابتسم : شن دايره ياغاليه بعد التحاليل
غاليه اتبحت في المنجي : شن في يادكتور
الدكتور كر كرسي قعمز : انا مانبش اندس عليك بس انتي انسانه قويه وعندك بنت قالولي صح
غاليه هزت راسها بمعنى اها
الدكتور : ربي لما يحب عبد يبتليه واذا ابتلاه معناها يختبر في صبره وانتي انسانه مؤمنه ولازم تصبري
غاليه قلبها يدق وساكته
منجي معش تحمل صبا فتح الباب وطلع
بحت في باته : خش اقعد معاها
امينه جت اضبطاته : خلك قوي انت سندها انت الي تنسند عليك
منجي يمسح في عيونه : ان شاء الله خير اللهم لا اعتراض على حكمك
_____________
#بعد_مرور_شهرين ??
7:30 م
غاليه لابسه طاقيه صوف ومتغطيه في السرير
منجي فتح الباب وخش ماسك البنت : خير ياماما
غاليه ابتسمت : ياحبيبة ماما
منجي مدها لها : هاكي
غاليه مسكتها اتبحت فيها و عيونها دمعن
اميره خشت : ياقلبي وحشتيني
غاليه : اهلين ياميرو ان شاء الله ماتعباتك
اميره ابتسمت : وجها خير عليا بنتكم والله
امينه بحتت فيها : ليش كنك
اميره ابتسمت : انا حامل
امينه اضبطتها : ماشااءلله طيب فيك
غاليه بحتت في المنجي : ليش ماجت معاك ماما ؟
منجي : جوها ناس يساولو فيها وهي مش راقده من امس في الليل
غاليه : سجلت البنت امينه زي ماقالت امك ؟
منجي هز راسه بمعنى لالا وقرب منها بصوت واطي : مش معقوله البنت بيبي واسمها امينه ساهل خليه توا نطمن عليك قبل بعدها ساهل توا انسجلها
امينه صبت : انا انروح عندي عرم حاجات نبي انديرهن
منجي : انوصلك
امينه : لالا باتك قاعد لوطه
اميره : انا توا يروحني منجي لما يجيب عمتي سعاد
امينه : هيا مع السلامه
غاليه مسكت راسها وسكرت عيونها : اميره خوديها مني
اميره جت خدت البنت : تعالي ياعمري عند عميمه ??
منجي بحت فيها : شنو كنك
غاليه تنهدت : تعبانه واصله حدي لا متت لا تريحت ليا شهرين انتعذب
منجي مسك ايديها : وراسي انا كان تحبيني معش تحكي هكي ان شاء الله ربي يطول في عمرك والله انا مانسوى حاجه بلاكي
غاليه حطت راسها على كتفه وعيونها دمعن : خايفه بكل
منجي باسها على راسها : من شنو خايفه انا معاك ماتخافي من شي
غاليه بحتت فيه : اتحبني حتى انا هكي بلا شعر وبلا ملامح
منجي تنهد وباسها على جبهتها : انتي بنيتي واول فرحتي مافش احلى منك في عيوني
غاليه بحتت في اميره : خلوها تبات معايا اليوم
منجي استغرب : من بيعانيها وشن خطر عليك اليوم
غاليه تنهدت : هكي نبيها تقعد مرايفه علي رقدتها في حضني
الدكتور دق ع الباب وفتح
منجي صبا سلم عليه : دكتور شنو حالك
الدكتور ابتسم : الله يسلمك ان شاء الله باش مهندس اسمحلي دقيقتين نبيك شويا
منجي طلع معاه برا وسكر الباب
الدكتور : ماقالتلك شي ؟
منجي تنهد : لا والله ؛ عطيني امل يادكتور
الدكتور : الامل في الله
منجي : ونعم بالله
الدكتور : هي النوع الي عندها شرس انتشر بسرعه وهي مش مساعدتنا السرطان تبيله مناعه و مقاومه معنويه والمدام معنوياتها للصفر
منجي تنهد : والله ماعرفت ماندير يادكتور مشلول ومافي يدي شي انديره لها
الدكتور : هي اليوم طلبت مني انك اتبات معاها
منجي استغرب : قسم نساء كيف نبي انبات ؟
الدكتور : حاولت نلقالك ثغره وانخليك بس ماتطلعش برا الدار نهائي يعني حمام وعندك جوا وحاول انك ماتطلعش نهائي
منجي استغرب : ان شاء الله خير تبي حتى البنت معاها اليوم
الدكتور : يمكن الجو الأسري هضا يرفعلها معنوياتها شويا
___________
9:30 م
غاليه اتكلم في التليفون : اهو توا ركبولي تغذيه و منجي قالي جاي في الطريق هو وماما
هناء : انتي لازم تاكلي ضروري زري على روحك
غاليه ماحوتك تدوي : انا الميه انحطها في فمي انرجعها مش قادره بكل
الباب انفتح
سعاد خشت باسها
غاليه : خلاص اهم جو يانونا توا انكلمك بعدين
هناء : خلاص انا نبي نطمن عليك بس توا بكرا انشوفك
منجي خش وماسك البنت : جينا ياماما راهو
غاليه مدت يدها : منجي صبيني نبي انرجع
منجي مد البنت لسعاد و صباها بسرعه شال معاها التغذيه للحمام
غاليه ادف فيه : اطلع برااا
منجي فتح الشيشمه يغلسلها في وجها : اشش خلاص
غاليه ماحوتك ماتنفس : نبي الحمام كلملي ماما اتسلحني
منجي تنهد : اسكتي ولا حرف
وطبس سلحها دبشها
غاليه تبكي واجعتها روحها
منجي عيونه يدمعن وبارم وجه
_____
سعاد ماسكه البنت وتبكي : يارب بنيتي تبرا يارب خود من صحتي وعطيها
منجي فتح الحمام وطالع ماسكها من يدها
غاليه تبكي منهاره
سعاد تمسح في دموعها : ليش تبكي ياماما كنك
غاليه تبكي : قوليله معش يخششني للحمام نعرف انخش بروحي
منجي متضايق وساكت
سعاد : باهي توا معش يخششك غير اسكتي بس
منجي رقدها ع السرير ويغطي فيها : ارقدي هياا تريحي
غاليه رقدت ع الجنب وغطت وجها وتبكي
سعاد بحتت في منجي وماسكه بكيتها
_________
7:00 ص
سعاد ناضت مسكت البنت وجت تبي تطلع
غاليه بصوت واطي : وين ماشيا
سعاد : ماشيا لمبروكة الي احداك في الدار انسهري معاها شويا كملي نومك ارقدي
غاليه تنهدت : مارقدتش اصلا
سعاد : كنك مارقدتش
غاليه بحتت في المنجي راقد ع الكرسي : اششش خلاص عدي را ينوض نومه خفيف
سعاد لفت البنت كويس وطلعت
غاليه فجأة وهي راقده اتبحت في السقف اتشوف في ضبابه سوده قدامها قعدت اتعمش واتضبح : منجي مننننجي
منجي فتح عيونه صبا بسرعه جا احداها : شنو حبيبي كنك
غاليه مدتله ايديها : صقعانه تعال اقعد احدايا
منجي تنهد يحك في عيونه و قلبه يدق قعمز احداها ع السرير واضبطها : حطي راسك هنا وارقدي هياا انا معاك
يبوس فيها على راسها
غاليه سكرت عيونها واتأن من الالم : امممم اممم
منجي يضبط فيها ومتضايق : سلامتك ياغاليتي ياريته فيا ولا فيك
غاليه بصوت واطي : حبيبي
منجي : نعم حبيبي
غاليه : قولي الشعر الي كنت اتقول فيه ليا وانا تاعبه مالحمل
منجي ضحك : حاضر ؛ بس شن خطره عليك
غاليه : هكي بس قولي نبي نسمعه منك
منجي حط يده على يدها من فوق ويحرك فيها
يبي يقول الشعر وعيونه دمعن وخانقته العبره :
غير ويش يوجع فيك ياغاليتي .. قلبي فداك وصحتي وعافيتي ?
غاليه عيونها دمعهن وتنهدت : ااااه يابيبي
منجي : سلامتك من الآه
وسكتو هو يبكي وهي تبكي
غاليه تحكيله وحاطه راسها في صدره
ماتبش اتبحت فيه : حبيبي كان صارتلي حاجه هاتزوج ؟
منجي سكر عيونه بالقوه : ممكن اتبطلي ياغاليه
غاليه خانقتها العبره : مانقدرش انبطل لازم نحكيلك الي في خاطري لان خايفه
منجي يبكي ومسكر فمه خايفه يدير صوت وتحس بيه
غاليه : انا مسامحتك انك تجوز عادي بس مانبيكش اتحب غيري
وقعدت تبكي وتحكي : انا بس بنيتك ؛ انا بس دلوعتك ؛ انا بس البنت الي ادير عليها المستحيل وتقعد تحبها طول عمرك
منجي قعد يبكي واضبطها : وراسك انتي مانحب خاطيك ولا نبي خاطيك انتي حبيبتي وام بنيتي وتوا تبري وتقعدي ام عيالي غير بطلي الكلام الي تحكي فيه
غاليه هزت راسها بمعنى لالا وخانقتها العبره : منجي را يحطوني في تلاجه كان صارتلي حاجه ادفني دغري
منجي يسكر في عيونه بالقوه وقعد يضبط فيها : الله يربحك خلاص
ويمسك في وجها بيده : بحتي فياا بحتي فياا هنا
غاليه فتحت عيونها بحتت فيه وتبكي
منجي يحكيلها بصوت واطي ويبكي : مازال ماكملنا باقي حلمنا ؛ مش وعدتك انسفرك ماليزيا زي ماخاطرك ! مش اتفقنا نبنو استراحه فيها احواض زرع تزرعيهم بيدك ؛ مش وعدتك تقعدي بنيتي العمر كله ؛
ومسك وجها بإيديه الاثنين ويبكي وابتسملها : مش كنت انقولك مافش عندي مراه اتسوق ؛ ابري بس نشريلك احلى سياره تختاريها و انعلمك اتسوقي و ديري كل الي خاطرك فيه
غاليه اتبحت في عيونه وساكته ودموعها ينزلن
منجي كرها واضبطها وقعد يبكي
غاليه اضبطاته بالقوه : حبيبي صقعانه غطيني
منجي يكر في البطانيه وغطاها وقعد متضبطها : ارقدي هياا اهو انا معاك
غاليه سكرت عيونها واضبطاته : ماتسيبنش بروحي
منجي : والله ماني مسيبك لعند اتنوضي
وقعد يحرك في يده على يدها عشان تدفا
ويبكي بلا صوت وماسك عبرته
_____
#بعد_مرور_ساعه ??
غفا منجي وهو يرقد فيها
فطن يده انبلت ناض وبحت في الساعه
وقعد يلمس شنو الي مبلول
وغاليه راقده على صدره رقبتها منفصعه
بحت في يدها لقى التغذيه اتصب برا
صبا بشويا وجا يبي يحطها ع السرير غاليه مرخيه
وقعد يمسك في يدها يدها اطيح و هي متلجه
منجي قلبه يدق ويلمس فيها بشويا على وجها : غاليه حبيبي ردي علياا
غاليه ماتردش ولا اتحرك
منجي حطها ع السرير ومعش قدر ايصبي قعد على ركبيه ع الارض يحرك في وجها : ردي علياا بحتي فياا هياا افتحي عيونك بطلي حركات ماتخوفينش
عيونه تعبن دموع وقعدن دموعه ينزلن لا ارادياً
وحط راسه عليها وقعد يعيط بصوت عاالي
والدنيا كلها لمت .......
_____________
12:30 م
احمد يمسح في دموعه : من ينزل لوطه
رجب : راجلها وخوها
ودف منجي : انزل
منجي يسلح في كندرته و نزل للقبر وهو مستوه
زاهد في الدنيا
حياته انتهت
حارب وجاهد عشانها سنين ومشت في لحظه
في دقايق لقى روحه مصبي في قبرها لوطه ويتلقى فيها من خوها عشان يحطها
حطها و قعمز على ركبيه فتح على وجها شويا
ويحط في يده على عيونها ونزل راسه على راسها ويبكي
(( مش وعدتيني ماتخلينش !!
مش قلتيلي مش هاتخلي حد ياخدني منك !!
مش وعدتيني تاخديني معاك وين ماتمشي !!
كنتي تقوليلي اني كل دنيتك ؟
ودنيتك فانيه ياغاليتي مشيتي وخليتيني بروحي
لمن سيبتيني !!
من ليا بعدك ؟؟
من يبي يغطيني لما انصقع ؟
من يسألني كنك متضايق ؟
من الي عارف انا شن ناكل وانا شن نشرب ؟؟
من الي يقول لا ماحد ينوضه نومه خفيف ؟؟
من يطفيلي الضي وانا راقد ؟؟
ومن الي تخليني راقد في الصبح ويفوتني العمل عشان ماتبينش نطلع في الصقع ؟؟
ااااه يااغاليه غيبتك موعرها
ااااه كسرتي ظهري
اللهم لا اعتراض بس انا حياتي ادمرت انا انتهيت
انا جسد بلا روح بلاك
خديتي روحي معاك ومشيتي وسيبتيلي قطعه صغيره منك مش عارفه كيف نبي انربيها بروحي وكيف تكبر بلا ام
لما تسألني وين ماما شن انقوللها !!
كيف انشيل مسؤوليتها بروحي بلاك !!
مش اتفقنا انكبروها مع بعضنا !!
وفي نص الطريق مشيتي وسيبتيني
مازلت نبيك وراس عيونك مازلت نبيك ياغاليتي ?? ))
انس صباه من يده : صبي يامنجي وحد الله ياراجل
و صباه طلعه مالقبر منجي مقعمز على ركبيه ومنهار
وهما يدفنو فيها ويغطو فيها بالتراب قدام عيونه ....
دفنها ودفن معاه حب سنين
كله عدا في لحظه
_______
#بعد_ثلاث_ايام
منجي خش لحوشهم من باب المطبخ
هناء : تبي حاجه
منجي عيونه منفخات : نبي انغير دبشي فضيلي الطريق
امينه جت ماسكه البنت : تعال شوف امينه تبيك
منجي عيونه دمعن وخدا البنت من امه
قعمز بيها ع العتبه ابتاع الباب ويبحت فيها : غاليه
امينه بحتت فيه : نعم
البنت اتبحت فيها وتاكل في ايديها
منجي دموعه نزلن : اسمها غاليه ?
(( يا فرحتن ما تمت ... يوم فرحنا نا والعزيز اشٌمت .... الموت والعدو ... ??
يافرحتن ردناها ..
واتعبنا نصيب أيام في مسداها ..
وبنينا آمال أفراح في مرباها ..
وأحلام عشاق العلا بالجيات أسمت ..
واتيين كلتنا على مسعاها ...
فرحت العمر اللي اسنيني تمت ..
وكلتنا على روحه إيريد دناها ...
فرحة العمر اللي عليها لمت
ومو حاسبا شي وقتا يثناها ...
ينهيها وهي مسه عزيزاً ضمت ..
ملكاً ملاك الموت في ممشاها ..
وارحلت الي وردة ربيعي أسمت ??
يوم أفراحي ..
أنريد نعلنه برين جميع أجراحي ..
ونقول للي ناوين كساحي ...
هناني الله بدعوة وليا تمت ..
حلالي ونا بيها نويت ارباحي ...
انكمل العمر ونقهر المتشمت ..
طالب الله اللي عليه إلحاحي ...
يلهمني الصبر ملي علي التمت ..
ياالله ندعولك ... ??
امفيت انت ما لنا فزع نرمولك ..
احمولنا عليك ياالله ورسولك ..
هوّن علينا احمولنا اللى جمت ..
اثقال غير طامعين في ميمولك ..
بساعت الفرج فيدك علينا غمت ..
انت بقدرتك تقدر اتزيح احمولك ...
وماهي صعيبه ياالله وان جمت ..
ياالله اكرمها .. ??
بجنة فسيحة ومن النار اعصمها ..
برحمتك طلبتك ياالله اشملها ..
عليها وعلينا يالله راها تمت ..
نزيلة اقبور وانت اللى عالمها ...
اشملها برحمة ياكريم اسمت ??
او نختم كلامي بالصلاة و انسلم ..
علي شفيع امته يوم النفوس إلتمت ??
ويافرحتن ما تمت ...... ?? ))
___________________________
#النهاية ??
اسف جدا جدا جدا كان بكيت حد ولا زعلت حد بالنهاية الحزينه
ونطلب من الجميع ان يدعيلها بالرحمه والغفران
ويقرالها الفاتحه ??
كانت من خيرة الناس الي عرفتها
وانا نكتب في الحلقه وطولت لاني نكتب سطر ونلقى روحي نبكي نذكر في ايام العزاء وهو كيف كان داير وكيف بكّا الشارع كله معاه ??
(( غير ويش يوجع فيك ياغاليتي ? قلبي فداك وصحتي وعافيتي ))
